للبنات فقط

[المستشار2]

[frame="2 80"]لو مثلا انتي كنتي زهجانه ونايمه الظهر ويوم صحيتي لقيتي اهلك صاحين وقاعدين يتغدوو قمتي قعتى معاهم وانتي واصلة معاك وانتبهتى انو امك تعاين ليك وتضحك وانتي كل شوي تعدلي بشكلك تحسي فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على شنو (زهجانه وقرفانه )
امك : اليوم كلمتني حرمه دائراك
طبعا راح تتغير ملامح وجهك ويروح الزهج ويبقى وجهك مايحتاج بشوش بس بتخجلى من امك وبتخلى وشك خجول
انتي : دائره شنو حرم (انواع الاستهبال)
امك :دائراك تكنسي حوشهم يعنى دائره شنو
انتي : يعني دائره تخطبني (بريئة مرة )
امك : ايوه واحد من اسره معروفه ومدين واخلاق ومايحتاج وابوك موافق عليه قلتي شنو
انتي : ما دائره اعرس (عامله فيها قوية وماهمك)
امك : طيب برسله لبنت خالك (راس الصوت وصلك)
انتي : ياحليلك يمه الواحده ما تعرف تهزر معاك على طول تصدقي
المهم بعد يومين دقت ام العريس
ام العريس : الووووو (متحمسة) وولدها جنبها
امك : الوووووو
ام العريس : كيف حالكم
امك : طيبين
شكلي بطولها المهم بوصلكم للفائده
ام العريس : قلتو شنو ااااااا
امك : موافقين
ام العريس : يعنى نجى يوم الخميس بيجي ولدنا يشوووف بنتكم
امك : اوكي ( عادي امك متطورة )
المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب
والسؤال المهم :
0
0
0
0
0
0
0
0
0
0
من يوم الاثنين الى الخميس اوصفي مشاعرك ؟ يالله ؟؟؟
يلا يا بنات المنتدى شنو ردكم ؟!
ردوا بليييييييييييز بنات ..
شنو رايكم ....ياخواتي وبنات انا سودانى.... ونشوف الردود[/frame]

[ريناد]

اول حاجه يسلمو على الموضوع وبصراحه حأكون قاعده على ناار ومتوترة وانا عن نفسي دايما بقول لي صحباتي انو انا لمى يجيني عريس ويتقدم لي ماحأقدم ليهم العصير لانو حكون مرتبكه واقوم ارمي الصينيه فيهو
هههههههه يسلمو وتقبل مروري

[هاميس النوبه]

بالجد موضوع رائع
واسلوب اكثر من رائع
انا بصراحه هكون قلقانه جدا ومتوتره وخايفه وايضا هكون مبسوطه وفرحانه
مشكور على البوست الروعه
يا رائع

[ALSAMRA]

اولا بشكرك على الطرح الرائع..
وتاني شي .. والله تلقاني مبسوطة وزعلانة ومرتبكة وسرحانة وخجلانة وتلقاني اعد من يوم الاتنين للخميس ثانية ثانية..
لكن فرصة امشي السوق واجيب الدايراهو لازمني ولا ما لازمني.. بيعذري عروسة خخخخخخخخ

[بوجــا]

[هههههههه مشكوووور والله اسلوب اكتر من روعة انا طبعا من الاثنين للخميس القعده تغلبني افكر اول حاجه اها اللبس كيف والمقابله حتكون كيف غايتو حاله قلق دائم لمن اشوفو واتطمن

[سحر محمد]

بالجد موضوع رائع لك اخي المستشار

بالجد عن نفسي اولا اصلي صلاة استخاره على الانسان ده

وطبعا سوف اكون فى اجمل صورة

احساسي بى هذا اليوم يكون اجمل احساس
مشكور على البوست الجميل
يا اكثر من رائع

تحياتى لك اخي المستشار

[المستشار2]

اول حاجه يسلمو على الموضوع وبصراحه حأكون قاعده على ناار ومتوترة وانا عن نفسي دايما بقول لي صحباتي انو انا لمى يجيني عريس ويتقدم لي ماحأقدم ليهم العصير لانو حكون مرتبكه واقوم ارمي الصينيه فيهو
هههههههه يسلمو وتقبل مروري

تسلمى وربنا يديك ابن الحلال اليسعدك يارب يديك العافيه

[المستشار2]

بالجد موضوع رائع
واسلوب اكثر من رائع
بصراحه هكون قلقانه جدا ومتوتره وخايفه وايضا هكون مبسوطه وفرحانه
مشكور على البوست الروعه
يا رائع

يديك العافيه ويسعد ايامك مشكوره على المرور

[المستشار2]

اولا بشكرك على الطرح الرائع..
وتاني شي .. والله تلقاني مبسوطة وزعلانة ومرتبكة وسرحانة وخجلانة وتلقاني اعد من يوم الاتنين للخميس ثانية ثانية..
لكن فرصة امشي السوق واجيب الدايراهو لازمني ولا ما لازمني.. بيعذري عروسة خخخخخخخخ

انشاءالله مبسوطه دئما وربنا يحقق امانيك ورمضان الجاى تكونى فى بيت عدلك مشكوره على المرور

[المستشار2]

[هههههههه مشكوووور والله اسلوب اكتر من روعة انا طبعا من الاثنين للخميس القعده تغلبني افكر اول حاجه اها اللبس كيف والمقابله حتكون كيف غايتو حاله قلق دائم لمن اشوفو واتطمن

رائعه انتى ورائع مرورك ربنا يديك العافيه

[المستشار2]

بالجد موضوع رائع لك اخي المستشار

بالجد عن نفسي اولا اصلي صلاة استخاره على الانسان ده

وطبعا سوف اكون فى اجمل صورة

احساسي بى هذا اليوم يكون اجمل احساس
مشكور على البوست الجميل
يا اكثر رائع

تحياتى لك اخي المستشار

دوبو البوست نور وينك اختى سحر طولانا ما شوفنا مرورك الرائع كل عام وانتى بالف خير وربنا يسعدك ويحقق امانيك مشكوره على المرور