لأول مرة على مستوى المنتديات انفراد على أنا سودانى المسلسل الأول قصة حب على أنا سودانى حصرياً, اول مسلسل نت على الأطلاق

[موساسا]

[align=center]السلام عليكــم ورحمـة الله وبركاتــة ،،

والله ياشباب انا جتلى فكرة هى ممكن تكون مجنونة شوية ان نعمل مسلسل نت

والبطولة اللى يكتب القصة يعنى هو بطل المستمعين

والكل هيتابع الأحداث ويكتسب معرفة وثقافة عشان كده حبيت اعمل الفكرة ديه لأنا سودانى

وهو انى هقول مسلسل من تلاتين حلقة وكل 12 ساعة هتجى الحلقة اللى بعدها

وكده فى ممكن ناس تحب القراية شوية ويكونوه متحمسين لأحداث القصة والشخصيات

عشان كده حبيت اعمل الفكرة ديه هبدأ بنفسى

انا هبدأ مسلسل من تلاتين حلقة

كل 12 ساعة زى مقولت هحط الحلقة التانية

ومسلسلى الأول هكتب عن قصة من واقع حياتنا واللى هنواجها

انا بحب اسم عمر وبحب اسم سارة وهما دول ابطال المسلسل

وسارة هتكون البطولة الأولى اوكى

المسلسل اسمه يوميات سنة اولى زواج "عمر وسارة "

@@@@@@@@@@@@@

الحلقة الاولى (يوم الزفاف)







أخيرا أصبحت فى شقتى – عشى الصغير احساس جميل ان يكون للبنت بيت خاص اختارت فيه كل ركن وكل جزء على ذوقها الخاص تفعل فيه ما تريد وتشعر بالفعل انها ملكة متوجة – اخيرا انتهت الترتيبات والمشاوير والسهر والخناقات من اجل فرش هذا العش الرائع الصغير – اخيرا انتهى ضجيج الفرح وتفحص المعازيم فى كأنى هابطة من المريخ وكل واحدة من عواجيز الفرح تمصمص شفايفها وتقول ( مش كانت بنتى احسن ؟ ) – تعبت جدا من حمل الفستان الثقيل والحذاء الضيق – سبحان الله هو كل احذية العرايس بتكون ضيقة ليه ؟ واخيرا اخيرا ح اكون لوحدى – ايه ده صوت عمر بيقول ( مدام عمر اجمع عندى بالخطوة السريعة ) !!! مدام ؟ انا يا بيه ؟؟

- ايه يا ستى سرحانة فى ايه ده كله ؟؟؟ هو علشان مفيش حد فى جمالك النهاردة يبقى خلاص ؟ لا يا هانم انا لما انده عليكى تيجى قبل ما انده مفهوم ؟ وبعدين فين القطة علشان ادبحهالك ؟
-انت عاوز تاكل قطط النهاردة ولا ايه ؟ لو دبحتها ح اطبخهالك فورا !!!
- تطبخيها ؟!! بنات اخر زمن يعنى مش خايفة منى ؟
- لا مش خايفة فرحانة جدا وانت ؟
- انا أسعد انسان فى الدنيا .... اول مرة بنتكلم انا وانتى من غير الف محرم وعزول فى بيتنا الجميل بجد البيت رائع ذوقك طلع يجنن يا سارة لما كل حاجة اتفرشت واجمل ما فيه ان حبيبتى فيه – لا لا مفيش كسوف خالص خلصنا الحدوتة دى – شوفى انا باقول علشان ربنا يكرمنا فى حياتنا نصلى انا وانتى ركعتين نبدأفيهم حياتنا علشان ربنا يبارك لنا كل خطوة ماشى ؟
- ماشى يا حبييبى ........
- حبيبى؟!! لا يا ستى قومى غيرى هدومك واتوضى احسن كده مش مصليين خالص !!
قمت ودخلت حجرة النوم ولا أدرى عندما دخلتها لماذا ارتجفت ؟؟ الله يسامح كل البنات اللى رعبونا لما اتجوزوا ليه يعنى هى حرب ؟ انا مش ح افكر فى حاجة علشان ما اديهاش عياط من اولها ...

يا خبر ايه كل الجيبونات اللى فى الفستان دى انا كنت شايلة حديد زى المصارعين مش فستان ... لازم يعذبوا البنات فى كل شىء والله حرام الغلب ده ... غيرت الفستان باعجوبة وارتديت عباءة جميلة مطرزة ولم أجرؤ ان ارتدى الطقم الذى اوصتنى أمى ان أرتديه... العالم دى بتهرج أكيد !!!

وتوضئت فى حمام غرفة النوم وأزلت ماكياج الفرح وأسدلت شعرى ليراه عمر لأول مرة وخرجت له لأجده غير البدلة وارتدى البيجاما التى أوصانى العالم كله ان أهديها له وكأن الجوازة ستفشل لو لم تهدى العروس عريسها بيجاما يوم الزفاف وسيكتب الخبر فى الصفحة الاولى وجدته ينظر لى نظرة كلها اعجاب وحب واستقبلنى مهللا ( انا عرفت دلوقت ليه الحجاب فرض لو كنتى بتخرجى بشعرك الجميل ده كانت حصلت مظاهرة .. يالا يا ستى نصلى أحسن كده مش ح ينفع خالص !! )

وصليت وراء زوجى لأول مرة واحسست احساس رائع ان زوجى الامام وان الله شاهد علينا ونحن نبتهل بين يديه ان يرزقنا السعادة والتوفيق ودعا عمر دعاء طويل وأمنت عليه وانا أدعو من قلبى ان يحقق الله كل كلمة فيه وان يكون زوجى الحبيب حبيبا طوال العمر والا يفرقنا الا الموت والا يدخل الشيطان بيننا ابدا ..

وانهينا الصلاة وجلسنا واحتضن عمر يدى فى يده لأول مرة فارتجفت وظهر على ارتباكى وصاحبنى خوفى واسترجعت كل الحكايات المفزعة التى سمعتها من أغلب البنات وواضح ان خوفى كان ظاهر على وكأن عمرقرأ أفكارى فوجدته يحنو على ويقول :
ايه يا سارة الرعب ده كله .. ايه يا حبيبتى هى حرب؟ ما تخافيش من اى حاجة خالص وسيبك من الاوهام دى وحواديت البنات الفارغة ... لو كانت الارتباط مفزع كده ما كانش الاسلام سمى الليلة دى ليلة البناء - يعنى الزوجين بيبنوا حياتهم فى الليلة دى- وكان سماها ليلة الحرب العالمية مش كده ويا ستى علشان تطمنى انا عاوز اتكلم معاكى واستمتع ان انا وانتى لوحدنا لأول مرة وبعدين كل حاجة تيجى على مهلها ماشى يا قمر ؟

أحسست بجبل أزيح من فوق صدرى وشكرت تفهم عمر ورقته المتناهية وتحدثنا طويلا طويلا كأن طوال عمرى لم أتحدث وكان أعذب حديث شعرت به فى حياتى أتكلم مع زوجى حبيبى وفتحت له قلبى وسقط حاجز الخجل منى وفتحت قلبى وأخرجت كنز المشاعر التى كنت أخبؤها من يوم ان تشكلت أنثى الى اليوم وأعطيتها الى الرجل الذى ارتبطت به ووقتها عرفت عظمة الاسلام فى تحريم العلاقات المحرمة والصحوبية والا كيف تشعر الفتاة بهذا الشلال من المشاعر الفياضة البكر لو كانت ألقت مشاعرها لهذا وذاك ووصلت الى زوجها وهى مليئة بمرارات التجارب الفاشلة ؟؟؟ ... وشيئا فشيئا سقطت الرهبة و الحواجز بيننا وتحدثت القلوب والعيون و....................... سكتت شهرزاد عن الكلام المباح.................

انتظروه الحلقة الثانية بعد 12 ساعة

الكاتب

إسلام المصرى[/align][/color]

[مسايا]

القصة حلوة طبعا مبالغة ... بس أنا ما فاهمة لانو الموضوع دا انا قريتو قبل كدا وكان واحد تاني كاتبو .. منو الكاتبو بالظبط

[موساسا]

[align=center]لا ثوانى فى إختلاف هيحصل ديه بداية قصة إحتمال يكون فى تشابه فى البداية بس أنا

هسلط أضواء سرد الأحداث على مواقف معينة فى الأحداث وعلى فكرة القصة ديه

مش انا اللى كاتبها لوحدى كتبتها معايا اللى بحبها وجت الفكرة ان أحنا حبنا نرسم ونعيش المستقبل

هيوكن شكله أزاى وبالفعل هى مبتخلاش منها الكشكول لسرد المواقف اللى احنا نتكلم عنها

وأنا بالفعل عامل سرد لشخصية عمر اللى هو تتلخص فى الشخصية اللى بتكلم عنها

وهى فيها كتير اوى من شخصيتنا سواء أنا اوهى والقصة اول مرة كتبتها كانت فى منتدى

للفنان محمد حماقى بتاريخ 25/ 2/ 2006 والقصة محفوظة باسمنا فى الشهر العقارى المصرى

برقم 245/27 واظن كده أنا تمام وياريت لو حد شاف الموضوع ده يقولى وفين

لو سمحت عشان أحنا تعبنا فيه ولو عايزين لينكات المنتديات التانية لتثبيت كلامى

اوكى بس انا مش عايز احط لينكات فى أنا سودانى حفاظاً على حقوق الملكية للمنتدى

ولكى جزيل الشكر أختى مسايا على التوضيح وياريت تفيدينى فى المعلومة ديه

تقبلى تحياتى[/align]

[waya]

الأخ ,, موساسا

جميل أن يجد الأنسان في نفسه الخيال ليرسم لوحة لحياته المستقبلية ,,

وجميل منك هذه الفكرة ,, ومشكور كتير لخصنا بها هنا في هذا المنتدى ,,

تشكراتي .. وخليك مواصل ,,

ونحن في المتابعة ..