منتدى أنا سوداني

ونواصل وواصلوا معي



الاشيتر عكس عقارب الساعه الناس فى اتجاه وهو فى اتجاه تاني
قالو ليهوا ياالاشيتر ماشي معانا الحفله قال المات منو

عارفكم مابتعرفوا كلكم مغتربين بس عاوز اعرف

الاشيتر كتب:عارفكم مابتعرفوا كلكم مغتربين بس عاوز اعرف

العكاز
السفروق
الضبعه
الكوكاب
القنايه
البسطونه
الشعنقويه

عجوز حلوة كتب:

العكــــاز: بتاع العجوز الما زيي بيمشوا بيه وبضربوا بيه امكن!!!
اما الباقي الله اعلم امكن البعدي بيعرفها وتسلم على البوست

مشكوره على المرور وانا بكلمك عن الباقي وإن تابعتي هذا البوست سوف تعرفين الكثير من لهجة بلدنا .


الاشيتر عكس عقارب الساعه الناس في وادي وهو فى وادي تاني
قال ما هو العكاز جاوبتوا العجوز الحلوه

[QUOTE=الاشيتر;197387]عارفكم مابتعرفوا كلكم مغتربين بس عاوز اعرف [/QUOTE] : هي عصاء خفيفه في مقدمتها مثل حرف الواي يستعملها العجائز للاستناد عليها وتساعدهم فى المشي



تاني :-
الطايوق :
التمله :
اللدايات :
بني كربوا :
الكجيك :
اُم بُقبق :
التمليكه :
الموليته :

الاشيتر كتب:عارفكم مابتعرفوا كلكم مغتربين بس عاوز اعرف

العكاز
السفروق
الضبعه
الكوكاب
القنايه
البسطونه
الشعنقويه

الاشيتر ( الكوكاب و الشعنقوية ) ديل جائبن من وين ؟

بت أزهري كتب:

ياااااااااااي
عجوز حلوة احكي لي
شو هيدا

كلامك حكم يابت ازهري

اشكر الجميع على المرور الراقي الحلو منكم جد مروركم يسعد ويبهج ويفرح وما القصد إلاّ ان الاغتراب انسانا الكثير عن الُتراث ولهجة بلدنا اريد ان نتبادل فيه مايفيدنا ولكم التحيه جميعاً .
الطايوق : هو مخ الخروف او الابقار او النخاع الشوكي لهم يستعمل في صاج العواسه بيسهل عملية استخراج الكسره من الصاج .
التمله : قطعه من قماش قطنى صغير اقل من ربع متر بيستعملوها فى مسح الطايوق على الصاج .
اللدايات : اللدايه هي مصنوعة من الطين وتحمل الصاج او تهويه من الارض .
بني كربوا : نوع من انواع العصيده مويه حاره + زائد دقيق وحبة ملح دائماً بياكلوهوا ناس المشاريع .
الكجيك : هو السمك الناشف .
اُم بُقبق : هي بامية الخلاء باميه بتقوم لي حالها كده فى الخلاء ولايوقه لياقه بس طاعمه
التمليكه : هي نوع من انواع النباتات يطبخوهوا بالفول المسحون وبها حبة حماض كده
الموليته : نفس التمليكه بس الاولي نبته رمليه والثانيه طيبنيه .


العنقريب :
البنبر :
السحاره :
الجُراب :
المُخلايه :
الخُرتويه :
السٍعن :
القربه :
القُراف :
الخُرج :

بت أزهري كتب:

الكاويق : اوراق المنقة او اللوبي او الجوافة لمن تكون ناشفة
التقند tagnad وهي تعني حافة الحوض ، أو المرتفع الترابي الذي يحد حوض الزرع = وهي في الاصل تسمية نوبية

صح ؟؟

طيب بتعرفوا ( السحارة , المعراكة , الحُق , التبار )

ابازركو كتب:طيب بتعرفوا ( السحارة , المعراكة , الحُق , التبار )

العنقريب : هو شكل السرير بس نجاره يدويه يُجلد بالحبال (للنوم )
البنبر : هو شبه مقعد صغير للجلوس عليه
السحاره : صندوق خشبي لحفظ الامتعه (دولاب زمان )
الجُراب : هو مصنوع من الجلد غالباً وعباره عن شنطة سفر
المُخلايه : لافرق بينها وبي الجراب غير انها مربعه
الخُرتويه : هي مصنوعه من القماش ( نقول عليها كيس )
السٍعن : مصنوع من الجل وضعوا فيه الماء للتبريد وبرضوا بيعملوا بيهوا الروب
القربه : نفس السعن بس اكبر
القُراف : القُراف بضم القاف وهي الجراب الكبير او المخلايه ودائماً بيستعملوها ناس الابل
الخُرج : مصنوع من الجلد وبختوهو في ضهر المحار لحمل الماء الى المنازل .

البرش :
النُطع :
التبروقه :
الفروه :