بعد السلام رايكم شنو نعمل قاموس للحاجات السودانيه وكل واحد يدخل هنا يكتب الحاجه بالسوداني ويشرحها لينا عشان لما نمشي السودان على الاقل نكون عارفين الحاجات ديييل ابداء ليكم انا ولو فى واحد لم يعرف حاجه وسمع بيها يكتب لينا هنا ونوريها ليهو ونتعاون شباب .
1- المحُراكه : دي حجر جبلي دائماً يطحنوا بيها الدقيق وبيدرشوا بيها اللوبه يعني نقول طاحونه يدويه 2- الكُنش : بضم الكاف وهو نوع من انواع المفاريك الكُبار
3- الصيجان انواع :
أ/ صاج العواسه
ب/ صاج اللحمه
4- التُكل : بضم التاء هو المطبخ
ونواصل وواصلوا معي
الاشيتر عكس عقارب الساعه الناس فى اتجاه وهو فى اتجاه تاني
قالو ليهوا ياالاشيتر ماشي معانا الحفله قال المات منو
العكاز
السفروق : هو اداة مصنوعه من الشجر محنية تتسعمل للاصطياد (بتاعت ماوكلي )
الضبعه : نفس السفروق بس حجم اكبر الكوكاب : نوع من انواع السلاح الابيض في شكل حربه مُشرشه من الامام
القنايه : هي نبات فى شكل عمود رقيق طويله يستعمل فى بناء البيوت البسطونه : نوع من انواع الخيزران او القناء يحملها اهل السودان مثل العصاء الشعنقويه
[/QUOTE] : هي عصاء خفيفه في مقدمتها مثل حرف الواي يستعملها العجائز للاستناد عليها وتساعدهم فى المشي
اشكر الجميع على المرور الراقي الحلو منكم جد مروركم يسعد ويبهج ويفرح وما القصد إلاّ ان الاغتراب انسانا الكثير عن الُتراث ولهجة بلدنا اريد ان نتبادل فيه مايفيدنا ولكم التحيه جميعاً . الطايوق : هو مخ الخروف او الابقار او النخاع الشوكي لهم يستعمل في صاج العواسه بيسهل عملية استخراج الكسره من الصاج . التمله : قطعه من قماش قطنى صغير اقل من ربع متر بيستعملوها فى مسح الطايوق على الصاج .
اللدايات : اللدايه هي مصنوعة من الطين وتحمل الصاج او تهويه من الارض . بني كربوا : نوع من انواع العصيده مويه حاره + زائد دقيق وحبة ملح دائماً بياكلوهوا ناس المشاريع . الكجيك : هو السمك الناشف . اُم بُقبق : هي بامية الخلاء باميه بتقوم لي حالها كده فى الخلاء ولايوقه لياقه بس طاعمه التمليكه : هي نوع من انواع النباتات يطبخوهوا بالفول المسحون وبها حبة حماض كده الموليته : نفس التمليكه بس الاولي نبته رمليه والثانيه طيبنيه .
الكاويق : اوراق المنقة او اللوبي او الجوافة لمن تكون ناشفة
التقند tagnad وهي تعني حافة الحوض ، أو المرتفع الترابي الذي يحد حوض الزرع = وهي في الاصل تسمية نوبية
الكاويق : اوراق المنقة او اللوبي او الجوافة لمن تكون ناشفة
التقند tagnad وهي تعني حافة الحوض ، أو المرتفع الترابي الذي يحد حوض الزرع = وهي في الاصل تسمية نوبية
العنقريب : هو شكل السرير بس نجاره يدويه يُجلد بالحبال (للنوم ) البنبر : هو شبه مقعد صغير للجلوس عليه
السحاره : صندوق خشبي لحفظ الامتعه (دولاب زمان ) الجُراب : هو مصنوع من الجلد غالباً وعباره عن شنطة سفر المُخلايه : لافرق بينها وبي الجراب غير انها مربعه الخُرتويه : هي مصنوعه من القماش ( نقول عليها كيس ) السٍعن : مصنوع من الجل وضعوا فيه الماء للتبريد وبرضوا بيعملوا بيهوا الروب القربه : نفس السعن بس اكبر القُراف : القُراف بضم القاف وهي الجراب الكبير او المخلايه ودائماً بيستعملوها ناس الابل الخُرج : مصنوع من الجلد وبختوهو في ضهر المحار لحمل الماء الى المنازل .
وهذه ايضاً مجموعه اخذتها من بعض المواقع المهتمه بالتراث السوداني الاصيل
التُكُل : غرفة صغيرة تستخدم لعواسة الكسره فقط الدوكه : إناء من الفخار يستخدم لعواسة الكسرة والآبرى والحلو مر المشلعيب : عبارة عن سبت مصنوع من سعف النخيل يستخدم لحفظ الطعام والحليب يعلق فى سقف الحجرة (المِرِق) المِرِق : عباره عن جذع شجرة يوضع فى اعلى جداري الغرفة المبنية من الطين (زى الكمرة الحديد) لتحميل سقف الغرفة عليه . الشِعْبه : عود كبير من حطب الشجر يغرس فى وسط الغرفة العادة مبنية من الطين لإسناد المرق عليه لحمايته من السقوط غُلُّوتيه : يعنى فزورة العنكوليب : نوع رقيق من القصب حلو المذاق شبيه بقصب السكر التكية : وهي مثل الديوان يعد فية الاكل للضيوف مجانا علي نفقة شخص محسن قيزان : جمع حلة كبيرة والمفرد قوز = قدر كبير يستخدم في تحضير الطعام فى المناسبات . اللداية : 4 او 3 حجارة كبيرة يوضع بينها الفحم على الارض لتوضع عليها الحلة للطبيخ المتاوقة : اختلاس النظر . الهمبريب : الهواء العليل المنعش
فعلاً قاموس السوداني ويحتاج الناس تعرف كلام البلد خاصة مواليد بره المسألة بتفيدهم افاده جيده .
موضوع تمام وفي محلو
العصايات انواع في السودان واسماء
العُُكاز : العصايه َالشعنقُويهَ : من الامام عامله زي السبع - تستعمل دائماً للعجائز تساعدهم في المشي - العكاز المضبب : يتم تجليده بي ضنب البقر ويكسبه قوه وكان يستعمل في الحرووب ومازال . السفروق : يعني نقول عند ماوكلي . الضَبَعه : نفس السفروق بس حجم اكبر .
والى ان نلقاكم
مشكور استاذنا على هذا القاموس للدارجه السودانيه بالجد بوست يحتاج المتابعه
امكن!!!
