[align=center]
قصيدة للوطـــــــن
لما النيل يغازل الخضرة
لما الشمس تهدى شعاع السمرة
لما نور القمره يكون معكوس في الرملة
تأكد أنت هناك في بلادي
####
ولمن تلقي عيون ملينات طيبة
وتلقي قلوب مروية محنة حاجة غريبة
وتلقي كل الفرحة رياضه قريبة
تأكد أنت هناك في بلادي
####
يوم ما تسمع كيف يا خال وكيف يا عمة
وتسمع أتفضل بإلحاح تعال إنجمة
ولمن تلقي في حزنك فرحك ناس متلمة
تأكد دي أصول في بلادي
####
ولمن تلقي شفاه رغم ظروفه دوام مبتسمة
وتلقى بنات حلوات ماشيات في حشمة
وتلقي لحافك بره بيستنشق رحيق النسمة
تأكد أنت هناك في بلادي
####
ولمن تلقي حاجة كبيره بتسأل فيك كيف
أصبحت كيف أمسيت
وتلقها بتسقى حنانه فيك من تبيت
تأكد أنُ دي الحبوبه مالحبوبه نواره في كل بيت
هناك في بلادي
ولمن تلقي شيوخ رافعه كفوف بتسأل الله بإخلاص
ونار تقابه شان من نار تكون هي خلاص
مساجد حية داك الشيخ وديل أطفال برتلوا سورة الإخلاص
تأكد حلاوة الدين هناك في بلادي
####
لما تشوف ورود هيمانه أعرف أنُ زاره فراش
ولما تشوف جروف بتميل أعرف أنُ غشاها دعاش
ولما تشوف جبال التاكا وأقفه حزينة أعرف أنُ فاض القاش
وتأكد أنك هناك في بلادي
####
آهـ يا نيل يا ليل يا هادي
آهـ من شوقى الفاض لبلادي
بكتب ليك يا وطنى يا غالي
بكتب ليك لو دمى مدادي
####
قصيدة للوطـــــــن
لما النيل يغازل الخضرة
لما الشمس تهدى شعاع السمرة
لما نور القمره يكون معكوس في الرملة
تأكد أنت هناك في بلادي
####
ولمن تلقي عيون ملينات طيبة
وتلقي قلوب مروية محنة حاجة غريبة
وتلقي كل الفرحة رياضه قريبة
تأكد أنت هناك في بلادي
####
يوم ما تسمع كيف يا خال وكيف يا عمة
وتسمع أتفضل بإلحاح تعال إنجمة
ولمن تلقي في حزنك فرحك ناس متلمة
تأكد دي أصول في بلادي
####
ولمن تلقي شفاه رغم ظروفه دوام مبتسمة
وتلقى بنات حلوات ماشيات في حشمة
وتلقي لحافك بره بيستنشق رحيق النسمة
تأكد أنت هناك في بلادي
####
ولمن تلقي حاجة كبيره بتسأل فيك كيف
أصبحت كيف أمسيت
وتلقها بتسقى حنانه فيك من تبيت
تأكد أنُ دي الحبوبه مالحبوبه نواره في كل بيت
هناك في بلادي
ولمن تلقي شيوخ رافعه كفوف بتسأل الله بإخلاص
ونار تقابه شان من نار تكون هي خلاص
مساجد حية داك الشيخ وديل أطفال برتلوا سورة الإخلاص
تأكد حلاوة الدين هناك في بلادي
####
لما تشوف ورود هيمانه أعرف أنُ زاره فراش
ولما تشوف جروف بتميل أعرف أنُ غشاها دعاش
ولما تشوف جبال التاكا وأقفه حزينة أعرف أنُ فاض القاش
وتأكد أنك هناك في بلادي
####
آهـ يا نيل يا ليل يا هادي
آهـ من شوقى الفاض لبلادي
بكتب ليك يا وطنى يا غالي
بكتب ليك لو دمى مدادي
####
