أيهماافضل الحب بعد الزواج ام قبل الزواج

[نسرينا بت بورتسودان]

أيهما افضل الحب بعد الزواج ام قبل الزواج
السلام عليكم يا جماعة انشا الله موضوعى ده يعجبكم وتدونى رأيكم
انا رأي الحب ألزمن ده أتعدم عشان كده الواحد لو فى قلبو فى حب يدهه لى الواحد البيذوجو لانو هو اكثر واحد يستهال طلما وهبك حياتو اسمو اكيد بيستهال حتى لو حصلت منو اى حاجة برضو فى حاجات حلوة بتكون حصلت منو ولا رايكم شنو ؟؟؟
بت بورتسودان

[منير]

أيهما افضل الحب بعد الزواج ام قبل الزواج
السلام عليكم يا جماعة انشا الله موضوعى ده يعجبكم وتدونى رأيكم
انا رأي الحب ألزمن ده أتعدم عشان كده الواحد لو فى قلبو فى حب يدهه لى الواحد البيذوجو لانو هو اكثر واحد يستهال طلما وهبك حياتو اسمو اكيد بيستهال حتى لو حصلت منو اى حاجة برضو فى حاجات حلوة بتكون حصلت منو ولا رايكم شنو ؟؟؟
بت بورتسودان

والله يا بت بورتسودان أنا قاعد افتش في الحب وأصلي ما لقيتو وما قادر استوعب الحب البجي بعد الزواج ........ وفعلاً الحب في الزمن ده بقى غريب والناس بقى هم حاجات غير الحب الله يدينا البتحبنا ونحبها وتكوني مخلصة واكون مخلصة يا رب وتحية خالصة ليك يا نسرينا وما أحلى ناس بورتسودان..

[ابراهيم الجيو]

التحية لك بت بورسودان, في رأي الشخصي إنو الحب قبل الزواج أفضل بكثير من الحب بعد الزواج , لأن الحب قبل الزواج بيكونوا عارفين بعض تماماً وأهم حاجة إنو يتوج حبهم بالزواج, أما الحب بعد الزواج معرض للنجاح أو الفشل, قد لا تتفق الأراء أو التفكير فيما بينهم, وهنا مكمن المصيبة بعينها.


لفة جنب العمود:
إنتي بتفتشي الحب, ومنير بيفتش الحب, الحاصل شنو, ما أكون خشيت غلط.

[شاربة توت ولابسة بوت]

[glow1=66CCFF]][||ioi||][دي مجرد هترشات للحب قبل وبعد الزواج ][||ioi||][[/glow1]

قبل الزواج يكون الزوج زبونا دائما في محلات الورد..
بعد الزواج يكون الزوج زبونا دائما في محلات الخضروات..

قبل الزواج تريدك ان تكون جميلا بما يكفي لان توافق على الزواج منك..
بعد الزواج تريدك قبيحا بما يكفي لان تبعد عنك كل اعجاب..

[الدكتوره]

تحياتى بت بورتسودان ولطرحك
ان الحب ياتى بدون موعد ويدخل القلوب دون استاذان اذا فلانعرف مايخبئه لنا القدر
لكن عن نفسى فانى مؤمنه تماما بان احب شخصا ما بعد الزواج طالما توفرت فيه كل مواصفات الزوج المناسب لايهم ان كنت احبه او لا فانى افضل الحب بعد الزواج وذالك لتفادى الدخول فى تجارب صعبه ومريره تحطم لحظات الحب التى عشنا نتمناها طويلا
واخيرا فلنجعل الهدف من الزواج هو الستر وبناء الاسره السليمه
تقبلى مرورى

[صلاح يحيى سليمان]

اعزائى....!

وانا اقوله بصوت عالى ...راجيا ان يسمعها كل عاقل......!
الحب الحقيقى ...هو الحب بعد الزواج....والكلام ده بقولوا عن تجربة...مش اعتقد او افتكر....!
انا جربت الاتنين......!
الزيجه الاولى كانت عن حب واعجاب....والثانية كانت عن طريق الاهل والاصدقاء( يعنى رشحوها لى)
واليوم اعيش امتع انواع الحب.....!
اما اذا اردتم الخوض فى التجربتن ......انا جاهز......!
شكرا ليك اخت بت بورتسودان على الموضوع .....ويله عاوزين كمان نعرف رائك انتى شنو؟؟؟؟؟

مع تحياتى

[جمال علي]

نسرينا مرحب بيك ..

في نظري ..

الحب بعد الزواج أمر عادي .، وهو تطور عادي للعلاقة الزوجية، لو سلك الزوجان سبل التفاهم والتضحية وعمل كل منهما على إسعاد الآخر.

اما قبل الزواج ..

فيجب ان يكون ناشئ عن المعاشرة الطيبة والود والتفاهم فهو بذلك يكون اجمل انواع الحب وأصلبها وأبقاها. وهو القادر على مواجهة الحياة الزوجية، لأنه يقوم على أسس متينة للروابط، وليس على مجرد رغبات طارئة عابرةو الذي تكون قواعده هشة تنهار امام ابسط المشاكل .



وشكرا علي الموضوع..

كلام سليم جدا
الحب ما انعدم يا بت بورسودان
الدنيا هي البقت سريعه لمن الواحد ما بيشعر بالحب
والحب بعد الزواج هو البيدوم
ولو الواحد كمان لقا الحب قبل الزواج واستمر معاك للزواج وين المشكله .

[العسوله]

السلام عليكم
صراحة انا مع صهيب في حتة انو الحب بعد الزواج شي اساسي وطبيعي وكمان ضروري لانه هنا الانسان او الطرف الاخر دا بقى جزء من حياتك وشريك ليها ومع الايام والعشرة انت حتتعود على الطرف الثاني
اما بالنسبة للحب قبل الزواج فانا لاامانع البتة بوجوده لانو ممكن نحب قبل الزواج ونستمر بالحب دا لحد الزواج وكل يوم وكل لحظة نحاول نحسن ونطور ونجدد في طريقة حبنا لبعض وحتى انو الزواج المبني على اساس الحب (الصادق والمخلص) نسبة بقائه اكبر من الزواج التقليدي

[بت أبوظبي]

الحب حلو
وحلو اكتر لما نحافظ على هذا الحب

سواء قبل الزواج أم بعد الزواج ..
في راي انا الحفاظ على توهج الحب هو ما نرجو الوصول إليه ..
ما مشكله لو حبيت واتزوجت من احب ..
وما عيب لو اتزوجت تقليدي وحبيت بعد ما اتزوجت ..
المهم كيف نتعامل مع لعبه الحب .. فهي لعبه لا يجيد الكثير مهاراتها وفنونها !!
بعدين زي ما زكروا اخواني واخواتي اللي قبلي .. الحب بجي من غير استأذان يعني يطرق الباب ويدخل دون ان نتوقع قدومه ..
الحب زي الفايروس !!! ما بختار ناس ويخلي ناس بهاجم دون تردد ودون اي مقدمات !




بس لو عايزه تعرفي رايي من جوه جوه جوه جوه قلبي !!
ومن خلال تجربتي الصغيره في الحياه وبحكم تجارب الناس الحوالينا !
بقول ليك همسه أخيرة ....


















الحب بعد الزواج ليو نكهة وطعم تاني !
شكرا عزيزتي ...
واتمنى لك حب موفق ..
قبل أو بعد !

[ود القبائل]

السلام عليكم
المشكلة معظم بنات الزمن دا يجيها عريس تقوليك ما بحبو
انا غايتو ما جربت لكن شايف انو الافضل
قبل وبعد الزواج

لكن شوفوا الاسمو نزار قباني قال شنو
قال:
الحب ليس رواية شرقية بختامها يتزوج الابطال
والله دا لا حب لاشيئ دا حاجة تاني
أعجبني جدا كلام المشرف العام
عندي سؤال لبت ابو ظبي
نحن عارفين الفايرس دا شيئ مدمر
فايرس الحب دا يا ربي برضو مدمر؟؟

[احمد يس]

بت بورسودان
سؤالك صعب جدا ...........................
تابعت مشاركات الاخوة والاخوات......................
لكن انا اميل الى رأى اللذين خاضوا التجربة................التجربة هى الحكم......
الحب هو الحب ولكن تختلف نكهاته....................
الحب قبل الزواج نندفع اليه................اما بعد الزواج يندفع هو الينا..............
الحب قبل الزواج تطغى عليه الرومانسيات البحته .......... بعد الزواج يكون اشمل واعم
المهم ان يكون هناك حب متى واين ................ لا ادرى

[Still I Need U]

[align=justify]والله يا بت بورتسودان موضوعك جميل ،، تشكري على الطرح ،، انا عن نفسي جربت قبل الزواج ، اما بعد الزواج ده لسه ربنا ما قسمها لينا ،، الحب قبل الزواج ليه اسس بتتبني عليه ،، وانا بعتبر قمة الحياة ،، ويمكن لاشياء في نفسي ويمكن ايضا يكون سلاح ذو حدين زي ما نوهت الدكتورة بس من ناحية تانية ،، وليه كمان ايجابيات في الزواج ،، يعني حيكون اترجم ،، ولو ربنا ما جعل ليهم قسمة يمكن تخلف
اثار جانبية كتيرة ،، وبعدين برضو بعد الزواج الحب ليه طقوسه الخاصة بيه بكل تاكيد ،،عندي كلام كتير جدا يا بت بورتسودان وبيك راجع تاني ،، وانا بفضل الحب قبل الزواج .
تقبلي مروري وتحياتي ،،[/align]

[حزن السنين]

الحب قبل الزواج و الذي يكون اساسوا المودة و التفاهم و الاحترام المتبادل بين الطرفين
لذا لا استطيع ان اتخيل الحب بعد الزواج و لا سوف يصبح الزواج زواج تقليدي بحت

[ikadolly]

[grade="00008B DC143C 008000 4B0082"]الموضوع رائع جداااااا وانتظر منك المزيد.....
انا اشكر بت ابو ظبى على ردها وانا اوافق عليه...
الحب بعد الجواز له طعم تااانى ..
واهم حاجه اننا نعيش الحب الصادق .. الحب الحقيقى ...
بكل معانيه علشان نسعد بحياتنا ونسعد اللى بنحبه..[/grade]

[منير]

هو ما دايرين فلسفة وكلام جرائد غايتو البحب قبل الزواج يستحمل ويستعد .... الحب قبل الزواج فيه البكش وفيه عدم الصدق وفيه كل واحد عاوز يظهر ما جميل فيه لدرجة المبالغة .. أما بعد الزواج والله اعلم بتكون خلاص كل شي مكشوف وكل واحد يغفر ويسامح ..... وخلاص بقوا حاجة واحدة كان سمحة كان شينة المهم هي زوجته وحبيبته ولابد ان يحافظ عليها وهي كذلك ...... يعني حا يكون في اعتقادي حب نظيف وطاهر وحقيقي ........ أما حب قبل الزواج إلا من رحم ربي ليكون صادقاً ..............
وليك التحية يا بت بورتسودان...

[Halimeek]

صلاح :

اما اذا اردتم الخوض فى التجربتن ......انا جاهز......!

هههههههههههههههههههههـ دي لزييييييييييييييييزة ـههههههههههههههههههههههه


انا من رأي انه الحب ثلاث انواع حب فاشل ، حب ناجح ، الحب الميت )

الحب الفاشل / قد يبدأ قبل الزواج ولكن ينتهي بعد الزواج بأسباب تافهة
الحب الناجح / قد يبدأ قبل الزواج وبعد الزواج ويستمر إلى الأبد ...( ودا نادر )
الحب الميت / يكون في حب سواء قبل او بعد الزواج لكن مافي تعابير بين الزوجين او كلمات تدل على ذلك بكونوعايشين زي الأخوان

[منير]

والله يا سعادة النائب كلامك حكم عديل واظنك ذي المشرف جربتا كتيرة يلا انصحنا نحن مرة واجدة جربنا لكن برضوا محتاجين الناس الخبرة عشان تاني ما بنستحمل لينا عويقة ؟؟؟

[بت أبوظبي]

السلام عليكم

عندي سؤال لبت ابو ظبي
نحن عارفين الفايرس دا شيئ مدمر
فايرس الحب دا يا ربي برضو مدمر؟؟

تعريف فايروس الحب :
عباره عن دقائق غير حيه تتكون من حمض اعجاب وغلاف دقات القلب !!
وعندما يصاب الإنسان ينتقل الفيروس عبر أول نظره أو كلمه جميله أو شعور متبادل من غير كلام إلى الجهاز العصبي المركزي .!



تشتمل عوارض داء الحب :
سرحان مستمر !
ترديد أغاني حب ورومانسيه !
اللهفه وانتظار اول مكالمه هاتفيه او مقابله !
فقدان الرغبه في الأكل في بعض الحالات !
حمى وصداع في الحالات المستعصيه !

وهو مدمر للخلايا الحسيه الكره والبغضاء وعدم الرغبه في الحب !


الوقايه والعلاج :
للأسف لم يتم اختراع تلقيح للوقايه من المرض !!
ولا توجد ادويه مضاده للفيروس حتى هذه الساعه !!!
لذا ما فايده فالفيروس منتشرررر ....!!.

[بت أبوظبي]

انا من رأي انه الحب ثلاث انواع حب فاشل ، حب ناجح ، الحب الميت )

الحب الفاشل / قد يبدأ قبل الزواج ولكن ينتهي بعد الزواج بأسباب تافهة
الحب الناجح / قد يبدأ قبل الزواج وبعد الزواج ويستمر إلى الأبد ...( ودا نادر )
الحب الميت / يكون في حب سواء قبل او بعد الزواج لكن مافي تعابير بين الزوجين او كلمات تدل على ذلك بكونوعايشين زي الأخوان

مزبوط كلامك يا حليم
برافو عليك !!!

[Halimeek]

والله يا سعادة النائب كلامك حكم عديل واظنك ذي المشرف جربتا كتيرة يلا انصحنا نحن مرة واجدة جربنا لكن برضوا محتاجين الناس الخبرة عشان تاني ما بنستحمل لينا عويقة ؟؟؟

هههههههه لا يامنير والله ماجربت لكن انا حالياً يادوب زيك كدا

مزبوط كلامك يا حليم
برافو عليك !!!

شكرا يابت أبو ظبي

بالمناسبة كلامك عن الفايروس كلام رووووووووووووووعة