الكوره السودانيه

[ود الجنوبي]

كتر الكلام في الاربع سنوات الاخيره انوا الكوره السودانيه اتطورت وانا شخصيا اتمنى انوا يكون حصل تطور وكتر الكلام برضوا انوا في السنوات الجايه ده الكوره السودانيه موعوده مع بطولات والقاب وانا اتمنى ده يحصل ونبقى من الدول البتحرز الالقاب لاكن يا جماعه نحنا نجيب القاب كيف ؟
كلنا ما بننكر انوا الكره السودانيه في السنه الماضيه تحديدا قدمت اروع المستويات وتحديدا على مستوى اندية القمه .
فالهلال لعب بدور الابطال الافريقي وقدم اروع المستويات وكان مفاجئة البطوله وكان على بعد خطوه من اللقب لولا الظروف الحصلت للهلال في مباراته مع النجم الساحلي من غيابات و ضياع لكثير من الفرص.

والمريخ الي لعب بكاس الاتحاد الافريقي وقدم ايضا عروض مميزه ووصل المباراه النهائيه ولاكنه فرط في اللقب من امدرمان.

كون انوا الهلال والمريخ وصلوا لهذه المرحله فهو انجاز بحد ذاته وبنتمناهم الموسم ده يحرزوا لينا الالقاب.
في ظل كل الامكانيات المتوفره في الهلال والمريخ والتي يمكن يكون كثير من الانديه العريقه في افريقيا ما عنوا زيها والجهود المبذوله من رئيسي النا ديين السيد صلاح ادريس والسيد جمال الوالي اصبح الهلال والمريخ معرضين لضغوط من الجمهور في السودان لاحراز بطولات (لو ما حصل اسي بحصل بتين).

نجي لنقطه تانيه والنقطه الاهم وهي المنتخب الوطني اللي كتير من الناس بيفتكروا انوا اطور ...........!!
قالوا وصلنا كاس افريقيا بعد 32 عام وهزمنا تونس وموريشص وسيشل.

ده كلوا كلام جميل المباراه الوحيد اللي شفتها للسودان في التصفيات الافريقيه العام الماضي هي كورة تونس في السودان واللي قدم فيها منتخبنا مباراه كبيره استحق احترام الكل .

والشي التاني قالوا غلبنا موريشص وسيشل ما شي وجاي (ما متاكد) وتقريبا حصل مع موريشص بس.
لاكن لازم نعرف انوا نحنا اتاهلنا لانو وقعنا في مجموعه سهله واكتر من ساهله والدليل بعد ما لعبنافي غانا نتايجنا كانت سيئه للغايه .
اصبح كل لاعب في افريقيا يبحث عن الارقام القياسيه يسجل في السودان مثلا ايتو اصباح اعظم هداف في امم افريقيا بسبب الاهداف الجابه فينا واسي شايف كانوتيه مهاجم مالي بقه هداف مجموعتنا الحاليه .

والمشكله الكبيره تحضيراتنا للبطولات الكبرى بمباريات مع فرق اقل مننا مستوى وسمعه وبعد ده كلوا بتغلبنا.
الاتحاد السوداني قال المنتخبات الكبيره بتكلف اموال كبيره وما عندنا قروش في حين انوا نحنا عندنا علاقات مع دول مستوياتها كبيره وبيعلاقتنا معاها ممكن نلعب بدون قرش واحد زي السعوديه ومصر وليبيا ......................الخ .
عشان كورتنا تتطور لازم نجاري الناس الاحسن مننا ومامهم نتايجنا معاهم عشان نتعلم من الناس ده الكوره الحديثه ونقدر نجيب بطولات انشاء الله .
شداد اصدر قرار بلعب مجنسين فقط في بطولة الدوري حمايه للاعب الوطني (طيب المجنس ده ما وطني)؟
المجنسين بقدموا مستويات مميزه مع انديتهم في السودان طيب ليه ما بنشيلهم في المنتخب الوطني رغم رغبة كثير منه؟

في الختام بتمنى للبلدي السودان كل التقدم والازدهار والتنميه انشاء الله تعالى.