السلالالالام
الملاحظ للقنوات العربية الكثيرة التي تبث عبر الاقمار الاصطناعية ان بعضها يكرث جهده ووقته للسخرية من السودان ، ويمكن ان تكونوا قد لاحظتم ذلك خلال تناول الفضائيات العربية لحادثة تحطم طائرة سودانير القادمة من عمان - دمشق فاغلب القنوات خصوصا قناة العربية كانت تجتهد لابراز ان السبب هو سوء ارضية المطار رغم ان مطار الخرطوم مطار دولي ويتبع النظم العالمية ، كذلك ارجع بعضها السبب لقدم الطائرة رغم انهم يعلمون ان الطائرة هي من طراز الايرباص 310 وهي الاحدث عالميا ، وانا ارجع هذه السخرية لشئ في قلوب هؤلاء العرب فهم يعتقدون ان السودان ليس سوي بؤرة للتخلف والرجعية ونسوا ان السودان واهل السودان هم من شيدوا وعمروا دول الخليج فالدوحة والرياض والكويت والمنامة قامت علي اكتاف السودانيين بل اننا من علمناهم الحضارة والرقي وحتي كرة القدم ....
نسال الله ان يغير العرب هذه الصورة السيئة عن بلدنا وشعبنا العظيم ............
ودمــــــــــتـــــــــــــــــــــــــــــم
انا وحده من الناس اللي بيقولوا كده برضوا و انا ضد القنوات اللي بتسوي كده و ضد العرب اللي بيكرهوا السودان و السودانين و كتير منهم كده بيكرهوا السودان و السودانيين كمان و انا عندي صحبتي بتقول لي انتو السودانين ما سويتو شي و هي ما عارفة انو نحنا اللي عمرناهم في حياتهم و عمرنا ثقافتهم كمان و اكتر من كده بيقولوا كلام عنا لكن الله يسامهم و حسابهم عند اللله بعدين يوم لا ظل الا ظله بيعرفوا نحنا كنا منو عندهم و حيعرفوا قيمتنا لانو السودانين ما بيجوا بالسهولة دي و انا بشكرك كل الشكر على الموضوع الحلو ده و تسلم اخوي التهامي
انا كوول كتب:انا وحده من الناس اللي بيقولوا كده برضوا و انا ضد القنوات اللي بتسوي كده و ضد العرب اللي بيكرهوا السودان و السودانين و كتير منهم كده بيكرهوا السودان و السودانيين كمان و انا عندي صحبتي بتقول لي انتو السودانين ما سويتو شي و هي ما عارفة انو نحنا اللي عمرناهم في حياتهم و عمرنا ثقافتهم كمان و اكتر من كده بيقولوا كلام عنا لكن الله يسامهم و حسابهم عند اللله بعدين يوم لا ظل الا ظله بيعرفوا نحنا كنا منو عندهم و حيعرفوا قيمتنا لانو السودانين ما بيجوا بالسهولة دي و انا بشكرك كل الشكر على الموضوع الحلو ده و تسلم اخوي التهامي
الحصل فعلاً كان إهمال واضح من السلطات السودانية
سواء كان الطيران المدني او الدفاع المدني او الشرطة او غيرها
المشكلة ان القنوات دي كانت في ارض الحدث يعني الكلام مامنقول
وبالصورة كانت الاحداث بتمر قدامهم مباشرة
ماممكن ركاب طائرة ناجين من كارثة زي دي يطلعو من المطار ويمشو بيوتهم
بدون مايمرو على أمن أو جوازات أو تأشيرة وحتى أساميهم مامسجلة في الدخول
يعني من الطيارة وبي دخانهم وترابهم ولي بيوتهم وبالمواصلات كمان
الإهمال وعدم المسئولية واللامبالاة هي واقع معاش في السودان بصراحة
المشكلة لاساسية هي اننا لازلنا بنعيش على امجاد الماضي الحققوها جدودنا وآباءنا
طيب نحن عملنا شنو ؟؟ ولا حاجة طبعاً
والناس العمرنا بلادهم وثقفناهم ديل فاتونا بمراحل ومابنقدر نلحقهم قريب دا
خلونا نكون واضحين
كنا أجمل وأكثر البلدان العربية ثقافة ونظافة وتطوراً والاخيرة دي تحتها خطين
وهسه بقينا شنو ؟؟ العكس تماماً
موضوعك مهم جدا لانه يخص سمعة السودان والسودانيين ................. ولكن
عندما يتحدث الاخوة العرب عن امكانيات السودان فذلك شىء واقعى نلمسه نحن قبل غيرنا اما اذا كان الحديث عن الانسان السودانى والله انا ما شفت فى مكان غربتى الا كل احترام وتقدير للانسان السودانى
ما حدث فى مطار الخرطوم لخصه كابتن شيخ الدين خبير الطيران السودانى فى كلمات بسيطه وهو ان الطيران فى السودان مهمل ومهمش برغم اهميته وخطورته لدرجة ان وسائل الاتصال بارض المطار بين العاملين لا ترقى الى المستوى المعمول به دوليا ومازال هناك اتصالات بين الفنيين والمسئولين بالمطار من خلال اجهزة الموبايل .........
نعم اخى التهامى لقد ساهم السودانيين فى اعمار كثيرا من البلدان العربية والخليجية على وجه الخصوص نعم كان المعلمين السودانيين من اوائل اللذين علموا ابناء تلك الدول ولكن لا نستطيع القول بأننا من علمناهم الحضارة فالحضارات لا تعلم وانما هى حصاد سنين طويلة لتراكم العلوم والمعرفة ........ ام الرقى فالشعوب هى التى تصنع رقى اممها ................................. تحياتى
أشكركم على تحليلاتكم المفيدة في هذا الموضوع .. فنحن لا نلوم الناس بل نلوم أنفسنا .. والسخرية نتقبلها بصدر رحب حيث أننا يا أخوتي لا يمكننا أن ندعي الكمال بكلام أجوف يقول مثلنا الشعبي (لا تُشكر الراكوبة في الخريف) فالأهمال مستفحل وبصورة سيئة في أشياء كثيرة وقد شاءت المقادير بأن تفضح كارثة الطائرة أهم معلم من معالم السودان وواجهته بهذه الصورة الشنيعة .. والصورة كانت خير برهان ودليل بأن الخدمات في السودان سيئة ومتخلفة لابعد الحدود .. يقولون المطار دولي لا توجد فيه أدنى أدوات السلامة .. سيارة إطفاء واحدة فقط .. مواد الأطفاء المخصصة لمثل هذه الحالات غير موجود ؟؟ ولا توجد نقالات لنقل المصابين .. المغتربين والوافدين للدولة يدفعون رسوم قدوم منذ سنوات كثيرة مضت أين تذهب كل تلك المبالغ من أجل ايه كنت تجمع ؟؟؟!!! يا أخوتي هل أرواح الناس صارت لعبة ؟! .. وهل المسئولية والوطنية أنعدمت .. لقد شكى لي أحد الأخوان بأن بأن والدته كانت لديها مشكلة مرضية في الأرجل وشاءات المقادير أن تسافر للعلاج للخارج عن طريق مطار الخرطوم .. ومما زاد في معاناتها وسوء حالتها أكثر ذلك الكرسي المتحرك الردي الذي نقلت عليه حيث ليس به مسند خلفي وأي موطأ لوضع الأقدام عليه حيث كان مخلوع ايضا ..
نأمل أن تكون هذه الكارثة الأخيرة وأن يدرك كل مسئول أو راع مسئوليته وفي كل ما أؤتمن عليه .. ونرجو أن لا تمر هذه الحادثة بلا حسيب أو رقيب .. فلا أعتقد أن هنالك مشكلة للعمل بصورة صحيحة وتخطيط سليم .. حتى لا تحدث مثل هذه الصورة المشوهة لسوداننا الحبيب..
ودمتم أخوتي بخير ونعمة
والله العظيم كلامك دا يريح القلب وطبعا نحنا كلنا ضد الكلام ده وضد القنوات العربيه الما عندها إلا الكلام التافه والحقد والحسد على السودان ......... وطبعا "كل ذي نعمه محسوووووووووود"
واتلله صراحه يعجبني فيك الروح الوطنيه العاليه دي
[grade="FF4500 4B0082 0000FF 000000 F4A460"]والله انا معاك في الكلام ده لكن
بيني وبينك فعلا
الممشى بتاع الطيارات واحد بس في مطار الخرطوم الدولي
وحالتو سيئه شديـــــــــــــــــــــــــــــد
لكن غايتو في موضوع الطيارات ده ما اقدر افتي فيهو لاني ما بعرف!!!!!!!
لن برضو ما برضى على بلــــــــــــــدي[/grade]
