تعارف

[المدريدى]

بعد التحيه والاحترام انا جديد هنا وحابب اتعرف عليكم كلكم وعندى سوال سالتو للمشرف العام وماجانى الرد هل فى دردشه مباشره ولا لا ولو فى كيف ادخل فيها وعندى مشاركه بسيطه قصيده عن السودان ان شاء الله تعجبكم


وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

[احلى دلع]

والله انا كمان مااعتقد في دردشة بس انت اسأل وشوف

[ود أزهري]

الأخ العزيز المدريدى...تحية طيبة...

مرحب بيك كتير في منتداك...نورتنا...

أولا ً...لا يوجد دردشة مباشرة في المنتدى...

ولو عندك أي إقتراح ممكن تقوم بزيارة قسم الإقتراحات والشكاوى وطلبات الاعضاء...

ثانيا ً...إنت سبق ونزلت بوست للترحيب بك في المنتدى...نرجو الالتزام...

ثالثا ً...شكرا ً على القصيدة الجميلة ولكن مكانها في منتدى الشعر وليس منتدى الترحيب...

وأخيرا ً وليس آخرا ً مرحب بيك مرة تانية...وجودك يهمنا ونشوفك قدام...


تحياتي.....ود أزهري..

[أحمد محمد عبد اللطيف عباس]

أنا سودااااااااااااااااااااني ياناس أنا سودااااااااااااااااااااني ياناس .