المواصلات دي حكاية شنو...؟؟؟

[abdintod]

ليه مافي مواصلات في البلد ؟ ليه الدولة بتعتمد علي المواطن؟

مافي بص حكومي واحد شغال علشان ينقل عمال وطلاب

البلد .رغم إنه ده مجال إستثماري ناجح

وده ما في الاقاليم ده في قلب العاصمة

[أبعاج]

البلد .رغم إنه ده مجال إستثماري ناجح


ياريت لو واحد مغترب يتبنىهذا المشروع الحيوى

[abdintod]

أبعاج أخوي



مش في وزير نقل ومواصلات بيأخذ مرتب

ما يفكر هو يحل المشكلة دي علشان يعمل

مواصلات ويكون وزير علي شئي موجود

يجيب 50 بص في سنة أو أثنين بيجيبوا حقهم

[بنت حواطة]

ولييييييييه نحن نعتمد على المغترب
ما برضو المغترب ده بيدفع دم قلبو عشان يعيش زي العالم والناس
وفوق راسو هم ما يتلم
نجيب ليه الضغط والسكري وحرق القلب لييييييييييييييييييييييييييييه

[مايسترو]

[frame="5 10"]

ياجماعة المشكلة مافي عدم وجود مواصلات المشكلة بقت في الجـــــــشــــــــع الناس بقة دايرى تاكل بعض بما فيهم الوزراء والمحافظين المواصلات راقدة في السودان وعدد الحافلات اكثر من عدد الناس الماشة في الشارع لا كين خلينا نشوف الصورة على حقيقتها :
أولا : سواقين الحافلات طبعا السواق بيكون داير يلم اليومية وخلاص ما مهم العربية تتحرق فيها زيت مافيها فيها ماء ولا لا داير صيانة ماديرة وهكذا حتي يدمر الحافلة ويكون قد جيب صاحب الحافلة وبالتالى يفضل صاحب الحافلة اقافه في البيت يتفرج فيها من انوا ينزلها الشارع .
ثانيا : الوائح المرورية فان والله اصحاب عربات النقل مستهدفين في السودان الواحد فيهم من ما تصبح لازم يدفع مخالفة 30 جنية من الصباح من دون سبب في أغلب الاوقات .
ثالثا : طبعا الوزراء والمحافظين مشوغلين بمصالحهم الخاصة وهمهم الاكبر كيف يريحو نفسهم مش الشعب .
ومن الامثلة على ذلك في الاونة الاخيرى جاء قرار بمنع عربات الهايس والامجاد من دخول السوق العربي والهو مجمع المواصلات في الخرطوم سابقا قبل ما يتنقل الى الاستاد ومن دون اي اسباب منطقية او مبررة طبعا ومكتشف في ما بعد انوا المحافظ جايبلية رقشات مكيفة داير يشغلها في البلد وعشان يضمن شغلها قام وقف الامجاد والهايس من دون حتى ان ينظر الى ان اصحاب هذ العربات من الممكن ان يكون الدخل البيجي منها هو المعاش الوحيد الفاتحين بيه بيوتهم

وفي الختام الله المستعات على هذه المصائب الموجوده في السودان وشكراز

[/frame]

[abdintod]

الأخت بنت حواطة


المغترب السوداني من غير كل المغتربين كأنه مكتوب ليه طول عمره يعيش

بره البلد لان السودان بلد طارد للناس

المغترب لازم يشتري قطعة أرض ويبنيها وأنت عارفة الاسعار كيف

بعد داك لازم يحفر السيفون علشان التصريف

ويشتري صهريج علشان يوفر الموية

ويجيب موتور علشان يوفر الكهربة

وبعد ده كلوا شوفي التعليم بقي غالي كيف والعلاج والاكل والشراب و..و..و

طبعاً الحاجات دي من أبسط حقوق المواطن لازم توفرها الدولة

علشان الناس تقدر توفر وتعمل حاجة علشان أولادهم

لان المغتربين بيقيفوا بالصفوف علشان يدفعوا للدولة حقوقها

من ضرائب وخلافه

شماعة إمكانيات الدولة دي كذبة كبيرة البلد إمكانياتها كبيرة

بس ناقص ألامانة الامانة والتخطيط السليم

دايريين واحد زي مهاتير محمد

[abdintod]

الأخ مايسترو



في الإجتماع الأخير للمنظمة الدولية للشفاشية وضعت دول العالم في قائمة ذات ترتيب تنازلي (من الدول الأعلى شفافيه إلى الدول الأقل شفافيه) والشفافيه كلمة عكس الفساد الإداري والحكومي وتمليك الحقائق للشعب وكانت الدول التي تحمل الدرجه0.0 هي الدول عالية الشفافيه ويزيد هذا الرقم كلما إتجهنا أسفل القائمه .
بطبيعة الحال أخذت الدول العربيه مكانا" منخفضا" من هذه القائمة وجائت السودان في ذيل الدول العربية ب18.0 (ورانا إلا العراق ب19.0 )

جوعوا الناس لامن أخلاقهم فسدت للمغترب القلع يبداء من لحظة دخولو المطار لغاية ما ربنا يطلعوا

بالسلامة

[حنكوشة على أصول]

بلا شك ان في مشكلة بتواجه المواصلات في السودان.ولكن دة بيرجع ان السودان كانت من الدول النامية وبدت تتطور في الفترة الاخيرة بس , والدولة ما قصرت في التطويرات في الودان , بالعكس التصليحات والإضافات جاري الشغل عليها حتى الان ,

لكن عندي ملاحظة ارجوا ان تقبل وما تنفهم غلط:

اتمنى نحاول نخفف من الذم في الحكومة والبلاد , وبلا شك في عيوب كتيرة لكن ما ننكر انه في ايجابيات اكتر, على الاقل نحاول في المنتديات , لأنه بقى معروف عن السودانيين انهم لو اتجمعوا يبدأوا يشتموا في البلاد والحر والسخانة ...............إلخ

وارجوا اننا نحاول نعدل الصورة دي

[waya]

السلام عليكم ورحمة الله

في عام 2007 كنت في إجازة في السودان .. وسمعت من مصدر موثوق بحكم عمله في مجال النقل بأن الحكومة تفكر في إستثمار المواصلات ( شراء 500 اتوبيس ) لنقل الركاب في العاصمة كبداية وعلى مستوى النجاح سوف يتم تطبيقها على الولايات الكبرى
بس أين المشروع وما ذا حدث فيه الله أعلم ؟؟؟
وأنا كسوداني أتمنى أن تتبنى الحكومة مثل هذه المشاريع لانها ذات فائدة جمة للمواطن ولخزينة الدولة

لك الشكر على الموضوع