العنصرية في السودان

[الرايح]

يقول الله تعالى في محكم تنزيله (يا أيها الناس إنا خلقناكم شعوبا و قبائل لتعارفوا إن أكرمكم عند الله
أتقاكم) صدق الله العظيم ،،،،،،،،،،،، ويقول الرسول صلى الله عليه و سلم (كلكم لآدم و آدم من تراب)
كما يقول الرسول الكريم صلى الله عليه و سلم ( لا فرق بين عربي و لا عجمي و لا بين أبيض او اسود
الا بالتقوى ) .
ومن هذا المنطلق نجد ان معيار التفاضل في الاسلام هو الدين و الخلق و ليس العرق او القبيلة ،،،،،،،،،،،،،
فالنظرة العنصرية في السودان تميزت بتعقيدات كثيرة فالتركيبة السكانية الفريدة لذلك الوطن القارة
اثمرت اغرب انواع التمييز العرقي فنجد الشمالي يعتبر نفسه هو صاحب العرق السامي في البلد و ينضم
تحت لواء الشمالي كل القبائل الشمالية من دو فرز ويعتبرون انفسهم ان السودان خلق لهم فينظرون الي
ما دونهم من القبائل الاخرى واخص بالذكر القبائل (الغربية و الجنوبية) بأنهم عبيد لديهم وكلمة العب
(العبد) موجوده حتى الآن،،،،،،ولنأخذ موضوع الزواج كمثال فإذا اراد شخص ينتمي الي قبيلة جنوبية او
غرباوية ان يتزوج من فتاة شمالية ربطت بينهم علاقة قامت الدنيا و لم تقعد فكيف لهذا الشخص ان يتجرأ
ويقدم على مثل هذا العمل الشنيع الذي لا يغتفر،،،،،،،، ولا اذيعكم سرا فقد مر شخص عزيز علي بهذا
الموقف و كاد ان يدفع حياته ثمنا لهذا العمل لو لا ان لطف ربي ولا اخفي عليكم شيئا فقد مررت بتجربة
و انا صغير مازالت عالقة بذهني حتى الآن فأنا من غرب السودان اي غرباوي ولكني لم ارى الغرب
بأم عيني الا مرة واحدة في عمر حياتي كله فترعرعت في منطقة شمال امدرمان و اعتبرها معقل
العنصرية و لا داعي لذكرها الان فبعد ان سكنا فيها اكثر من عشرين عاما حتى الان ما زلنا غرباء عندهم
بحكم انهم كلهم قبيلة واحدة.
ولا ابرئ اهلي الغرابا من هذة النظرة العنصرية فهم ينظرون الى الجنوبي و كأنه لم يكن شيئا مذكورا
ويعتبرونه لا شئ،،،،،،، و حتى الجنوبي يعتبر نفسه هو سيد الكل،،،، وكلنا ندور في هذة الحلقة
المفرغة من النظرة القبلية الدونية.... فمتى يكون هناك سودان واحد يسع الجميع شمالي على جنوبي شرقي
على غرباوي نعيش فيه من دون عنصرية؟
وفي الختام تحضرني قصة ظريفة فيحكى ان فلاتي ذهب ليخطب بنت عمه و كانت امها جعلية فطردته
الام و عنفته على جرأته في التقدم لبنتها و هو الع.....فلملم جراحه و قرر ان يخطب زميلته النوباوية
فأعترضت امه بحجة انها خا.........؛

[ابوبكر]

يا ترى أنت فهمك للعنصرية شنو ؟
وبتقدر تفرق بينها وبين القبلية ولا لا ؟
معظم ابناء الشعب السوداني أو معظمه نشأ في احضان القبيلة وتربى على اخلاق وخصال القبيلة ونحنا سوا كنا في الشمال أو الغرب أو الشرق أو الجنوب بنعتز بهذه الخصال وبهذه التربية وبنعتز بأننا سودانيين اولاً واخر.

[السلقاوي]

يا ترى أنت فهمك للعنصرية شنو ؟
وبتقدر تفرق بينها وبين القبلية ولا لا ؟
معظم ابناء الشعب السوداني أو معظمه نشأ في احضان القبيلة وتربى على اخلاق وخصال القبيلة ونحنا سوا كنا في الشمال أو الغرب أو الشرق أو الجنوب بنعتز بهذه الخصال وبهذه التربية وبنعتز بأننا سودانيين اولاً واخر.

ابوبكر يديك العافية العنصرية موجود من زمان جدآجدآ بين الابيض والاسود كلامك ميه ميه وما عند شى ازيد عليه ده كلام كبير جدآ ونوع من الفتن

[اساور]

الاخ الغالي الرايح مشكوووور على الموضوع الهادف
موضوعك هزني بشدة لاني اذكر احد المواقف التي مازالت في الذاكرة وهي واحدة صحبتي من قبيلة من القبائل العربية في غرب السودان وتقدم لخطبتها شاب من قبيلة من شمال السودان وهذه الفتاة من احسن القبائل في غرب السودان وعلى درجة من الجمال ومتعلمة ومتدينة ولكن ام الرجل رفضت بحجة انها لم تسمع بهذه القبيلة في حياتها فهي فقط تعرف الجعليين والشوايقة والمحس والدناقلة اي قبائل شمال السودان والى الان مشكلتهم قائمة فكلاهما لايستطيع البعد عن الاخر وفي انتظار رحمة الله بان توافق الام.
ارجو من الجميع الدعاء لهما لانهما اراد الحلال وسألا الله بان يغنيهم من حلاله عن الحرام.
ودمت اخي ومشكور مرة ثانية

[M.Hadad]

اخونا الرايح

والله انت شكلك جيت المكان الصاح وما رحت


عفوا اخي ولكن زي ما قال ابوبكر الحاجه الانت بتقول فيها دي ما عنصريه لونيه وانما تشدد قبلي

واي زول بيفتخر بي قبيلتو وانهم احسن ناس دي ما فيها حاجه

وكلنا منصهرين في عالم واحد الجنوبي والشمالي والغرابي زي ما قلت واهلنا في الشرق

وما بختلفو الا عند الزواج قد يكون طريقه التعبير خاطئه ولكن الفهم علي ما اعتقد انو السودان مترامي الاطراف وبتحكمو عادات مختلفه من قبيله لي قبيله وهنا مربط الفرس لانو المراه هي البتربي وبالتالي بتشبع الابناء بالعادات الهي نشاءت عليها

وبعدين زولك الفلاتي ده حسب حكايتك عمو متزوج جعليه؟؟؟؟؟؟
يبقي كيف هي تتزوج فلاتي وترفض لي بتها الحاجه دي رغم انو بتها نص فلاتي ونص جعلي؟؟؟؟؟؟؟

المهم حاليا الكلام ده الناس اتخلت عنو وكلها كم سنه ويندثر تماما

ومنتظرك عشان نتناقش في الموضوع باسهاب اكتر

[الرايح]

أقولها إليك واضحة وصريحة أخي أبوبكر العنصرية في السودان موجودة و ندرك ذلك أنا و أنت و هم
جيدا ودعك من"بنعتز كلنا سودانين" فأنا بفتخر بأنني سوداني و لكن انا هنا بطرح موضوع محدد
وأنت أثبت في تعقيبك بأنا معظم أبناء الشعب السوداني نشأ و تربى في كنف القبيلة أي على أخلاقها و خصالها فهل أخلاق و خصال القبيلة تفرض عليك أن تفرق بين الأبيض و الأسود أو عدم زواج
أبنة القبيلة هذة بأبن القبيلة تلك؟

[ود الريح]

شوف اسمع بقول ليك عديل نحن الشمالين اى واحد اضانو ما حمرا عندنا عب ماتقول عنصرية ده شى اتربية بيه انت شايف غير كده

[Halimeek]

انا من وجهة نظري شايف الموضوع دا بقى حاجة متوارثة

[ابوبكر]

يا اخونا الرايح .............................
لو اتعمقت شوية في وجدان الشعب السوداني لوجدت الكثير من المفاهيم القبلية متشابكة مع العنصرية لكين هناك فرق كبير جداً بين القبلية والعنصرية ، القبائل التي تتحدث عنها وانها من غرب السودان لها وجود ووجود مقدر في شماله وفي وسطه وحتى في الشرق والجنوب كمان ، الليله انا بعرف جعلي مزوج دنقلاوية واحد تاني مزوج شلكاوية ، وبعرف دنقلاوي مزوج حمرية ، وبعرف فوراوي مزوج شايقية ، وشايقي مزوج هدندوية ما بتعرف تتكلم عربي كويس ، وبعرف جنوبي مزوج حسانية ، تفتكر انو ديل كلهم شزوا عن القاعدة ولا شنو ....
يا اخي لا تلتفت الى مثل هذه المواضيع التي تضر ولا تفيد واعمل على طرح المواضيع التي تجعل من السودانيين كيان واحد كل بلونه وقبيلته ومفاهيمه لكين في النهاية هو سوداني وهو ليك وأنت ليه .

[الرايح]

يا جماعة نحن ما نكون زي النعامة ندفن رؤوسنا في الأرض ونخلي باقي جسمنا كاشف ،،،،،،،،،
العنصرية و القبلية موجودة،،، وأخونا المحترم ود الريح هو شكل من الأشكال الكثيرة التي لا
تحصى و لا تعد و أحيه على صراحته الفضفاضة لانه قال " اى واحد أضانه ما حمرة عندهم عب"
فلتكن لدينا بعض من الشفافية في التعقيب مثله,,, ولا تتهموني بالقبلية او العنصرية فهذة مجرد
وجهة نظر و إختلاف الرأي لا يفسد للود قضية.

[M.Hadad]

يا جماعة نحن ما نكون زي النعامة ندفن رؤوسنا في الأرض ونخلي باقي جسمنا كاشف ،،،،،،،،،
العنصرية و القبلية موجودة،،، وأخونا المحترم ود الريح هو شكل من الأشكال الكثيرة التي لا
تحصى و لا تعد و أحيه على صراحته الفضفاضة لانه قال " اى واحد أضانه ما حمرة عندهم عب"
فلتكن لدينا بعض من الشفافية في التعقيب مثله,,, ولا تتهموني بالقبلية او العنصرية فهذة مجرد
وجهة نظر و إختلاف الرأي لا يفسد للود قضية.

اخوي يا الرايح

ما دفنا رؤوسنا وما نكرنا وما اتهمناك

كلامنا انها الان غير موجوده وفقط كانت موجوده وليس علي كل المستويات
راجع كلامي بتلقي في اخرو انو عما قريب حتندثر الحاجه دي نهائياً (عما قريب) يعني جزء كبير منها اختفي
واضرب ليك مثل بي نفسي انا صديق عمري من الغرب وانا من الشمال
والكلمه القالها ود الريح غريبه جدا لانو اصلها جنوبي طيب كده بيناقض نفسو بنفسو وبيورينا انو ماخد من ثقافه القبائل الجنوبيه

المهم نحن هنا للنقاش والنقاش الجاد واعذروني اخوتي اذا بدر عن اي من المتداخلين ما شعرتم بانه اساء الي اي من الاخرين

ويا الرايح لكل قاعده شواذ
ومنتظر مداخلتك المنطقيه من اجل الفائده العامه

[الرايح]

أخونا مشرف منتدى السودان العام لك كل الإحترام و التقدير
بتحسسني اني زي البتكلم كلام الطير في الباقير منتظر انو مداخلتي تكون منطقية كيف؟
فكونو صديق عمرك من الغرب وانت من الشمال ده ما معناتو انو مافي عنصرية او قبلية
وكونو انو الحاجة دي بدت تندثر بعتقادي انو لسه قدامها كتير.
و ودالريح ما ناقض نفسه بنفسه لانو دي البيئة العاش فيه هو وليوم باكر ح يكون كده وما ظنيت انو يتغير.

[أبو ياسر البطحاني]

يا أخوان كل أهل السودان أحباب ...

وكلهم الطيبة عادتم ... والسماحة أصلهم ....

لكن يا جماعة لو تسمحو لي في وقفة كدا ...

بالنسبة للعنصرية في السودان .... وإن شاء الله ما في عنصرية ...

بقول أنو الاختلاف الشاسع بين الجنوب والشمال ...

وبين الشرق والغرب ...

في الأصول العرقية " النسب "

والأصول العرفية "التقاليد"

مرتع خصب للعنصرية ...والتفرقة ....


ولكن طيبة أهل السودان ... وتمسكهم بدينهم بإذن الله تساعد في الأنصهار ...

بالاسم الجامع لهذه الأعراق ((السودان)) ....

واحب اتكلم عن نقطة تانية ... وهي إنو بعض الناس بيعتبر التفاخر بإمجاد القبيلة ومدحها ورفع مقامها

سواءً في المنتديات بالانترنت أو المحافل المجالس يعتبر من العنصرية ...

وهذه نظرة خاطئة فمن حق المرء أن يفتخر بأصله ونسبه وعرقه ...

من دون احتقار الآخر أو المساس بكرامته ...

وهذا يحقق القول " تنتهي حريتك عندما تبدأ حرية الآخرين "....

وفي الختام ...
لا يسعني إلا شكر صاحب الموضوع ..... مع التحفظ على نظرته في العنصرية ...

وعاش الشعب السوداني بطيبته وسماحته وعفوه ....

ولكم مني التحية ... الخالصة .....

[كمال أحمد]

بسم الله الرحمن الرحيم .
الأخ الغالى ( الرايح )............... السلام عليكم ورحمة الله تعالى وبركاته .... بخصوص موضوعك أقول لك لعن الله الفتنة أينما وجدت ... وفتح مثل هذا الموضوع هو الفتنة بعينه .... أتحدث هنا فى الإطار الضيق الذى يخصنى وزملائى على مستوى المدرسة المتوسطة والثانوى والجامعة والعمل فقد درست المتوسط والثانوى بمدرسة شلال وحنتوب الثانوية تحديداً فقد كان لنا زملاء أعزاء من الغرب السليب ومن الجنوب الحبيب ، فقد كانو نعم الزملاء ونعم الأصدقاء ... وأقول لك كنا يوم الخميس والجمعة وفى الأعياد الكبرى ( الفطر + الأضحى ) يأتون معنا لأهلنا ويمكثوا فى أحضاننا طيلة فترة الإجازة فلم يسمعوا منا ما يعكر صفوهم بل كانوا معنا وكنا معهم وكانوا بيننا وكنا بينهم وإن أردت أن تعرف الأسماء فلا مانع لدى من ذلك وهم والحمد لله بخير وعافية أينما وجدوا ويكمننى أن أمدك بالتفاصيل إن أردت وأراد الإخوة الأعضاء ذلك فلماذا يا أخى نخرج أشياء هى من نسيج خيالاتنا وأعتقد هى نتيجة أحقاد دفينة يحاول المرؤ أن بفصح عنها فى كتاباته ... وأعتقد أن الوقت غير مناسب فى ظل الظروف التى نمر بها ويمر بها السودان الغالى . ولك التحية من الأعماق أيها الرااااااااايح .

[كمال أحمد]

التراث الصوفى وأدب المديح للمصطفى صلى الله عليه وسلم فى السودان وأثره فى إذكاء الحس الدينى لدى الشباب ، والسمو بالمًريٍد

[الرايح]

الأخ العزيز كمال أحمد لماذا أسميتها فتنة ؟
كما قلت قبل ذلك القبلية و العنصرية موجودة شئت ام ابيت.
ولا اخفي عليك فمعظم اصدقائي من ابناء الشمال... ولكن لما الكلام يدخل الحوش كلهم بيضارو.
وبالنسبة للوقت في انه غير مناسب بالله عليك عندما يحين كلامني." لمن يجي الزمن الفلاني"

[ابوبكر]

[align=center]يا الرايح بنتمنى أنك أول شئ تكون وجدت نفسك ، وبعدين تعال فتش عن العنصرية وعن القبلية وعن ما يضاهيها من مواضيع ، السودان الأن غير محتاج لمثل هذه المواضيع التي تضر ولا تفيد ولا لمثل هذه النقاشات التي تدخل الناس في دوامات ما معروفة عواقبة ، انت شايف أنو في عنصرية ... كويس دي وجهة نظرك وأنت حر فيها .... عبر عنها زي ما داير .... لكن ما تحمل كل الأحقاد الموجودة في السودان علي أبناء الشمال .... عشان تكون منصف اكتر لازم تتعامل مع الشمال بحيادية زي ما بتتعامل مع الغرب أو الشرق ... مع أني متأكد انو اهلنا في الغرب ما بحسه بحاجة زي دي مع اخوانهم في الشمال .... ولو ممكن تراجع خلفيات اهلنا في الغرب وتعاملهم مع اهلنا في الجنوب كان وجدت الكتير في موضوعك ده .
ونرجو أنو الموضوع ده يتقفل لحدي هنا وما يتفتح تاني ،،،،،، ودي دعوة بقدمها لأخونا المشرف بضرورة حذف مثل هذه المواضيع التي لا تخدم غرض غير اثارة الفتن ..... وتكوين الأحقاد والأضغان.[/align][/size]

[الرايح]

[frame="7 80"]الأخوة الأعزاء
كنت اتمنى ان نعمل جاهدين لايجاد حل لهذة النظرة الدونية الموجودة في مجتمعنا،،،،،، ولكن للأسف
أتهمت بإثارة الفتن و الأحقاد فرحم الله أمرئ عرف قدر نفسه.
فكلكم تدركون أننا لا زلنا من دول العالم الثالث.
والشكر موصول لكل من شارك في هذا الطرح من الشمال الى الجنوب و من الغرب الى الشرق.
أخوكم الرايح,,,, لكن فعلا أنا ما رايح .[/frame]

[ود الريح]

اهلا بيكم مرة تانية انا قلتة الحقيقة لانو هم الوضعو العنصرية بين الشمال وباقى الولايات التانية وانت حيتنى على الشفافية شكر لكن ده الحاصل

[Sajooya]

يا جماعه من وجهة نظري انا لاحظت انكم قاعدين تخلطو كتير بين القبلية و العنصرية و ديه شي خاطئ
لانو ما عيب الزول يفتخر بنسبو و اصلو و الشي ده ما موجود في السودان بس في اي دوله عربية او اجنبية او حتى من دول الغرب بتلقى انو الزول بفتخر بنسبو و اصلو و قبيلتو

فاذا عاوزين تناقشو الموضوع ناقشوهو خارج نطاق القبائل بشكل عام فقط و زي ما قال الرايح اتمنى انو ما ندس راسنا في الارض و نتجاهل المواضيع اللي زي كدا لانو بالعكس اذا ما لقينا ليها حل بسرعه كدا حتنتشر الفتنه بيننا اكتر و اكتر

و اتمنى في النهاية مداخلتي تكون اثرت في الموضوع لانو انا عاوزة اتثقف بشده من الناحية ديه