هل اسقاط النظام في تشاد سيحل مشكلة دارفور

[ABDOWLOHAB2]

هل اسقاط النظام في تشاد سيحل مشكلة دارفور

[sunni]

العزيز عبدالوهاب

بمنطق الجغرافيا والحدود الجغرافية، ما مفروض يكون هناك أي رابط،، ولكن الموضوع معقد جدا،، وفيه روابط أكبر من فهم أي زول انه يستوعبها 100%،، لأن هناك روبط قبلية بالنسبة لقبيلة الزغاوة تربط بين أهلنا في دارفور وبين مواطنين تشاديين (إدريس دبي نفسه من قبيلة الزغاوة،، وأغلب المتمردين برضو من الزغاوة). كمان هناك إتهام حكومة تشاد للسودان بدعم المتمردين،، وكمان ظهور المتحدثين بإسم متمردي تشاد على قناة الجزرة وهم يتحدثو من (الخرطوم). إذا مش سقوط دبي وعكس الموضوع (فشل متمردين تشاد في مساعيهم) ح يياثرو على دارفور،، إنما للأسف ح يأثر على الوضع في السودان ككل،، لأن الفهم أصبح ان السودان هو داعم للمتمردين،، وبعد ما كان رئيس تشاد يتفاخر بأنه درس وتربي في السودان،، أصبح السودان له عدو،، سواء اكان محق أو لأ،، إذا الموضوع أكيد ح يأثر سلبيا في كل الحالات على دارفور في المقام الأول،، وعلى السودان وحكومة السودان عموما في المقام التاني،، وربك يسهل

[مجدى عكاشه]

العزيز عبدالوهاب

بمنطق الجغرافيا والحدود الجغرافية، ما مفروض يكون هناك أي رابط،، ولكن الموضوع معقد جدا،، وفيه روابط أكبر من فهم أي زول انه يستوعبها 100%،، لأن هناك روبط قبلية بالنسبة لقبيلة الزغاوة تربط بين أهلنا في دارفور وبين مواطنين تشاديين (إدريس دبي نفسه من قبيلة الزغاوة،، وأغلب المتمردين برضو من الزغاوة). كمان هناك إتهام حكومة تشاد للسودان بدعم المتمردين،، وكمان ظهور المتحدثين بإسم متمردي تشاد على قناة الجزرة وهم يتحدثو من (الخرطوم). إذا مش سقوط دبي وعكس الموضوع (فشل متمردين تشاد في مساعيهم) ح يياثرو على دارفور،، إنما للأسف ح يأثر على الوضع في السودان ككل،، لأن الفهم أصبح ان السودان هو داعم للمتمردين،، وبعد ما كان رئيس تشاد يتفاخر بأنه درس وتربي في السودان،، أصبح السودان له عدو،، سواء اكان محق أو لأ،، إذا الموضوع أكيد ح يأثر سلبيا في كل الحالات على دارفور في المقام الأول،، وعلى السودان وحكومة السودان عموما في المقام التاني،، وربك يسهل

عبد الوهاب ..

بداية تحية واحترام ..
بإعتبار انك فتحت الموضوع للنقاش .. بالتالى انا عندى رغبة ارد على اختلافى مع الاستاذ الراقى السنى ..
اولآ : بدون سرد وتنظير كتير للوضع الراهن فى دارفور والسودان ككل .. نتكلم عن العلاقة التشادية السودانية الحالية .. هى عبارة عن تحالفات .. مابين المعارضة الدارفورية والمعارضة التشادية والحكومتين .. يعنى حكومة السودان بتدعم قوات المعارضة التشادية المتواجدة شرق تشاد والحكومة التشادية بتدعم المعارضة الدارفورية غرب السودان .. يعنى اساس المنطقة جيوش مختلفة وحروب فى اوقات متقطعة مابين اطراف عديدة وده الجاب الهوا لى ناسنا ديل .. لمن دخلت القوات المعارضة للحكومة التشادية العاصمة .. ماكان من المعارضة السودانية وتحديدآ حركة العدل والمساواة الى انها تدخل لصالح (دبى ) بحجه ان الجيش السودانى كان بساعد فى المعارضة التشادية فى الحرب الاخيرة .. وصرح المسئول الاعلامى لدى حركة العدل والمساواه انهم فعلآ كانو بيحاربو لصالح الرئيس التشادى ( عشان كان فى بعض الجنود السودانيين هناك ) .. وطبعآ اذا انقلب الوضع ومسكت المعارضة التشادية الحكومة فحركة العدل والمساواه وضعها بيكون خطر جدا لانها ماقاعدة فى دوله ( حليفة ) بالنسبة ليها بالتالى من مصلحتها ان الرئيس دبى يكون موجود .. والحكومة العكس تمامآ بأعتبار تشاد مادوله حليفه وقاعدة بتدعم فى المعارضة السودانية وبتتهم السودان بخرق حدودها ودعمو للمعارضة التشادية الحاجة البتخلى السودان تحت انظار العالم ..!!
وفرنسا طبعآ هى المحرك الاساسى للسياسة فى شمال ووسط افريقيا ومن مصلحتها ترعى مصالحها بهدوء وخلف الانظار .. مع العلم انو جاك شيراك السابق كان حليف للسودان والرئيس الحالى الفرنسى هو صديق لى بوش الابن وقاعد بيدعم فى المعارضة السودانية وتحت حمايتو السيد عبد الواحد محمد نور رئيس حركة تحرير السودان ( واكبر دقاق جرس سودانى ) .. والشخص الرافض المفاوضات حتى ألأن ..!! مع العلم ان دارفور وجبه دسمه لمن يستطيع الطبخ .. وسم قاتل لمن لا يجيد الطبخ ..!!

[sunni]

العزيز مجدي

كلامك جميل ومنطقي،، بس ما شايف فيه تعارض مع كلامي إطلاقاً (مع إحترامي لمقولتك)،، فأنا ما تطرقت ولا نفيت عملية الدعم والدعم المعاكس،، ولكن السياسة العالمية لا تحتاج سوى إلى مقولة تتماشى مع ما تحب أن تسمع وإلا تقوم الدنيا ولا تقعدها (وين أسلحة الدمار الشامل العراقية)،، ففرنسا إنسحبت من الحرب الكلامية وقعدت تراقب، وكل العملته انها اجلت رعاياها من انجمينا، لأنه مصلحتها في الآخر هي مع من يجلس في سدة الحكم في تشاد،، ولكن هناك من في مصلحتهم ضرب السودان ووضعه تحت الوصاية (خلينا ما نكون ساذجين ونقول انهم ضد البشير وحكومته بالتحديد)،، وحقيقي نحن عندنا مشكلة في دارفور (بل للأسف أن التهميش في كل البلد ما عدا العاصمة)،، إذا مشكلة دارفور ما هي إلا وسيلة،، بغض النظر عن انها حقيقية أو وهمية،، وبالتالي دعم الحكومة السودانية لمتمردي تشاد يستخذ وسيلة،، سواء أكان حقيقة أم مزاعم،، فلا يهمنا أين هي الحقيقة بقدر ما يهمنا أي السياط سيقع على ظهورنا وما هو مصدره،، وحين يقع السوط،، فالأمر سيان،، أكان من الداخل أم من الخارج،، وما هي دوافعه،، فهو سوط سيدمي الظهور

[مجدى عكاشه]

العزيز مجدي

كلامك جميل ومنطقي،، بس ما شايف فيه تعارض مع كلامي إطلاقاً (مع إحترامي لمقولتك)،، فأنا ما تطرقت ولا نفيت عملية الدعم والدعم المعاكس،، ولكن السياسة العالمية لا تحتاج سوى إلى مقولة تتماشى مع ما تحب أن تسمع وإلا تقوم الدنيا ولا تقعدها (وين أسلحة الدمار الشامل العراقية)،، ففرنسا إنسحبت من الحرب الكلامية وقعدت تراقب، وكل العملته انها اجلت رعاياها من انجمينا، لأنه مصلحتها في الآخر هي مع من يجلس في سدة الحكم في تشاد،، ولكن هناك من في مصلحتهم ضرب السودان ووضعه تحت الوصاية (خلينا ما نكون ساذجين ونقول انهم ضد البشير وحكومته بالتحديد)،، وحقيقي نحن عندنا مشكلة في دارفور (بل للأسف أن التهميش في كل البلد ما عدا العاصمة)،، إذا مشكلة دارفور ما هي إلا وسيلة،، بغض النظر عن انها حقيقية أو وهمية،، وبالتالي دعم الحكومة السودانية لمتمردي تشاد يستخذ وسيلة،، سواء أكان حقيقة أم مزاعم،، فلا يهمنا أين هي الحقيقة بقدر ما يهمنا أي السياط سيقع على ظهورنا وما هو مصدره،، وحين يقع السوط،، فالأمر سيان،، أكان من الداخل أم من الخارج،، وما هي دوافعه،، فهو سوط سيدمي الظهور

العزيز السنى ..
تحية واحترام ..
يا استاذى الراقى اولآ صباح الخير .. تانى حاجة نحن اختلفنا فى كلامنا واحدة من الاختلافات نقطة تشاد قبل الان صديقه للسودان بإعتبارات دبى من قبيلة الزغاوة وتصريحاتو انو سودانى الاصل .. والان بدعم السودان للمعارضة التشادية اصبح عدوآ لها .. اساسآ هم مختلفين من زمان من قبل 2003 العلاقات اصبحت متدهور جدا تشاد قاعدة فى ظل رجل ما نظام .. وهنا قاعدين فى نظام شلة ما حزب .. يعنى افريقيا عمومآ عليها العوض ومنو العوض .. اما التأثير على السودان فبالعكس .. صراحة انا من زمان كنت براهن على غباء حكومتنا .. لكن الكويس انهم فى السياسة الخارجية اولاد مفتحين الحصل اليلة وامبارح فى تشاد كان من مصلحة حكومة الانقاذ الوطنى بلا شك .. وبيدعم اتفاقية ليبيا وبيخلى الحركات المسلحة هناك هشه وتحتاج الى تفاوض سريع وبيضمن تحول الراى العام مبدئيآ من اراضية وانتقال منظمات العون الانسانية تتحرك على تشاد وتفتح فروع هناك .. بس ما زى هنا .. وحيظهر السودان مظهر الدولة الراعية للاجئين التشاديين فى خلال الايام الجاية وحيقدم ليهم دعم السودانيين ما شافوهو قبل كدة .. اول التنظيمات المتوقعها انا توقع من النظام بعد الحصل دة هم حركة العدل والمساواة لانها بتتلقى الدعم مباشرة من الرئيس التشادى ( دبى ) اما بقيت الحركات فما عليها الى انها توقع او تنسحب .. ودارفور بالصورة دى خلال سنة بالكتير حتتوقع اتفاقية نهائية لحل الازمــه .. دة من وجهه النظرة الاولى للوضع فى تشاد ومن مصلحة من مايحدث ..؟؟ اما فى زاوية تانى ممكن تكون خطرة على السودان .. فى حالة فشل المتمردين فى احتلال مقاليد السلطة .. فعليكى يا دارفور كل التحية والسلام ..!!

[مجدى عكاشه]

اما بما يختص بحكومتنا ..
فلا اعتقد حقآ انها قد همشت الولايات ماعادا الخرطوم .. لقد تم تهميش الانسان نفسه فى دوله لا تحترم حقوق الانسان .. فكيف ندعوها بدوله .. او كيف ندعوها ديمقراطية .. او كيف ندعوها حياة ..!!

[sunni]

زي ما قلت ليك يا مجدي،، انا كلامي تخطيت فيه العوامل الداخلية من صراعات بين الحكومة وحركة العدل والمساواه أو غيرها من الحركات المناهضة،، وحتى العلاقة السودانية التشادية،، انا إشارتي كانت لقوى أخرى قد تستغل الفرصة وأخذ العصا زيادة العقوبات كما ونوعا. والمتحيل تبكي القشة

[ABDOWLOHAB2]

اشكركم علي هذا الرد و اتمني لكل من دارفور وتشاد السلام والا من والاستقرار

[مجدى عكاشه]

العزيز السنى ..
طيب .. نتكلم عن الدول العايزة تستغل ازمة دارفور الحالية .. وفى دول من مصلحتها ان الحرب فى دارفور تقيف .. طيب يا سيدى .. تعال نشوف براحة براحة الدول العايزة الحرب تستمر والدول العايزة الحرب تنتهى .. ومصلحت دة شنو ومصحلة داك شنو ..!!؟

رايك شنو نواصل فى الحوار ده ..!! عشان على الاقل نقدر نقرب الصورة الداخلية والخارجية للزائر الكريم ولينا نحن زاتنا ولى باقى الاعضاء والصورة عمرها ما تكتمل اذا ما كل الاعضاء شاركونا بى رايهم هنا .. وانا بستناك عشان نكمل الصورة ونشوف تشاد والسودان الى أيـــن !!؟؟

[sunni]

طبعا يا مجدي قبل ما نخوض في غمار الموضوع خلينا نتفق على حاجة،، لما نقول (دول) نحن بنقصد شنو؟ فهناك دول ما من مصلحتها إستمرار المشاكل في دارفور لا بشقها الشعبي، ولا من جانب الحكومة،، ولكن هناك دول تؤيد حكوماتها إستمرار الحرب (وإن أظهرت خلاف ما تبطن) ولكن من المؤكد انه شعبها غير مؤيد للحرب. لو متفق معاي في دي،، ممكن نواصل

[sunni]

هناك بعض المعاملات والحاجات اللازم الناس تعايين ليها قبل ما تبدأ النقاش،، وهي الآتي

1. مخططات فرنسا وبريطانيا الإقتصادية
في فترة الإستعمار كان لفرنسا مخطط لعمل خط سكك حديدة من غانا جنوباً وحتى الصومال الفرنسي، بينما كان لبريطانيا مخطط بعمل خط سكك حديدة من الإسكندرية في مصر، وحتى مدينة كيب تاون في جنوب أفريقيا. ومن الواضح أن نقطة الإلتقاء كانت في السودان،، ومن هنا بدأ نوع جديد من أنواع النزاع الفرنسي البريطاني في أفريقيا،، وقد كانت الغلبة لبريطانيا (جزئياً) لعدة أسباب،، ومنها المصاعب التي واجهتها فرنسا في المد الفرنسي الثقافي في منطقة دارفور بسبب الدولة القوية في ذلك الوقت والمتمثلة في سلطنة الفور بإدارة السلطان على دينار. وقد إستمدت مقاومة السلطان على دينار للمد الثقافي الفرنسي على اساس ديني، حيث انه كانت للسلطنة مكانة كبيرة في العالم الإسلامي وصلت لأن تكون سلطنة الفور هي القائمة على والراعية لعدد من الأمور الإسلامية شملت الكسوة السنوية للكعبة المشرفة، وتعمير عدد من المواقع الإسلامية التي لها علاقة بالمناسك الإسلامية، ومنها تحديث السلطان على دينار للميقات المكاني لأهل المدينة، والذي سمى لاحقاً بإسمه (آبار على). بينما مهد الطريق (نوعا ما) للبريطانيين بشق السكك الحديدة وإستطاعوا تنفيذ جزء من المخطط. ومن الآثار التي نعيشها حاليا نتيجة هذه الأحداث هي وجود الخط الحديدي الرابط بين حلفا شمالاً وحتى كوستي جنوباً،، بينما ان الدول الموالية لفرنسا وتتحدث الفرنسية هي الشريط الأفريقي من أقصى الغرب (غانا) ويتوقف في منطقة تشاد، بينما واجه الفرنسيون ايضا صعوبات مع الإستعمار الإيطالي في منطقة اثيوبيا ،، بينما إستطاعت السيطرة على منطقة جيبوتي (الصومال الفرنسي)

2. تاريخ النزاع القبلي في دارفور
من المهم التطرق لحقيقة المشكلة والمتمثلة (حسب معرفتي) في محورين،،محور النزاع القبلي على الأرض والمرعى،، ومحور النظرة الدونية لفئة من القبائل للأخرى

3. مشكلة التهميش
وهي مشكلة تعاني منها معظم أقاليم السودان

كما ان هناك المطامع الجديدة التي ظهرت بعد إكتشاف البترول في المنطقة، وما موضوع الحديث عن إكتشاف اليورانيوم، وما ترتب عليه من إحساس بإمكانية إستقلال الإقليم إقتصادياً بعد ما كان هنالك إحساس خاطئ لدى العديد بعدم وجود المقومات الإقتصادية السليمة في الإقليم

وللحديث بقية

[مجدى عكاشه]

العزيز السنى ..

معليش يا راقى بس اخوك مشاكلو مع ناس الدى اس ال كترت الايام دى .. وصراحة دة اشكال خدمى ححتاج عما قريب Un عشام يحلوهو لى ..!!
المهم يا استاذى ..
انا معاك فى السرد التاريخى دة بس احيانآ الصدف والامكانيات بتلعب دور اساسى فى المنطقة وتحديدآ دارفور او جنوب السودان .. ومطامع العالم الهناك ديك لسة موجودة وذادت بى شكل رهيب مع تغير المناخ بالمناسبة .. فى دراسة صراحة ما متزكر اسم المركز الطلعها بس بحاول اجتهد فى مفهوم الدراسة البتتعلق بى ( ثقب الاوزون ) .. الدراسة دى وضحت زوبان الجليد من المناطق الباردة فى العالم وتبادل الاجواء المناخية مع الاقطار العربية وتحديدآ الافريقية .. اى بمعنى جليد وبرد قارص فى شرق ووسط افريقيا وجزءآ من الخليج .. وطقس حار من موسكو الى باريس وانطلاقآ الى لوس انجلوس .. بالاضافة لى معلومة افتكر انت عارفه ان النفط فى الخيج اصبح غير مرغوب فية فى السنوات القادمة .. يعنى عشرين سنة لى قدام حيكون فى استحالية انتاج الموارد البترولية من الكويت والسعودية والخليج بشكل عام .. وماعارف الدراسة دى حللت نوع النفط الافريقى ولا لا معنو الاجود اقتصاديآ البترول الخليج بالتأكيد ..
على العموم .. من الدراسات السابقة دى كان لابد من التدخل الامريكى القوى فى الشئون الافريقية بشكل عام للسيطرة على المنطقة والاحكام عليها بواسطة الحليف الاستراتيجى للولايات المتحدة وهو Un وعن طريقها ممكن يدخل .. اما فرنسا وايطاليا فصراحة ما عند فرتسا حل غير انها تحمى ممتلكاتها وتحاول السيطرة عليها .. لكن السادة الامريكان زمان دعمو الرئيس الجديد قبل ما يجى .. ولمن جا بقا ولدهم بالتأكيد والسيد عبد الواحد محمد نور هو ابن فرنسى من ام امريكية سياسيآ ..!! ودايمآ الولد بيسمع كلام امو وبصهين من كلام ابو ..!! والحق يقال الليلة سياسيآ بيغلب الملف الامريكى اكتر من الملف الفرنسى .. ولو لاحظته غياب البيت الابيض من قضية تشاد .. والغياب دة مقصود الى حين ..!! وتأكد من انو الامريكان حيتسنو الفرصة القاضية للدخول والقضاء على الوجود الفرنسى بأسم السلام ..!! ويا خبر الليلة بالفلوس بكرة يكون ببلاش ..!! ومن هنا بإمكان الامريكان انهم يحمو مصالحهم الجديدة فى غرب السودان وعقد صفقات حرب زيادة مع مجموعة حزبية للضغط على ملف دارفور ..

اما بما يختص بالازمة فى دارفور فهى اتجاوزت الاشكال الثقافى والعرقى .. بقت الازمة اكبر من تجار ورعاه ومزارعين .. الازمة فى دارفور بقت سياسية بحته والسياسية فى دارفور بتعتمد اعتماد كلى على الامكانيات مع على البرنامج الانتخابى او البرنامج المعرفى للتنظيم .. كما هو الحال فى جنوب السودان وكما هو الحال فى شرق السودان بما يسمى بمؤتمر البجا .. وبما يسمى بالمؤتمر الوطنى الذى لايحمل برنامجآ فكريآ وسبحان الله يحمل خططآ سياسية ..!!


وكما قلت انت آنفآ ان للحديث بقية واعتزر مجددآ للتأخير ..!!