حـــوار المــــوضـــة والأنــــاقــــة

[بت أبوظبي]

[img]http://members.lycos.co.uk/ali3333/x/pi ... ep2[1].jpg[/img]

مرحبا ..
من الشائع لدينا نحن معشر الشباب اهتمامنا بمواكبه عالم الموضه والأناقه .. ولكن قلة أو فئه منهم لا يكترثون بما هو جديد أو يكتفون بما لديهم في خزانة الملابس من موضه قد تكون مرت عليها سنوات ..

سؤال لكم جميعا ..
هل أنتم من محبي الأناقة .. ومسايره آخر خطوط الموضه ؟؟
هل تهتم بأناقتك الشخصية من اهتمام بكل التفاصيل الأخرى من تنظيف لبشرتك .. تنظيف الأظافر لدى صالونات التجميل .. حمامات مغربية ..؟؟
موضوع للمناقشة ..

[ikadolly]

فى انتظارك بت ابو ظبى.........

[بت أبوظبي]

شكرا صهيب على المناقشة وطرح رأيك ..
بس في سؤال :
هل توافق على عمل ميك أوفر .. أو طله جديده ؟؟
سؤال للجميع

[alex muaaz]

موضوع حلو خالص بس لو تصدقو كنت بتكلم فيه قبل يومين .
أنا بحب الأناقة وبحب الموضة ممكن أتابع أخبار الموضة بس أنا أجرب لأ دي حاجة بعيد من الخيال لأني مقتنع بأني ما حألبس لبسة ماماشة مع خطواتي أو المكان الماشيهو أو مع ماماشة مع الناس الماشي معاها كل حاجة على حسب الظروف بس أكيد بهتم بالأناقة وبحب أكون أنيق وسط الناس خصوصا الجزمة لوماكانت نضيفة ومورنشة كويس من باب البيت ماحأطلع .
ماشي على المثل بس مافي داع تفهمو غلط عشان مانتحرج (الراجل جزمة) .
شكرا للموضوع الرائع

[احمد يس]

بت ابوظبى
ما عارف ممكن اتكلم فى الموضوع والا حتقولوا دا موضوع شباب بس
انتى خلطتى فى موضوعك بين الموضة واعتناء الانسان بنفسه......................
انا غايتو بعتقد انو الموضة هو كل ما يناسب الانسان......... يعنى بمعنى آخر ممكن 2 من الناس يرتدون احدث صيحات الموضة......الاول ممكن لمن نشفوا نقول انه لابس موضة والتانى ما نشفوا كدا
اهتمام الانسان بنفسه من الناحية الجمالية شىء مطلوب سواء كان بحمام مغربى او تركى او خلافة
لكن السؤال هنا هل نحن نهتم بالموضة لشخصنا اتو لكى يشاهدنا الآخرون

[القرش]

[img]سؤال لكم جميعا ..
هل أنتم من محبي الأناقة .. ومسايره آخر خطوط الموضه ؟؟
هل تهتم بأناقتك الشخصية من اهتمام بكل التفاصيل الأخرى من تنظيف لبشرتك .. تنظيف الأظافر لدى صالونات التجميل .. حمامات مغربية ..؟؟
موضوع للمناقشة ..[/color][/size]

بالنسبة لى .. انا من محبي الاناقة وبشوف الاناقة واجبة لازم تكون انيق حتى تعكس الصورة الداخلية لنفسك ولوطنك
واما بالنسبة للموضة فطبعا بتبع الموضة ولكن فى المعقول والمعقول جدا يعنى مش تطلع حلاقة فيها قمبور تانى يوم انا امشى اعمل قمبور ولى مثلا نزل بنطلون استايل مشرط من الركبة ومخطط فى الفخذين ومعبى كلو جيوب انا ما اصدق امشى اشتريهو ..
وعلى العموم نحن فى سنة 2007 والناس ما بترحم لما تشوف واحد دقة قديمة ، والمشكلة هى ان الناس اصبحت تربط ما بين الاناقة والموضة مع الثقافة يعنى لما يشوفوا واحد لبسو عادى وتسريحتو عادية يفتكرو انو ما فاهم حاجة لانو ما مواكب التطور الحاصل ، وكدة اصبح الناس تحكم على الانسان بالاناقة والموضة
ونسال الله الستر

خالص تحياتى

القرش

[بت أبوظبي]

شكرا على مشاركتكم وعلى التفاعل .. أحمد يس الموضوع للجميع دون استثناء
شكرا مره تانيه

[ود القبائل]

الموضة والاهتمام بالشكل العام للانسان شيئ جميل
بس الماسف انو بعض الشباب بلبسوا موضة غريبة جدا
انا بعتبرا نوع من البهدلة
يعني الليلة لو الفنان الاجنبي فلان الفلاني لبس بنطلون او قميص معين
تلقي الشباب كلهم يلبسوا من غير مراعاة لشكلو او لونو
يعني نحن في بعض الاحيان بنقلد تقيد اعمى

[بت أبوظبي]

ود القبائل شكرا على المرور والتعليق
بس ما وريتنا هلى توافق على عمل طله جديده أو ميك أوفر ؟؟
شكرا لك .. سعدنا بك

[صلاح يحيى سليمان]

الموضة....الاناقة....التقليد....المظاهر...كلها عبارات وردت فى الردود.
عاوز اضيف عليها.....الراحة...!!!!
اتخيلوا واحد سمين لابس بنطلون موضه ضيق....!
اول ما يرجع البيت ويفك الحزام.....يتنهد...ويتنهد...!!!
انا بلبس بس الحاجه البتريحنى وما تضايقنى فى الحركة.
واكتر حاجه بحب البسه الجلابيه.....!
تتجدع فيها بمزاج.

مع تحياتى

[ود القبائل]

السلام عليكم
حكاية ميك اوفر new look بالطريقة البتعاملو بيها الشباب اسة دي
انا ما من انصارا شديد
ما معنا كدا اني ضد الموضة او اللبس الجميل المنمق
الذي يجعل الناس يحترموك ويقدروك
بعكس شباب كثيرن يابسون ملابس غريبة الشكل
يعني الزول يتبشتن وهو فاكر نفسو في قمة الحضارة.

[بت أبوظبي]

شكرا مشرفنا .. ود القبايل على التعليق والمرور
بس في كتير من الأحيان بتكون الموضه والميك أوفر أو الطله الجديده تتماشى مع عاداتنا ,, دينا .. مجتمعنا الذي في كتير من الأحيان لا يقبل بالشئ الغريب و الشاذ ..
لأنه ما شرط أعمل حاجه جديده وتكون غريبه شاذه .. ما متفقه معاي
وشكرا

[ود القبائل]

ايوا يا بت ابو ظبي ممكن الموضه والميك أوفر أو الطله الجديده تتماشى مع مجتمعنا
انا مش ضدها , اطلاقا انا مع الاهتمام بالشكل والموضة لكن بشرط ان تحافظ على احترام الشخص
اكيد انتي شايفة وللاسف بعض أو معظم الشباب كيف ببهدلوا نفسهم بلبس اسمحي لي اقول مش جميل
يعني يصغرهم قدام الناس ويقلل مقامهم
وتسلمي

[بت أبوظبي]

اكيد وده المطلوب .. حتى الواحد في كثير من الأحيان بيجد نفسه في مواقف محرجه تجعله في كثير من الأحيان يرجع للوضع الطبيعي والمعروف للموضه ..
شكرا ود القبايل على المرور والإهتمام

[ود القبائل]

تسلمي على الطرح ابناء الجميل
الرائع
دمتي وسلمتي

[muhsin]

[a7la1=FFFF00]مقاييس جمال المرأه عند الشعوب

فالعرب كانوا يحبون الملامح الأصيلة : الأنف الدقيق والعيون الواسعه الكحيله و العنق الصافي الطويل والجسم الممتلئ مع الشعر الأسود الطويل والبشرة البيضاء الصافيه ويماثلهم الهنود والفرس وإن كانوا يميلون للرشاقه

**الغرب الطول الفارع
الغربييين في الوقت الحالي . يفضلون الطول ويهتمون به كثيرا ويهتمون به كأهم مقاييس الجمال ثم يليه الشعر الأشقر وإن كانوا يفتنون بالشعر الأسود والبشره السمراء الصافيه مع الجسم النحيف الرياضي والاكتاف العريضه والشفتان الغليظتان الممتلئتان

**اليابان ،، الأقدام القصيره
في اليابان هناك مقاييس مختلفه إذ يفضلون المرأة الناعمه الرقيقه الشكل البيضاء الصافية البشرة والعنق . الهادئة الصوت والتي تكون قدماها صغيرتان ومشيتها رقيقة ومتقاربة الخطى وكانوا يعتبرون الطول عيبا لاميزة في المرأةا

**الأسكيموا ،، أهم شئ رائحتها

بعض الشعوب مثل الأسكيموا والهنود الحمر : يهتمون برائحتها وبالذات رائحة الفم والشعر والجسم إذ يحرصون على وضع الزيوت العطريه والأوراق بالشعر مع مضغ بعض النبتات التي تطيب رائحة الفم وهم يختبرون رائحة فم المرأة وجسمها قبل خطبتها ومنها الخاطبة التي تقوم بمهمة ((البوليسي )) في شم رائحة المرأة المستهدفه

**الفراعنه ،، العيون الكحيله

الفراعنة القدماء أهتموا بالعيون الكحيلة أكثر من غيرها إذ بحثوا عن أجود أنواع الكحل لأن المرأة كلمااا ركزت على جمال عينيها أصبحت أكثر سحرا وجاذبيه واهتموا كثيرا بالعطور والأبخره ..... وهم أول من استخدم اللبان لتعطير الفم
**أفريقيا ،، الرأس الأصلع

بعض القبائل الأفريقية : يزيدون في مهر المرأة كلما إزدادت سواد بشرتها لأن ذلك ليس دليل على الجمال فقط !! بل دليل على صفاء عرقها كما أنهم لايفضلون الشعر الطويل أبد إذ يقومون بحلق الفتيات تماما (( على الصفر )) حتى تبدوا أكثر أنوثة وجاذبيه !!!!!! كما تعجبهم السمنةااا .....
**منغوليا والتبت : عنق الزرافه
قبائل منغوليا والتبت : تفضل العنق الطويل جدا حتى أنهم يضعون حلقااات معدنيه على عنق الفتاة منذ ولااادتها كل عام حتى يزداد طولها وقد تصل الحلقات لعدد كبير جدااا حتى إن المرأة لتبدو كالزرافة لكنها الأجمل لديهم

**جنوب السودان المخمشه
في جنوب السودان وبعض الدول الأفريقية : تهتم بعض القبائل جدا بالشقوق التي يقومون بعملها على وجه المرأة منذ ولادتها كحماية لها !!... وكذا بطنها ويديها ويعتبرون المرأة غيرالمخمشه ناقصه وقد لاتصلح لللزواج
لك التحايا بت ابو ظبى[/a7la1]

[muhsin]

[a7la1=FFFF00]المرأة أحد تلك الأمور التي تتناولها مسألة الجمال ـ إن لم تكن هي الأهم ـ والملاحظ أن النظرة الجمالية للمرأة في أغلب المجتمعات الحالية تتعلق بجمال الجسد دون الروح[/a7la1]

[بت أبوظبي]

شكرا محسن على الإضافه ..
وشكلك كدا من محبي الموضه .!!.
شكرا مره اخرى

[شاربة توت ولابسة بوت]

اضيف بأنني مدمنة تسوق الى درجة الجنون !
ولو أني القى بعض اللوم على طبيعة مهنتي ؟
التي تحتم على ان اظل انيقة ولا فته للانتباه ..
لأن شعاري في العمل يقول :
ان الانطباع الاول ..
يبقى ويؤثر في الآخرين الى الابد !

وعشان ما اظلم مهنتي الرائعة !
اريد ان اريح ضميري
واقول الحقيقة التي تتلخص في حبي
الشديد للتجدد والمظهر الجميل !

تحياتي بعنف !

[عاشقة محمود عبد العزيز]

موضوعك جميل وأنيق بت ابوظبي

الأناقه ما دايما تربط بالموضه التأثير الأول و الأخير للشخص ...
بغض النظر عن لبسه كان مع الموضه أو لأ...
مواكبة الموضه بتكون باختياري أنا للحاجه اللي بتناسبني
ممكن الموضه تكون : لون ، نوع من الأحذيه ، لبس ، .......
وماتناسبني وطالما انها ما حتناسبني ما في داعي..
وأنا بعتقد انو دايما الأناقه في البساطه واختيار الحاجه المناسبه لي
و براعي وزني ، طولي ، لوني......