رأيك فى الزول البسف تمباك !!!

[batota]

بصراحه أنا شفت الموضوع ده و عجبني شديد و قلت أجيبه ليكم و خلينا نعرف رأي الناس فيه شنو كمان. خاصة أنو الأراء حتكون مختلفه .. و هي كمان فرصه للنقاش فيه ...

رأيك فى الزول البسف تمباك شنو ؟؟

و بالنسبه للأولاد عاوزه رأيك بصراحه فى الزول البسف تمباك وكمان لو جاك متقدم عاوز اختك وهو زول كويس شديد لكين بيسف هتعمل شنو ؟؟

و بالنسبه للبنات أتخيلى أنو عريسك بسف تمباك وأنتي ماعارفاهو رغم انو زول كويس شديد وبعد كده أعترفليك إنو بيسف هتعملي شنو ؟؟


{منقول}

[دلع]

حبيبتي بطووطة

.



التمباااك حاجة بطالة وعادة سيئة جدا ياخي دا حاجة مقرفة خااااالص ...

وسبحااان الله انو الاولاد البسفو غالبيتهم بخجلو منها يعني الواحد مابطلع كيسو قدام البنات بالزاات ...

اما حكاية اني ممكن اسيب شخص علشان هو بسف فهو كلام غير منطقي ...

اذا كاان الولد دا محترم واخلاقوو كويسة ومافي شي بيعييبو غير الشي داا ...

ولو امرو بيهمني كتيييير حاحاول بقدر الإمكااان اخليييه يسيبوووو ...

واذا فشلت محااولاتي العوووض على الله ...

دا رأيي الشخصي ...

تسلمي ياعثل ع الموووضوع ...

وتقبلي مروري ...

[batota]

~*¤ô§ô¤*~دلع العسوله~*¤ô§ô¤*~

التمباااك حاجة بطالة وعادة سيئة جدا ياخي دا حاجة مقرفة خااااالص ...

دي معاك فيها 100% ...

وسبحااان الله انو الاولاد البسفو غالبيتهم بخجلو منها يعني الواحد مابطلع كيسو قدام البنات بالزاات ...

والله يا دلع في أولاد زاتو ما بيشتغلوا كان البت قاعده جنبو ولا لأ ههههههه ..

اما حكاية اني ممكن اسيب شخص علشان هو بسف فهو كلام غير منطقي ...

اما دي معاك فيها 1000000%

يسلمواااااا حبيبتي على مرورك الحلو ...

[solita]

السلام عليكم جميعا انا رجعت ليكم بعد غيبة طويلة وحبيت ارد على موضوع بطوطة بخصوص التمباك ومن وجهة نظرى انو غير حضارى وغاية فى القرف انا ماعارفة الواحد لمن يكون خاتى ليهو سفة بيحس بى شنو
شكرا على الموضوع
تقبلى مرورى

[batota]

~*¤ô§ô¤*~solita~*¤ô§ô¤*~

حمد لله أنك رجعتي لينا بعد طول الغيبه ...

من وجهة نظرى انو غير حضارى وغاية فى القرف

دي وجهة نظرك و أنا بحترمها طبعا ...

انا ماعارفة الواحد لمن يكون خاتى ليهو سفة بيحس بى شنو

دي أنا ما عارفا فيها أي شي أسألي منها ناس الخبره هههههههه

تسلمي عزيزتي عالمرور و التعقيب

[batota]

بصراحه أنا ما بحكم على الزول من سفته ,, وما عندي رأي في الزول اللي بيسف ولا السفه بتقيم أخلاق الزول عندي لاكين رأيي في السفه زاتا لأنها أول شي مضره بالصحه و بصراحه شكلها ما ظريف في فم الزول ولا حتى ريحتها,,
و ما أي زول بيسف معناته وسخان و ما نظيف, أنا بعرف ناس بيسفوا لاكين نظافه شنو و وجهاهة شنو حاجه كده لما غلط السفه ماليها أي دخل في الحاجه دي, النظيف نظيف و الوسخان وسخان وهي في النهايه حريه شخصيه يعني ,,,
لاكين برضو كلامي ده ما معناتو اني مع الناس اللي بيسفو لأنها زي ما قلتا مضره بالصحه و كمان بضايق الناس اللي حوله ..
و أما حكاية عريسي اللي أكتشفتا أنو بيسف ده ,, ما دام أنا أخترته كزوج لي معناتها إني مقتنعه بيه و ده بصراحه ما سبب منطقي عشان أخليه ,, لاكين يمكن أزعل منو حبه لأنو خبى علي حاجه زي دي ..

[MiSs PlAnEt]

هلا بطوطة
طبعا[mark=FFFF33] السف [/mark]قرف ووساخة ومضر جدا وكل العلل فيه...
وانا بصراحة بقرف شديد من الناس اللي بسفوا وما اظن انه ممكن ارتبط بواحد بسف !!!
حتى لو كان ملاك وده عيبه الوحيد... لانه مستحيل اكون متزوجة من واحد قرفانه اقرب منه !!
ومشكورة عالموضوع...

على فكرة...انتي كنتي غايبة وين؟ اشتقنالك يا عسل

[batota]

~*¤ô§ô¤*~MiSs PlAnEt~*¤ô§ô¤*~

مشتاقين موت ,,
تسلمي حبيبتي على صراحتك و جرأتك في المشاركه بتاعتك ,,,
و دي وجهة نظر و رأي ولازم تحترم طبعا ,,,
أنا كنت غايبه مع الدراسه الكتيره , طلعت روحي و الله هههههههه ,,
شكرا عالسؤال يا عسل ,,

[batota]

أنتـو ياشباب المنتدى عندكم حساسيه من الموضوع ده ولا شنو مافي زول جاني بجاي ,,,كل الجوني لحدي هسي بنات,,, ههههههههههههه ,,

[ibn batoota]

أنتـو ياشباب المنتدى عندكم حساسيه من الموضوع ده ولا شنو مافي زول جاني بجاي ,,,كل الجوني لحدي هسي بنات,,, ههههههههههههه ,,

انا غايتو يا بطوطه


ابري واستبري من الصعوط



انا ما عارف الشباب ديل بسفوه كيف



انا غايتو

ما بسف ابدا

علا اكون طاشم:D

[حافظ عوض الله محمد]

رأيك فى الزول البسف تمباك شنو ؟؟

مالو مازول عادى بس بسف

لو جاك متقدم عاوز اختك وهو زول كويس شديد لكين بيسف هتعمل شنو ؟؟

بطوط بجيب ليه كيس التمباك وبقعد اتفاهم معاهو الزمن دا فى عرسان

و بالنسبه للبنات أتخيلى أنو عريسك بسف تمباك وأنتي ماعارفاهو رغم انو زول كويس شديد وبعد كده أعترفليك إنو بيسف هتعملي شنو

انصحك انا اعملى نائمة

انا ماعارفة الواحد لمن يكون خاتى ليهو سفة بيحس بى شنو

بحس بانو سافى ليه تمباك وخاصة لو كان اصلى



بطوطة احب ان اشكرك على ادارة الحوار فى هذا الموضوع المنقول ( كما اسلفت )
والسبب انك نقلت الموضوع واهتممت بالحوار والرد وتوضيح وجهة نظرك
لكن لو رجعنا للموضوع نجد ان التمباك يعتبر من العادات الضارة لدى الشباب
والحق انها عادة رجالية بحتة
لكن ياربى النساء ممكن يكونو دخلو شبكة التمباك ماعارف

[Suhaib]

جيبو سفة ياخ

كيسي بايت

،،

[حزن السنين]

[grade="00008B FF6347 008000 4B0082"]الغالية بطوط ،،،

مشكورة علي طرح الرائع
و انا بفتكر انوا الصعود و السجائر هي مجموعة من القناعات الشخصية للانسان
و لكن اتفق معك في مدي الضرر التي ينتج من استخدام هذه العادة و الوصول الي مرحلة الادمان
و نجد انا المواد المستخدمة في التصنيع تحتوي علي مواد ضارة بالانسان و قد نجد ان الضرر لا يحدث
للانسان في نفس الوقت و لكن بعد فترة من الزمن تكون هناك اثار سلبيا جداً

تخريمة :
معليش الكلام دا ذكرني نكتة لزيزة و هي انوا في واحدة اتزوجت ليها راجل بسف و ما كانت
عارفة الحاجة دي قبل الزواج و اكتشفت يوم العرس و قالت ليه يخسي بتسف ،،،
قاليها : حرم بس و بطلق ....!!!!!

اه الراي شنو ؟؟؟[/grade]

[Suhaib]

يعني الي حد ما ممكن نقول انو التمباك ما اجتماعي اضف الي ذلك سلبياتو الصحية مستقبلا

بس ف مجتمعنا كسودانيين ممكن نقول العادة اصبحت عااادية !!

عادي تسف

ولو امرو بيهمني كتيييير حاحاول بقدر الإمكااان اخليييه يسيبوووو

اصعب حاجة طبعا يا دلع انو الزول يخلي الفرح المعبا ء ف اكيااااس !!
لو قال ليك بخليو اسي يكون غشااك بحتاج فترة !

عندي صحبي خلي الصعوط سته سنة ورجع ليو !!
قلت ليو مالك رجعت ؟
قال لي رجعت ليو والستة سنة الفاتت دي خرمان

بطوطة ياخ السفة ولا صمة الخشم :D


،،

[موكب فرح]

بس ف مجتمعنا كسودانيين ممكن نقول العادة اصبحت عااادية !!

اصعب حاجة طبعا يا دلع انو الزول يخلي الفرح المعبا ء ف اكيااااس !!
لو قال ليك بخليو اسي يكون غشااك بحتاج فترة !

مشكوره بطوطة علي الموضوع ويا ريت لو أضفتي معاه التبغ ومشتقاته. بس هل عندك خلفية إن بعض الحريم بسفو الصعوط ذي الرجال.وطبعا العادة هذه موجوده عند معظم البلدان بمسميات مختلفة واخيرا هو تمباك.مثلا الهندي والباكستاني وأمريكي كمان. هو طبعا له أضرار كثيره ولكن كيف الرأس عند معظم الناس أهم من الاكل.وحكاية الواحده تزعل من زوجها وكده أو تخليه ده كلام جرايد .يوم يومين وتسير المياه لمجاريها,لان المسألة بقت شخصية وهو متورط . وربك يعافي الجميع.

[sarona]

العزيزه batota

موضوع جميل جدا ومتابعتك للبوست اروع ....

انا قبل ايام شفت تقرير عنه في التلفزيون وفكرت في كتابة الموضوع

بس انت ما قصرتي ....

وحقيقي التمباك اصبح ظاهرة سيئه منتشرة في المجتمع بين الشباب

قد اثارها السلبية ما تظهر الان لكن بعد سنين .....



وحفاظا على مشاعر الاخرين ...... نزلت الصورة دي فقط

.
.

[sarona]

هلا بطوطة
طبعا[mark=FFFF33] السف [/mark]قرف ووساخة ومضر جدا وكل العلل فيه...

يسلم فُمك يا MiSs PlAnEt

انا غايتو يا بطوطه

ابري واستبري من الصعوط

انا ما عارف الشباب ديل بسفوه كيف

:

أنت ود الهنا الزيك منو ؟؟ .. .... :D

لكن لو رجعنا للموضوع نجد ان التمباك يعتبر من العادات الضارة لدى الشباب

حافظ .......

وشهد شااااااهد من اهلها ( الشباب )

][align=right]اصعب حاجة طبعا يا دلع انو الزول يخلي الفرح المعبا ء ف اكيااااس !!
،،

قصدك يا صهيب الموت المعبأ في أكيلس ........

[وكيل عريف]

موضوع جميل بطوطه

بس لفت لنتباهى كلام اخونا حافظ
لمح الى انو البنات بقن يسفن
ودى حقيقه شوف عينى
البنات خشن الشبكه
وبنات صغااااااااااااار كمان
يعنى ما حبوبات لانو الحبوبات معروفات سفيفات
ممكن تعرس واحده وبعد فتره تكتشف انها كييفا بتاعت صعوط
اها فى حاله زى دى تعمل شنو؟؟؟؟؟؟؟؟؟؟؟

[sarona]

موضوع جميل بطوطه

ممكن تعرس واحده وبعد فتره تكتشف انها كييفا بتاعت صعوط
اها فى حاله زى دى تعمل شنو؟؟؟؟؟؟؟؟؟؟؟

وكيل عريف .....

ترجعها طوااااااااالي بيت ابوها لحين اشعار ااااااخر ............. :D

.
.

[وكيل عريف]

حتى لو كنت بحبها يا sarona

يعنى هسه ترطيبه العامل توقيعو سفه كاربه
مافى واحده بتعرسو؟؟