رابطة أنا سودانى بدولة الامارات

[waya]

السلام عليكم ورحمة الله
الاخوة الاعزاء سؤال : لماذا لا يمتد التواصل إلي لقاءات بين الاعضاء ؟؟؟
لماذا لا نكون رابطة في كل بلد به أعضاء لدعم المنتدى فنيا وماديا وللترابط فعليا وبالذات لنا نحن الذين نكتوي بنار الغربة ونشتهي التواصل مع أبناء جلدتنا دون أعمال و مصالح شخصية

اصدقائي بدولة الأمارات لكم هذا النداء فشدوا الهمة لتحقيق هذه الرابطة باسرع ما يكون

واقترح أولا: حصر كل الاعضاء بدولة الأمارات العربية
ثانيا تعيين شخص مسئول عن الشباب ( ايميلاتهم وتلفوناتهم ) حتى نستطيع التواصل واللقاء
وحاليا ممكن تراسلوني بالرسائل الخاصة لتبادل الهواتف
ثالثا : تعيين اخت تشرف على البنات ( تلفوناتهم ايضا وايميلاتهم )

ولكم مطلق الاقتراحات
وفي انتظاركم

[سالى]

فكره حلو ه ويا رب يكون فى تفا عل من الا عضا ء الموجودين فى الا مارات

[waya]

يا ناس يا عالم

أنا وسالي بس في الأمارت ولا شنو ؟؟؟

[MiSs PlAnEt]

هلا ويا انا معاكم ان شاء الله
بس زي ما قلت لازم في اخت تكون مشرفة عن معلومات البنات...
ومشكور على الاقتراح الجميل...

[Suhaib]

ناس الامارات ابقو مارقين


اي حاجة بتشجع الصلات الطيبة نحن معاكم من ع البعد بي يا وايا


الله يجمعنا كلنا ف ساعة خير :079:


لكن جنس رابطة بتكون :D

،،،

[مهند عبد الرحمن]

وايا فكرة جميلة ويا ريت ترى ارض الواقع وتكون نواة وياريت ايضا يعملوا زيكم الباقين في ارض المهجر وانا هنا في المملكة ما عندي مانع من تكوين رابطة وساقوم بالاتصال بباقي الشباب

[waya]

هلا ويا انا معاكم ان شاء الله

مس بلينت .. شرف عظيم انو نكون انحنا منكم
واقتراح المشرفة ده من اهتمامكم بعد ده وابقوا اصحاب الفكرة وحاولي ترتبي مع الناس البتعرفيهم هنا وسالي كمان

[waya]

اي حاجة بتشجع الصلات الطيبة نحن معاكم من ع البعد بي يا وايا

صهيب يا أخوي .. والله تشريفك اسعدني جدا .. ويا ريت المشرفين والمشرف العام يتبنوا الموضوع ده ويساعدونا في تكوين الرابطة عسى ولعل كل الأخوان في الخارج يسعوا لتكوين الروابط للفائدة العامة

ومنتظر تدخلك ( بعلاقاتك )

[waya]

وايا فكرة جميلة ويا ريت ترى ارض الواقع

مهند أخوي .. يا ريت كلنا نتوفق لما فيهو الخير

[بت الشماليه^ MisS_GreeN]

والله فكره جمييييييييييييييييييييييييييله


يلا شدو الهمه....................وابقو قولولينا منو المشرفه عالبنات عشان نتلاقى

[sunni]

شباب،، فكرة حلوة والله

طيب،، انا عندي ليكم إقتراح

انا طبعا في سلطنة عمان،، وح أكون في ابوظبي يومي 9 و 10 يناير 2008 بإذن الله.

إيه رأيكم لغاية الوقت داك تكونو اتعملت كل الإتصالات،، ولا حتى ممكن الناس كلللها ترسل لي على الخاص لو حابين،، واليوم داك نقوم كلللنا نلتقي،، لول ساعة واحدة،، انا جاي لي زواج صديق وزميل دراسة بصديقة وزميلة دراسة،، ومع انه الجري ح يكون شديد،، لكن بتمنى اني اقابل الكل ولو ساعة واحدة. وياريت ابن بطوطة اليوم داك ينزل لينا من البحر ونقابلة.

يمكن بعض الأخوات يكون حضورهم صعب،، وبالذات المتزوجات منهم،، ولا شنو يا بت التوت ؟
نحن نتمنى،، ونعذر ان صعب عليهم الأمر

[MiSs PlAnEt]

والله يا جماعة فعلا الفكرة حلوة.. والواحد كان يتمنى لو يقدر يشارك معاكم في كل المناسبات
وتكون الرابطة اقوى ...
بس زي ما قال كبيرنا السني(يمكن بعض الأخوات يكون حضورهم صعب،، وبالذات المتزوجات منهم،، )
وده فعلا الحاصل...فأن شاء الله حنكون معاكم قدر المستطاع..
وانا عن نفسي ما بعرف حد من الامارات مشترك معانا هنا في المنتدى..يا ريت ناس الامارات يشدوا الهمة معانا...ونحصر بعدبن عدد البنات والشباب عشان نقدر نعين المشرفات والمشرفين...
وبالتوفيق ان شاء الله....

[sunni]

شنو يا جماعة،، مالكم ما بتحددو،،،

خلاص ممكن أحدد ليكم انا ؟

الأخ وايا خليه يكون منسق للشباب،،،

والأخت مس بلنيت تكون منسقة للشباب. مع اني انا ما عاوز اتدخل،، لأنه في رأيي انه المنسق والمنسقة مفروض يكونو على اتصال،، لأنهم حلقتي الوصل،، فيجب انهم يكونو متصلين،، فهل ده ممكن يتحقق؟

لو اتفقتو،، افتكر انه الجميع مفروض يرسلو على الخاص للمنسقين.

ياريت لو ترسلو للأخ ابن بطوطه لأنه مرجع لناس الأمارات بالنسبة لي،، وما شاء الله عليه،، عنده عدد من الناس هو على اتصال بيهم.

[ibn batoota]

صباحو يا شباب

للاسف البوست ده ماشفتو علا هسي

فكره حلوه يا وايا نتمني تشوف النور قريب

بالنسبه لي ناس الامارات في مجموعه كبيره من الشباب

بث المشكله مشتتين كل ناس في اماره؛؛؛؛

بي النسبه لي الاخوات ذي ما زكرتو ممكن يكون فيها نوع من التحفظ شويه

لكن الشباب ديل انا معاكم تب،،،،وانشاءالله اقوم بالاتصال بالاعضاء البعرفهم

واطرح عليهم الفكره،،،،

بهناك كده

السني قلت لي طرب يوم 1:028:

الصفقه فووووق يا حبيبنا انا غايتو اساسي قبل الكراسي

بث حدد المكان وين،،، بجيك انا والعربي لو ربنا حيانا

ولغايت الوقت داك بكون نزلت من البحر

[Sudabest]

وانا كمان بثنى على الفكرة وموجود بالامارات

[sarona]

فكره رائعه جدا ....

واتمنى لهذه الرابطه التوفيق .....

وتحقيق الكثير .
..

[العربى]

فكرة رائعة وجميلة

اضيفوا العربى فى سجلاتكم




ومتواصلين

[waya]

السني .. تنور الامارات ومبروك لاصحابك مقدما
اقتراحك جميل بس مع الاعتذار أنا حاكون في اجازة السودان لغاية اواخر شهر يناير
لذا التنسيق حيكون مع الأخ ابن بطوطة

ارجوا من الأخوة مراسلة أبن بطوطة في الخاص

[sunni]

رجاء، على كل الأعضاء الذكور مراسلة الأخ المشرف (إبن بطوطة) على الخاص ومده بأرقام التلفونات،، ولا نزال في إنتظار متبرعة تقوم مقام المنسقة للإناث

[waya]

الأخوة الأعزاء ,,
الأعضاء المتميزون والرائعون ,,
يا ريت يكون هذا النداء اللبنة الأولى في تكوين الرابطة من جديد ,,

الأخ هومي والأخ أدهم ,, وبقية الأخوة في انتظاركم

وعلى بركة الله ..





المشرفين لو تكرمتم بنقل البوست لملتقى الأصدقاء

تشكراتي