منتدى أنا سوداني

القلب الملك كتب:ملاك الورود انا زيك ما لا قي لي سبيل
شايف الجدع هادر ،،،،،،،،كأنه التقول السيل
خلينا نتفرج ونضحك ،،، لامن دموعنا تسيل

يا أخوانا الجدعة دي ظابطة ،،واللا عايزنا ابعد من كدا،

علي أبوسن كتب:[overline]
شمعة امل
الناس الهنا
الزول الجديد كان نلقي ليهو فرقة بقول

فلانة حلاته من كلم البتوقد امر
وعملت لي حسسا علي ما مر
من كلمة عسل فاها اللذيذ بالمر
بعد تعبا شديد حتين تجود لك مر

مودتي [/overline]

حبوبة كتب:
بخيتة فلانة اللي قليبك حازت
وقعت ما سميت وفيك نيرانها قادت
مبارك دام دون الشباب بالكلم ليك جادت
زغردن رفقاتها وكتين سمحتن بيك فازت ..

مرحبتين حبابك جيت وللفريق نوَر
أي صح جديد بس لي فرقتك ضل :D
ماني قدك بس بعجبني اللسان الحر
في رجاك حارين تسمع القول البِسُر

القلب الملك كتب:يا ود نعيم في الجدع انا ما ماهر
أجيب كتاب وكراس خليني أقعد أزاكر
يمكن أقدر أجدع ،، و أجيكم فجرا باكر

علي أبوسن كتب:حبوبة
نورك شلع لدروبنا ضاوي
قولة سلام تدخل جوة اضلاعي
دي المحرية فيكم من قديم الايامي
طابت الجلسة عندكم ياندامي

سمسم يوسف كتب:

حبوبه وينك
زمن من لياليك الفريده
فقدنا طلتك وجيتك البنريده
عساكي دايما طيبه وشديده
وكل أيامك تكوني فيها سعيده

uthman كتب:حبوبة حبك في دماي في الفؤاد إتوكر
ضارب في الضلوع في الحنايا إتحكر
طال بي السهاد في بهاك أتفكر

حبوبة كتب:يرحب بيك لساني يا اللبيب الزين
قبالو جرت أحضاني وضحكن العينين
زغردت القوافي واتغامزن متل العوين
فرحا بي حضورك يا جنا الوزين