خواطر و أحلام ...... حلو مُر
المشرف: بانه
رد: خواطر و أحلام ...... حلو مُر
تعال لي جاي خليني أحكي لك حكاية
انا يا جناي شاربة من موية المحاية
بديت كتابتي بي قلم القصب وسكن الدواية
علي اللوح في المسيد من خشم الفكي وبسم الله آية
ودخلناها المدارس وخبرناها القراية
كبرت واتعلمت واتراكمت اشياء في جوايا
وما لقيت غير الورق أحكيه آلامي ومنايا
معاي يعيش فرحي وكل آهاتي وغنايا
الناس أسرار ودنيانا ياما فيها من خبايا
وفي القلم بلقى راحتي والورق دثاري ودفايا
انا يا جناي شاربة من موية المحاية
بديت كتابتي بي قلم القصب وسكن الدواية
علي اللوح في المسيد من خشم الفكي وبسم الله آية
ودخلناها المدارس وخبرناها القراية
كبرت واتعلمت واتراكمت اشياء في جوايا
وما لقيت غير الورق أحكيه آلامي ومنايا
معاي يعيش فرحي وكل آهاتي وغنايا
الناس أسرار ودنيانا ياما فيها من خبايا
وفي القلم بلقى راحتي والورق دثاري ودفايا
رد: خواطر و أحلام ...... حلو مُر
المتل ديل الله لا سخر لهم طاريهامس كتب: ياخيتى
قـول الشين عند الناس صِِبح مظهر حفاوه
تسلم ياال كلما زاد قولو.. عند الناس إزداد غلاوه
إت سَوْ هِمتك وخليك للآخرة شاري
غرور الدنيا أوعاك لا تباري
والكريم يا جنا ليك يلطف يضاري
يسلمك ويديك الزينتين ذرية ومصاري ..
رد: خواطر و أحلام ...... حلو مُر
[quote="هامس"] تسلم يالوصل حبك للمو دارى والدارى
غلبني وحاتك وربك يعلم
أجاريك فيه موزون الكلم
بالفي القلوب المولى يعلم
وتلقاه جزاك يوم الملم
ربي يخليك ويسلم لي ده القلم
غلبني وحاتك وربك يعلم
أجاريك فيه موزون الكلم
بالفي القلوب المولى يعلم
وتلقاه جزاك يوم الملم
ربي يخليك ويسلم لي ده القلم
رد: خواطر و أحلام ...... حلو مُر
حبوبة
ود الرضي قال
الأهلية كملت ياحبيب راحت ياحليل شمس المحنة القربت طاحت
وأنا بقول
الأهلية كملت ياحبيب راحت وخلاص شمس المحنة غربت شاخت
الدنيا ام قدود شالت ملاكي بعييييييييد بي فراقنا إتباهت
والحزن جوة القلوب ساكن خلا ها بعدت ومن الدرب تاهت
والفرح البقى نادر وجوده وأرياحه عدت زمان راحت
والأمل راكن بعيد ماشفنا لا حسينا بي رياحه فاحت
والله يستر
ود الرضي قال
الأهلية كملت ياحبيب راحت ياحليل شمس المحنة القربت طاحت
وأنا بقول
الأهلية كملت ياحبيب راحت وخلاص شمس المحنة غربت شاخت
الدنيا ام قدود شالت ملاكي بعييييييييد بي فراقنا إتباهت
والحزن جوة القلوب ساكن خلا ها بعدت ومن الدرب تاهت
والفرح البقى نادر وجوده وأرياحه عدت زمان راحت
والأمل راكن بعيد ماشفنا لا حسينا بي رياحه فاحت
والله يستر
-
- مشاركات: 6
- اشترك في: الأربعاء 2010.3.3 3:29 pm
- مكان: الخرطوم
رد: خواطر و أحلام ...... حلو مُر
رايع جدأ هذا النثر
-
- مشاركات: 6
- اشترك في: الأربعاء 2010.3.3 3:29 pm
- مكان: الخرطوم
رد: خواطر و أحلام ...... حلو مُر
انا سعيد لترحيبكم بي كعضوا جديد
- سماح البدرى
- مشاركات: 1335
- اشترك في: الأربعاء 2010.2.3 10:57 am
- مكان: الخرطوم
رد: خواطر و أحلام ...... حلو مُر
الكل اقسم ان ينام ...
يا أنت يا مدن المنافي ..
قد استئت من النيام ...
فأنا أجوب بحيرتي ...
كالطيف ... إلي متي ؟
سأظل ابحث في انتظار
وجهك يطل مع المنام ...
يا أنت يا مدن المنافي ..
قد استئت من النيام ...
فأنا أجوب بحيرتي ...
كالطيف ... إلي متي ؟
سأظل ابحث في انتظار
وجهك يطل مع المنام ...
- سماح البدرى
- مشاركات: 1335
- اشترك في: الأربعاء 2010.2.3 10:57 am
- مكان: الخرطوم
رد: خواطر و أحلام ...... حلو مُر
فلونت الرؤي
واخترت لون الاندياح
احتاجك الفرح الذي ...
يغتال في توجسي.. حزني
ويمنحني بريقا ..
لونه .. لون الحياة
وطعمه .. طعم النجاح.
واخترت لون الاندياح
احتاجك الفرح الذي ...
يغتال في توجسي.. حزني
ويمنحني بريقا ..
لونه .. لون الحياة
وطعمه .. طعم النجاح.
رد: خواطر و أحلام ...... حلو مُر
حبو
احكي ليك
حكاية علي ابوسن
قام شال حرف وخت حرف
وكترت الحروف
يقعد يعاين ليهن
لوعطش يرصهن ماء
وان قلبه خفق يبقوا حب
ولو عينو وقعت عليهن يخليهن جواهو اماني
اماني حلوة
ولوبقت اغلي المنال
يبقي الحديث شئ تاني
مالو
الريد عندنا طبع
ومحباها
بسمات رضا
محنة دي هي البجيب الود
اجيك شايل لهفتي
القاك اغلي امنيتي
احكي ليك
حكاية علي ابوسن
قام شال حرف وخت حرف
وكترت الحروف
يقعد يعاين ليهن
لوعطش يرصهن ماء
وان قلبه خفق يبقوا حب
ولو عينو وقعت عليهن يخليهن جواهو اماني
اماني حلوة
ولوبقت اغلي المنال
يبقي الحديث شئ تاني
مالو
الريد عندنا طبع
ومحباها
بسمات رضا
محنة دي هي البجيب الود
اجيك شايل لهفتي
القاك اغلي امنيتي
رد: خواطر و أحلام ...... حلو مُر
[font=tahoma]hoomy كتب:
الدنيا ام قدود شالت ملاكي بعييييييييد بي فراقنا إتباهت
والحزن جوة القلوب ساكن خلا ها بعدت ومن الدرب تاهت
والفرح البقى نادر وجوده وأرياحه عدت زمان راحت
والأمل راكن بعيد ماشفنا لا حسينا بي رياحه فاحت
والله يستر
الدنيا حالا دوام خوانة فراقة
بيمينا تدينا وبي شمالا سراقة
ما تحزن آ حِبي تسقي أشواقا
كم من حبيب قبلك أهوالا يود ضاقا
للعاشقين ديمة زايداهو خنّاقا
أرميه حزنك غادي لا يبقلك عاقة
وعشم لقياي في جواك .. فتح لك طاقة
علي وعليك دنيا وآخرة [/font]
رد: خواطر و أحلام ...... حلو مُر
[quote="Hoomy"]الدنيا ام قدود شالت ملاكي بعييييييييد بي فراقنا إتباهت
سبحانو خالق الروح وباريها
كاتب علي عبدُه مما يدخلا يوطيها
يباشرا بالصريخ يعلن سبابو عليها
زايلة خربانة وعدمان البواليها
لمتين يا ابن آدم تظل تايه في أراضيها
خايف منها وساكيها لا راضياك لا راضيها
أدّها ضهرك قبال تدفنك ات بالخصام باديها
سبحانو خالق الروح وباريها
كاتب علي عبدُه مما يدخلا يوطيها
يباشرا بالصريخ يعلن سبابو عليها
زايلة خربانة وعدمان البواليها
لمتين يا ابن آدم تظل تايه في أراضيها
خايف منها وساكيها لا راضياك لا راضيها
أدّها ضهرك قبال تدفنك ات بالخصام باديها
رد: خواطر و أحلام ...... حلو مُر
[quote="Hoomy"]
الأهلية كملت ياحبيب راحت وخلاص شمس المحنة غربت شاخت
هه يا تومي معقول ات ما ليك خبر
المحنة كلما تشيخ تتربى تكبر
كل الفروق تتلاشى تعبر
يفيض الشعور وللخواطر يجبر
الأهلية كملت ياحبيب راحت وخلاص شمس المحنة غربت شاخت
هه يا تومي معقول ات ما ليك خبر
المحنة كلما تشيخ تتربى تكبر
كل الفروق تتلاشى تعبر
يفيض الشعور وللخواطر يجبر
رد: خواطر و أحلام ...... حلو مُر
الروعة مرورك يا سيديكباشي مختار كتب:رايع جدأ هذا النثر
رد: خواطر و أحلام ...... حلو مُر
كباشي مختار كتب:انا سعيد لترحيبكم بي كعضوا جديد
وتاني أهلين بيك ومرحب
نشيلك محنة وليك خوتنا تصحب
ديمة بيوتنا فاتحة ولينا الوداد مذهب
بس خليك واصل لا تتاوق وتذهب
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: خواطر و أحلام ...... حلو مُر
حبوبة .. دائما تعجبني كلماتك .. وان شا الله دائما ايامك كلها حلو ...
رد: خواطر و أحلام ...... حلو مُر
[quote="سماح البدرى"]
أتمنى ليلكك ما يطول
وتكون ربيع باقي الفصول
أتمنى ليلكك ما يطول
وتكون ربيع باقي الفصول
رد: خواطر و أحلام ...... حلو مُر
بت البدري لون الحياة من خديك صاحسماح البدرى كتب:فلونت الرؤي
واخترت لون الاندياح
لونه .. لون الحياة
وطعمه .. طعم النجاح.
نورُه أشرق في عينيك لاح
همسو الضاحك في بسمك الوضاح
بريقو ف جبينك ضاوي
ونسيم البهجة عطّر فاح
رؤاك من لون قس قزح
سكن حرفك ولينا باح ..
رد: خواطر و أحلام ...... حلو مُر
علي أبوسن كتب:
قام شال حرف وخت حرف
وكترت الحروف
يقعد يعاين ليهن
لوعطش يرصهن ماء
وان قلبه خفق يبقوا حب
ولو عينو وقعت عليهن يخليهن جواهو اماني
اماني حلوة
الحروف والأماني ديل سبب جناني
في لحظة تكون وجع وتتسطر أغاني
معاها تعيش لوع وريد ماليه تاني
تيسم تعاين ليك بي لهفة وقلب حاني
ترحل هناك بعيد تشوف النجم داني
تحمد إلهك تب تنادي السعد جاني
وبس تقلب الصفحة .. تتناثر أماني ..
وآه منكم و وووب مننا ..
رد: خواطر و أحلام ...... حلو مُر
ترسم بإيدك لوحةعلي أبوسن كتب:حبو
احكي ليك
حكاية علي ابوسن
قام شال حرف وخت حرف
وكترت الحروف
تعيش جواها فرحة
بالمعنى واللمحة
بالضمة والفتحة
سكونو مو جرحة
وشدّو ما شَبْحة
ولا بتكسرو بفُسْحة
تعاين في حروفك
تتملى ف وصوفك
تحاكيهن طيوفك
تتمنى بس لمحة ..
و اكتب لي يا غااااالي الحروووووف
رد: خواطر و أحلام ...... حلو مُر
حبوبةحبوبة كتب:
وآه منكم و وووب مننا ..
اقوم افرش انا هنا ولاشنو
يامعذباتننا ومجهجهاتننا
الله يسمحكن اكتر واكتر
ونحن بيكن نظفر
تقسو علينا نقسو اكتر
تدونا محبة نديكم اكتر
تطيروا بينا السماء
نطير بيكم اعلي
ادونا حنية
نديكم الدايرنو