برسل ليك يا السمحة

[طلال الحكيم]

برسل ليك
سحاب سديم
بين طياته
حور عين
تشاهد مشهد
الاشراق
وتقول لمساءك
نغم ترنيم.

برسل ليك سحاب
بالغرام ماطر..
وبرسل ليك برق
زي لمع سنك ..
وبرسل ليك
سلام عاطر ..

[امرأه نخلة]

برسل ليك عيون في الدهشه حيرانيين ..
مليانه فرح وأنين ..
وبرسل ليك نسمات دعاش تطل الغاشي
والماشيين ..
برسل ليك ضنى السنوات وعذاب الوحده
والأهات ..
يقول ليك لسه مشتاقيين .. ومنتظرين

[اركمانيه]

برسل ليك سحاب
بالغرام ماطر..
وبرسل ليك برق
زي لمع سنك ..
وبرسل ليك
سلام عاطر ..

برسل ليك
سحاب مختال
يمشى الهوينه
من كم اسفار.
ولوحة جميل
في خاطر.
ترد دي تحيه
لى زولاً
كتير شاطر.

[امرأه نخلة]

[foq]

الشريك الكريم طلال
برسل ليك كلمات جميله يانعه
لك التحيه ومزيداً من المراسيل

[/foq]

[طلال الحكيم]

برسل ليك عيون في الدهشه حيرانيين ..
مليانه فرح وأنين ..
وبرسل ليك نسمات دعاش تطل الغاشي
والماشيين ..
برسل ليك ضنى السنوات وعذاب الوحده
والأهات ..
يقول ليك لسه مشتاقيين .. ومنتظرين

برسل ليك
حديث مخصوص ..
ما سمعته الأذنين ..
وما قالتو الشفتين ..
وبرسل ليك رموش عيني
عشان تجفف منك الدمعات ..
وبكرة لما أشوف حباب عينيك ..
بترحل الآهات ..
وتشرق البسمات ..
وبكتب ليك
في إيديك ..
( برضو مشتاقين )


أسعدني مرورك كتيير كتيير
لك التحية

[الضراع]

برسل ليك تحياتي
من كل قلبي لقلبك تتمك خير
تزيل غمك تشيل همك
تريح بالك يطيب خاطرك
تكون محسوب من الطيبين

[عم عبدالرحيم]

كلمات جميله بل رائعه

[طلال الحكيم]

برسل ليك
سحاب مختال
يمشى الهوينه
من كم اسفار.
ولوحة جميل
في خاطر.
ترد دي تحيه
لى زولاً
كتير شاطر.

برسل ليك نجوم وهلال ..
وظبي وغزال ..
وهوى وترحال ..
وقمرا ً أتاك في الحال ...
عشان تديه يا السمحة ..
شذى وشبال ..

[طلال الحكيم]

[foq]

الشريك الكريم طلال
برسل ليك كلمات جميله يانعه
لك التحيه ومزيداً من المراسيل

[/foq]

تقبلي تحياتي الحارة
ونورتينا بوجودك معنا ..
وما تنقطعي ..

[طلال الحكيم]

برسل ليك تحياتي
من كل قلبي لقلبك تتمك خير
تزيل غمك تشيل همك
تريح بالك يطيب خاطرك
تكون محسوب من الطيبين

برسل ليك حنين وأنين
من فراق أحبابي الحلوين ..
تجيك اليوم ..
وتلقاك دوم ..
بألاف خير ..

تحياتي أخي الكريم
ولك الشكر الجزيل على مرورك

[طلال الحكيم]

كلمات جميله بل رائعه

مشكور يا عم عبد الرحيم
لك كل الود والتقدير

[اركمانيه]

برسل ليك نجوم وهلال ..
وظبي وغزال ..
وهوى وترحال ..
وقمرا ً أتاك في الحال ...
عشان تديه يا السمحة ..
شذى وشبال ..

برسل ليك
دعاش النيل
وقت تذكر الحبان.
وجلس جميله
بين الضفه
ونور أبدان.

[حبوبة]

آ المريود .. مرسول ليك سلام مريوم
ناس التاية والسرة وماناسياك يا حلوم
عمك محمود أهلك جيرانك وكل حبانك للخرطوم
خالك مقموص منك مغموم قال ما كفرتلو كان محموم
ومن الحاجة سلام بالكوم والحاج راجيك بالمعلوم
وان سعلت عن حالي تشهدبو القمرة قبال النجوم
طال بعادك يا البلوم والعند الله ما معلوم ..

[طلال الحكيم]

آ المريود .. مرسول ليك سلام مريوم
ناس التاية والسرة وماناسياك يا حلوم
عمك محمود أهلك جيرانك وكل حبانك للخرطوم
خالك مقموص منك مغموم قال ما كفرتلو كان محموم
ومن الحاجة سلام بالكوم والحاج راجيك بالمعلوم
وان سعلت عن حالي تشهدبو القمرة قبال النجوم
طال بعادك يا البلوم والعند الله ما معلوم ..

آآمريوم ...سلام جاك من مريود كتير كتير بالكوم ...
حليل التاية وناس السرة وناس حلوم وبرضو ناس كلتوم ...
عم محمود شن الجابو تاني للخرطوم ؟ هي ناقصة ردوم ؟
وشن عرفني بمرض خالي المحموم ؟ خلي المقصة تشقو يا مريوم ...
وسلام للحاجة وقولي لأبويا ما ترجاني يا محروم دا المعلوم بقا معدوم ...
وعاد عليك كيفن إنت ما بسعل ؟ ما عشانك بعت الموية وبعت الدوم ..
مشتاقلك وبدور أجيك يا الغالية إلا الحالة يعلمبها القيوم ...يا مريوم يامريوم ..


تحياتي
(يا مريوم ) أقصد يا حبوبة ..
أسعدني مرورك الجميل ...
وربنا يرجع ليك مريود ..
لك مني كل التقدير والإحترام ..

[طلال الحكيم]

برسل ليك
دعاش النيل
وقت تذكر الحبان.
وجلس جميله
بين الضفه
ونور أبدان.

برسل ليك
غيمة تنشر الأفراح ..
توهب ليك دعاش ورزاز..
وتبلل وجهك الوضاح ..
وتجعل دنيتك ياسمين
وعبير فواح ..
وقلبك بها يتهنى
ويعيش مرتاح ..

[اركمانيه]

برسل ليك
غيمة تنشر الأفراح ..
توهب ليك دعاش ورزاز..
وتبلل وجهك الوضاح ..
وتجعل دنيتك ياسمين
وعبير فواح ..
وقلبك بها يتهنى
ويعيش مرتاح ..

برسل ليك
مارد المصباح
يحقق ليك أمانيك
جميعاً صاح.
تعيش فيها
متهني
دوام أفراح.

[طلال الحكيم]

برسل ليك
مارد المصباح
يحقق ليك أمانيك
جميعاً صاح.
تعيش فيها
متهني
دوام أفراح.

تعال يا مارد المصباح ..
بس أنا ماصاحبك علاء الدين ..
أنا الهائم في الغرام سوّاح ..
أنا العاشق أم وجيها ً زين ..
أنا الهجرني النوم ليل وصباح ..
من فراق معشوقتي نايرة الخدين ..
ما عايز لي درر برقها لواح ..
وماعايز قصور وجنود وحصين ..
بس عايزك توهبني ريش وجناح ..
عشان أطير لحبيبتي نور العين ..
نظرة من عينيها تشفي كل جراح ..
وتعب وعذاب سنين وسنين
عارف إني زول لحوح لحاح ..
بس بتعذرني لو جربتو عذاب البين ..
تعال يا مارد المصباح ..
وحقق منيتي في الحال ..
عشان يفرح القلبين ..
وعشان تسعد العينين ..
وعشان تهدأ الأرواح
يلا يا مارد عشان خاطري ..
ولو ما عندي عليك خاطر..
عشان السمحة نور العين ..
أو عشان صاحبك ..علاء الدين .

[اركمانيه]

تعال يا مارد المصباح ..
بس أنا ماصاحبك علاء الدين ..
أنا الهائم في الغرام سوّاح ..
أنا العاشق أم وجيها ً زين ..
أنا الهجرني النوم ليل وصباح ..
من فراق معشوقتي نايرة الخدين ..
ما عايز لي درر برقها لواح ..
وماعايز قصور وجنود وحصين ..
بس عايزك توهبني ريش وجناح ..
عشان أطير لحبيبتي نور العين ..
نظرة من عينيها تشفي كل جراح ..
وتعب وعذاب سنين وسنين
عارف إني زول لحوح لحاح ..
بس بتعذرني لو جربتو عذاب البين ..
تعال يا مارد المصباح ..
وحقق منيتي في الحال ..
عشان يفرح القلبين ..
وعشان تسعد العينين ..
وعشان تهدأ الأرواح
يلا يا مارد عشان خاطري ..
ولو ما عندي عليك خاطر..
عشان السمحة نور العين ..
أو عشان صاحبك ..علاء الدين .

مساء ك براحات أمل
أبداع يا طلال.....


يا مارد المصباح.......

تعال يا مارد الإفصاح
يا وجهة الإصباح.

تعال وديني عند قلبي
عند زولاً سكن جسمي
عند نبضة همس قبلي

عند دماً بيجرى دوام
في شريان.
عند مسكنُ اجفان
عند النور بشع بمكان.

عند زولاً سكن جواى
بفتش عني في وديان.

عند خاطر بيملئ
حنان.
عند شوقاً بيهدر
هدر بركان.

تعال يا مارد وديني
عشان خاطر
الكل والكان.

[ود الخير]

الحكيم احب ان اهنئك لأختيارك الجميل وانا معجب

بالبوست وننتظر المزيد ان شاء الله واسمح لى بهذه المشاركه البسيطه فى موضوعك الجميل
ارسل ليك كلمه حب واحده لاتكفى
كل مملكه الحب لك تحملها النسمات
وتحياتى

[طلال الحكيم]

مساء ك براحات أمل
أبداع يا طلال.....


يا مارد المصباح.......

تعال يا مارد الإفصاح
يا وجهة الإصباح.

تعال وديني عند قلبي
عند زولاً سكن جسمي
عند نبضة همس قبلي

عند دماً بيجرى دوام
في شريان.
عند مسكنُ اجفان
عند النور بشع بمكان.

عند زولاً سكن جواى
بفتش عني في وديان.

عند خاطر بيملئ
حنان.
عند شوقاً بيهدر
هدر بركان.

تعال يا مارد وديني
عشان خاطر
الكل والكان.

إشراقات وتجلي يا أركمانية ..
طيب هاك :

مسكني المارد من إيدي
وطار بي في الحال ..
وبقيت أنا زي ريشة ..
وشفت الدنيا من أعلى ..
وما أحلاها ما أحلى ..
وأنا قاعد أوصف ليه ..
أمشي هناك وتعال بجاي ..
وهو يقول لي ياخي أسكت ساي ..
عبرنا بحور ..
زهور وقصور ..
صحاري ودور ..
ووصلنا لبيتك إنت يا القمر..
وجمالك طغي على من حضر ..
وصحت أنا الولهان ..
لما شفت طرفك النعسان ..
هنا يا مارد وصلنا خلاص ..
وشكرت المارد
بحب وإخلاص ..
ولما نزلنا ..
وشاف المارد جمالك ..
تعب شديد وإحتار ..
وخطفك وطار..
وصحت يا غدار
يا غدار يا غدار..
وشالك وطار ..
وخلاني وسط النار..
آه آه أنا آه من النار ..
خراب و ودار ..
شالك وطار..
كلو من جمالك البهّار ..
جنن جميع الناس ..
وحتى الجن جن وطار..
ولقيت بجواري سيف بتار..
شلتو ومشيت كسرت
كل مصابيح الكون ..
وبقيت مجنون ..
ولعنت المارد المأفون ..
ومشيت برضو
لبيت علاء الدين
وكتلتو بسهم مسنون ..
عشان هو سبب الفراق والبين ..
وكل يوم بقيت أعاين للسماء..
يمكن علي المارد قلبه يحن ..
ويجيبك تاني يا السمحة..
قبلي أجن ..
وعشانك إنت يا الحلوة ..
يا أم أحلى عيون ..
ما ضراني
لو بقيت مجنون ..