همس القوافى

[لبيب]

وتر حبك عزف جواي
نغم بالإلفة كلماتو
وزغرد بلبلي الصداح
نسى وخلاها آهاتو
لقيتك في دواخلي فرح
بتهدي قليبي بسمتاتو

[waya]

عباد الشمس شافك .. مشاك ..
ساقِك جبيرة وجد
تيار الظلام غطاك
غياب البهجة ما هزّاك
هواك .. هز العهود .. بى الصد
***
تذوب يوم الشموس ضوّت
عباد الشمس يوم جاك ..
سألنا الغيم .. عِنادِك ردْ
أسف بُعدِك حروف جفّت
جِدار الماضى .. دمعة خد
***
غَفل طرفِك .. صَرَخْ ....ياليل
سرق عِشقِك صباحاتى
شتيل إحساسنا ما فرهَد
***
رحل صوت المغنى .. حزين
ولسّة الصوت .. صِراع زمنى
مواعيد عِشقِى ما بتِنـْهـَد

[لبيب]

احترت في وصفك أنا
واحتارت الكلمات معاي
أيا الصوت الصدح جواي
وهمسك جوا في الشريان
ياوردة ياذوق في بهاك
تخجل زهور السوسنة

[مها]

لو أنّ طيفُكِ قد عبر ....
نقّحت أشعاري ،علّقتُها في سُترِ بيتش الله ..
وشّيتُ ... الصّور ..
وتلوتُ آيات الكتابِ ... وفي السّحرْ.. صلّيتُ ...
جوّدتُ... السّور ....
حاذيتُ حذوِ اللهِ صُوفيا تّضمخَ بالبخورِ مُهوِّماً ..
في حَضْرةِ المَلكوتِ حجَّ .. وإعتمر ...
وتشّبثت عيناهُ بالعرشِ المَهيبِ وقد سما ...
بفؤاده عن كلِّ غاياتِ البشرْ ....
وتسامتِ الروحُ الشفيفةِ كوثراً ..
بالطُهرِ عّبأ .... وأنهمر
قَبسٌ مِنْ النورِ الإلهّي البهّي ... أشعَّ حيناً واندثر ..
لو أنّ طيفك قد .... عبر

[لبيب]

عند الغروب وعند أوقات السحر
كنت الهوى وصفاك في قلبي تجلى كالقمر

[لبيب]

أيا السافرتي جوا الجوف
بشاشة وإلفة في دنياي
عليك كل الكلام يتقال
وتتكسر معاني الدنيا
لما أقول اوصف يوم
مقامات دنيتك جواي

[الدغري]

يا من رمى سهم الهوى ومضى على درب النوى

هل كنت حين رميته تدري بما قلبي نوى


هل كنت تدري أنه عاف التجارب وانزوى

فاصبته متعمدا أن تستثير به الجوى

[الدغري]

وأخاف شوق العمر كلو يفاجئك يوم في عيني
ورى السمات كتمت دموع وبكيت من غير تحس بيا

[معتصم حامد عبدالرحيم]

بيت او اكثر من اى انواع الشعر
قرأتة .......
اعجبك .....فلا تبخل/ى

معاك بحلم
كأنى على فرس طاير
اغنى على وتر مشدود
واطير عبر السما الممدود
سما الوطن الى مالو حدود
حمامه جناها لاخايف
ولا مفقود

مها ..
بيكم أنا الزول الشفيف
شاعر أنا كاتب أنا
دونكم يضيع لحني الجميل
يا إنتوا يا أصل الغنا

[لبيب]

تخيل زول يدسك
في مسارب الجوف
يحس طيفك قريب منو
ويخونو الشوف

[waya]

سافرت لي نفس المكان
اسأل هناك واسأل هنا
تايه بلا عنوان أنــا
فتشــت ليــك
تعبت عيوني وحاة عينيك
وارتد في خاطري المني

[مها]

بحلم أجيك...

شايل عناقيد الفرح...

والفرحة تتسامي وتطول

وأشواقي بي عدد الرمال

وغرامي لاتقال لا انشرح

قربك يعلمني الصبر...

كم مره للدمعات مسح...

والفرحة يوم قربك يحين نلقاها لان بابها وفتح

[لبيب]

اخترت دون الناس عيون
مليانة إحساساَ رهيف
شوق في سحر رقة كلام
ممزوجة بالحب الحنون
يا ضل موشح بالنجوم
من غير هواك انا كيف اكون

[waya]

علي عمقك..
مشيت متلفحك خاطر
برغم ذبول نجيماتك سماك معقول
وشارع الشوق بدونك تِمْ
بحس بالقول
علي حد السيوف ... مجدول
بكل الفات
ورغم الحاصل المسلول
فوق عمقك قدل جواي
علي لقيا وبياض خاطر
وزي ما يكون

[لبيب]

ومشيت افتش في الحروف
لكني أبدا مالقيت حرفا يساير روعتك
يقدر يشيل احساسي شان يهديهو ليك

[mis.silent]

بوست ولا أروع تسلموا يا شباب

[لبيب]

كتبت وفي فؤادي نار شوق
لها لهب وفي جفني سحابا
فلولا النار بل الدمع خدي
ولولا الدمع لاحترق الخطابا

[مها]

يادنيا اهدتنى الفرح
ياواحه نستني الجرح
الليلة بيك انا بحتفى
ياسيد هواي المختفي
اهديتنى كل احساس جميل
ومعاك بديت درباً طويل
واحلى المعانى لو اكتفى
وكل الغناوي ولسه في
بى طلتك تشع نجوم
وترقص مع اشواقنا وتحوم
رزاز غيوم
وعطراً بيبت فيني ريد وغصون تقوم
الاهة دايما تختفى
وبي ريدي ليك انا بكتفي

[هاشم الرزقابي]

------------------- لغة العيون
لغة العيون تعني الهـُــــيام والصمت للعُشــــاق كــــــــلام
فتًحت جراحــــاتالسنين وقًدحـــت ذناد الشــــــــوق وئام
بَســمت مع طيف الشجن فضحـــت معـــــاني الابتســـــــام
ذكرني ياطيف الهوى وقــول عـــن محُـــب جـــافا المــنام
قول من جديد كيف الحبيب عاد بيه معســــول الكــــــــلام
فكرني يااحساس وقــول عــن ريد مضى واصبح خـــيال
عن لوعة الشوق والنوى وعن الهوى الأملــو الوصــــال
عن هاجس الجُرح القديم وعن ريده فاض بيهـــا المـــآل
وعن بحت الشوق والحنين وعن العشوق الحــالهُ حـــال
وعن ريدة فاض بيها الشـــجن ذابت جما ل رقـــه ودلال
وعن ومضه من ريدا نبيل عايشته في الوجــــــدان وطن
لوّن مساحــــــــات الهوى واصبح مع الايام شـــجـــــن
عاد من جديد بالريد أمل بعــــــد السنين اضحت زمـــــن
فاكــــر يعـــود يوقد شموع لحظات مشــاعرو الانطـــفن
ماأظن يعـــــــود ريدو المضى وخلاه لي مُـــر الشــجــن
،،،،،،،،،،،
،،،،،،،،،،،

[لبيب]

أريتو قليبي لو بنشال
كنت مرقتو من صدري
واكت ليك فيهو مقال
وارسلو ليك في مرسال
عشان باعين تشوف الشوق
وكيف الحب بيعوم في الدم
وكيف الدم بكب شلال