همس القوافى

[لبيب]

يا منتهى الذوق والشعور
يارقة في زمن الضياع
عالم من الحب والسرور
واحساس بتعجز عن مداهو
معاني كلمات اليراع

[ريانه إمام]

حاساك خايف
يا أقرب زول في العالم لي..
داير تستسلم
ويمكن داير حتي تموت
وانا ما بقدر احيا حياتك ليك
لازم يا تومي تحياها براك
وانا وعد ودين
لو تحيا .. انا بحيا معاك
..

[لبيب]

بلقاك جواي زي نغم
معزوف على وتر الفرح
وانت الملاك الكان هناك
في وردة بى لون قوس قزح
تهدي الجمال لى كل زول
وتخلي دنيا الناس مرح

[ريانه إمام]

عارفاك تعبان
وما بقدر امشي خطاك بدالك
لازم تمشيها برآآك
وانا وعد ودين
لو تمشي خُطاك
انا بمشي معاك
..

[لبيب]

وانا كيف اسيب مشهاد غناي
وانساهو ياست الحسان
وريني كيف الزول بعيش
من دون هواك في كل مكان !

[ريانه إمام]

انا جمبك يا محبوبي شديد
وفي الآخر جمبك ما معناها مكانك
وانا وعد ودين
لو تقدر تحيا مكانك
انا أحيا وأموت علشانك
..

[لبيب]

وانا بين مداين روعتك
والدهشة والسحر الجميل
دايما معاك يامنتهاي
يارقة الذوق الأصيل

[waya]

[grade="00008b ff6347 008000 4b0082"]بخاف يا أنت لو جيتك
الملم في خطاوي الشوق وأزور بيتك
يقولو عليّ حبيتك
وبخاف برضي لو غبت عليك
تقول ناسيك وجافيتك[/grade]

[لبيب]

وماتخاف الغرام والريد
بحبك انت بالتحديد
بحبك مهما قالوا الناس
وبكتب ليك أحلى قصيد

[( ود البورت )]

سلمت يداك ومشكور علي الشعر الجميل

ودمت بخير

تقبل مروري ،،

[لبيب]

يا جواي محكر في دواخلي سكونك
قول لي كيف اعيش ياغالي وابقى بدونك
شلت قليبي سافرت وبقيت مجنونك
ياريت تبقى جنبي وتبقى بي واكونك

[ريانه إمام]

أنا من زمان مليانه غلط
و المرة دي
أنا نفسي أعمل حاجة صاح
أنا نفسي شارع في نهايتو تكون إنت
وفي بدايتو تكون إنت
ونص مسافتو تكون إنت
أنا نفسي شارع كلو إنت
ما إنت صاح
و أنا نفسي أعمل حاجة صاح

[لبيب]

وانت الفرح
وتعب السنين المروا ديل
ويكون عقابو الارتياح
وانت القمر فوق السماء
والفرحة حد الإندياح

[waya]

[grade="00008b ff6347 008000 4b0082"]هل عندكِ شك أنك أحلى امرأة في الدنيا ؟
وأهم امرأة في الدنيا ؟
هل عندك شك أني حين عثرت عليك ..
ملكت مفاتيح الدنيا ؟
هل عندك شك أني حين لمست يديك
تغير تكوين الدنيا ؟
هل عندك شك أن دخولك في قلبي
هو أعظم يوم في التاريخ ؟؟
و أجمل خبر في الدنيا ؟ِ[/grade]

[لبيب]

يامن سكنت دواخلي وكياني
حبا يفيض ليملأ الأكوان
إحتارت الكلمات في وصف الهوى
أيضا حروفي عند نطق لساني
في حبكم اطلقت كل مشاعري
يامن هواكم قد سبا لعناني

[ريانه إمام]

لو بس بهدوء لميت ما تشَتَت من نباهه العاطفه
إتحايلتَ
صدقتَ إنهزامك
ومن نهاياتك بديت
رَتَقتَ سروال القلب
فرتَقتَ ساس الحِس
قريت من تاني هذا الطين
وبنيت غُرف الحنين
أكيد بتلقاك
لكِنك فقري .. يا الزول الساكِن جواي

[لبيب]

ياممزوجة بطعم الفرحة
الطالت منك وفرحت بيك
يا ساكنة العصب الداخل جوا
يغني سعادة ويهتف بيك
كيفن أقدر افارق ريدك
وقلبي يغني ويهتف ليك . . .

[waya]

[grade="00008b ff6347 008000 4b0082"]جميلة الدنيا لو تصفي
رقيقة وحلوة لما تجود
وأحلي من الميعاد صدفة
بدون ما العين
تشوف العين
بتنمو العشرة والألفة
وتتعارف
قلوب الناس
وتتوالف علي مرفأ
وتتبادل مشاعر الريد
وتنعم بالهوي وتشفي
وليك اشتقنا من غير شوف
واتعارفنا دون عرفة[/grade]

[لبيب]

ومعاك تتكامل الإلفة
وبى صوتك تغني الفرحة
طربانة
وتبقى الريدة تتراقص
تغني الدنيا في عيني
لما لقاك يكون صدفة

[waya]

[grade="00008b ff6347 008000 4b0082"]العمر أيام بعدن
يوم بجيبن ويوم بودن
حقو نحنا نعيش حبايب
دنيا بالحب ساهلة جدا[/grade]