[grade="00008b ff6347 008000 4b0082"]الضحكه ما بتعني الفرح .. والدمعه ما بتعني الضياع
مرات بنبكي من الفرح .. وبنبتسم لحظات وداع
يوم نمد إيدينا بكره .. وتكتب الأيام وداع
ما بنقول البينا غير .. ولا بنقول البينا ضاع
ما الشمس في الكون بعيدة .. وبتدي للناس الشعاع[/grade]
إذا رُمْت أن تحيا سليماً من الردَى****ودَينُك مَوْفُور وَعْرُضك صَيِّنُ
لسانك لا تذكر به عورة امرئ****فكلك عورات وللناس أعين
وعينك إن أبدت معايباً****فصنها وقل يا عين للناس أعين
وعاشر بمعروف وسامح من اعتدى****وفارق ولكن بالتي هي أحسن
يا متوهطة حلم الكلـ
ومعلنة إنك ضد البعض
أنا راغبـ أستخلص عذبك
من بحر الشكـ المالح
أسقيك حليب الروح
أكسيكـ من عُري الزمن الفاضح
يا وحم العشـق المحموم
ومخاض الجرح الفادح
أنا ليه قدامكـ .. دون ..؟
بتمنى أجيك ..
يا لوحة حب وهيام اهديك
أحلام وقصايد
نخلة بتطلع من واديك
من كل خطاوي الممشي
العابر حد الدنيا هناك راجيك
ما بين الزمن الماخد
من إحساسنا المرهف
وخطاويك
الشوق بتحدى الحزن
الساكن في ماضيك
أمل البسمة الجاية تضوّي
دروبك لحظة وبتغطيك
يا اجمل لمحة رقيقة وسمحة
معاني حنينة بتجي تديك
ضو الضحكة
وشمس الإلفة السكنت فيك
ما كنت احلم باعتناقك غير انى
فى مرايا وجنتيك تركت قلبى عاريا
ورحلت فى افق الحياة
اتوه فى ردهات حسنك والقصور
وهجرت فرحى فى صحارى لوعتى
ومشيت فى بر الغرابة
امتطى زهو الشعور
لا بدء لى الاّك انقل خطوتى
فى كل يوم للوراء وانزوى
فى آخر الاركان اكتب قصتى
فتضل يمناى السطور
جاييك يا ضل الضحى
ويا غيمة فرح للزول البجيك
شايل معاي من السفر
نور الصباح
ونور القمر لوجنتيك
ببسمة منك تشرق شموس
وتتنى أغصان الشجر مع مشيك
وأنا كل العمر قضيتو بسأل
عيونك في الخيال
يا الغالية لمتين أرحل و أجيك
بتمنى أجيك ..
يا لوحة حب وهيام اهديك
أحلام وقصايد
نخلة بتطلع من واديك
من كل خطاوي الممشي
العابر حد الدنيا هناك راجيك
ما بين الزمن الماخد
من إحساسنا المرهف
وخطاويك
الشوق بتحدى الحزن
الساكن في ماضيك
أمل البسمة الجاية تضوّي
دروبك لحظة وبتغطيك
يا اجمل لمحة رقيقة وسمحة
معاني حنينة بتجي تديك
ضو الضحكة
وشمس الإلفة السكنت فيك..
دخلتى زي ختّـة نفس
ومرقتى في لمحة بصرْ
مرقتي لا حِس لا خَبـَرْ
لا لوّحـَـت إيديك تلويحة وداع
لا سبتي جنب الباب أتر
هشّيتي أسراب الحمام
و أفشيتي في الأرض السلام
و كأّنِك إنتي المنتظر
و كأنك إنتي المُنتهى
وأول تصاريف القدر
