همس القوافى

[مها]

يا أمل باهــي وفرح مكتوم في جــواي

من لقاك أنا المحـروم يا شمـس دنياي

أنت شوق السنين والريد وأنت مناي

داير اكتب على الصفحات
مداد من الذهب يجري
حروف تتغنى بى حبك
معطرة بى عبير سحري
وممزوج فيها أجمل ريد
يغوص جوا الفؤاد يسري
ويرتاح في مدن عينيك
واسكن فيها طول عمري

[طلال الحكيم]

داير اكتب على الصفحات
مداد من الذهب يجري
حروف تتغنى بى حبك
معطرة بى عبير سحري
وممزوج فيها أجمل ريد
يغوص جوا الفؤاد يسري
ويرتاح في مدن عينيك
واسكن فيها طول عمري

وكـتـبـت ليك أنا فــــي جبـيـن اللـيل

بضيــاء حبــك (أنا البفديك بعمــري)

شــلت هــــواك الغــالي في عــيوني

وما إتبدلــت وإتغــيرت من صغــري

بريدك ريد عــــديم بين جميـع الناس

ماعرفوه بس شافوه في دماي يجري

وأنت يا حبي مهما تزيدي في هجري

ليك بزيد حبي ويمـــلأ كل صـدري

[مها]

زمنى المسافر فى هواك
موجة حنان متجننه
خليك معاى غيمه سماح
تتحدى ظلم الازمنه
علم هواى كيف الصباح
بطلع من الليل والضنا
شيل من دماى عصب الجراح
تلقانى جنبك سوسنه

[ريانه إمام]

من ياتو شارع أوصلك
وكل الدروب معطونة لى آخر الوحل
أستبيح كل الحواجز وأدخلك
من بين مسامك .. أدخلك
من أىَ قاسم مشترك
وشبه التشابه .. أدخلك
ونتلاقى نهرين من تسامى وإشتها
وأبداك من حيث إنتهت عندك
خواتم الإنتهاء

[مها]

اريتوا غيابنا مايطول
عشان الفرحة تبقى دليل
وتشرق من جديد ايامنا
تصبح للجمال اكليل

[ريانه إمام]

مدستر فيك الزول الجواى
ومنك أول زول
نازل دستوروا معاى
أول زول صالحته لوجه الأرض
كان منك
آخر زول ناهر خوفى
وعارف معنى الرفض
كان منك
..

[طلال الحكيم]

تاني ما عايـز أقــول حبيتك أنا وبهــواك

دا حبي يشهد ليه المسـا والنجم والأفــلاك

ودموع عيني وبرضو الطيبة الفي جواك

[مها]

ووقفت فوق حرف الغنا
شان القى بس حرف القصيدة
وليك إنت الحنا
وتعبت شان القى الكلام
فتشت في القافية وبحور الريدة والألق الجميل
ورجعت في الآخر لقيتك
إنت أسباب الفرح
وسعادة تملا الكون حنين

[طلال الحكيم]

[align=center]جربت كل كلام الريد الجميل

عشان أكتب ليك قصيدة

بس لقيت كل الكلام قليل

في حقك إنت يا الدرة الفريدة

أكتب وأعيد ...أكتب وأعيد

أصلو ما عاجباني القصيدة

ليه لأنك أنت نور العين

وإنت في جواي وحيدة[/align][/color][/b]

[لبيب]

وجاييك بى كل الفرح
شان القى عندك كل مناي
يارقة ياذوق ياملاك
يانجمة ضوّت لي سماي
انا ليك بصدح بالكلام
لامن يتم في يوم رجاي

[waya]

[grade="00008b ff6347 008000 4b0082"]كــنت فاكر انو انتى تغيبى عنى
عــدت اهتف بيكى مرة
كيف تعودى وقلبى ضـل
يامشاوير العذااااب
كنت احلم بضفاف العودة تانى
يالدميرة اليانعة بلون الامــانى
همسة الوردة الصبية
واحة الشوق المسافر
دمعة الشوق البــكر
نسمة تاهت بالاغـــــــــانى[/grade]

[لبيب]

لسا بكتب في الأغاني
ليك شان القاك تاني
أصلي شفتك في خيالي
وحبك انت ملك كياني

[مها]

....

وأتحسسك
من تاني أبدا أحسسك
بالكان مدسدس في الفؤاد
بالكان محكر في القلب
من كم سنة
ريد ياحبيب وكلو ليك
شوق للبريدك ومااكتفيت
غنا ياجميل بيوصفك

ومن تاني ارجع أدخلك
وفي حلمي أقدر أرسمك

[waya]

[grade="00008b ff6347 008000 4b0082"]ياريتنا لو نجمين بعاد أو بسمه في ثغر القمر
أو كنا زي نسمات دعاش راحلين مع الغيم والمطر
أو كنا زي باقات زهور أو نغمه في قلب الوتر
كان كل العمر اهديتوا ليك وياريتو لو يكفي العمر[/grade]

[مها]

كلُّ أَزْمِنَةِ الحبِّ تَرحلُ
إلا زَمانَكِ
مازالَ يَنبِضُ
رَغْمَ السُّكونْ
كلُّ شيءٍ جميلٍ تَوارَى
ولَكِنْ ..
عُيونُكِ تَزدادُ حُسْنًا ،
وتَزدادُ عُمْقًا
وأزدادُ عِشقًا لِهَذي الفُتُونْ

[waya]

[grade="00008b ff6347 008000 4b0082"]صادفتني ولم يكن في حسابي ,, أن أراها بعد طول الغياب
يا فتاتي ويا قرينة عمري ,, أنت خير الصحاب من أترابي
يا فتاتي هل دعاك فؤادي ,, أم شعرت بوحشتي واغتراب
جئت كالبدر في الدجى فطربنا ,, وسعدنا بسحرك الخلاب [/grade]

[لبيب]

بتخيلك
لما الغمامة تصب مطر
بتخيلك
أنا وانت والأفراح نغم
همساتنا في سطح القمر
بتخيلك
حرفاً يزيّن قافيتي
ويكسيها بى أروع صور

[مها]

شنو البيداوي غير رؤياك
منو الببقالي آسي بعد بسيماتك
وكت ترضي وتنادي علي تغازلني
تقول خليك وحدك في فؤادي براك
مافي مروق

[waya]

[grade="00008b ff6347 008000 4b0082"]خت في بالك الايام وإلفتنا
وما تنسانا كان ساقنا الزمان فتنا
مصيرها الدنيا تجمعنا ونجدد تاني شوفتنا
ونجيب زهر اللقاء الحالم نزين بيهو شرفتنا[/grade]

[مها]

لك فى مسارى
اسهم الاحساس تخترق الحواجز
تلتقى بالسحر فيك للآلئا
دررا ونهرا من عقيق
حتى يطل لنا اللقاء و ننته
لمداخل الاجراس تأذن بالدخول لعشقنا
و لبيتنا فوق الفضاء العامر الرحب الانيق
و بحانة الميلاد عندك ليتنى
ادنو و ارنو فى ربوعك انثنى
وبصدر حلمك اقتنى
عرش الكواكب علّنى
فى سندس الآمال اغفو لا افيق