همس القوافى

[مهاجر في البلد]

فترت حروف الريد تغازل روعتك
وتعب القليب من الأماني وغيبتك
لو تسمح الايام تعيد لي بسمتك
اسعد سنين
اهجر مرافيء الانتظار
بي طلتك

[سارة رامي]

شكرا علي الشعر الجميل
مهاجر انت اي كتبت الشعر

شكرا
تقبل مروري

[لبيب]

[align=center]بيك تزدهر القوافي
يابحور الروعة والهمسات مرافي
داير اقول ليك يامناي وياحياتي
انت أصل البهجة زاتا
وغاية الأمل الخرافي[/align][/size]

[الأميرالحب]

[all1=00ffff]

اتيتك احبو علي قدمي
فهل من مجيب الي
اتيتك واحمل لك كل المستحيل
فهل ترضي بي
اتيتك وبداخلي شوقى يحنو اليك
اتيتك ولاارضي بغيرك
فهل ترضي بي
اتيتك ياسحابات التهاني
يارزاز برد لهيبي
يامطر عزز خريفي
اتيتك وفي قلبي منحوت اسمك
اتيتك ولاذال اتيك حتي ترضي بي

ودكبوشيـــــــــــه

[/all1]

[shaheene]

حنان الدنيا ممذوح
بعيون الالفه والحلوين
مراسي الشوق تودينا
وتجيبنا على هوى الحلوين وروح ياشوق
وقول ليهم وحيات الله ورب الكعبة مشتاقين يا شبيه الياسمين

[لبيب]

ملامح البهجة في عينيك
بتهدي الفرحة لى قلبي
وبهتف لجميع الناس
بواصل فيهو حد الشوق
والقاك بهجة في دربي

[مها]

بتذّكرك قبّال اغّسل وشي من نومة الاسي...
البتعصر قلبي طول الليل ولاعند.... الصباح
وقبّال ديوك الجن يأذنو في الدغش يا صاحي
حيّ علي الصّلاة.. وياغافي حيّ علي الّفلاح
وقبّال خيوط الضو يقشّن من عيوني غتامة الليل
الطويل.. ويسّوكن احزاني بي .. طلّ الصباح
وقبّال طيور الجنّة تشهق ...بالغنا وتلقط حبوب
الشوق ... قبل هوج .. الرّياح
وبتذّكرك يوماتي .. لا خَفتن مشاعري وراك..
ولا قلبي الرهيف ... من وجعة الشوق استراح
بتذّكرك؟ وانا مانسيت والله ... شان اتذّكرك
يا واقد في جوفي الغرام...شوق وانشراح
وانساك كيف ؟ وانا قلبي من بعدك .. ضعيف
يا مقمّحنى.. وراك... قِماح
ولمّا القمر يَخفس يتاوق بين دهاليز السحاب
بفرح .. واقول ده وشيكا... لاح
ولمّن يغيب نورك .... وراو.. ببكيك واقول
ده قميري...راح!!!!
وبحزن عليك بالجد .. شديد واتمني كل ما
يطل قمر .. لو تاني ما يطلع صباح

[لبيب]

اريتوا غيابنا مايطول
عشان الفرحة تبقى دليل
وتشرق من جديد ايامنا
تصبح للجمال اكليل

[مها]

وكل من تصبحْ ... كنت بعانق
فيك اللهفة
وطيبة الناس الماهينين
و صوت الريح
التفرِحْ كل روّاسي
وكنت بحبك ... وهسة بحبك
و وكت الشمسِ بتطلع فرحة
و تكسر فيك يا ريد متراسي
ولسة بريدك
وببقى يمينك
وببقى بعِز
الليد التهَبِش قشرة طينك
وإنت بترسم
فرحة روحي
ورِدْ ياسميني
وعِز أنفاسي

[لبيب]

يا إحساس بى لون الرقة
يا السيطرت على إحساسي
تعرف إنك أصل الدهشة
وروعة شوق زمنك ألماسي

[جسور الود]

[align=center]لماذا صارت الأحلام أشواكا

تمزقنا بأيدينا؟!

لماذا نترك الأحزان تقهرنا

وتصفعنا.. وتلقينا؟

لماذا نقتل الأشواق

والنجوى لهيب في مآقينا؟

لماذا نكره الأحياء.. والموتى

ونكره كل ما فينا؟

كأن الأرض لم تنجب

سوى زمن يعادينا

وظل الليل بالأحزان

يسقينا.. ويسقينا

وطيف اليأس بالكلمات

يغرينا.. ويغرينا

ذهبت اليوم للعراف أسأله..

لماذا ترفع الأحزان قامتها بوادينا؟!

دنا العراف في همس

وقال: الخوف يا ولدي

أراه الآن يقتلنا ويهزمنا.. ويردينا

لأن الله يخلقنا ويطعمنا.. ويسقينا

ولا نرضى بأن نبقى له دوما مطيعينا

دعونا نطلق الكلمات ترحمنا.. تواسينا

دعونا نرفض الأشياء

مثل الناس أو نحكي مآسينا

لماذا يأكل الصبار أزهارا

رعاها.. كل ما فينا؟!

حياة الناس أغنية

وما جدوى أغانينا؟

وليل الصمت يخنقنا

ويطحننا.. ويبكينا[/align][/b][/size]

[مها]

الى من كان لى يد العون ووقف معى قلبا وقالبا
لك الشكر ................

يا بخت الزمن الغطي الشمس
الفيك معتصمة
وشال الضو من خد النجمة
وسكن الجنة الفي عينيك..
يا حظ الدرب الماشي وسايب
قلبووطالع
ومنك راجع
وداخل ليك
يا بخت الشوق الفي البركان
متضرع وساجع
بحر مواجع
ثورة ريد متفجرة بيك
يا حظ الليل القاعد جنبك
بيك يتوارى
يقيف ويتضارى
يغطي سماهو بضي خديك
يا بخت النام في غيمتك مطرة
تهب النار ولهيب الحضرة
تسيل دمعاتها وروحها عليك
***
يا كل ميلاد مشدود في الخاطر
زاهي وناضر حسو جميل..
يا وحي الوعد الرسم اللوحة
حديقة لون وقصيدة ونيل
يا زمن الشوق الخلى النبع يتمدد
في الأعماق غابات ونخيل
يا صوت الوتر الحايم في الأعصاب
نبراس ودليل
يا ليل مسقوف بالنجمة ولامع
بالإصرار الزينو عديل
لاقاك الشارع جنب القيف
الحبس الوردة
ودق نحاس البرق رحيل
يا شوقنا الطالع
ما تتدفق فيك مواجع وما تتراجع
لما خيول الشفقة تميل
وخلي البيت مفتوح للناس
صدرو حنين مليان احساس
وافتح باب للعزة أصيل
وخلي الزمن الصعب يتسهل
وخلي دموع الفرحة تسيل..

[لبيب]

دي كل مناظر الفرحة الجاية
ياتج راسي ويا إكليل
انت الأمل المشرق باكر
يخلي سنيني أماني تسيل

[مها]

رجيت غيم الامل ينزل بعد شال السحاب حنيت
وقلتا علي بكب مطرك رقدتا براي هناك غنيت
نسجتا من الولف زخات بعد ريق الوجع بليت
فردتا لهاتي بي صوتك وقلبك بالفرح غتيت

[لبيب]

وجيت من تاني راجع ليك ولى أنغامي ليك هديت
وغنيت للفرح والناس عشان القاك بس ياريت
اكيد بلقاك بدرا يهل على النغم الحنين هليت
أيا الأمل المروض عمري يادوب في القوافي بديت

[ريانه إمام]

بستناك!
وانا تانى وراك شن لاحق؟؟
دهستنى فى بعدك
حدو الخوف
الداخله علي بالساحق
ادينى القدره التمنحنى
بحجمك سعه الشوف
لو اقدر اطل من شاهق
وانا ضعفى امامك فاضحنى

[لبيب]

من صبابات الأماني
انا بهدي ليك الروح هدية
وأشدو بى أحلى الأماني
وبالأهازيج الندية

[بحر الاشواق]

رومـانـسيـه .. كلمات د. أديب بازهيـر

يامحلى شـعــــرهـا الغجريه يامحلى خــــــدودهـا الورديه

عيـونهـا عيـــــــون ايـرانيه وخشمهـا ســـــيـوف لبنانيه



ضحكتها ضحكـه أردنيــــه وشفايفها شفـايف مصـــريه

طبيبه وشـاعره رومــانسيه فصيحـه في كلامها عربيه



دلال في خصـامهـا عراقيه وفي دلالـــها رقــــه وحنيه

فيهـا الصفـــــات الخليجيه دلوعه في ترفهـا سعوديه



صـوتهـا أنغـــام حضـرميه وهمســهـا ألحـان اماراتيه

تفتــــخـر في حلاها يـمنـيه تحب الــورد يعني قطريه



فديت حواجبها السودانيـــه رموشهـا عمـانيه بحرينيه

في غـرورهـا كنها كويتيه وفي تواضعها كنها سوريه


حبـة الخـــال فيهـا مغربيه وتفـــاحة خدهـا فلسطينيه

مدري طيبة قلبها تونسيـه و الا جــزائـريه و الا ليبيـّه



ريــحتهـا عطـور باريسيه لبســـــهـا موديـلات ايطاليه

كلمــــــة جـمـال فيها شويّه مقـــــدر أوصف صعب عليّه



حبها بحــجـم الكره الأرضيه وحبـــــي لها قنـــبـله نوويه

أحب أبوهـا اليـــــن الشرقيه وأمها بعـدد نجــــــوم الثريه



هذي هي حبيبتي الرومانسيه اسمها هنـد وعيونها رماديه



كلمات

د. أديب بازهير

[مها]

--------------------------------------------------------------------------------

آه يازمن...
في جدار فرحك كتب...
فرقه وتعب...
وكيمان عذاب...
منسوجه ظن
تبكي العيون...
بحر الضياع وتعب المدن
وجوه المدن...
ضجه رحيل...
ونجما أفل...
قبل البزوغ...
وزفه حزن
وأملك يبين زي الضباب..
وفرحك يشق...
درب المحن

[مرسال الشوق]

نكتب سطور الحب على صفحات الأيام
ونرسم على ساعات الزمن دمعه
ونذوب في بحر الوهم وعذابه
وتنزف جروح الوقت بقى إحزانه
حب يضيع بين الوهم والوهن
تكسرت الروح وتتعثر القدم عثرته
تطو أيام الحزن وتموت أغصان الأشجار
وتنبت غصون الحرمان و دمعه الا الم
ويعيون في هذا الزمن تسهر مع
خيوط الظلام وتبكي زهور ندمن
وتضيع الخطوات مع لحظات الألم
وين الفرح وين الأمل في بحر تغمره أمواج الحزن
و توقف الأقدم وينتهي العمر
ولا نفرح ولا نسعد بموج بحره هذ ا الألم
ما قسي جروح القلوب وما أصعب دموع العيون
تجرح الخد الحزين وتحفر علامات الزمن
وبين التحدي وبين عثرت القدم يا زمن كلك الألم
يا زمن كلك جراح ملا من جورك الصبر
وصبح اصبر تثخنه الجراح والليل حزين
بظلمته يدور ساكن في كوكبه وما يلق
غير أنواح والبكاء وصرخ اه اه اه
تهنا في عالم من الوهم نحسب نعيش
العمر لحظه وبعده يكون الندم
وتكبر في صدورنا الجراح
وا نبحث عن من قدر راح راح
وملت الصدور بالجراح
كلن في وسط قلبه جرح ودمع يملا العيون
وصاح الآذان في طلوع الصباح حي علا الفلاح
ونركض ندور عن شي منا البارحة راح
لعلن نرجع لو بعض الأفراح
لقد راح الوقت ونطو اليوم بيومه
يكون فيه الزمان يكتب خطين أم الفرح او الحزن
البسمة او لجراح جديد بالاسم ونعيش
ولعل الوقت الجديد يكون الأمل ينير الطريق
وليل فيه أنوار العيد وزهور الفرح في المكان تزهى
وتزيد لكن رغم كل لي يكون نعيش الأمل
والحب فى سكون رغم الجروح ورغم ان الوقت الى راح قد راح
يمكن في مذكرتنا نعيد بعض الصور ونرسم لنا لوحه بالحب نبني
الى نهدم رغم الجراح ورغم الأمل نرسم البسمة والفرح رغم كل
الى حصل يمكن يكون لنا فى بقى الوقت بعض الأمل
ونبد مشوار العمر بالحب لو لحظه ننسي فيها
الألم
وا الا اه اه اه
يمكن نعيش بقى العمر نعشق نذوب
ونحب كل الى حصل بيكون مضي لنا
او عبارة في مذكره دخله تحمل بعض ماضي
فى صور او خط من قلم خط حروفه ونكسر
لكن رغم هذا وذاك يمكن يكون للوقت بقي رغم الى حصل