كتبت ليك ......

[بت السرف]

بت السرف زي جدي الغزال كاحلات عيونا وزينه
وإن قامـت مشت تقـدل متل وِزِّينه
السبب القبيل خـلاها تبقى حزينه
قالت لي بخـاف عين الحسـود تأذينا

[grade="ff1493 800080 ff1493 4b0082"]تسلم ايدينك .. ست الفرح والناس
ربى يحقق مرادك ..وتسعدى بالاحساس
وعين الحسود ماتطالك ..تجرح الاناناس
والحزن المخيًم .. مصيرو يمشى خلاص[/grade]

[صلاح محجوب عبداللطيف]

بنتنا بت السرف
سلمت أنااااملكِ الذهبيه
لاعدمنا جمال أبدااعكِ
ودمتِ بحفظ الله ورعايته

[بت السرف]

بنتنا بت السرف
سلمت أنااااملكِ الذهبيه
لاعدمنا جمال أبدااعكِ
ودمتِ بحفظ الله ورعايته

الجمال ما منى ..
من طلتكم الغالية ..
انتو الفرح والريد ..
انتو البحر بموجة عاليه ..
حبابك سيد البلد بجاى ..
حباب الطلة والفرحة الطاغية .

[المونت]

كتبت ليك

والفرحة فى جواى محطة ريدى ليك

كتبت ليك

والشوق يغالب فى البعاد فى الإفتراق حالف يجيك

كتبت ليك

ورينى كيف أصبر ريدى ليك

وكيف أعالج لوعه الشوقة والمسافة

والقليب الليهو إنتى طبيب

وكتبت ليك

[المونت]

كتبت ليك


وأطول فى همساتى ليك

كتبت ليك

يفيض إحساسى وأملا كل الكون بى كلمات همساتى ليك

ومحل ماتمشى قدامك تلقى حروف همساتى تحكى عن ريدى ليك

مهما طاوعتى حروفى وكتبت ليك الهمسات مابقدر أوصف حبى ليك

وكتبت ليك

لإنك إنتى روحى وفيك روحى ومهما كتبت ما بقدر أعبر عن ريدى

وكتبت ليك

[بت السرف]

كتبت ليك

والفرحة فى جواى محطة ريدى ليك

كتبت ليك

والشوق يغالب فى البعاد فى الإفتراق حالف يجيك

كتبت ليك

ورينى كيف أصبر ريدى ليك

وكيف أعالج لوعه الشوقة والمسافة

والقليب الليهو إنتى طبيب

وكتبت ليك

[all1=999999]مزجت ليك كل الحروف ...كلمات وفاء..

ونضمت من جيد الفرح ...موعد لقاء..

وكتبت باحرف دهب..ومضات رجاء..

يازمنى الكعب ..ادينى بس ...نظرة رضاه.. [/all1]

[المونت]

كتبت ليك

وأنا لسة قلبى على وعدو ليك

وكتبت ليك انا والشوق والوفا

وهمست ليك

منو الغيرك عرف قلبى

ومنو الغيرك عشق نفسى

وأنتى جواى فى ضلوعى

جايك

جايك يا حلمى الطويل

حامل معاى أخلاصك

وراديهو ليك بالوفا

جايك يا روحى

وجاى أغير ليك كل الأمكنة

[بت السرف]

[grade="ff1493 800080 ff1493 4b0082 ff0000"]


كتبت ليك اجمل حروف..
كلمات غرام ..واشواق تهاتى بى المستحيل..
ورسمت فى نبض القلب ..
اجمل كلام ..ووسمت محياك الجميل ..
باحرف غناى ..
انا ياحبيب..
واحشانى لهفة خطاوى الريد..
لما بتجيبك ..هناك ..وتنتظر..
ولما تتلفت عيونك ..تفتش ..ومرات تفتكر..
وتعاين فى الدروب..
وكتير ..خطاوينا ..تتلاقى .. وتفتخر..
انا ياحبيب..
واحشانى نظراتك ..
بهمسة بس ..
انا بشتعل..
وبلمسة حنان .. تلقانى ..
حلقت ومشيت ..فى دنيا تانية ..بحتفل..
انا ياحبيب ..
راجياك كتير ..تكتب لقليبى الفرح ..
ونتوسد الآمال..حنيُن..[/grade]

[المونت]

وكتبت ليك

حان موعد اللقاء

نتوسد الأفراح منى

ونقول للوحشة لا لا

ونقول للفرقة لا لا

ونحلق فى سما العاشقين

ونحضن بعض بعد وحشة السنين

ونكتب لى أيامنا الفرح

وأهديك دبلة الريد الخجولة

[بت السرف]

[align=center][grade="ff0000 ffa500 800080 ff1493"]

ورسمت ليك من فيض حنانى ..
قلوب تتأوق للفرح ..
ونضمت من حرف الكلام ..
اجمل عيون تحكى الغرام ..وتهدى المرح ..

انا ياحبيب ..
طلة عيونك عندى ..فى الدنيا عيد ..
ونسمات حروفك لما تطرى قليبى ..بكون سعيد ..
وهمسات حنانك فى عيونى ..بسٌرح بعيد ..
وايدك لما تلامس ايدى ..بفرح اكيد..

انا ياحبيب ..
كتبت ليك احرف غنا ..
وطليت على فى دنيا ..
مافيها غيرك ... وانا ..
وهمست ليك ..ياحبيب ..
منك وليك ..ودعت الضنا..
ومعاك اكيد ..انا فى هناء..[/grade][/align][/size]

[ام صبا]

كتبت ليك
كتبت ليك لما طال بي الشجن
ومن تاني عاودني الحنين
واشتقت لنظرات عيونك
وتسعدنى بشوفتك يارزين
وكتبت ليك اسرع تعال
طفىء نيران السنين

[هجره]

كتبت ليك الحر والمقفي

مدادي ذاب قلمي جف..

......

عندك وقف خيالي...

وسرح قلمي لامبالي

يالحن غلب موالي..

سكنتي قلب خالي...

طوعت مني مثالي..

انسان نضب شعره

ومن وحيك اوحالي

انو الروح نديمة الروح

وانتي القافية وين مااروح..

حروفك تتشعب اوصالي..

[هجره]

كتبت ليك...

جيتك فارس اصيل...

لجامي حر..

اجراسك ضابطة صهيل

جوادي يمر

واعبر بيك المستحيل....

ووحاتك يادر..

برهة معاك... مقيل....

مابين نخيل ونيل....

برهة معاك... مقيل....

تساوي شوق الصباح لليل

ونشوة مغوار تحتة قتيل...

وكتبت ليك..

ماقبل الاجنة ومابعد الرحيل

ماقبل الغروب ومابعد الاصيل

وكتبت ليك

[المونت]

[grade="ff4500 4b0082 0000ff 000000 f4a460"]وكتبت ليك

اشتقتُ الى عينيكى اعانقها فتغرقنى
والى يديكى بحنان جارف تطوقنى
اشتقت اليكى
فلا تقسى على قلبى فتتركينى
الا تدرى بان ا لشوق اليكى جمرا يطوقنى
فلا تقسى
وبعينيكى اغرقنى اغرقنى

تضاءل داخلى احساسٌ
يعاتب الدهر ان يقسو
يجوب العمر لحظة فرحٍ
امضيها ان تحنو
واجترها لكى احيا

فمن عينيكى ترياقى
ادون عشقى انهارا بأوراقى
احبك
وعلى عهد الحب أنا باغى

الشاعرة منى عز الدين[/grade]

[بت السرف]

كتبت ليك
كتبت ليك لما طال بي الشجن
ومن تاني عاودني الحنين
واشتقت لنظرات عيونك
وتسعدنى بشوفتك يارزين
وكتبت ليك اسرع تعال
طفىء نيران السنين

درب الحنين .. باكر بجيبك لى تانى ..
والشوق العامر بالامانى ..
تانى .. تانى ..بزدان بالتهانى ..
وبالفرح المنور فى عيونك .. وفى ابتسامى ..

ام صبا ...ازدانت الاحرف بحضورك ..
وعبقت الروعة اصنافا من الاهازيج الشجية ..
هلا بيك ياحبيبة .. والف مرحب.

[من الحله جيت]

كتبت لي كتبت ليك
كل اللغات
كل الحروف
والريده جواي ليك
بحر
ياالساكنه مجري الدم
دهر
القاك كيف القاك وين
تعبت عيونا من السهر

وتحية سروفه

[مها]

وكتبت ليك
يا صغير كلمني عنك

يا اخي اتونس معاي

أحكي لي بصفاك وحنك

احكي لي روق صفاي

ورّي كيف عيني خشَّنّك

لما كان أول لقاي

[المونت]

وكتبت لــــــــيك

تعالي معاي بلا أحزان ,,
نصب فوق الصحاري غمام ...

نسيل لامن نكب في النيل ,,
نجرتق ضفتينو سلام ...

و لي موجاتو نبقى القيف ,,
ضليل من المحنة وريف ,,
غنانا يكون تمامة الكيف ,,
و يصد متقريف الهدام ... !!

[بت السرف]

[align=center][grade="8b0000 ff0000 ff7f50"]
ورجعت تانى للقلم الحنٌيـــــــًــن ...
بكتب معاى حروف غرام واشواق سنين ..[/grade][/align][/size]

[بت السرف]

قلمى يهفو اليك ...
لازالت اصداء حضورك فى ذاكرتى ...

عد حبيبى ...
لـــ اكتب لك احرف تحكى عن عشق سكن اعماقى ..
وعن نبض يعلم يقينا ... انو من دونك لا معنى له ..