الاعمال التطوعية

[whiteangel]

السلام عليكم ورحمة الله وبركاته
اهلا بجميع اعضاء المنتدى والمشرفين عليه جزاهم الله خيرا

من منا لا يعرف برنامج خواطر، الذي اطل هذه السنة في هذا الشهر المبارك الفضيل بطلته الجميلة اشتمل الحديث عن الأعمال التطوعيةالتي تظهر الجانب اللين للمؤمن ذو القلب الحي التقي
حيث يظهر نقاء هذا البرنامج في حديث نبينا وحبيبنا محمد صلى الله عليه وسلم (المؤمن للمؤمن كالجسد الواحد اذا اشتكى منه عضو تداعى له سائر الجسد بالسهر والحمى) والذي يظهر اهمية مساندة المسلمين لبعضهم البعض في اي مكان كانوا، وانطلاقا من هذه النقطة بامكاننا البدء بالاعمال التطوعية في اي مكان كنا خاصة في بلدنا الحبيب السودان والدعم والمشاركة معنويا وماديا ان استطعنا ونتمنى من الجميع التفاعل والمشاركة رغبة في الاجر والثواب الجزيل في هذا الشهر الفضيل....

ولدي بعض الاقتراحات في هذا الموضوع:

اولا اختيار رئيس لهذه المجموعة
ثانيا ضم اعضاء للمشاركة والتفاعل
اختيار الاعضاء الذين يتواجدون في بلدنا الحبيب ومشاركتهم آلام وأحزان الآخرين
من خلال مساعدتهم لهم لتوفر الفرصة المناسبة لهم وهي تواجدهم في نفس المنطقة

بانتظاااااااااار ردودكم

[الامـــل]

بصراحــة انا مافهمت بالضبط انتي بتدعي الناس للاعمال الخيرية ولا بتقترحي تأسيس مجموعة او جمعيــة خيرية



اذا انتي بتدعي فأنا بضم صوتي لصوتكـ الاعمال التطوعيـــة مهمــة

في ناس في بلدنا محتاجين جــدا وحالتهم صعبة لدرجة خيالية وبجد الجنيه بفرق معاهم فالزول كل مايلااقي جمعية خيرية ويقدر يتبرع ليها ولو بقليل بكون عمل خدمة كبيرة



اما اذا انتي بتقترحي تكوين جمعية فأفضـل ليكي تنضمي لجمعيات يكون عندها خبرة ف المجال ده لانها بتوفر ليكي جهد وميزانية لانو تأسيس جمعية بحتاج لوقت طويل جــدا وجهد مضاعف

فأنتي كده بتفيدي وتستفيدي اكتر وفي نفس الوقت الجهد والميزانية بتمشي في المكان الصح مباشرة

[whiteangel]

تسلمي يالامل على ردك الجميل
انا ما قصدي جمعية خيرية زي الجمعيات البنشوفا
وانما مثلا يعني:: مدرسة حيطتها واقعة ، بيت حالتو سيئة
نحاول نساعد اهلو عشان يحسنوا حالتهم شوية بجهدنا زي برنامج خواطر8
يكون للجمعية ديه رئيس وان شاء الله بكرة بتكبر
يعني نعمل احسان للناس

انتي عايشة بالسودان؟؟

[الامـــل]

اااااااااااا كـده الفهــم وصــل ..

وفكــرة حلــوة جــدا .. ايووى انا عايشة في السودان

وع فكرة هي برضــو موجـودة بس مامنتشــرة

اذا احتجتي اي مسـاعـــدة اانا في الخـدمـــة .. ^__^

[whiteangel]

تسلمي اختي الكريمة نحن محتاجين اعضاء عشان نقدر نعمل الاعمال ديه
خاصة لو متواجدين بالسودان

[نهر المحبه]

فكره جميله ومبادره جميله منك اختي الملاك...

هي الجمعيات دي موجوده بالفعل في السودان

في برنامج بيتذاع على الاذاعه في الرادي يعني

مره في الاسبوع

اسمه وقدمو لانفسكم بتتعرض فيه كل حلقه تقريبا من 5-6 حالات

محتاجه لمساعده

وطبعا قبل مايعرضو الحاله بيدرسوها وكده

سبحان الله من خلال البرنامج اثناء مالحلقه شغاله في ناس المبلغ بيتجمع ليهم

وبتتحل مشاكلهم

وفي رمضان انطلقت منظمة ديل اهلي وهي عباره عن مجموعة منظمات غير ربحيه هدفها الاساسي

مساعدة المحتاجين

وماشاء الله عملو شغل جميل جدا ولقو مساعده من جهاات كتيره...

برامج افطارات وبرامج فرحة العيد وكده...

فكرتك جميله واتمنى انه تتنفذ حبيبه

[whiteangel]

ان شاء الله حتتنفذ بعون الله تعالى ثم بمساعدة اعضاء المنتدى