جميع المغتربين(( هل لكم نية في العودة الى السودان))؟؟!!

[منوفلي دوت كوم]

[quote="emadbaan6"]

[size=5
ثانياً: الإخوة المتداخلين اسمحوا لي بي كلمة ( و هي كلكم ناس حالمين و رومانسيين بدرجة كبيرة ) السودان لسة بلد بعيد جداً عن ركب الحضارة و ما تفتكروا انه الكام عمارة و لا كام شارع في الخرطوم انه خلاص السودان ده بقة كويس .

اي عمارات بتتكلم عنها واي حضاره؟ خليك انته في العمارات ما تعرف جارك اسمو منو .ولو جاك ضيف نوم الا تنومو في الارض
وخلينا نحنا في بيوتنا لو كحيت تلقى جيرانك كلهم معاك ولو جانا ضبف حبابو عشره ولو يقعد سنه


ابداً السودان ابسط اسباب الحياة و العيش للناس ( مش متوفرة ) للأسف أنها متوفرة و لكن مش لكل الناس ( العيش الكريم ، التعليم ، العلاج ) و انا بقول العيش الكريم مش الرغد. الواحد بس إذا طلع برة الخرطوم جنوباً و عدا جبل اولياء بي عشرين كلم حايشوف كيف الناس بتعاني في الاكل و الشراب و التعليم و كيف الناس بتموت عشان ما لاقية علاج.


والله الحمد لله العاوز عصيده بعبش لكن العاوز بيرغر مابيلقاه
وبالنسبه للمناطق بعد جبل اولياء انا بعد الجبل بي مائه كلم الحمد لله العصيده بالكوم والحلومر مدف من الجك

[dengle]

في الحقيقه الرجوع للوطن لازم بس...............................................................

الجديد في السودان شنو؟

والله لو ما الاهل والاصدقاء الواحد ما يرجع نهائي

وربنا يسهل الامور

[spanisheyes]

السلام عليكم ورحمة الله وبركاته
والله كلنا لينا الرغبه في العودة لارض الوطن الحبيب بس المشكله انو السودان ما فيو شئ واعد للشباب اللي زينا يعني نحنا هسي كخريجين بيقولو انو طلبه السودان مالاقين شغل فما بالك نحنا والله نحنا عايزين نرجع بين اهلنا ونعيش في وطنا بس لو يكون لينا مستقبل هناك ونحنا هنا بصراحه مرتاحين وانا بعتبر ليبيا بلدي التاني لانها بصراحه قدمت لي حاجات اكتر مما كان وطني حيقدمها لي وانا اتعودت علي العيشه هنا واخذت عليها وحيكون من الصعب اتأقلم مع العيشه هناك بس لاكن اكيد انا ما بحبها اكتر من السودان وكلو بأذن الله مشكور عالموضوع الحلو

[دلع]

والله [mark=FF6699] لووو [/mark]بيدي حسيييييييي تلقوووني فالمطاااار

[المياسة]

السلام عليكم ورحمة الله وبركاته
شوف يا اخوي انا ما عندي مانع بس ما هسي يعني بعد 3ولا 4 سنوات لانو عندي مشاريع كدا بس
دي بلدي وحرجع لو مهما صار
وشكراً

[النيل الازرق]

انشاء الله راجعين لارض الاباء والاجداد

[ود الريح]

اكيد راجع لو ادونى بير بترول الغريب عن وطنه مهما طال غيابو مصير يرجع شكرا جدا على الموضوع

[قمر ام درمان]

كل من اغترب عن وطنه وهاجر طلبا للرزق وتحسين اوضاعه في نيته العودة .. انا مع
العودة .. لكن .. العودة المجيه التي تشعرك بحلاوة الغربة وحلاوة العودة .. فكر بعمق
قبل ان تحزم امتعتك وترحل الى بلدك .. لا تستعجل وتنظر تحت اقدامك فقط يجب ان
يكون لك بعد نظر .. لاتكون امعة تذهب مع الناس .. اذا رجعوا انت راجع معهم واذا بقوا
في الغربة انت معهم .. نحن السودانيين غربتنا مفتوحة الى مشاءالله لانخطط لاي شي
همنا ان نعيش في ترف في بزخ .. نظهر بمظهر يوحي لك بان هذا الشخص يملك مال قارون
بيوتنا مفتوحة للضيوف في كل المواسم منهم من يسكن معك هو واولاده .. منهم من ياتي في
موسم العمرة ويجلس حتى الحج .. منهم طالب العمل .. دائما شقق السودانيين مليئة بالضيوف
حتى ان بعض اصحاب الشقق يرفض ان يسكن السوداني بحجة ان ضيوفه كثر!!!
يا مغترب لا تفكر بالرجوع الا في الوقت المناسب .. تحسس موضع قدمك قبل ان تضعها في
غابات السودان الكثيفة .. اوجد لك مصدر رزق مضمون ... مسكن ياويك ..
كثير من السودانيين رجعوا لكنهم ندموا منهم من عاود الرجوع للغربة ثانية وكانت الطامة
الكبرى .. منهم من تحطم ..
فكر .. وفكر .. قبل ان تتخذ القرار..

[رابحة]

سؤال جميل ومؤلم

[رابحة]

:: سؤال جميل ومؤلم

[همسة عطر]

انا مقيم في السعودية
الغربة قاسية حقاً وما طرقت إلا لظروف معينة ولوقت محددة ولكن الظروف التي طرأت على البلاد جعلت موعد العودة للبلاد مفتوح لأجل مسمى .. في ظل ظروف معينة لكل مغترب .. مع العلم بأن كثير من المغتربين تأقلموا في الغربة وخاصة اللذين قضوا فيها عشرات السنين .. ونية العودة موجودة لديهم لو توفرت لهم سبل معيشة معقولة ومنزلا يأويهم .... نسأل الله أن يصلح بلادنا وبلاد المسلمين..

[لهيب الشوق]

تواه انا وكل الدروب جربتها والسنين العشتها لاوصلته ليك ولا الرجع تانى عرفتها

[لهيب الشوق]

كل انسان مغترب اكيد بيتمنى العوده الوطن الحبيب وبيحسب الايام والشهور والسنيين عشان يرجع يشوف الوطن حتى لو كانت فترت اجازه فى ناس بتقدر ترجع وفى ناس مابيدها حليه لانها ظروفه مستحيله وربنا يرجعنا طيبين وسالمين

[مبارك صالح]

العودة لأرض الوطن لازم وواجب أكان طول أو قصر مش كدة
لكن كل واحد عندو هدف يريد أن يحققه
ونسأل الله سبحانه وتعالى أن يرد غربتنا ونرجع إلى وطنا الغالي
وأنا موجود في الدوحة قطر حالياً ( أبو هامور ) أكيد تعرفه

وتحياتي وأشواقي

[كلو تمام]

سلام اكيد بدون شك لكن المشكله السودان لا توجد وظائف ! غربة والم !


تقبل مرورى

[reallove]

السلام عليكم

انا اسمي محمد عايش في ابوظبي
انا امنيتي ارجع السودان الليلة قبل بكرة
انا اسي ممتحن للجامعة
بس انتهي من هنا وتاني ما بخلي السودان الى للمقبرة تاني
انا سوداني 100 %
وشكرا

[ودالشريف]

[overline]

والله اتمنى الرجعة الليلة قبل باكر

جبرتنا الظروف على الغربة وربنا يحل الكرب ونرجع تانى للوطن الحبيب والسودان فى حدقات العيون

والله ما طلعنا منو الا الشديد القوى


وعندما تذهب الاسباب اكييييييييييييييييييييييييد راجعين


وماعندى غير
مسكين يارهين الغربة مسكين طال غيابك
لمتين القيود تتحلا وترجع لى ديارك

[/overline]

[SNGAM]

[color=4169E1] كل واحد اكيد عايز يرجع ولكن كل لدية التزامات مدرسية واسرية فاذا حلت مشكلة الدراسة اكيد حتلاقى الناس تبدا بالعودة ويتم اعطاء تسهيلات لكل من يريد العودة من السفارات او موانىء الدخول

اهم حاجة تحسين الظروف المعيشية ولانظر للعمارات هذا لاينطبق مع واقع الحياة للمواطن البسيط



SNGAM [/color]

[فجر]

شكراً عزيزتي sarona على طرحك لهذا الموضوع الشيق وأنا من اشد المعجبين بقلمك الأنيق وبطريقة إختيارك للموضوعات المتميزة فلكي التحية ،،، أما بخصوص نيه العودة للسودان فآمل آمل .. من الدولة أن تتبنى برنامجاً فعلياً لعودة المغتربين ليس بالدعوة فقط أن تعالوا إلى أوطانكم ، كيف يأتوا والمصير أمامهم مجهول ، فهناك عدة هواجس وتسأؤلات تدور في خلد المغترب والإجابة عليها تحفزه للعودة فمثلا: 1- إذا عاد المغترب كيف تقيم درجته بالخدمة المدنية وهل تعتمد خبراته بحيث يعين بدرجة تليق بها.
2- بخصوص الضمان/التأمين الإجتماعي : كيف يتم إستيعابهم به.
3- وهل المغترب ينهي عمله ببلاد الغربة ويأتي ليبحث عن العمل بالسودان، أم يتم التعاقد معه قبل هذا. وإذا كان كل هذا من الصعب تطبيقه ، يجب على الدولة تحفيز المغترب بالإستثناءات الأساسية من سيارة وأثاث البيت وإدخاله ضمن الخطة الإسكانية ،( مش قاعد يدفع ضرائب وبس).
الموضوع طويل ويستحق إفراد مساحات أكبر من هذه وقبل ان نسال عن نيه الرجوع يجب ان نسال سوال مهم جدا وهو اساسا الزول خلى بلدوا واغترب ليه ولو عرفنا الاسباب وحاولنا حلها صدقونى ساعتها العوده حتبقى سهله وفعليه مش مجرد كلام وامانى
وعذرا للاطاله وتقبلى مرورى

[هلوية]

العودة للسودان هي ما (نية) وبس . . . هي (أمها) عديييييل . . . ( أمنية) . . . ربنا يحققها في القريب العاجل