كيف تتعلم الحنك فى اسبوع واحد

[احاسيس]

ياشباب ازكر ضرورى تبدو من اول الكورس دا عشان ماحتقدرو تواصلو من النص ولو فى زول شااطر كدا يلخص ليكم الفات يكون زاااابط

يلا نبدا اللكشر بسم الله



عارفين السلاح الفتاك المميت لأي قصة حب سودانية بالتحديد هو ..

( كلآم الناس )

مصطلح معانيهو كتيرة شديدة بس أنا حآخدك على مستوى الشباب ..

كلآم الناس بيمثل الآتي عندنا هنا ..

أصحاب الولد و صحبات البنت !!

حتقولو لي كيف ؟!

طيب ركزو معاي ..

عندنا الفهم العام لأي شاب سوداني أو كجزء من جيناتو الوراثة مبدأ :

" الخوة ثابتة و الجكس للجميع "

بمعنى مستحيل يخسر صحبو عشان بنت حتى لو صحبو غلطان !!

أنا ما بقول المبدأ غلط بس فيهو شوية فهم غلط عن الرجولة ..

حيث أن وقوفك في صف حبيبتك ضد صحبك يعتبر ضعف فى مجتمع الشباب

فلآزم تظهر بى مظهر الراجل قدام أصحابك و تقوليها أقطعي وشك !!
.
.

[احاسيس]

.

أما البنات ..

ما بتقدر تحدد ليهم مبدأ معين في التفكير بس للأسف هم أسوء بكتير !!

عارفه عارفه يا بنات ما تزعلو مني بس حأشرح ليكم ..

معروف إنو مجتمع البنات السوداني بيعتمد على إنهم يكونو مجموعة وآحدة

يعني ما بتلاقي بنت براها نهائي لآزم يكون عندها على الاقل بنت وآحدة معاها

24 ساعة .. و بيكونو عارفات كل حاجة عن بعض ..

و لما أقول كل حاجة .. يعني بالجد كل حاجة ..

" بتحب شنو ؟ بتكره شنو ؟ يوم الاربعاء الفات إحساسها كان كيف إتجاه محمد ؟

هي مشتاقة شوية لأحمد بس خالد بيهتم بيها اكتر ؟ لأ هي بتحب محمد ؟ .. إلخ "

يعني أي أحساس أو أي نشاط صغير أو كبير لآزم يكونو عارفنو عن بعض

طيب دي حاجة كويسة إنو يكون عندك زول يشاركك بأي حاجة

بس للأسف مافي كل حاجة .. أو كل حاجة ممكن إلا .. الحب ♥

مافي بنت نهائي بتحب و بتتخذ قرارتها بنفسها .. لآزم صحبتها يكون عندها رأي ..

و المؤلم جداً ممكن نقول إنو الغالب إنو صحباتها هم البيكونو أصحاب القرار ..

صح ممكن تستشير صحبك في حاجة بس عشان يديك خيار جديد إحتمال تآخدو

ما عشان هو يقوليك أعمل كده و إنت تسمع كلامو ..

أفتكر فهمتو الباقي ..

يعني مهما كانت حبيبتك بتحبك و بتموت فيك ..

بس لو الناس الحولها عندهم رأي تاني فيك مهما كنت بتحبها و مخلص ليها ما بينفع ..

ما أظن في بنت بتقرأ الكلام ده و بتكضبو ..



أي وآحدة توسوس برآها و أي وآحدة عندها فهم مختلف عن الحب و الحياة

بيخلو البنت المسكينة ضايعة بين عقلها و قلبها !!

الكلام كتير عن الموضوع ده و حاصل كتير شديد ..

نصيحة مني ليكم لو بالجد عاوزين تعيشو قصة حب ناجحة تنتهي بزوآج ..

لحظة إرتبطتو ترآجعو قوآئم أصدقائكم و تبعدوها بعيد خآلص خآلص ..

مهما كانو أصحاب مخلصين و طيبين بس ده حب ما لعب ..

مافي زول بيحس بالحب ده غيركم إنتو الإتنين ..

مافي زول بيحس بالتاني غيركم إنتو الإتنين ..

قلبك هو البحب .. قلبك هو البختار حبيبك ..

عشان كده أسمع صوت قلبك ما صوت صحبك أو صحبتك ..

و صدقوني دايماً صوت القلب البحب بصدق هو الصاح !!

و أول ما يدخل طرف تالت نقعد نحكي ليهو مشاكلنا ..

بتكون دي النهاية !!

[المونت]

احاسيسو شاربة شنو الليلة

أوع تقولى لى شاى بى لبن

[معتبر]

احاسيس

قلبك دليلك

كلامك وقع لي

حنكك شديد شدة

[احاسيس]

احاسيسو شاربة شنو الليلة

أوع تقولى لى شاى بى لبن

ههههههههههههه ياحليل الشاى بلبن المقنن
بقيت اشرب
.
.
.
.
.
.
.
.
شوكولا
شفت اترقينا كيف.؟

[احاسيس]

احاسيس

قلبك دليلك

كلامك وقع لي

حنكك شديد شدة

ابو على انت شكلك شاااطر وبتفهما طايرة انا حاختك فى الصف الاول عشان تجيب لى زباين

وماتنسى الاوائل حيخشو اختبار الموديل

[معتبر]

احاسيس

اسمحي لي


اتنين بحبو بعض
يختلفو في حاجة بسيطة
طوالي تجيك صاحبتها تتدخل عشان تعيد المياه لمجاريها

ثلاثة شهور بس تقنعوا اتزوجا هي
وتطير صاحبتها

ما تخافو ما كتير بس بتحصل

النشوف حنكم في النقطة دي بالذات

[احاسيس]

احاسيس

اسمحي لي


اتنين بحبو بعض
يختلفو في حاجة بسيطة
طوالي تجيك صاحبتها تتدخل عشان تعيد المياه لمجاريها

ثلاثة شهور بس تقنعوا اتزوجا هي
وتطير صاحبتها

ما تخافو ما كتير بس بتحصل

النشوف حنكم في النقطة دي بالذات

لوووووووووووول
لكن بصراااحة انا لاقيتنى كتييير وبتحصل للاسف الشدييييد الزمن بقى زمن قلع والبقاء للاقوى
عشان الحتة دى بالذات انا هنا بناشد كل البنوت الحلوات احكى لى صحبتك لو دايرة واخدى مشورتها لكن حزاااارى تخلى طريقة وصل بين صحبتك وحبيبك لا تلفون ..لاعرفة ,,, يعنى كل زول يكون فى اتجاه تجنبا لاى خطر زى دا
اديك مثل هسى مسلمة وافتخر راجلها جا السودان وانا قلت ليها لاقينا بيه عشان نرسل ليك حاجات فى الحتة دى فرصتى الذهبية العب لعبتى وافوز بالكنز ااقصد الدولارات اااخ قصدى راجل البت
عشان كدا مفروض زاتو هى زاااتا ماتخلى راجلها ينزل براه يا الحجل بالرجل يا مافى داعى



والله ياعلى سؤالك حلوو ومهم شديد وانا حاعمل ليه حلقة خااصة ان شالله


برمة :انا ماقبيل قلت ليك انت الاول

[بت السرف]

الفاتنى شنو؟؟؟؟

هم لسة مادفعوا الفلوس ؟؟؟

يابت احاسيسو حق ايجار البوست ماطلع لسة؟؟

[معتبر]

الفاتنى شنو؟؟؟؟

هم لسة مادفعوا الفلوس ؟؟؟

يابت احاسيسو حق ايجار البوست ماطلع لسة؟؟

سروفة بعد دا خلاص البوست مرق من يدكم

[احاسيس]

سروووفة حصلينى انا شكلو اتهجم على وعلى البوست حقى قرب يتهكر

واذا ماسيطرنا ع زمام الامور وحلق القصص حيفلت الموضوع من يدنا

[مسلمة وافتخر]

لوووووووووووول
لكن بصراااحة انا لاقيتنى كتييير وبتحصل للاسف الشدييييد الزمن بقى زمن قلع والبقاء للاقوى
عشان الحتة دى بالذات انا هنا بناشد كل البنوت الحلوات احكى لى صحبتك لو دايرة واخدى مشورتها لكن حزاااارى تخلى طريقة وصل بين صحبتك وحبيبك لا تلفون ..لاعرفة ,,, يعنى كل زول يكون فى اتجاه تجنبا لاى خطر زى دا
اديك مثل هسى مسلمة وافتخر راجلها جا السودان وانا قلت ليها لاقينا بيه عشان نرسل ليك حاجات فى الحتة دى فرصتى الذهبية العب لعبتى وافوز بالكنز ااقصد الدولارات اااخ قصدى راجل البت
عشان كدا مفروض زاتو هى زاااتا ماتخلى راجلها ينزل براه يا الحجل بالرجل يا مافى داعى



والله ياعلى سؤالك حلوو ومهم شديد وانا حاعمل ليه حلقة خااصة ان شالله


برمة :انا ماقبيل قلت ليك انت الاول

انتو ربيتوا لى الرعب يا بت يا احاسيس

بس ما تخافوا على بقع وانا وااااااقفة

[احاسيس]

انتو ربيتوا لى الرعب يا بت يا احاسيس

بس ما تخافوا على بقع وانا وااااااقفة

هههههههههههههههههههههه
ووووب على انتى نطيتى من وين هسى انا قلت لحدى ماتجى الصباح بكون البوست دا مشا عشرمية صفحة

لكن بالله رايك شنو فى المثل الضربتو دا مش ختيرة ياخ؟

[بت السرف]

سروووفة حصلينى انا شكلو اتهجم على وعلى البوست حقى قرب يتهكر

واذا ماسيطرنا ع زمام الامور وحلق القصص حيفلت الموضوع من يدنا

مااازماان قلت ليك نبيعو ونفتح بدل طق الحنك كلام ...طق حنك (كفتريا)..

ونجيب النادلات الفى مطعم نابولى وجراند اليكس

[معتبر]

النادلات ديل ما يجن هنا الواحد لو عزم واحدة
يقوم يشوفن يقهي فيهن وبعد شوية سقف مواصفاتو يرتفع عن
المعاهو تبقي مشكلة

[مسلمة وافتخر]

هههههههههههههههههههههه
ووووب على انتى نطيتى من وين هسى انا قلت لحدى ماتجى الصباح بكون البوست دا مشا عشرمية صفحة

لكن بالله رايك شنو فى المثل الضربتو دا مش ختيرة ياخ؟

ههههههههههههههه

كنت بعاين من ورا الحيطة شفت مثلك داك طوالى جيت ناطة

مية مية

[احاسيس]

حكمة اليوم اهداء خاص لحبيبات قلبى



عزيزتي الأنثى :

لا تظني بأنك أرقى و أجمل الكائناات في الوجووود
.
.
... .
.
.
.
.
.
.
.
.
.
بل كووني على يقين من ذلك


راجعو الدرس كويس وانا جاياكم هسسى

[بت السرف]

حكمة اليوم اهداء خاص لحبيبات قلبى



عزيزتي الأنثى :

لا تظني بأنك أرقى و أجمل الكائناات في الوجووود
.
.
... .
.
.
.
.
.
.
.
.
.
بل كووني على يقين من ذلك


راجعو الدرس كويس وانا جاياكم هسسى

عارفة نفسى ...

ومتاكدة 100%..

انى لوقلت كدة ...











حـــ بقولو على مغرورة

[معتبر]

عارفة نفسى ...

ومتاكدة 100%.. Thumbup.gif

انى لوقلت كدة ...











حـــ بقولو على مغرورة

الخلاك شنو يقولوا عليك كده

امكن يجي واحد زي يقوليك دا الكلام تمام والله انا بتعجبني الانثي الواثقة من روحا

[بت السرف]

الخلاك شنو يقولوا عليك كده

امكن يجي واحد زي يقوليك دا الكلام تمام والله انا بتعجبني الانثي الواثقة من روحا

عشان واثقة من نفسى وعارفة انا بعمل فى شنو..















قالوا على مغرورة وشايفة روحها