لغز حتي انا عجزت عن حله

[وحـــيد]

بصراحة انا زاتي ما قدرت احله

عشان كدا البحلو يشرحو لينا

يوجد جوائز قيمة


اللغز :-


اخو زوجة السائق ، هو خال زوجة احمد

ما هي القرابة بين السائق واخت زوجة احمد ؟

[Hoomy]

ماتتحير
السواق خال مرة احمد
مش كدا
الغريبة انا السواق وماكلمت اي زول

[هجره]

دى لقطتها من وين ياخوى برى لفت لى راسى ههههه

[وحـــيد]

ماتتحير
السواق خال مرة احمد
مش كدا
الغريبة انا السواق وماكلمت اي زول

اجابة صحيحة

ربحت معانا تذكرة سفر الي هجليج

[محمدابوريش]

الله اعلم دربكه

[الماسة الخماسية]

يعنى فرضا"

السواق اسمو خليل وزوجتو اسمها نادية

وفرضا"

زوجة احمد اسمها منى واختها اسمها مها

وخالهم اسمو على

وعلى دا اختو اسمها نادية ال هى زوجة (خليل) السواق

بم انو نادية اخت على ال هو خال منى ومها

يعنى نادية خالة منى ومها برضو

يبقى نادية (زوجة خليل السواق ) تبقى خالة (منى ) زوجة احمد و خالة (اختها ) مها

يعنى :

(مها ) أخت (منى) زوجة أحمد تبقى للسواق (خليل ) بت أخت زوجتو (نادية)



* ماسة : افتكرتك قلت القرابة بين السواق و زوجة احمد

لكن لقيتك قلت القرابة بين السواق واخت زوجة احمد

الصراحة هى نفس القرابة لانهن اخوات بس عدلت ليك برضو

[القلب الملك]

معليهش مخي ما بفكر اكتر من لفة واحدة


طوالي بتحلج وتلقى الدخان مارق باضني

[مهاجر في البلد]

دي دايرا ليه كباية جبنة بي جنزبيل من جبنة بت السرف المصلحة ديك

لو فرضنا

السواق = محمود
زوجة محمود = تهاني

معطيات :

اخ زوجة السواق = عمر


زوجة احمد = نصرة
اخت زوجة احمد = حنان

الحلول المطروحة

عمر خال نصرة اخو امها
وبما ن محمود متزوج تهاني
وعمر اخ تهاني يعني خال اولادا وبناتا
وبما انه خال نصرة

معناها نصرة مرت احمد دي بت منو

نصرة بت تهاني اخت عمر

ما تسرحو وما تشوفو الكلام طلاسم طلاسم اشربو جبنة ركزو

السائق محمود متزوج منو

متزوج تهاني وتهاني ومحمود جابو منو

جابو مرت احمد (نصرة)

اذن وعليه : اكيد زي ما جابو نصرة ربنا رزقهم بي حنان

لان حنان اخت نصرة مرت احمد


فهمتو ؟

طيب علاقة السائق (محمود) واخت زوجة احمد (حنان)

ياخ محمود والد حنان زي ما هو والد نصرة

إذن القرابة البين السائق واخت زوجة احمد

علاقة بت بي والدها

والجماعة ديل كلهم أهل ونسابة

لازم يكون في زول مسطح

[الماسة الخماسية]

** كلامك ممكن يكون صحيح مهاجر واقرب

** والإجابة بتاعتى برضو ممكن بس ابعد

** يعنى زوجة السواق ممكن تكون خالة البنات (ديل) وممكن تكون أمّهن

بما انو أخوها خالهن ..

طبعا إذا هى أمهن ح يبقى السواق ( أبوهن)

وتبقى العلاقة علاقة بت ب ابوها

وإذا هى (خالتن )

تبقى علاقة بت بزوج خالتها .

[وحـــيد]

الماسة ومهاجر اللغز كان صعب

بعد ردودكم دي اصبح مستحيل


يسلمو علي المرور

[الماسة الخماسية]

الماسة ومهاجر اللغز كان صعب

بعد ردودكم دي اصبح مستحيل


يسلمو علي المرور

ليه



بقى مستحيل إيجاد حل آخر لأنو حليناهو

بس

ما فهمتا شىء مش

أشرب قهوة سادة فنجانين وواحد مضبوط وإتنين سكر زيادة

بتفهم

[وحـــيد]

ليه



بقى مستحيل إيجاد حل آخر لأنو حليناهو

بس

ما فهمتا شىء مش

أشرب قهوة سادة فنجانين وواحد مضبوط وإتنين سكر زيادة

بتفهم

كنت فاهم لحدي ما جبتو ناس خليل ونصرة ومني


you lost me after that

[shaheene]

اجابة صحيحة

ربحت معانا تذكرة سفر الي هجليج

علي شوية كده كنت حا احلها لكن ربك ستر
عشان ما امش هجليج يا حاقد
هجليج ي حاقد

[بت السرف]

دي دايرا ليه كباية جبنة بي جنزبيل من جبنة بت السرف المصلحة ديك

لو فرضنا

السواق = محمود
زوجة محمود = تهاني

معطيات :

اخ زوجة السواق = عمر


زوجة احمد = نصرة
اخت زوجة احمد = حنان

الحلول المطروحة

عمر خال نصرة اخو امها
وبما ن محمود متزوج تهاني
وعمر اخ تهاني يعني خال اولادا وبناتا
وبما انه خال نصرة

معناها نصرة مرت احمد دي بت منو

نصرة بت تهاني اخت عمر

ما تسرحو وما تشوفو الكلام طلاسم طلاسم اشربو جبنة ركزو

السائق محمود متزوج منو

متزوج تهاني وتهاني ومحمود جابو منو

جابو مرت احمد (نصرة)

اذن وعليه : اكيد زي ما جابو نصرة ربنا رزقهم بي حنان

لان حنان اخت نصرة مرت احمد


فهمتو ؟

طيب علاقة السائق (محمود) واخت زوجة احمد (حنان)

ياخ محمود والد حنان زي ما هو والد نصرة

إذن القرابة البين السائق واخت زوجة احمد

علاقة بت بي والدها

والجماعة ديل كلهم أهل ونسابة

لازم يكون في زول مسطح

حاظبط ليك الجبنة كويس ...

بس ...

معطياتك صاااح ...

لكن الاجابة خطأ!!!!

*عمر اخ تهانى =الـــ هو خال نصرة
اذن تهانى = خالة نصرة و خالة حنان ..

يبقى محمود = خال حنان

*السواق ببقى لاخت مرت احمد خالها ...اجابة هومى فى اول مشاركة صحيحة

[وحـــيد]

لغز اخر يلا شدو حيلكم

بدون جوجل

ماهو الشيء الذي ان حدثته يسمعك وان حدثك لا تسمعه

اذا صاحبك في النهار امسكت به وان اردت امساكه بعد الغروب احترق

طعامه الحجر وشرابه المطر يتكاثر عند اكتمال القمر له في كل مدينه زوجه

لا يلدن الا البنات ولم يوجد في عهد الخلفاء الراشدون .

[بكور]

بنتو و هو ابوها

[بكور]

اى اى بنتو بنتو

[بكور]

اخو زوجة السائق ، هو خال زوجة احمد

ما هي القرابة بين السائق واخت زوجة احمد ؟

براااااااااحه كده :-

اخو زوجة السائق ، هو خال زوجة احمد ( زوجة احمد بنت زوجة السواق لانو اخو زوجه السواق خالها = بنت السواق )

بكل بساطها اخت زوجة احمد اكيييييد بنتو

[وحـــيد]

بكور استهدي بالله وركز


شوف اللغز التاني

[بت السرف]

الاجابة بكل بساطة هى الساعة

وانا تانى مش حاشارك فى بوستاتك ياوحيد لانك بتتجاهل مشاركاتى !!!