عاكسني ..... واعاكسك ؟؟؟؟؟

[هتان]

السلام عليكم


في الجامعه تم تأسيس جمعيه
سميناها جمعيه رفع معنويات البايركس ,,,



المعاكسه ذاتا فن ,,, و ادب ,,,,,, و اخلاق
زي السواقه بالضبط

خصوصا مع البرالمه

يعني مثلا
تجيك برلومه لابسه خرشميه لون زي عروسة المولد
تقوم تسأل بي كل براءه انتو المولد ما قرب

و تنتطلق الضحكات الجميله من الكل



او مثلا يعني
في المحاضره الاستاذ يقفل باب القاعه و الحلوين بره
تقوم تبدأ التعليقات و المسجات الجميله
نوع اتلومت يا استاذ
القاعه مضلمه من غيرهم يا استاذ



في جمعيتنا بنشوف اكتر البنات خفه دم
اصلو لا نعني بالجمال اطلاقا
و لا الجمال عندنا مقياس

و تشاغل بس ما تتعدي حدود الادب و الذوق ,,,

[sunni]

هتان،، ده تلكك منكم بس،، متين البرلومة كانت بايرة؟؟؟

ياخوي أكان عاوزين تعاكسو،، عاكسو،، بس ما تحاولو تدسوا وراء الضل،، مااااا بدسكم هههه

[ود الجزيرة]

السلام عليكم ورحمة الله وبركاته
ياهتان عليك الله كتر من المواضيع الذي دي عشان لمن نخش الجامعه نكون عارفين الوضع كيف؟؟

[شمس الغربه]

[align=center]السلام عليكم ورحمة الله وبركاته.......
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين......

أخيتي العزيزه/سودانيه ناااااااااار...
اسجل اعجابي بابداعك وتفردك في زرع الاثاره في مواضيعك
فها يدل على انك ذات افق واسع..
في الحقيقه لفت الانتباه الى شي قد يغض الكثير من الناس الطرف عنه باعتباره شي تافه مثل المعاكسات دي ، ولم يخطر ببال احد انها لربما تحوي معنى او صدى لدى الشباب والفتيات.

لو سألتكم سؤال المعاكسات دي منحصره في سن معين ام كل الاعمار والفئات
يعني والله مثلا مامكن واحد شيبه يشاغل، او وحده كبيره في السن يشاغلوها.

وبالمناسبه لو كانت المشاغله للجميله او العكس هذا شيء غير صحيح مئه بالمئه، لأنو حتى المنقبات تتم مشاغلتهن فلماذافي رأيكم؟؟!! وهنا ارجع لقول اخ كريم وهو ستـــارو لمجرد انها امرأه......

ومن وجه نظر اخرى، اعتقد انه يمكن للمعاكس ان يرتبط بمن عاكسها يعني يصل البيت، لأني سمعت
قصص تروي لك

والحكايه في النهاية اخيتي الكريمه، قسمه ونصيب والباقي اسباب في اسباب،
وعندي طلب من اخوتي الشباب لو سمحتي و تفضلوا هم، انو يبينوا ليه المعاكسه بتحصل من قبل الشباب
واظن بما انهم من نفس الفئه فأعتقد انهم اعلم منا نحن الفتيات، ولا رايك شنو؟!!
وبارك الله فيكم
ودمتم سالمين

لي عوده فالموضوع شيق وناااااااار
شمس الغربه[/align][/font]

[مجدى عكاشه]

طيب ..

كانت ماشة البيت بعد شغلـ مرهق فى النادى ..
والعجييييب كمان انها ما سودانية ..
ألأجملـ وألأظرف من كدة ..
اننا فى النادى ما اتعودنا على بنات بشكل يومى ..
ولمن البت تجى بنكون مبحلقين زى الجاييين من السجن !!
قام المدير بتاع النادى .. جاب حبشية للخدمات .. يعنى شاى بارد عشى اى نصيبة زمان كدة .. الشباب طبعآ يعجبوك شديد .. شغاليييييين اكل من ما بجو ( يا ميمي جيبى واحد بارد ) والبت مبااااالغة بس .. اولـ ماتجى بتتشاغلـ طوالى .. ولمن تمشى بتتشاغلـ ..
ملحوظة :
شلتنا بتاعت الكتشينة تتراوح اعمارها من 50 وانت نازلـ لحدى تقريبآ 25 .. فيها المعرس وفيها العاذبـ وفيها الخاطب .. وفيها الزى حلاتى كدة .. كلنا مجتمعين فى المشاغلة .. وقد يكون لاسباب عدة .. اولآ الدافع طبعآ البكون من الشباب .. ثانيآ لكونها جميلة .. ثالثآ .. اممممممممم عدم المووضوع يعنى وكدة .. رابعآ ودة ألأهم .. انها ما شغااااله بينا نهائى ههههههه .. ودة البيزيد العزيمة بتاعت الشباب .. يعنى عمنا ربنا يطراه بالخير فلانـ تعبان ورة الموضوع دة تعبـ وكل ما بياخد على راسو كلو ما بزيد من المشاغلــة .. اما حبيبنا البهناك داااااااك .. فقام وصــــــــــــل البيت عدييييييييييييل !! وبعد دة اخد على رااااسو .. طبعآ نحن نسبة لى امكانياتنا التعبانة وعزوفنا عن الارتباط بشكل اساسى عملنا رااااااايحين لا شايفين ولا سامعيييييين ههههه ..

وبنجيكم تانى يا انتى !!

[حافظ عوض الله محمد]

فى مطار ابوظبى ولا شنو يا مجدى عكاشه
طبعا اخطر سلاح سلاح التجاهل والطناش

[مجدى عكاشه]

فى مطار ابوظبى ولا شنو يا مجدى عكاشه
طبعا اخطر سلاح سلاح التجاهل والطناش

لسه انا ما جيت لكن يا حافظ مش كدة ..

بعدين قالو مطار ابوظبى عجيب عجيب مرة !!

على اى حالـ بتنا ديك شغالة شغلـ عجيب ..

ضحية ورا التانية ضحية ورا التانية .. الخوف انو الملعب يفضى من المحاربين القدامى ..

واضطر انى امسك شوكة وسكين واقولـ عايز اتعشى ههههههه

[شمس الغربه]

center] السلام عليكم ورحمة الله وبركاته.......
عدنا ولم تعودي عزيزتي
في انتظارك......
ارجع لسؤالك:

طب سؤال
كيف يمكن ان جعل ... الزووول البيشاغل دا
يصل البيت

من وجهة نظري ومن منطلق عاداتنا نحن كسودانيين ، انه في العاده الفتاة تتجاهل تماما الشخص المعاكس
بغض النظر عن سبب المعاكسه يعني حتى لو كان في اعجاب سواء كان من الطرفين او لا،يعني مافي يدها
كتير تعملوا

وفي شريحه تانيه من الفتيات ، الفتاة التي تبادل الشاب المعاكسه زي ماورد في عنوان موضوعك، لكن حكاية تجيب رجله للبيت<<<< عايزه شطاره وجرأه:D
وسمعنا قصصا بأن الوحده يشوفها واحد في المواصلات او السوق ثم يذهب لخطبتها لكن لم يعاكسها.

خلاصة القول:
ردة الفعل تختلف من فتاة الى فتاة تجاه المعاكسه طبعا زي مابتعرفي حسب التنئشه والخلفيه البيئيه للفتاة
لكن اتفق معك على ان الفتاة تشعر في الأغلب بأنها مازالت محببه وملفته للنظر
والسبب الذي يمكننا جميعا ان نجزم بأنه وراء المعاكسات هو الأعجاب واحيانا للفت النظر لا أكثر
زي مابقولوا
وخاطر القلب لا يخلو من النظر

وفي انتظار ابداعاتك.......
وبارك الله فيكي
ودمتي سالمه وبكل الود
تحياتي واحترامي لشخصك
،،،،،،، شمس الغربه،،،،،،،[/size]

[سودانية نار]

صراحة الموووضوع سخن وعاااوز ة ارد
بس والله فاقدة سوائل وما قادرة اركز صاااح
بجيكم راجعة
وبالمناسبة
ونتيجة لمكالمة تلفونية مع الاخ العزيز حفوظ حول هذا الموضوع
قررنا نعمل بحث
لاننا طلعنا من تلك المكالمة
انو مفروض نفرد للشباب
مساحة عن رائهم في معاكسة البنات ليهم
ايوة نعم
في بنات بيعاكسوا اولاد
حتي قبل الولد ما يكون فكر يعاكسها زاتو
وفي بنات بتعاكس بنات والا كيف يا شهد الكلام
جد الجد
رمضان مبارك علينا وعليكم
وبجييكم راجعة

شمس الغربة
نورتي منتدانا

[sunni]

للبيان بالعمل،، وصلني من العصفورة،، أن الأخ حفوظ،، والأخت نار،، تخطوا مرحلة النقاش و إنتقلوا لمرحلة العمل والفعل،،ووصلوا مراحل متقدمة في العملية التجرد ،، فخرجت الأخت نار إلى شوارع العاصمة،، وخرج حفوظ،، وقد شاهد طائرنا الأخت نار تعاكس في حفوظ،، وهي تتلفت ذات اليمين وذات الشمال لترى ما مدي الدهشة فيما حولها من وجوه،،،

جدير بالذكر،، أن الطائر بلغنا بعلامات خيبة الأمل في وجه سودانية نار.

يا سودانية،، ح تصلي لواحد من الإتنين،، إما إنه يحصل ليك الرواية أعلاه،،، ولا خليك قرييييبة من عربيتك.

السؤال المل هو،، ما هو سبب عدم تجاوب الحضور عندما تحصل المشاغلة زي زمان؟؟

هل من منطلق (وانا مالي؟؟ كانت من بقية أهلي؟)
هل من منطلق (الفاضي ليهم منو؟)
هل من منطلق (البضمن لي شنو انها ما تحرجني وتقول لي،، الدخلك شنو انت كمان؟)
هل من منطلق (العندو ليهم زمن منو؟)
هل من منطلق (هي كان ما عاجبا،، بتقول يا ابو مروة)
وهل وهل وهل

[حنضله]

شكراً يا نار على الموضوع الشيق ده وبصراحة كده انا رأي إنو اى شاب بيعاكس مش جاد فى الوصول للبيت لآن فى المعاكسة خدش للحياء وهى اصلاً عاده كما اظن دخيله علينا . من من اجدادنا كان بيعاكس ولا بيصرح بأنو على علاقة مثلاً ؟

[حرامى الجداد]

ياجماعة زمان قالوا كل فولة وليها كيال والعرس قسمة ونصيب بس انا من وجهة نظرى مش كل بنت ماشة فى الشارع بتتعاكس وما كل جميلة بتسمع كلام غزل انا بعتقد ان مشيت البنت وطريقة لبسها هى البتخلي الواحد اعاكسها مع العلم بانه كلام الغزل بطرب حتى حبوبتى في قبرها والزول البعاكس في الشارع ما اظنه ممكن اعرف درب البيت .

[سودانية نار]

للبيان بالعمل،، وصلني من العصفورة،، أن الأخ حفوظ،، والأخت نار،، تخطوا مرحلة النقاش و إنتقلوا لمرحلة العمل والفعل،،ووصلوا مراحل متقدمة في العملية التجرد ،، فخرجت الأخت نار إلى شوارع العاصمة،، وخرج حفوظ،، وقد شاهد طائرنا الأخت نار تعاكس في حفوظ،، وهي تتلفت ذات اليمين وذات الشمال لترى ما مدي الدهشة فيما حولها من وجوه،،،

جدير بالذكر،، أن الطائر بلغنا بعلامات خيبة الأمل في وجه سودانية نار.

يا سودانية،، ح تصلي لواحد من الإتنين،، إما إنه يحصل ليك الرواية أعلاه،،، ولا خليك قرييييبة من عربيتك.

السؤال المل هو،، ما هو سبب عدم تجاوب الحضور عندما تحصل المشاغلة زي زمان؟؟

هل من منطلق (وانا مالي؟؟ كانت من بقية أهلي؟)
هل من منطلق (الفاضي ليهم منو؟)
هل من منطلق (البضمن لي شنو انها ما تحرجني وتقول لي،، الدخلك شنو انت كمان؟)
هل من منطلق (العندو ليهم زمن منو؟)
هل من منطلق (هي كان ما عاجبا،، بتقول يا ابو مروة)
وهل وهل وهل

استاذي العزيز السني
صباحاتك ورد
ستتفاجاء من نتيجة البحث
بس الصبر
اما بالنسبة لتجاوب الحضور مع المشاغلة فبيكون للاسباب الذكرتها اعلاه
او ممكن يكون الحضور نفسه مبسوط من المعاكسه ونفسه هو زاته يعاكس
او قاعد يراقب عشان يفهم الطرق والتكنيك :D وكدة ويعني
جد الجد
الشارع السوداني الحمدلله بخيره
اذا وضح ضيق الفتاة او جراءة الفتي
بتلقي مليون زووول هب للتدخل
بس عادة المعاكس بيكون مراقب اللاجواء الحوله
وعلي اساسها بيسلك احد طرق المعاكسة البيتكووون كثيرة ومتعددة وكمان خلاقة
ورمضااان كريم

[حافظ عوض الله محمد]

للبيان بالعمل،، وصلني من العصفورة،، أن الأخ حفوظ،، والأخت نار،، تخطوا مرحلة النقاش و إنتقلوا لمرحلة العمل والفعل،،ووصلوا مراحل متقدمة في العملية التجرد ،، فخرجت الأخت نار إلى شوارع العاصمة،، وخرج حفوظ،، وقد شاهد طائرنا الأخت نار تعاكس في حفوظ،، وهي تتلفت ذات اليمين وذات الشمال لترى ما مدي الدهشة فيما حولها من وجوه،،،

جدير بالذكر،، أن الطائر بلغنا بعلامات خيبة الأمل في وجه سودانية نار.

يا سودانية،، ح تصلي لواحد من الإتنين،، إما إنه يحصل ليك الرواية أعلاه،،، ولا خليك قرييييبة من عربيتك.

السؤال المل هو،، ما هو سبب عدم تجاوب الحضور عندما تحصل المشاغلة زي زمان؟؟

هل من منطلق (وانا مالي؟؟ كانت من بقية أهلي؟)
هل من منطلق (الفاضي ليهم منو؟)
هل من منطلق (البضمن لي شنو انها ما تحرجني وتقول لي،، الدخلك شنو انت كمان؟)
هل من منطلق (العندو ليهم زمن منو؟)
هل من منطلق (هي كان ما عاجبا،، بتقول يا ابو مروة)
وهل وهل وهل

الاخ السنى بلغ العصفورة تحياتى واحترامى
ثانيا الموضوع يلامس واقعا معاش فى حياتنا اليوميه نجب ان نتناوله بشى من الشفافيه والوضوح والجرأة
ايضا تجاوب الحضور يعتمد على حجم المشاغله التى تمت ورؤيه الشاهد
مثلا لو كانت المعاكسه من النوع التقيل السمج صدقنى اكيد بكون فى واحد دمو حااار ويتم نتف المعاكس
اما لو كانت فى شكل دعابه خفيفة من خلالها يعكس المعاكس اعجابه بالفتاه فى حدود الادب مثلا كيف ياحافظ زى مشاغله السنائر للبرالمه ياهتان فى الجامعه
يعنى لو فى برلومه شديدة لمن غلط ممكن عادى تقول يادوب الجامعة بقت جامعة ويادوب الواحد بقى يقرأ فى جامعه والعجب لو ابتسمت امشى بوست الجامعات والجكس لابن بطوطه تلقوهو مليان معاكسات
يتبع

[احمد يس]

الاخت سودانية نار

موضوعك ما هين ومتشعب كتير ومشالله استهوى عدد لا بأس به من الجنسين كل تحدث فيما استهواه من احدى جوانب الموضوع...... ولكن دعينى ارجع الى سردك الاول عن الموضوع والتلميح الذى ابدته زميلتك فى العمل عن العلاقة بين المعاكسة والفرصة فى الزواج وهل هذه العلاقة طردية بما يعنى انه كلما زاد عدد المعاكسين للفتاة تزداد حظوظها فى الزواج..............................
انا اعتقد وهذا رأى شخصى بحت انه لا علاقة البته بين المعاكسة والزواج فالمعاكسة شىء مستقل لا يعتمد على اسس علميه والا نظريات مثبته فى مراجع ما ولكنه انتقاء لغوى وقتى ولحظوى يعتمد على رغبة الانثى فى ان تعاكس او عدم رغبتها وكذلك على الحالة النفسية للمعاكس الذكر فى تلك اللحظة وقد تكون عبارات المعاكسة هو عكس للحالة النفسية للمعاكس ومن الممكن انها تكون عبارات ليس لائقة ومن الممكن ان تكون فى قمة الرقة والعذوبة ..... على سبيل المثال ممكن ان يكون الشاب قد انهى لتوه مكالمة رومانسية مع خطيبته وحالته المعنوية فى القمة وكانت ردة فعله هو معاكسة كل من يقابله فى الطريق سواء كان رجل او بنت .
هناك حالات من المعاكسة ينطبق عليها مسمى معاكسة الموقف وهى تعتمد على الموقف الحادث فى التو واللحظة ....
على سبيل المثال كنت فى احد شوارع القاهرة الشهيرة فى وسط البلد فى منتصف السبيعنيات وكانت هذه الفترة مشهورة بأزمة المواصلات فى القاهرة ومحظوظ من يجد مكانا على سلم اى اتوبيس وعندما جاء الاتوبيس الذى اريد الركوب فيه وكانت امامى سيدة مصرية وهى بطيئة جدا فى الركوب وانا خائف ان يتحرك الباص وتفوت على الفرصة مما سيجعلنى انتظر مدة اخرى لا يعلم مداها الا الله فقلت لها اطلعى ياروحى بسرعة قبل الاتوبيس ما يتحرك .......... عاينت لى ونظرتها بها نوع من الفرحة للاطراء ونوع من الحنق لعدم لياقتى فى العبارة فمن اكون انا حتى اقول لها ياروحى بالرغم من انها كلمة سائدة فى مصر .......فما كان منها الا ان وسعت لى الطريق وهى تقول اطلع انت يا استاذ الاول وبعدين تبقى تطلع روحك ..........
الوصول الى المنزل لخطبة الفتاة له حسابات اخرى وهى حسابات معقدة جدا خصوصا فى هذا الزمان الصعب .
المعاكسة كما قال احد المتداخلين فن ولكنى لا اتفق معه بأنه علم حيث انه لا يدرس وليس له قواعد ونظريات مثبته ولا يعتمد فن المعاكسة على سن معين ولكن قد يعكس مدى خبرة المعاكس فى انتقاء العبارات المناسبة التى تجعل من المعاكسة امر مقبول فى حدود الادب وكذلك يعتمد على الموقف اللحظى الذى يستغله المعاكس السريع البديهه.....
ولكن سيدتى مهما كانت المعاكسة جميلة وظريفة وتنعش الآمال فى معنويات البنت وتحقق لها بعض الغرور فى لحظة ما ................ فلا يجب ان تكون مقياس لمدى انوثة او سماحة البنت والا تعبير عن حظوظها فى لارتباط بشخص ما ................... فعندما يأتى القدر يعمى البصر

[king cairo]

والله الموضوع مثير للاهتمام
المعاكسة بقت تقيس نسبة الامل بالنسبة للبنت
انا ما بحب المعاكسات لانك لما تتعاكسى
كانك انسانة شاذة عن قاعدة البنات العاديات
دة بالنسب لوجهة نظرى