هل اولاد المغتربين حناكيش؟؟؟؟؟ ادونا رأيكم...!!

[طيارة]

فيهم الحناكيش بكميات كبيرة

[طيارة]

ما فيهم حناكيش , لاني واحد من الناس كنت عايش و مولود في الامارات , لكن في النوعية دية

[Sudani_w]

والله ياخونا
انتو عاملين من الحبه قبه
اولا الحناكيش ديل موجودين في اي حته سواء في السودان او برا السودان
وكان قصدكم علينا فنحنا ماحناكيش لاكين المكان والظروف اللي عشناهاخلتنا نتعود على حاجات وعادات معينه مافي في السودان ولمن الواحد يمشي السودان بيلقى شي غير الي اتعود عليه

انا عن نفسي الدرش اللي اندرشتو في حياتي ماندرشو زول
اي نعم السودان فيهو تعب وشقى لاكين دي ماحاجه تخلي الزول الماتعب وشقى زي ناس السودان يبقى حنكوش

هسي لو جبتو اي واحد من ناس السودان يكون ما طلع من السودان وختيتوه في السعوديه ولا الامارات ولا اي مكان ادوهو سنه او سنتين تلقو جسمو بدا ينقط مويه من الترطيببه

ولو على كلمه حنكوش سواء قاصدينها بالمعني الاول او التاني
فانا عن نفسي شفت ناس في السودان حناكيش الحنكشه اللي الله خلقا وعمرهم ماطلعو من السودان
بس ناس السودان دايرين ليهم حاجه يعملو منها برنامج وكلام
مشكورين على الموضوع ولي عوده معاكم

[منوفلي دوت كوم]

السلام عليكم
اشكرك اخي العزيز على هذا الطرح الفريد
انا في رائي انو الحنكشه مامربوطه بالاغتراب انما بالمال
الحنكوش هو نفسو بتاع جرحتني البسكويت
القروش بتلعب دور كبير وكمات التربيه
وللحناكيش نوعين/ النوع الاول: هو الغني وعايش في مكان راقي
وليه زمن ماشاف التراب حتي مشيتو اتغيرت بقت زي الحريم
والتاني هو: الغني لكن عايش في منطقه فقيره ماعندو شغله مع الشباب
غرقان في البليستيشن والقنوات الفضائيه لو سألته بيت خاله وين مابيعرف
وانا اركز علي التربيه الصحيحه

وهذا مجرد رأي
تقبلو مروري

[فنونة]

يا ربييييييييييييييييييييي مظلومين احنا والله
طيب الحناكيش متوفريييييييييييييين وبكميات كبيرة في السودان :D
مسالة الحنكشة ما مسالة اغتراب او عدم مثال انو تلقى فئة منهم عايشين ومتربين في السودان ليه ما بتتكلمو عنهم.
لي عودة!!!!!!!!!!!!!!!!1

[Sudani_w]

فنووووووونه انتي زاتك ليكي عوده زي كدا
الناس ديل انا إلا اقنعهم
ولا كيف يافنوووووووونه

[دمع السحاب]

السلام عليك ياأهلنا

بالجد كلمامكم كلو حلو لكن عايز الفت انتباهم لانو اولاد المغتربين ماصاح يطلق عليهم اللفظ ده لانهم عاشو واتربوا ونشؤوا في بيئه غريبه وبالتالي لازم ييطبعوا على طبايع البيئه المحيطه ..... فانا بعتقد انو ده شيئ طبيعي انو المغترب الماجه السودان مما اتولد يكون كاشي من الحياه حوليه وقرفان ....
اما المفترض يطلق عليهم اللفظ ده هم العايشين في السودان ويقولوا ليك ياي مابشرب من السوق ومابمرق في الحر واكل الجامعه ده اووووه .....


مع حبي

[الأرباب]

والله انا عايز ابدا اشاتر بعد اذنكم
اولاد المغتربين
بجوا حناكيش لكن
بتبدا البشتنة هنا

سنتين بس
واستعدلوا

[Sudani_w]

هههههههههههههههههههههههههه الارباب ضحكتني والله


اولا الحمد لله مشينا السودان مستعدلين وعندنا حس المسؤؤليه والحمد لله طبعنا ما كعب ......إلخ
وفي السودان في اولاد حناكيش لمن بي هناك
وكمان في ناس مرطبين الترطيبه الله خلقا
دا ماسبب يخليكم تقولو انو اي مغترب حنكوشـ / ـــه
والحنكشه دي موجوده في اي مكان
والله في السودان انا شفت حناكيش ...........حدث ولا حرج ومافي زول يقول لي
اولاد المغتربين حناكيش

[فنونة]

فنووووووونه انتي زاتك ليكي عوده زي كدا
الناس ديل انا إلا اقنعهم
ولا كيف يافنوووووووونه

والله شكلو كدي يا اخوي يا غاليsudani_w داير لينا مليييييييييييون سنة عشان نقنع الناس ديل انو ما في علاقة بين الاغتراب والحنكشة؟؟؟؟؟
المسألة بس مسالة اختلاف أماكن فحتختلف طريقة المعيشة والتربية والشخصية
والحنكشة ورانا ورانا ............يا جماعة قولو البتقولو راضيين تسمونا حناكيش

[Sudani_w]

والله يافنونه دي مشكله

اقول ليك حاجه كل واحد يقول اللي في خاطرو

اللي بيعرف عزو كلام الناس مابيهزو
ولا ماكده ؟

[فنونة]

والله يافنونه دي مشكله

اقول ليك حاجه كل واحد يقول اللي في خاطرو

اللي بيعرف عزو كلام الناس مابيهزو
ولا ماكده ؟

10000000000000%كده
واللهي كلامك عال العال

[Sudani_w]

مشكوره فنونه
على التأييد

والله عذبونا ناس السودان
والله مع اننا شعب طيب وكريم وفينا صفات متميزين بيها عن غيرنا من الشعوب
لاكين في حاجات معينه كده يحيرووووووووك

آآآآآآآآآآآآه بس

انا سوداني وافتخر
والحمد لله واثقين من نفسنا

[دمع السحاب]

مشكوره فنونه
على التأييد

والله عذبونا ناس السودان
والله مع اننا شعب طيب وكريم وفينا صفات متميزين بيها عن غيرنا من الشعوب
لاكين في حاجات معينه كده يحيرووووووووك

آآآآآآآآآآآآه بس

انا سوداني وافتخر
والحمد لله واثقين من نفسنا

والله يا sudani_w بالرغمن من الصفات القلتها عن الشعب السوداني لكن اسوأ حاجه فيه ومافي في غيروا التطفل على حيات الغير

لكن برضوا اولاد المغتربن ماحناكشي لانهم مابيدعوا الزوق والنظافه دي حاجات اتربوا عليها

[Sudani_w]

الله عليك يادمع السحاب
معلم والله
كل زول يقول اللي يقولو
انا عن نفسي ماشغال بأي زول يقول كلام زي ده ونحنا عارفين نفسنا

[دلع]

[mark=FF6666]

المفترض يطلق عليهم اللفظ ده هم العايشين في السودان ويقولوا ليك ياي مابشرب من السوق ومابمرق في الحر واكل الجامعه ده اووووه .....

كلامك 1000 % 100

واللي يقهر زيادة انو بقت الحنكشة في الكلام واللبس كمان

يعني انا لما مشيت السودان الصيف دا قالولي انتي حنكوشة مش ف التصرفات ف الكلام واللبس

والله حكم عايزيين يبقونا حناكييييييييييييييييييش بالغصب هع هع

مع انو الحناكيش الفي السودان وعمرهم مااغتربوو كميااااات وحنكشة لمن ماااااسخة [/mark]

[spanisheyes]

والله انا برأي انو عيال المغتربين ما كلم حناكيش يعني انا مغتربه في ليبيا وكتير من اصدقائي سودانين بجد ما متحنكشين ولا حاجه بالعكس يعني ما كل مغترب مرتاح عشان عيالو يتحنكشوا والبنات هنا كلامهم عادي لاكن تعال للسودان تلقي بناتم بيتكلموا بمياعه خالص ودلع وحركات والله بجد انا مرات ما بفهم علي كلامم يعني مصطلح حناكيش دا مفروض يرتبط بالناس اللي بيتدلعوا وبيتكلموا بمياعه مش ابناء المغتربين
مفروض يطلقوا علي ناس جرحتني البسكويته وخلعتني الكديسه وشكرا

[eisi]

أنا بوافق spanisheyes الرأي

فأبناء المغتربين صحي في حاجات كتيرة ما استمتعو بيها
لكن ده ما يجعلهم حناكيش

هسه أنا بتاعة ماما وبابا وعايزة أغيرها لداد ومام مع ذلك أنا
ما حنكوشة بالمرة وبرضو أنا من ناس عمروا دياب ونانسي عجرم
( بالرغم من اني ما سمعت أغانيهم من شهور)
وشكرًا لأنك قلت الحقيقة في موضوع التلفزيون السوداني


ملاحظة : ( احنا الشمس ما بتجينا يوم الخميس لكن الأحد )

لكن في حناكيش في السودان حنكشتهم أكتر مننا وبالرغم من انهم ما بحبو نانسي
وما بقولو ماما وبابا لكن شايفين نفسهم أحسن من التانيين بكتييير

[قمر ام درمان]

انا مع كلام دلوعة الامارات لما قالت .. ماصاح انه اولاد تامغتربين حناكيش .. انا شفت في السودان اولاد وبنات محنكشين اكثر من اولاد المغتربين ( حناكيش مرفوعة للقوة 10 )انا ربيت اولادي في الغربه وتعلموا فيها ودرسوا في الجامعات خارج السودان واتمرمطوا من غربة لغربة لكنهم ولا ينتمون للحناكيش باي صلة ومن سمي اولاد المغتربين حناكيش ظلمهم والله يهديكم .. وماتعقدوا اولادنا

[قمر ام درمان]

ياود القبايل حرقني كلامك .. تقصد ان ناس السودان مبشتنين ومعشكبين وعيالهم ممرمطين ومشعلقين في المواصلات .. رغم اني مغتربة لكن قلبي معاهم ...