بهاظر ساكت.. والله ما قاصد.... يسمح بالزعل

[النصيح حديدو]

بصفتي رئيس مجلس الادارة قررت الآتي:
• تعيين ادارة لإدارة (بهظار ساكت.. والله ما قاصد) بقيادة الخبير الشامل في الدردشة والفرفرشة (dreem-lady) وهي تختار فريقها بنفسها، كما خصصت وظائف عمالية (فراش، مراسلة، عامل نظافة، حارس) يمكن للمدير ترشيح وإستيعاب الاسماء التالية: (العايش براه عيشة قاسية) اسمو منو؟ ، و(النازح داك بجملو، ولافي في محلو زي جمل العصارة )، (ما وراء الزمن ولا قبلو ، ولا فوقو ما عارف) ، وضروري تعينو واحد من (رموتات المنتدى) قصدي الكنترولات ..في الوظائف المذكور (حارس) كويس؟...

• يكون لدريمو ناقص الصلاحيات المكملة لتعيين فريقها بدون اعتراض من المعجنات (ناس العجن)

• أي واحد ما يتحمل الهظار وعامل فيها جاد ما بضحك نستدعي فوراً فريق الكلكالين من كلاكلة المنتدى يكلكلو، وديل يتم ترشيحهم من قبل أنفسهم.

• يمنع الدخول المجاني والرسوم قدرها (واحد مشاغلة) وبالعدم (نصف معاكسة)

• يسمح بالزعل، واليزعل ليهو مكافأة يلقاها في شريط الاهداء

• اي واحد عندو زول داير يشرشحو يحجز بسطة هنا...........

[النصيح حديدو]

يلا انا ابدأ،
طبعاً لازم الواحد قبل ما يهاظر مع الناس يبدأ بنفسو يشوف حـ يزعل ولا لا.. ايه رأيكم في النظرية دي!!؟
خلاس يلا أبدأ هنق وارفس يمين وشمال،اخاف ينقلب ويبقى ضرب وارفس الناس الجمبي ديل ،
طبعاً طوالي اتخيلتو وظلمتو الحمار!! ، الكمبيوتر بهنق وبرضو الحصان برفس
و(الجمل برفس ولكن اكثر شئ يعضي ، أوع تقربوا من بتاع اخونا داك ) ...

[النصيح حديدو]

طبعاً دريمو ما متعودة تطلع ابداً ولا اولاد المنتدى شافوها ولا مرة ، قالوا لازم نشوفا طيب كيف؟ قالوا لمن اخوها (نجم الدين ) يغيب من شلتنا نقوم نرسل واحد عاقل ورزين علشان لمن تفتح الباب ما يقوم يتلخبط ، قاموا اختارو مهاجر والباقيين إدسوا جمب الباب.
وقف مهاجر قدام الباب وبدأ يطرق فيه بحجة السؤال عن أخوها نجم الدين، ولما فتحت دريمو الباب صعق مهاجر من جمالها وقال ليها: دين النجم ، موجود؟!!! ، قالت ليهو: لا ، ما موجود ، ..قال ليها: لمن يجئ نقول ليهو منو؟.. انفقع الشباب بالضحك وجروا، أما اخونا اتسمر جمب الباب واقف مهجوم.... لقايت حسع...

[النصيح حديدو]

منو في المنتندى اذا ضربوه في خدو الايمن اداهم على طول الايسر؟..
مرة سمعتو وهو بنضرب.. يردد (ضرب الحبيب ألذ من أكل النبق!!) ..
وفي واحد أخطر منو ، كان بنضرب على قفاه وبرضو مصر يقول (....أكل الذبيب....)

[النصيح حديدو]

قررت ادارة المنتندى الزام أي بت في المنتدى
أن ترفع صورتها الحقيقة وتثبتها بجانب اسمها
وانصاعت البنات لهذا القرار الحكيم
وقامت كل واحدة وضعت صورتها
تاني يوم اتفاجأ الجميع بإفتقاد كل البنات .. يارب يكونوا مشوا وين؟
عايزين الكنترولات يفيدونا بصورة عاجلة...
وإلا بقفل البوست دا....

[النصيح حديدو]

يتم هنا منح (شهادة خلو طرف من الحنكشة)
ولكن بعد اجتياز المعانية التي يتم اجراءها في المحل دا هنا...
علماً بان الاسئلة مكشوفة وسهلة يمكن استلامها قبل يوم من المقابلة..

واحد من الحناكيش (طبعاً من برة المنتدى) زعلني جداً وقال لي: حديدو مكسراتك ديك خلاص عتددت أقذفا بره كدأه ه ه ..أهـ ،
عايزين جاتوه، لو ما بتقدر قولينا... نستبدلو ليك بـ شنو كده.. والله نسيت .. باقي كلامو مقلبّن بالحيل..
وعُقب قال لي: يااخي دي اصلك جايبا من وين؟
قلت ليهو : من الشنواني؟
قال: شنو... شنو؟ (مستغرب)
قلت ليهو مالا؟ قال لي : اصلها قوية خالز.. وتاني قال : يااخي قول حاجة غير المكسرات، قول لالوب ، قنقليس، نبق، حتى الحُنبك ألذ منها..
قلت ليهو: انت وكت بتعرف اسامي الحاجات دي كلها الحنكشة عليك شنو؟

بالمناسبة دي
قعدو اتنين من الترابلا تحت ضل التمر يتونسو ويقلبو ليهم في شوية طاب، واحد قال للتاني: "بدور اسعلك يا جنا... الجنس التالت دا شنو؟" التاني قال ليهو: "لا هو راجل ولا هو مرة" .. قاليهو:"ما تقولي متل نفسية مرتي"

اذا ما عجبكم يمكن نأخد فاصل
وبعده ما نواصل ...

[بت السرف]

[align=center]
النصيح ...
انت صحى مانصيح ...
دة شنو يا جنا ...
وبعدين انا خاته صورتى من زماااااااااان الحلا دى كلها ماشايفها؟؟؟
بوست جميل ...خليك مواصل من غير فاصل رجااااء
وبرجع ليك ...

[/align][/b]

[بت السرف]

[align=center]

الليلة النصيح جانا بــ خبراً سواهو هزار ..
كواكب المنتدى ..ياسلام ...دة كلام مزار ..
و{دريمو} الانيقة ..ست الجمال.. مقدار ..
و{الوحيد} دة براهو ..حليلو ..ان بقى المختار ..
و{المهاجر} فى الدواخل ..ود بلد شقاق للصفوف ..بتار ..
و{بعدوو} الاصيل جعلى المتمة ..مافيه عزار ..
شن قولك ياالنصيح ..عزاز الناس ..اسياد الفرح مدرار..

[/align][/b]

[النصيح حديدو]

[align=center]
النصيح ...
انت صحى مانصيح ...
دة شنو يا جنا ...
وبعدين انا خاته صورتى من زماااااااااان الحلا دى كلها ماشايفها؟؟؟
بوست جميل ...خليك مواصل من غير فاصل رجااااء
وبرجع ليك ...

[/align][/b]

حلا ساي؟.. انشاء خطيبك يزعل..حلا وذوق وفهم..الظاهر كنت واقفة جم دريمو لمن فتحت الباب وصقع اخينا داك الصعقة الياها.. أبداً دي ما صعقت زول واحد!!!..
دي صورتك يا كذابة (دي اقل منك كتيرررررررر..أنا ما بعرفك ولا شنو؟) ... انا حضرت ليك خلال شهر صورتين إلا تكون بجيبي معاك اختك.....
بالله ما تحرمينا من الاشراق دا
والله يحفظك

[بت السرف]

حلا ساي؟.. انشاء خطيبك يزعل..حلا وذوق وفهم..الظاهر كنت واقفة جم دريمو لمن فتحت الباب وصقع اخينا داك الصعقة الياها.. أبداً دي ما صعقت زول واحد!!!..
دي صورتك يا كذابة (دي اقل منك كتيرررررررر..أنا ما بعرفك ولا شنو؟) ... انا حضرت ليك خلال شهر صورتين إلا تكون بجيبي معاك اختك.....
بالله ما تحرمينا من الاشراق دا
والله يحفظك

[align=center]
خطيبى شايل ساطورو وحايم ....
عشان كدة لازم نغيير استايل الصورة كل فترة ...
عشان مافى زول يسحرنا هههههههههههههههه
ودريم انا ماكنت واقفة جنبها بس سألتهامن جوة... منو الفى الباب ؟؟؟
واسال بعد الزمن قال على (قالو صوتها نغمة موبايل )
ولــ هسة ماعرفت بعدوو دة سمع صوتى وللا عامل لى اشاعة

[/align][/b]

[النصيح حديدو]

[align=center]

الليلة النصيح جانا بــ خبراً سواهو هزار ..
كواكب المنتدى ..ياسلام ...دة كلام مزار ..
و{دريمو} الانيقة ..ست الجمال.. مقدار ..
و{الوحيد} دة براهو ..حليلو ..ان بقى المختار ..
و{المهاجر} فى الدواخل ..ود بلد شقاق للصفوف ..بتار ..
و{بعدوو} الاصيل جعلى المتمة ..مافيه عزار ..
شن قولك ياالنصيح ..عزاز الناس ..اسياد الفرح مدرار..
[/align]

دي متين لحقت عملتيها ... انا رفعت البوست قبل 5 دقائق ..
ما شاء الله تبارك الله ..
وينو البخور يا جنيات

وتساهلي شاعرة المنتدى والمجاورتنو
كلامك دفيق ورطب نخيلاتنا شايلاتنو
والشتل القبيل بموية الطيبة ساقياتنو
اثمر وخيرو للبعيد والداني خاتاتنو

الله يحفظك

[النصيح حديدو]

[align=center]
خطيبى شايل ساطورو وحايم ....
عشان كدة لازم نغيير استايل الصورة كل فترة ...
عشان مافى زول يسحرنا هههههههههههههههه
ودريم انا ماكنت واقفة جنبها بس سألتهامن جوة... منو الفى الباب ؟؟؟
واسال بعد الزمن قال على (قالو صوتها نغمة موبايل )
ولــ هسة ماعرفت بعدوو دة سمع صوتى وللا عامل لى اشاعة

[/align][/b]

الساطور البتلف داك..ويختو في الدولاب.. آهـ ..عرفتو..بس والله تشوفيه ما تقولي من بلاستيك... يلمع ..زي الفضة..
قولي ليهو بعرف شنقي شنقي.. لو عرفا بصدق قصة الصاطور دي ..صاطور ... بنطقوها بالصاد مش بالسين .. يا بتاعين السطور انتو..ايه رأيك في الشعار دا (سطورنا ... سواطيرنا)..
بعدين قلت لي ما كنت واقفة معاها .. يعني دا مفعول دريمو براها.. هع ..ما شاء الله عليها.. دي تدك جبل..
وبعدو مادم هو طلع جعلي ..مالو جرى مع الجماعة.. ولا ديل جعليت 2050
قال صوتك شنو؟ نغمة موبايل..........في نغمة صامتة .ههههههههههههـ
طبعاً عارفه نكتة الاشترى خروف واستفاد من اي شئ فيهو ..الجلد سوى منو فروة .. والعضام .. عمل منها سماد.. حتى صوت الخروف ..باعععععععععع عملها نغمة جوال، ما تغرك نغمات الجوال... بعدو دا ..القال صوتك نغمة جوال ... قصدو انا عارفو ..

[بت السرف]

الساطور البتلف داك..ويختو في الدولاب.. آهـ ..عرفتو..بس والله تشوفيه ما تقولي من بلاستيك... يلمع ..زي الفضة..
قولي ليهو بعرف شنقي شنقي.. لو عرفا بصدق قصة الصاطور دي ..صاطور ... بنطقوها بالصاد مش بالسين .. يا بتاعين السطور انتو..ايه رأيك في الشعار دا (سطورنا ... سواطيرنا)..
بعدين قلت لي ما كنت واقفة معاها .. يعني دا مفعول دريمو براها.. هع ..ما شاء الله عليها.. دي تدك جبل..
وبعدو مادم هو طلع جعلي ..مالو جرى مع الجماعة.. ولا ديل جعليت 2050
قال صوتك شنو؟ نغمة موبايل..........في نغمة صامتة .ههههههههههههـ
طبعاً عارفه نكتة الاشترى خروف واستفاد من اي شئ فيهو ..الجلد سوى منو فروة .. والعضام .. عمل منها سماد.. حتى صوت الخروف ..باعععععععععع عملها نغمة جوال، ما تغرك نغمات الجوال... بعدو دا ..القال صوتك نغمة جوال ... قصدو انا عارفو ..

[align=center]
هوووى ياالنصيح ...كلامك مو صريح ...
قصدك شنو ...كان صمت الجوال ...وللا رناتو صريخ...
زعلتنى ... منك .. وتانى مافى مديح ...
وزولى البريدو .. بجيك .. ارجاهو ..المليح ..

ونسيت اقول ليك ...
انا حنكوشة بشهادة ..
ودابنعوف.....
ووبعدووو

[/align][/b]

[بت السرف]

الساطور البتلف داك..ويختو في الدولاب.. آهـ ..عرفتو..بس والله تشوفيه ما تقولي من بلاستيك... يلمع ..زي الفضة..
قولي ليهو بعرف شنقي شنقي.. لو عرفا بصدق قصة الصاطور دي ..صاطور ... بنطقوها بالصاد مش بالسين .. يا بتاعين السطور انتو..ايه رأيك في الشعار دا (سطورنا ... سواطيرنا)..
..

[align=center]
ساطور :
جمع سَواطيرُ : سكِّين عريض ثقيل وطويل ، ذو حدٍّ واحد يُقطع به اللّحم ويُكسر به العظم " ساطور جزَّار "
بس بصراحة صاطور دى ماسمعت بيها الا عندك

سجمك ...
دريم جنها وجن الاخطاء اللغوية ...

[/align][/b]

[النصيح حديدو]

[align=center]
هوووى ياالنصيح ...كلامك مو صريح ...
قصدك شنو ...كان صمت الجوال ...وللا رناتو صريخ...
زعلتنى ... منك .. وتانى مافى مديح ...
وزولى البريدو .. بجيك .. ارجاهو ..المليح ..

ونسيت اقول ليك ...
انا حنكوشة بشهادة ..
ودابنعوف.....
ووبعدووو [/align][/b]

[align=center]في ناس لمن يزعلو يزدادو بريقا كالذهب كلما طرقته ازداد لمعاناً
بس برضو ما قصدنا نزعلكم
وزولك البتهددينا بيهو دا... اصبري ساي.. بالشنب دا بكتفوا ليك.. بس خايف يغمى عليك.. بعد ود ابنعوف وبعدو شهدو ليك بالرقة المتناهية (الحنكشة) رغم شهادتم مشكوك فيها..
بت السرف .. صراحة البوست استمد حيوتو من جمال روحك..
الله يحفظ ما عدمناك..[/align][/b][/QUOTE]

[النصيح حديدو]

[align=center]
ساطور :
جمع سَواطيرُ : سكِّين عريض ثقيل وطويل ، ذو حدٍّ واحد يُقطع به اللّحم ويُكسر به العظم " ساطور جزَّار "
بس بصراحة صاطور دى ماسمعت بيها الا عندك

سجمك ...
دريم جنها وجن الاخطاء اللغوية ...

[/align][/b]

ـ المعلومة دي من رأسك ولا من كراس قوقل..
ـ قالت.. ساطور ..آلت .. ويشبه السكين..بالله ... تعرفي الكجامة؟ تعرف السفروق ... تعرفي الكولاي.. الخس... تعرفي الساسوي... تعرفي الكراي.. تعرفي دخان عزبات... تعرفي الواسوق..تعرفي ام جقوقا.. تعرفي التمليكا.. التبش لا التبش بتعرفي!!.. تعرفي الكول ..تعرفي الفولة يا بت السرف ..كده كفاية.. يابت معاك عون الشريف قاسم... سوري يا اخي سوري ..نسيت انك شاعرة المنتدى .. اقف لحد هنا تأدباً..
ـ خلاص والله توبة ..ما دام دريمو جنها وجن الاخطاء اللغوية زي ما قلتي..لكن هل هي الأخطاء النحوية ولا اللغوية؟
ـ انت الروعة لا عدمناك.

[النصيح حديدو]

الاعضاء انتو حلوين زي البيبسي.. بس دايرين زول يرُجكم
عشان حلاوتكم تصل وترش البوست.. والملابس ما مشكلة بتنضف..

دعوة لاقتطاع هنيئات مرحة ومحاولة زرع الابتسام حسب اجتهاد كل منا...
كل شئ منكم جميل ..
..

[النصيح حديدو]

" روّحوا عن انفسكم ساعة فان القلوب اذا كلت عميت"
يا اعظم وارقى الخلق كلهم .. ياحبيبي يارسول الله..عليك ازكى الصلاة واتم التسليم...

حينما أقرأ الشعر في عصر صدر الإسلام , أشعر أكثر وأكثر بروعة ووسطية وجمال ديننا الإسلامي , الذي هو دين الحياة , وأدعو بالهداية والسداد لبعض الدعاة والوعّاظ الذين يصورون الدين للشباب على أنه كله مشقة وتعب وزهد في الحياة الدنيا , الدنيئة في نظرهم لدرجة أنها لا تستحق أن نفرح أو أن نستمتع بها .
• فداك ابي وأمي يا رسول الله .
من يقرأ في سيرته , يجد الرقة واللين والمتعة والسلاسة في التعامل مع المسلمين .
قرأت الشعر في عصر صدر الاسلام , فذهلت من جمال المعاني , وما فيها من رقة وعذوبة , وتوقفت عند القصيدة التي نالت استحسان الرسول صلى الله عليه وسلم , وقلت في نفسي ليت شبابنا يقبلون على قراءة الشعر في ذاك العصر , وما نفورهم وزهّدهم فيه إلا النظرة على انه في ذاك الوقت لا مجال للعواطف والمشاعر , بل كل ظنهم بـأنه شعر فتوحات ووصف معارك , وضرب هام , ومنظر دماء .....
والحقيقة أنه لا يخلو من معان , غاية في الرقة والعذوبة , ووصف للمشاعر والأحاسيس ,وما فيها من حب , وعتب , وشجن .
من ذلك مطلع قصيدة كعب بن زهير (البردة) وهي قصيدة نظمها في مدح الرسول الكريم , وأعجب بها سيد الخلق , ولشدة إعجابه , خلع بردته وكسا بها الشاعر كعب , كساه حلة مجد لا تبلى , حيا وميتا , وكسا الشعر الجميل , والمعاني الرقيقة أبهى وأعظم الحلل .
فأي عاشق , متيم لا يطرب لسماعها !
وأي مفتون بجمال الحروف واللغة لا يتيه طربا لها !
وأي عاتب , أو مستعطف لا يميل لقراءتها , علاوة على ما بها من حكم ونصائح تروق لكل ذي لب .
يقول كعب بن زهير رضي الله عنه في بعض أبيات هذه القصيدة :

بـانَتْ سُـعادُ فَـقَلْبي اليَوْمَ مَتْبولُ

مُـتَـيَّمٌ إثْـرَها لـم يُـفَدْ مَـكْبولُ

وَمَـا سُـعَادُ غَـداةَ البَيْن إِذْ رَحَلوا

إِلاّ أَغَـنُّ غضيضُ الطَّرْفِ مَكْحُولُ

تَجْلُو عَوارِضَ ذي ظَلْمٍ إذا ابْتَسَمَتْ

كـأنَّـهُ مُـنْـهَلٌ بـالرَّاحِ مَـعْلُولُ .

ثم يستطرد في وصف دلال الغواني , وإخلافهن للوعد فيقول :
ولا تَـمَسَّكُ بـالعَهْدِ الـذي زَعَمْتْ

إلاَّ كَـما يُـمْسِكُ الـماءَ الـغَرابِيلُ

فـلا يَـغُرَّنْكَ مـا مَنَّتْ وما وَعَدَتْ

إنَّ الأمـانِـيَّ والأحْـلامَ تَـضْليلُ

كـانَتْ مَـواعيدُ عُـرْقوبٍ لَها مَثَلا

ومــا مَـواعِـيدُها إلاَّ الأبـاطيلُ

أرْجـو وآمُـلُ أنْ تَـدْنو مَـوَدَّتُها

ومـا إِخـالُ لَـدَيْنا مِـنْكِ تَـنْويلُ .

ومن جميل ما قاله في القصيدة , استعطافه للرسول صلوات الله وسلامه عليه , بقوله :

أُنْـبِـئْتُ أنَّ رَسُـولَ اللهِ أَوْعَـدَني

والـعَفْوُ عَـنْدَ رَسُـولِ اللهِ مَأْمُولُ

وقَـدْ أَتَـيْتُ رَسُـولَ اللهِ مُـعْتَذِراً

والـعُذْرُ عِـنْدَ رَسُـولِ اللهِ مَقْبولُ

مَـهْلاً هَـداكَ الـذي أَعْطاكَ نافِلَةَ

الْـقُرْآنِ فـيها مَـواعيظٌ وتَـفُصيلُ

لا تَـأْخُذَنِّي بِـأَقْوالِ الـوُشاةِ iiولَـمْ

أُذْنِـبْ وقَـدْ كَـثُرَتْ فِـيَّ الأقاويلُ

هذه دعوة للاستمتاع والترويح عن النفس بقراءة الأدب الراقي والشعر الرصين والترفيه البرئ والمرح مع الاصدقاء ، فتبسمك في وجه اخيك صدقة كما ان بعث البسمة واحياها في الوجوه ايضاً صدقة ، فالتسرية عن المسلم وادخال البهجة في نفسه من اعظم الصدقات ، كما انها تظهر العطاء والمحبة والايثار ، فالنقتطع من وقتنا شيئاً لانفسنا ولاعزائنا ونحاول ان ندخل البسمة في وجوهم ونسعدهم بكل ما هو جميل .

ولكم العتبي حتى ترضوا ..

[dream-lady]

بوست رائع كروعة صاحبه

النصيح حديدو طلعت متفجرات

ومهاجرنا ده بركة الماشاف سروفة كان حيقع صريع حلاتها وجمالها...

اما صوتها سمعتو انا ....حاجة مابتتكرر بلا قبل بلا بعد زمن معاك

[dream-lady]

...مرات الريموت بفقع المرارة...تلقى الحجارة بايظه تبدلها تعصلج تاني...شكلي حابدلها بفنلندي اصلي

مايرفع الضغط

مره وانا ماشه لقيت تائب شايل دفتر وقلم وقاعد في ركن هاديء وسرحان...قلت الولد بكتب شعر...!!

او بقطع قصيد..لقيتو بكتب في ميزانية الشهر ...مسكت الدفتر رميتو في النيل ...قام وواجهني بنظرات زعل قلت ليهو عاااااااااادي حديدو قال :مسموح الزعل