كلمات الأغاني السودانية

[كورنجي]

شقا الايام وسهر الليل ...كلمات التجاني حاج موسى ..غناء زيدان





شقا الايام وسهر الليل ..

بهون لو مرة حسيت بى ..

يزول كل الوجع وأرتاح .. وأغرد زى كنار صداح ..

وتبقى الدنيا فى عينى ... أزاهر وغيمة وردية ..

ولو سلمت مرة على .. سلامك ليا عيديه...

**

شقا الأيام وسهر الليل .. وآهاتى الحزاينية ..

ملازمنى من يوم شفت عيونك الحلوة ..

ويومها عرفت كيف العين

مكامن ريد.. وجرة نمة من دوبيت ..

ضراعة فاتحة يوم العيد فرح أطفال

وأهازيج زار ونقرة طار ..

وبحة ناى ... حزين غناى ..

ترانيم غنوة دينية

**

براى ... والليل وأهاتى الحزاينية ،

بيغشاني النعاس مرات ..

وطيفك يمر.. يغافلني.. يبدل حزني اشراقات

وأبداء معاك غناوى الليل وأغالب الدمعة مابيه تسيل ..

أتارى الليل كمل كلو ؟! عيونك مرة لو طلو ..

يزول كل الوجع وأرتاح... وأغرد زى كنار صداح..

وتبقى الدنيا فى عينى .. أزاهر وغيمة وردية ..

ولو سلمت مرة على .. سلامك ليا عيدية ..

[كورنجي]

لا هماك عذابنا .....غناء زيدان ابراهيم




لا هماك عذابنا
لا دموعنا وشقانا
نهديك المشاعر وتخون الأمانة
عارف ريدنا ليهو كم قاسينا فيهو
لو غاب من عيونا دقيقة دقيقة نخاف عليهو
أصبح لينا مرسى نرتاح في عينيهو
تمشي تخونا إنت تقول تتهنى بيهو
في ساعة غيابك نسأل وين تكون
وسدناك رموشنا وشلناك في العيون
كيف يرضيك ضميرك تتنكر تخون
العشرة الكانت ببتحدى الظنون
سبتا مصيرنا ضايع مرساه العدم
في بحور السراب بالدمعات وهم
عشان آمالنا فيك قلبنا ما ظلم
خلاص عرف الحقيقة
وما بفيد الندم
لا هماك عذابنا
لا دموعنا وشقانا
نهديك المشاعر وتخون الأمانة.

[كورنجي]

لما تشتاق للمشاعر ..غناء زيدان ابراهيم



لم تشتاق للمشاعر تملاء دنياك بى عبيرها
ولم تشتاق للعواطف تنسجم تلبس حريرها
وابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
لم تقسو عليك ليالى الوحده والليل يبقى ليل
والنجوم تلمع بعيد تسخر من السهران وحيد
ابقى اسال عن قلوبنا بتلقى فيها كنوز محبه
وتلقى فيها بحور حنان وتلقى فيها الشوق يغنى
وتلقى فيها الريده فارده جناحها تشتاق للربيع ياربيع
انت برضك حبيبنا والحنان الفى قلوبنا
اصلو نابع من عيونك
المحبه الفيها لو ما انت ماكانت محبه
وكل اشواقنا ومشاعرنا واحاسيسنا النبيله
انت اهديتا لينا
انت ضيع احلى
ما اهديت ياغالى.

[كورنجي]

في الليلة ديك ...غناء زيدان ابراهيم



في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك…… جيت أقول مبروك عليك .

[كورنجي]

دنيا المحبة ..... غناء زيدان ابراهيم




فى بعدك ياغالى ضنانى الالم

وعشت مع الليالى لاحب لا نغم

ومن لمسات حنانك خلاص تمينا دور

ايام مره خاليه من طعم السرور

كل ماغنى شادى دوبنى الشعور

واقول ياريت حبيبى لو فى الطيف يزور

لو كان التمنى بينفع كل حبيب

ماكان السعاده بقت قسمه ونصيب

ولا قلوبنا الحيارى مع الايام تشيب

ولا عاش قلبى تايه عن حبك قريب

لاتسأل مشاعرك ليه عينى بكن

يوم ودعنى حسنك ولا زمنى الشجن

وباكر ياحبيبى يعلمك الزمن

ليه دنيا المحبه للعشاق وطن.

[كورنجي]

قصر الشوق كلمات التجاني حاج موسى غناء زيدان




باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد.

[كورنجي]

حنين يا ليل كلمات التجاني حاج موسى غناء زيدان



حنين ياليل ياحنين ياساتر عيون الناس
اهيم فيك واناجيك وسافر فى بحورك دى
لا بتعب من الاسفار ولا بغشانى مرة نعاس
لانى بغازل النجمة غزل فى قوافى منسجمة
وحجوة فصولها منتظمة جميلة تدغدغ الاحساس
براي سهران كمان زيك بلاقى عزاية فى ليلك
اقالب فى النجوم واحكى واغنى ياليل مواويلك
اصارع الموج والتيار اغالب الدمعة ماتنهار
افر البسمة شان تضوى لي فى المشوار
حنين ياليل ياحنين ياساتر عيون الناس.

[كورنجي]

هانت الايام عليك ..كلمات هلاوي غناء زيدان



هانت الايام عليك ولا هنت عليك انا
وين حنانك ياحنين وين عيونا من الهنا

عدت وراحت كم سنه كم سنه كم سنه

هانت الايام عليك وهان عليك حبى ودادى
كل ماحاولت تبعد كنت بجري عليك ونادى
ليه تقول دايما ظلمتك وانت ديمة بظلمي بادى

كنت بتقولي بحبك الليلة مالك مابتقولا
كنت بتقولي بريدك الليلة مالك مابتقولا

والجحيم والشوق نارو هي من حبك قصادى.

[كورنجي]

ما اصلو ريدة ..غناء زيدان ابراهيم


ما أصلو ريدة أصبح حياتي
من يوم فؤادي لهواها انهدي
وانا عايش اقاوم في الظروف
راجيها تعطف وتحن للنداء
ماكان محال اهديها الغرام
او ابقي راهب ليها واعبدها

يا غالية يا زينة حياتي
مشتاق لشوفتك لي زمن
وانت عارفة شبابي كلو
وهبتو لي حبك تمن
ألقاك متين وحياة سنين
واتهني بي قربك زمن

لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
نتملآ من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر.

[كورنجي]

داوي ناري ..كلمات ابراهيم ناجي غناء زيدان



داوي ناري والتياعي

داوي ناري والتياعي
وتمهل في وداعي
يا حبيب الروح هب لي
بضع لحظات سراع
قف تامل مغرب العمر
واخفاء الشعاع
وابكي جبار الليالي
هده طول الصراع
ما يهم الناس من نجم علي وشك الزماع
غاب من بعد طلوع وخبا بعد التماع
اه لو تقضي الليالي بشتيت باجتماع
كم تمنيت ..وكم من امل
مر الخداع
وقفة اقراء فيها لكي اشعار الوداع
ساعة اغفر فيها لكي
اجيال اقتناعي يا مناجاتي وسري
وخيالي .. وابتداعي
تبعث السلوي وتنسي الموت مهتوك القناع
دمعت الحزن التي تسكبها فوق ذراعي.

[كورنجي]

جميل ما سألناه ..غناء زيدان

جميل ما سألنه ولكن هويناهو
بديع فى تدنيه وديع حين تلقاهو
عجيب فى معانيه اذا أدركت معناه
مليح البدر فتان ملاك قد عرفناه
فريد فى محاسنه فريد فى سجاياه
غزال فى تلفته صباح ما وحيناه
جمال فيه إشراق تريح النفس رؤياه
عشقناه ولكن تعبنا إذ عشقناه
سكارى عند رؤيته حيارى عند ذكراه
يعاتبنا بنظرته بلاذنب جنيناه.

[كورنجي]

ما حصل فارقتو دربك ..غناء زيدان



ماحصل فارقت دربك وشلت املى على السراب
مابحاول يوم اسيبك اواقول انا نجمى غاب

*** *** *****

يحلو لي صبرى الصبرتو فى سبيل حبك حملتو
ماشكيت لهفة مشاعرى فى هواي معاك كتمتو
انت برقة شعورك قلبى ليك انا ماظلمتو
قلبى زغرد يوم لقيتك وانت بى البسمات غمرتو

****** *** ***

كلو بسمة جميلة منك راسمة فى خدك شباب
كلو فتنة جميلة باينة فيها كم انا قلبى داب
يالمحاسنك فايضة رقة لي عذابك مستطاب

****** ** ***

ياربيع بزهورو فايحة فى الوجود مالي سواك
ارعى عمرى الباقى لليا خلى قلبى يعيش هواك.

[كورنجي]

أخونك .... غناء زيدان ابراهيم



أخونك
أخونك .. هل تصدق أخونك؟
ما أظن أصدق أخونك
لو شافت عيونك إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك؟!
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!
ذكرياتك دايماً أماني
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك.............................

[كورنجي]

مشكوررررررررررررررررررررررررر

[كورنجي]

هات يا زمن ..



جيــب كـل أحــزانك
تـعـال جيـب المحــن
طــول يا أسى وكتر ينابيع الشــجن
جـرعني كأس من لوعة من الامي
ما المحبوب خـلاص خلاني ليك الليلة راح
خلف لقلبي الحسرة والشـوق والجــراح
خلي النواح
فــاض قــلبـي شـمعة
وحيـدة في هـوج الريــاح
خـلاني ليـك أنا يا زمــن
وخلص شجن
الليـل يهـــود بي
ويبــقى تـلـت الأخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر العواطف غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق من عمري هواه زي أجمل صباح
وكساني بالآمال وشاح
قلبي المتيم بيه بي احلامه باح
تاه في رياضو الرايعة في جنة استراح
لكنه وين الليلة راح واصبحت يا أيام حزين
باكي العيون محتار أقول ماليه حنين
إيه غيرو بدل عواطفو صبح ضنين
إمكن ظنون إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر يالأمل ومهما حصل
أملي الوحيد لحبو مكتوب في الأزل
لايمكن أبداً مستحيل في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي أنا برضي صابر يا زمن
بكل أجزانك تعال
جيب المحن

[كورنجي]

في الضواحى



في الضواحى وطرف المداين ..يلا ننظر شفق الصباح ..قوموا خلو الضيق في الجناين ..شوفوا عز الصيد في العساين
يلا نقنص نطرد نعاين ..النهار إن حر الكماين ..كلبي يا جمجوم أصله خاين ..شوفوا كيفن يبرأ الملاين ..هب شال وكشح المراح
*****
للقنيص الخيل خف راسن ..نحن ما بنخاف من مراسن ..المكارم غرقنا ساسن ..والمجاهل مين غيرنا ساسن ..ان عطشنا نمز مر وآسن ..وأن عشقنا بنعشق محاسن ..فى المحاسن كفي يومنا راح
*****
في الخميلة انجلت المحاسن ..عيني حايرة ومشي قلبي جاسن ..بعض حسنك هي يا محاسن ..الحرير حين قدميك داسن ..والزهور حين شفتيك باسن ..والغصون من لدنك مياسن ..والنسيم فاح بكر الملاح
*******
يا الطبيعه الواديك ساكن ..ما في مثلك قط في الأماكن ..يا جمال النال في ثراكن ..ياحلاة البرعن أراكن ..في قفاهن تور قرنه ماكن ..لا غشن لا شافن مساكن ..في الخزام والشيخ والبراح
********
شوف صباح الوادي وجماله ..وشوف خضاره وصيده ورماله ..شوف يمينه وعاين شماله ..شوف نسيم الليل صاحي ماله ..شوف فريع الشاو مين أماله ..القمر خجلان من كماله ..والصباح لاح بهل الوشاح
******
يا أم لسانا لسع معجن ..كلمة كلمة وحروفو ضجن ..ديل خدودك غير داعي وجن ..ديل عيونك من غير سبه لجن ..ديل دموعك من نظرة شجن ..ده دلال ايه ده دلال معجن ..محن الامات يا رداح
*****
ماك نسيم الليل بي برودك ..نامت الازهار فوق خدودك ..غرد العصفور فوق عودك ..النفوس ما اتعدت حدودك ..ما عرفنا عدوك من ودودك ..بس أنا المقسوم لي صدودك ..يا حياتي وأملي اللي راح

[امال الناس]

غلطة كانت غرامي ليك
غلطة قلبي سلمته ليك
ما كان مكانه ما كان يجيك


==============

بعد ما فات الاوان
اليلة جاي تعتذر
وترجع ايامنا الزمان
من وين نجيب ليك العذر

============
جاي ترجع الماضي
خلاص الماضي ولي وفات
وجفت مغلتي الباكية
ونامت من سنين طوال
جيت تترجي بالدمعات
اسامحك ارضي اغفر ليك
جفف دمعك الغالي
مسامحك ما عشان عينك
عشان تتعلم الغفران
وتصفح لو زمن جار بيك
وحاول لو قدرت كمان
تقدر رقة الحبيك

[هشام الدين]

الأستاذ/عثمان مصطفي

رحت في حالك نسيتني
واعتبرت الماضي فات
لما أنت خلاص جفيتني
ليه بتحكي الذكريات

لما تحكي ذكرياتنا
كنت تحكيها بأمانة
كيف بدت كيف انتهت
وإتبددت قبال أوانه
وكيف أمانينا الجميلة
حلت الآهات مكانه
كفاية أشوفك بخيالي
واستعيد أحلى الليالي
وأبكي أيامي الخوالي
وكل ماضي الذكريات

ذكرياتنا مهما كانت
برضو ترديدها بيألم
ليه تردد ذكرياتنا
ويوم ألاقيك ما بتسلم
ليه بديت إنت الفراق
وإنت عارفو كيف بندم
رميتني في نيران صدودك
تاني ما بصدق عهودك
أنا بحاول أنسى ريدك
وأنسى ماضي الذكريات

كنت دايما بعذرك
باقي ليل حرمان شبابي
كنت راضي تدللك
براي بتحمل صعابي
إلا ما برضى التجاهل
لي شعوري لي عذابي
تعال وبادلني الوداد
ولا قاسمني السهاد
أنت لو راضي البعاد
ليه بتحكي ذكريات

[تائب]

الأستاذ/عثمان مصطفي

رحت في حالك نسيتني
واعتبرت الماضي فات
لما أنت خلاص جفيتني
ليه بتحكي الذكريات

لما تحكي ذكرياتنا
كنت تحكيها بأمانة
كيف بدت كيف انتهت
وإتبددت قبال أوانه
وكيف أمانينا الجميلة
حلت الآهات مكانه
كفاية أشوفك بخيالي
واستعيد أحلى الليالي
وأبكي أيامي الخوالي
وكل ماضي الذكريات

ذكرياتنا مهما كانت
برضو ترديدها بيألم
ليه تردد ذكرياتنا
ويوم ألاقيك ما بتسلم
ليه بديت إنت الفراق
وإنت عارفو كيف بندم
رميتني في نيران صدودك
تاني ما بصدق عهودك
أنا بحاول أنسى ريدك
وأنسى ماضي الذكريات

كنت دايما بعذرك
باقي ليل حرمان شبابي
كنت راضي تدللك
براي بتحمل صعابي
إلا ما برضى التجاهل
لي شعوري لي عذابي
تعال وبادلني الوداد
ولا قاسمني السهاد
أنت لو راضي البعاد
ليه بتحكي ذكريات

كنت دايما بعذرك ..راضي ب حرمان شبابى
ويمضي الى ان يقول
الاما برضك تجامل ..ل شعوري ل عذابى
(اكون كاذبا ان قلت اننى قرأت نص القصيده ولكن ذلك
من سياق الكلام وربط المعانى ولا يسعنى الا ان اقول لك
انك انسان راقي ..لان هذه من اروع ما كتب الجيلى محمد صالح

[صلاح محجوب عبداللطيف]

صباحك خير إبننا هشام

الـــفـــاتــك فــوتــو
احسن ليك عشان مايسحروك تصبح علي خير واحلام سعيده