اما طريقه اعدادها فهي كالاتي :-
1/ يعد الدقيق بعجنه بلماء وعمل الفطيره
2/ ثم تفرم هذه الفطيره مع الموز ويخلط معهما السكر
وبعد ذلك يصب السمن الحار فوقها
ملاحظه : البعض يحبها بالعسل والطحنيه
و لا شنو يا ناس بورسودان ...!!![/grade]
[overline][align=center]شنو يا حزن السنين....معقولة ده موضوع تجيبو في نهار رمضان...كفانا العلينا..... الهم اني صايم
مشكور خالص بس انت كدا حيجوك ناس حقوق النشر لانك كشفت عن اسرار الوجبة[/align][/color][/overline]
احب وبعد اذنك طبعا اضيف معلومات اضافية عن المخبازة من حيث المنشاء وطريقة التحضير
اولا هي اكله شعبية احضرها الى السودان اخوانا الحضارمة ( اليمانيين ) من فترة طويلة جدا
وهي تلاتة انواع او لها تلاتة طرق تحضير :
الطريقة الاولى كما ذكرتها انت
الطريقة الثانية : تعد الفطيره بدقيق القمح ولكن على تنور فخاري ثم تترك لتجف ثم تقطع بعد ذلك بالايدي الى قطع صغيره تحضر في المنزل بكميات كبيره ثم تنقل الى المطعم وفي المطعم يتم طبخ الموز مع السمن في انا على النار ويترك الا ان يغلى ثم يضاف اليه الفطير بعد اذالته من النار مباشرة ثم يقلب
الخليط ثم بعد ذلك يقدم
الطريقة الثالثة : يعجن الدقيق بالما والزيت ويكون متماسك نسبيا حتى يتم فرده او طرحه ويوضع في المنتصف فطير مستوي معد مسبقا في متنصف العجين ثم الموز فوق الفطير ثم يغلف بأطراف العجين ويوضع على صاج به زيت او سمن الا ان تحمر العجينه الخارجية تماما ثم يوضع في اناء ويقطع بأداة حادة بسرعة يقوم بها عامل مختص . ثم تقدم بعد ذلك مع اضافة الطحنية او العسل
في كل الانواع لك ان تختار ما تريد ان تضيفه من طحنية او عسل او قشطة او الزبيب او كل الاصناف المذكورة
اما بالنسبة للمخبازة في الخرطوم فهي عبارة عن سلطة فواكه بكثرة الاضافات التي قد تغير من مزاقها الاصلى
الغالي / aboalseem
يا زول احفظ الوصفة عشان اول يوم في العيد شكلك داخل المطبخ طوالي
بعدين ما تنسانا نصيبنا رسلوا مع اي زول جاي اوكي ،،،
عزيزي / عازف الأمل المفقود
مشكور علي المرور يا رائع ،،،،
عزيزي / مشاكس
اولاً مرحب بيك في المنتدي و الظاهر جابتك الريحة بي جاي في المطبخ انت يا زول
ما صائم و لا شنو .؟؟؟ علي العموم شكلك معلم كبير في الشغلة بتاعة المخبازة
ممكن نعمل تبادل في الخبرة اها رايك شنو
اختنا / ريماني صديقة عبوره
مرحب بيك في المنتدي و المنتدي منور و الله
علي العموم مشكورة علي المرور و التعقيب
الغالية دوماً و ابداً / MiSs PlAnEt
انتي عارفة بي كلامك دا اثبتي انك شهادة عربية بس او تكوني من تنبول
دي الاكلات الرائعة و الذي يتميزن بها ناس الشرق لكن بفتش ليك الصور
و اجيب ليك هنا لكن لو عايز تعرفي عن اكتر امسكي في شهد ،،
تسلم ياحزن على طرح الموضوع
وطبعا الاكلة دي رهيييييييييييييييييييييييييييييييييييبة
وبتكون ارهب لو كانت من يدي
طبعا اختكم خبرة فيها
تخريمة
جرحت لينا صيامنا ياود
طبعاً كيد حتقولي كدة و زي ما بقولوا ( اعطوا العجينة لي خبازو حتي ياكل نصوا )
بس انا ما بحكم الا بعد ما اضوك الحاجة بي نفسي و احكم
يعني اكد طالبك مخبازة لمن اجيكم في بورتسودان و قريب الكلام دا ما بعيد
اها اتفقنا و لا ...؟؟؟
تخريمة :
يا بت انتي بس عايزة سبب بس و الظاهر السخانة عندكم شديدة
