كيف تتعلم الحنك فى اسبوع واحد

[احاسيس]

كوني انتى غيرها

ابييييييييت
خليك انت في ندى القلعة بتاعتك دي

بعدو وديومة فى مثل بقول (وما محبة الا بعد عداوة )
يعنى استعدو الجاى احلى والحنك حيكتر وللووووووولى

[محبة ديومة]

بعدو وديومة فى مثل بقول (وما محبة الا بعد عداوة )
يعنى استعدو الجاى احلى والحنك حيكتر وللووووووولى

حنك شنو يا اختي
انا مااا بتحنك
وبعدين لو رضيت اتحنك
اتحنك منه
سجم

[بلسم حياتى]

احساسيو انا دايرة درس خاص ينفع

[بلسم حياتى]

يابت انتى وين

[الفردوس المفقود]

احساسيو انا دايرة درس خاص ينفع

لازم تسجلي هنا الأول وتجتازي التحنيكة الأولي

بعدين نشوف

[مسافر في نفس الحتة]

انا داير بس انا جديد وضيف وإكرام الضيف واجب بالعربي كدا ما تدفعونا حاجة ويا ريت يكون مكثف عشان أنا مسافر

[ود الخير]

انا داير بس انا جديد وضيف وإكرام الضيف واجب بالعربي كدا ما تدفعونا حاجة ويا ريت يكون مكثف عشان أنا مسافر

هلا بالضيف (نورت المنتدى اخى الكريم )
يا ضيفنا لو زرتنا لوجدتنا نحن الطلبه وانت سيد الحناكين
الاستاذه مافى هسى
سافر وتعال تلقانا نحنا فى سنه اولى ان شاء الله

[احاسيس]

احساسيو انا دايرة درس خاص ينفع

يبنفع ياعسل بس زى ماقال ليك الود المفقود دا لازم تجتازى امتحان المعادلة

وتجيبى نصو الضايع

[احاسيس]

انا داير بس انا جديد وضيف وإكرام الضيف واجب بالعربي كدا ما تدفعونا حاجة ويا ريت يكون مكثف عشان أنا مسافر

ياهلا فيك والله اخوى مسافر ونورت المنتدى اتمنى يطيب ليك المقام بينا

برى منك انت شكلك اسد مفلس مابتنفع معاى (كنت ناوية ادخلك القفص)

وهاك احفظ الحكمة دى عشان نبدا الحصة يلا

[احاسيس]

هلا بالضيف (نورت المنتدى اخى الكريم )
يا ضيفنا لو زرتنا لوجدتنا نحن الطلبه وانت سيد الحناكين
الاستاذه مافى هسى
سافر وتعال تلقانا نحنا فى سنه اولى ان شاء الله

شاطر شاطر
انا حاعينك الفة الصف عشان قاعد تجى بدرى

[احاسيس]

[align=center]حكمة اليوم:


لو بتحبها رح ليها لحد البيت[/align][/size]

[فارماس]

التخريج لسة ولا الحنك شنو

استاذتي احاسيس لقد تدفق ماء جلدي علي كريات دمك البنفسجية وتقطر علي ورود خدك الزهرية

فأرجوكي ان تعطفي بجسمي المتيبس من نار حرقة الانتظار

يعني بالعربي كده دايرين نتخرج ريقنا نشف

[فارماس]

[align=center]حكمة اليوم:


لو بتحبها رح ليها لحد البيت[/align][/size]

ده عرس عديييل

يروح ليها بي شيلة ولا ام فكو سااي

[احاسيس]

[align=center]طيب ياجماعة الليلة الحصة حتكون طويلة شوية بس صدقونى لو ركزتو حتنجحو من اول مزة خخخخخخ

انتو عارفين السلاح الفتاك المميت لأي قصة حب سودانية بالتحديد هو ..

( كلآم الناس )

مصطلح معانيهو كتيرة شديدة بس أنا حآخدك على مستوى الشباب ..

كلآم الناس بيمثل الآتي ..

أصحاب الولد و صحبات البنت !!

حتقولو لي كيف ؟!

طيب ركزو معاي ..

عندنا الفهم العام لأي شاب سوداني أو كجزء من جيناتو الوراثية مبدأ :

" الخوة ثابتة و الجكس للجميع "

بمعنى مستحيل يخسر صحبو عشان بنت حتى لو صحبو غلطان !!

أنا ما بقول المبدأ غلط بس فيهو شوية فهم غلط عن الرجولة ..

حيث أن وقوفك في صف حبيبتك ضد صحبك يعتبر ضعف عندكم

فلآزم تظهر بى مظهر الراجل قدام أصحابك و تقوليها أقطعي وشك !!
.
.[/align][/size]

[احاسيس]

التخريج لسة ولا الحنك شنو

استاذتي احاسيس لقد تدفق ماء جلدي علي كريات دمك البنفسجية وتقطر علي ورود خدك الزهرية

فأرجوكي ان تعطفي بجسمي المتيبس من نار حرقة الانتظار

يعني بالعربي كده دايرين نتخرج ريقنا نشف

الثبر الثبر ياولدى خلى البليلة دى تنجض كويس عشان تقدر تاكلها بالعااافية

وبعدين الرخيص برخصتو بضوقك مغستو
والغالى بغلاتك بضوقك حلاااااتو
والصابرات روااابح
ودى كلها شعارات ساى منى عشان تدفعو قروش الكورس واديكم اللقطة الاخيرة

[احاسيس]

ده عرس عديييل

يروح ليها بي شيلة ولا ام فكو سااي

هههههههههه مااادا مربط الفرس زاااتو بعد دا انا وصلتك لحدى الباب ياعمك راجع بوست تكاليف العرس السودانى وكلك نظر

[احاسيس]

[align=center]أما البنات ..

ما بتقدر تحدد ليهم مبدأ معين في التفكير بس للأسف هم أسوء بكتير !!

عارفة عارفة يا بنات ما تزعلو مني بس حأشرح ليكم ..

معروف إنو مجتمع البنات السوداني بيعتمد على إنهم يكونو مجموعة وآحدة

يعني ما بتلاقي بنت براها نهائي لآزم يكون عندها على الاقل بنت وآحدة معاها

24 ساعة .. و بيكونو عارفات كل حاجة عن بعض ..

و لما أقول كل حاجة .. يعني بالجد كل حاجة ..

" بتحب شنو ؟ بتكره شنو ؟ يوم الاربعاء الفات إحساسها كان كيف إتجاه محمد ؟

هي مشتاقة شوية لأحمد بس خالد بيهتم بيها اكتر ؟ لأ هي بتحب محمد ؟ .. إلخ "

يعني أي أحساس أو أي نشاط صغير أو كبير لآزم يكونو عارفنو عن بعض

طيب دي حاجة كويسة إنو يكون عندك زول يشاركك بأي حاجة

بس للأسف مافي كل حاجة .. أو كل حاجة ممكن إلا .. الحب ♥

مافي بنت نهائي بتحب و بتتخذ قرارتها بنفسها .. لآزم صحبتها يكون عندها رأي ..

و المؤلم جداً ممكن نقول إنو الغالب إنو صحباتها هم البيكونو أصحاب القرار ..

صح ممكن تستشير صحبك في حاجة بس عشان يديك خيار او جزرة جديد إحتمال تآخدو

ما عشان هو يقوليك أعمل كده و إنت تسمع كلامو ..

أفتكر فهمتو الباقي ..

يعني مهما كانت حبيبتك بتحبك و بتموت فيك ..

بس لو الناس الحولها عندهم رأي تاني فيك مهما كنت بتحبها و مخلص ليها ما بينفع ..


يعني أنت اسي لو إخترت أي وآحدة و قلت ليها بحبك ..

ما حتجاوب عليك إلا تمشي تحكي لصحبتها و صحبتها هي الحتجاوب بدلها ..

و أعوذ بالله بيكونو شياطين بس حول البنت ..

أي وآحدة توسوس برآها و أي وآحدة عندها فهم مختلف عن الحب و الحياة

بيخلو البنت المسكينة ضايعة بين عقلها و قلبها !!

الكلام كتير عن الموضوع ده و حاصل كتير شديد ..

نصيحة مني ليكم لو بالجد عاوزين تعيشو قصة حب ناجحة تنتهي بزوآج ..

لحظة إرتبطتو ترآجعو قوآئم أصدقائكم و تبعدوها بعيد خآلص خآلص ..

مهما كانو أصحاب مخلصين و طيبين بس ده حب ما لعب ..

مافي زول بيحس بالحب ده غيركم إنتو الإتنين ..

مافي زول بيحس بالتاني غيركم إنتو الإتنين ..

قلبك هو البحب .. قلبك هو البختار حبيبك ..

عشان كده أسمع صوت قلبك ما صوت صحبك أو صحبتك ..

و صدقوني دايماً صوت القلب البحب بصدق هو الصاح !!

و أول ما يدخل طرف تالت نقعد نحكي ليهو مشاكلنا ..

بتكون دي النهاية


ودى زاتا نهاية الحصة
نستقبل استفساراتكم على الرقم 111[/align][/size]

[الفردوس المفقود]

شاطر شاطر
انا حاعينك الفة الصف عشان قاعد تجى بدرى

كدا يا استاذة تهون عليك العشرة

انا الفة الفصل من زماااااان شنو جايبة ليك واحد تاني

[الفردوس المفقود]

[quote="احاسيس"][align=center]طيب ياجماعة الليلة الحصة حتكون طويلة شوية بس صدقونى لو ركزتو حتنجحو من اول مزة خخخخخخ

انتو عارفين السلاح الفتاك المميت لأي قصة حب سودانية بالتحديد هو ..

( كلآم الناس )

مصطلح معانيهو كتيرة شديدة بس أنا حآخدك على مستوى الشباب ..

كلآم الناس بيمثل الآتي ..

أصحاب الولد و صحبات البنت !!

حتقولو لي كيف ؟!

طيب ركزو معاي ..

عندنا الفهم العام لأي شاب سوداني أو كجزء من جيناتو الوراثية مبدأ :

" الخوة ثابتة و الجكس للجميع "

بمعنى مستحيل يخسر صحبو عشان بنت حتى لو صحبو غلطان !!

أنا ما بقول المبدأ غلط بس فيهو شوية فهم غلط عن الرجولة ..

حيث أن وقوفك في صف حبيبتك ضد صحبك يعتبر ضعف عندكم

فلآزم تظهر بى مظهر الراجل قدام أصحابك و تقوليها أقطعي وشك !!
.
.

[/quote]

معليش ممكن يا استاذة تعيدي لي شوية

الحتة دي انا ما فاهمها ... هندسة دا كان بشاغل فيني [/align][/size]

[احاسيس]

كدا يا استاذة تهون عليك العشرة

انا الفة الفصل من زماااااان شنو جايبة ليك واحد تاني

لكن مااا انت كنت مفقووود ياولدى مفقود

حمد الله على السلامة وعشان انت غالى علينا حنعينك رئيس لجنة اختيار المزز