اين انت الآن منى

[الأميرالحب]

حبيبتي ونور دنياي
اين انتي ودرب الشوق اشجان
انتظر بحروفي وحنيني وانيني
هنا فقط
اين انت الان مني

[ام صبا]

لسه جواي الحنين
وشوقى دائما غامرنى
بلحظات صفاك
احتجت ليك تحن وتعطف
عشمت نفسى اكون معاك
أين أنت الآن منى

[طلال الحكيم]

أنا ساقني الزمن
وما عرفت خطاي طريق خطاك
كل مناي يسعدني القدر
ويجمعني بيك في لحظات صفاك

أين أنت الآن مني ؟

[ام صبا]

سرحت فى لحظات خيال
وكنت انت حداي قريب
غامرنى بحبك وحنينك
وذكراك للخاطر تطيب

أين أنت الآن منى

[طلال الحكيم]

[align=center]وكان عندي فيك أكبر أمل
أمل الحبيب في زول حبيب
وكنتِ الوفاء وكنتِ الرجاء
وفيك الأمل أبدا ما بيخيب

أين أنت الآن مني ؟[/align][/color]

[ام صبا]

احتجت ليك تكون معاي
ماغير احساسي البعاد
ولا عشمت فى غيرك رفيق
تعال
تعال ادينى بس حبة امان
وماتخلينى فى نص الطريق
حرام عليك وانت عارف شوقى ليك
ارجع تعال غطينى من شوق الحريق
أين أنت الآن منى

[تائب]

انت فى حشاااى
وفى قلب قلبى
واقرب للروح منى
فأين انا منك

سيدتى الكريمه دمتى مبدعه وسعدت ووانا هنا

[ام صبا]

وين أنت؟
الفرح جوانا ياغالي يمين الله لحظاته مسروقه
وقسم بالواحد الوهاب عيونه تفداك وليك دمعاتنا مسكوبه
ومهما طالت الايام محال انساك وفيك ارواحنا مشروقه
اخاصمك كيف
أين أنت الآن منى

[ام صبا]

رجعت ومن تانى عاودنى الحنين
عشان اجيك والقاك
وكان العشم جواي اكون ليك وطن
تشتاق لي واتمناك
اتاريك ما مشتاق ولا عاودك الحنين طلاك
وكتير حاولت اتناسا لاقدرت افوت منك ولا انساك
أين أنت الآن منى

[الأميرالحب]

وجئت اليك والحنين كاتم انفاسي
والروح تتهادي بيك يا نواحي
وغزلت الحروف نغمآ
فاين انتي الان مني

[ام صبا]

برجع ليك عشان حنينى أليك
ما بحمل عتاب
برجع ليك عشان عشت الألم
والفرح جواي غاب
ورجعت ليك لما عاندنى الزمن
ورمانى للهم والعذاب

أين أنت الآن منى

[المونت]

حينما تحين لحضة الفراق
عندما أتذكر تلك اللحظه..
وأذكر اوقاتى مع الأحبه..
وكيف أننى في لحظه
سأكون اسما في ورقه..
دفنت بين الأوراق
وبين لحظات حلوة..
قضيتها بين الأحباب..

فأين أنتى الآن منى

[ام صبا]

ما بخاف ظلم الليالي
بس بخاف تجور علي وافقدك
ومن تاني ارجع من جديد
اقاسى نار بعادك وفرقتك
صدقنى ما بحمل غيابك
وكل الفرح يوم تمر بي ذكرتك
واسعد بيك صبحي ومساي
ياريتنى اكون دوام في فكرتك

أين أنت الآن منى

[ام صبا]

تسألني كيف وأين أنت الآن منى
أين: أنا في جواك شعور
واحساس جميل حرام ما تحس بي
أنت : أنت الوحيد الكنت بحلم بيك دوام
تعال قريب ما تجدد الاحزان علي
الآن : ده سؤال غريب
أنت ماضي وأنت حاضر وأنت باكر
وأنت كل الباقي لي
مني : أنا منك وأنت مني
وبرضو تسأل
أين أنت الآن منى

فأين أنت الآن منى

[مها]

إن في الصمت ... ملايين اللغات تعيش
وبقلب تلك اللغات ... أحرف تطير بلا أجنحة
تغرد والأنظار تصغي ...تقول حتى طلوع الفجر
بلا تمثيل.... ولا تضليل
تترجم حالة المشاعر من دون أن نشعر
تطرب ...وتغني بأنك عندي ...أعز وأغلى وأقرب إنسان في هذا الوجود

[بحلم]

صمت الحب فى حياتى ولكن اقبل
من حنين الحب ذكريات بعيده
كل ذكره لها لحن يعزف بهدوء
فى نفسى التى تشتهى بان تستعيد
هذا اللحن الذى يتمايل فى خطوات
ساحره باعث لى مع الذكره امل لقاء
شط للحب وارسا به وتفوز روحى
بالحب من جديد فاين انا الان منك؟؟
واين انت الان منى؟؟؟

[ام صبا]

بستسمحك
تديني من ريدك مجال
وتديني في جواك مساحه
افرد الحب والجمال
واحكي ليك عن كل لحظه سعيده بيك
صوره احلى من الخيال
وازرع الحب والمحبه
وبيك تخضر الامانى
حتى لو عز الوصال
أين أنت الآن منى

[الأميرالحب]

كان السماح دنيتك فامرحي
فان الحرف يسال دومآ عنك
فاين انتي الان مني

[الأميرالحب]

انا بقدر اقول
في حبك حاجه
ما دام الحب
ده معاكي صحيح
خليني معاك
اطرب واتهني
واعيش ايامي مقاصد الريح
لا خايف دنيا وضيق الهم
لا ابكي
وانوح مستاء وجريح
ما فالك دقه اصم قلبي
وفجر ينبوع الدم تلميح
حرك احساس جامد جواى
والنغمه الفيك بعفافه تبيح
الموت في عيونك اجمل شيء
ولا بحتاج بحث ولا تصحيح
انا قلتها ليك يوم شفتك مره
وبرضي بقوله صبور وصريح
من غيرك ماببقي ولو ثانيه
ولو الثانيه جنانه تصيح
ولو في الجزء الاول فيها
انساك واتمني بساط الريح
لا يمكن اني اسيبك فيها
ولا بقدر لو كان تصريح
انساك اللحظه
واعيش التانيه
حافضل في
عينيك ساعات ترويح !!
ما انتي
الشغل الشاغل فكري
ونبض القلب بزيد تسبيح
ّ في هواك.. يا
نسمه تزيل الهم
يا.. عاطفه
تعلق كل فصيح
يا روعه
تفيض بي سكن الشوق
يا.. دهشه
تزيد بالموج تسريح
يا ...رعشه
تهز للناس الغيم
يا.. مطر
احساسك لما يسيح
بغرق.. في
شمس الحب الدار
يا... ضواً
هادي بريء ومريح
فاين انتي الان مني

ام صبا اشتقنا الي بوحك
فعودي هنا دومآ نعشق حرفك
فلا تغيب عننا وانشاء خير ما يكون شر سر غيابك

[مذهلة]

أحتاجك كـ عطراً أول الصباح وقهوةٌ وسط المساء وغطاءٌ يسابق الليل
أحتاجك كـ تاريخ ميلادي لا يتغير فقط يكبر كـ حبك
أحتاجك فـ مقعدك ما زال يرتجف في قاع قلبي
لكــــــن
أين أنت الآن مني ؟


أم صبــــــا
حروف تعشق الإبداع فتنهمر الكلمات علي وتر العشق والهوى
وأي عشق ذاك
عشق تربى على ثنايا الروعة تقطر جمالاً
وكيف لا وهي من بدواخلها مكامن الــ نور
كلماتها تسطع في فلك هذا الصرح الشامخ كـ قمرية الأربع وعشرون ليلاً
تواكب النجيمات في أماسٍ وضاءة وهاجة في أساطيل الإبداع
كـ أنها السحر الذي يملأ الأجواء وتعطى بتعويذات قلمها رونقاً للحروف لايضاهى

كل الشكر والإحترام لكِ