مســـــــــــــــــــدار + مســــــــــــــدار

[مها]

ديمة إخلاصي ليها وحبي دايماً عذري
الديس ريش نعام واللون محاكي التبري
السبب المعذبني ومقلل صبري
غي ساكن التلال الصيد وليد الخدري

[هجره]

ديمة إخلاصي ليها وحبي دايماً عذري
الديس ريش نعام واللون محاكي التبري
السبب المعذبني ومقلل صبري
غي ساكن التلال الصيد وليد الخدري

يابت يامهوى اوع يكون دة برضو كسير تلج



استنطق القلب فيابى ان يبوح حياء

ويسكت انسا حين تظهر حروفك

فما للسعادة تاتي من ديار البعيدة

وليت القرب يشفي ما بي من جروح

[مها]

يابت يامهوى اوع يكون دة برضو كسير تلج



استنطق القلب فيابى ان يبوح حياء

ويسكت انسا حين تظهر حروفك

فما للسعادة تاتي من ديار البعيدة

وليت القرب يشفي ما بي من جروح

هاجر كيفك؟؟؟
غايب مني ياريت حالي لو يوحالو
طرفي جفى المنام في الهجعة قام يصحالو
متى يذكرني كان في حلّو أو ترحالو .....

[امال الناس]

ديمة إخلاصي ليها وحبي دايماً عذري
الديس ريش نعام واللون محاكي التبري
السبب المعذبني ومقلل صبري
غي ساكن التلال الصيد وليد الخدري

لا ثقه لدي الا عينيك فعيناك ارض لا تخون
فدعني انظر اليهما دعني اعرف من اكون.

[هجره]

لا ثقه لدي الا عينيك فعيناك ارض لا تخون
فدعني انظر اليهما دعني اعرف من اكون.

الجيد الهناك سرحت معاهو النظرة

والحشا والخديد ناراً تجيك مندرعة

لحظاً من تقع عينك تجيك منصرعة

لاتقدر تصل لا تلقى درب الرجعة



امول لقيتنى كيف مش كدة

[waya]

الجيد الهناك سرحت معاهو النظرة

والحشا والخديد ناراً تجيك مندرعة

لحظاً من تقع عينك تجيك منصرعة

لاتقدر تصل لا تلقى درب الرجعة



امول لقيتنى كيف مش كدة thumbup.gif

الجيد الحداهو خدود نايرة وزينة
وسماحة الطبع الشبهوهو عجينة
القوام موفور والمشية فيهو رزينة
تسلب في العقول وقلبي ليها رهينة

[لبيب]

كلامو عجيب خلاس كان الكلام القالو
من فيض المشاعر والأحاسيس كالو
الفي حسنو ماوافاهو زول في جمالو
في إيدو اليمين قلبي ورويحتي شمالو

[waya]

كيــــف أصبحتي يا الشتلة الكريفك رندي
وكيــــــف قيّلتي يا النايرة الخديدك بندي
وكيف أمسيتي يا الشاطبة العقيل العندي
وكيف بيّتي يا الملكة البلودك شـــــــندي

[مهاجر في البلد]

الليلة الصباح لاحت نسايمو عليلة
والقلب انشرح والدنيا جابت غيمة
السبب القبيل خلاني سارح ديمة
روعة بنات بلدي الما اتوشحن في جريمة

[waya]

الليلة المهاجر قال كلام واتقطع
في روعة بناتنا النورن بهرنا وسطع
المفدية ( روح ) وليها القلوب تتبرطع
إن جات في الأثير تتشابك خطوطنا وتقطع

[dream-lady]

الليلة الصباح لاحت نسايمو عليلة
والقلب انشرح والدنيا جابت غيمة
السبب القبيل خلاني سارح ديمة
روعة بنات بلدي الما اتوشحن في جريمة

تسلم ويسلم خاطرك الطيب ياغالي

[تائب]

الليلة المهاجر قال كلام واتقطع
في روعة بناتنا النورن بهرنا وسطع
المفدية ( روح ) وليها القلوب تتبرطع
إن جات في الأثير تتشابك خطوطنا وتقطع

غايتو ياخوي المسدار دا لو حقك اقول ليك واهنيك انك
شاعر حقيقي..لأنك لم تهتم بجزالة الالفاظ والموسيقي
الداخليه بل تجاوزتها للمعانى ...بس ياخوي الزوله دي
لو تيارها عالى كدى(تتشابك خطوطنا) بتحرق الكويل
و تضرب فيوزات راسك ..

[waya]

المسدار لي يا المهندس اخوي يا التائب
والسبب الخلاني ما أفرز بين الخطأ والصائب
والخلاني أبكي وأنوح والضحكة تبقى شوائب
شوق المفدية "روح " في جوف قليبي الدائب

[مهاجر في البلد]

الليلة المهاجر قال كلام واتقطع
في روعة بناتنا النورن بهرنا وسطع
المفدية ( روح ) وليها القلوب تتبرطع
إن جات في الأثير تتشابك خطوطنا وتقطع

يا وايا الزعيم الليلة جينا نشاشي
وننجر في الكلام من غير غضاضة واشي
لو كان الكلام بقدر يجينا حواشي
ننظم ليك قصيدة زي سرعة الجياشي

[تائب]

المسدار لي يا المهندس اخوي يا التائب
والسبب الخلاني ما أفرز بين الخطأ والصائب
والخلاني أبكي وأنوح والضحكة تبقى شوائب
شوق المفدية "روح " في جوف قليبي الدائب

والله يااخوي وايا فرحت كتير لما تأكدت انك مشروع شاعر
كبير فى فن المسدار..لاننى كنت منبهر بمسدار ود الشيخ...
بل وكنت اشتري الجريده عشانه..لمن قال
كاتلانه الملاريا من الباميه والمفروكه
زادت صادراتنا وقروشنا ما مبروكه
من كل الجهات الناس تجيك مربوكه
ومشاكل بلدنا تشيب الباروكه
امهر المصورين مع ادق الكميرات لاتستطيع ان تنقل لك
ما قاله هذا المسدار .. وانا انصحك ان تتعامل مع الجرايد
وتميل قليلا ناحية نقل الصور الاجتماعيه.. ولا استطيع
ان ارد عليك بالشعر..فتلك ريشه لا اعرف استخدامها

[مهاجر في البلد]

الليلة البروق جابت خبر عجلان
الناس المشو في ضفة الوديان
زادو الشوق مقادير والقليب ولهان
السبب القبييييل خلى العقل عميان
شوق الناس محكر الغادرو السودان

[مهاجر في البلد]

الليلة السخانة الطالقة فينا سموم
جابت وجع لي راسي القبيل مهموم
والسبب البخلي رجلي تمشي تحوم
اكل العيش صعب لمن تكون مخدوم

[لبيب]

النسام نسم جاب لي هبوبو ندية
ذكرني الجدية الفي الخدور محمية
الخلا القليب نيرانو توقد حية
لصفات عينا تلدغ زي لدغة الحية

[مهاجر في البلد]

النسام نسم جاب لي هبوبو ندية
ذكرني الجدية الفي الخدور محمية
الخلا القليب نيرانو توقد حية
لصفات عينا تلدغ زي لدغة الحية

الليلة البروق لاحت عديل قبلية
والنسام نسم بي نفحة العصرية
الليلة ظهر لبيب الصورتو ما منسية
جدد للحكي ولي قعدة الدغشية

[حسن نمر]

قوامك قسمو وقاسو الدبل من نصك
فمك حبكو ونضمو الوتر من حسك
ياست الحسان النافره في المابخصك
اوعي حزاري ربط التوب اكيد حا يقصك