نكات مساطيل

[ودكمال]

ندو دولاب فيه مرايه يوم جه ساطل نص الليل فتح الدولاب شاف نفسوا في المرايه قفل الدولاب بسرعه وخاف قام اتصل بالشرطه قال ليهم عندي حرامي مدسي في الدولاب .. رسلو ليه عسكري مسطول جه فتح الدولاب شاف نفسوا قال للمسطول : يا اخينا انت مادام عندك عسكري في البيت مناديني لشنو

· مسطول ابوه اداهوا اشرطه دينيه قال ليه اسمعها عسي ولعل ربنا اهديه الي الطريق المستقيم بعد فتره جاهوا قال ليه بابا انا قررت اتحجب
· مسطول القاضي قال ليه : انت ما بتخجل جاي المحكمه ثلاثه مرات في الشهر دا ؟ المسطول قال ليه انت ما بتخجل وانت بتجي كل يوم
· مسطول قاعد جنب البحر وفي واحد بيغرق وكل مايرفع يدو المسطول بقول لي : وعليكم السلام
· مسطول وصي اهلوا اذا مات ادفنوا بهدوموا بعد فتره مات ودفنوه ب هدوموا بعد فتره عندو اصحابوا قالوا ازوره في المقابر لقوه قاعد بره قالوا يا زول مش نحن دفناك الحاصل شنو قال ليهم الجماعه التحت دي كرهونا شابكني انت لابس امش جيب شاي انت لابس امش جيب بن
· مسطولات اتسجنو 25 سنه مع بعض بعد طلعوا وحده قالت لي التانيه بضرب ليك بالليل نكمل كلامنا
· مسطول شايل تلجه تنقط ساااي ... قال اموت وأعرف التلجه دي مقدوده من وين؟
· مسطول نشال بحكي لي صاحبوا قال ليه تصور امس جيت اسرق محفظة ابوي لقيت محفظتي في جيبو
· واحد مسطول قال لى صحبو انا حلمت انى سافرت لى امريكا التانى قاليهو وانا حلمت انى عرست الاول قاليهو ماعزمتنى ليه؟قاليهو سألت منك قالو مسافر
· مسطول أشتري ديجتل وطبق أول ماشغلو جاب ليه عالم الحيوان قال لولدو طلع الطبق دا من الزريبه
· مسطول قامت ليهو حبه في عينو وقف قدام المرايه قال لا حول الله هسي دي عين ولا غين
· ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا سعادتك، وبتاجر فيه كمان؟ قاله ايوه ،
تاني يوم اتعرض على النيابة سأله وكيل النيابة انت بتشرب حشيش؟ قاله لا يا مولانا ، طب بتاجر فيه؟ قاله لا يا مولانا قاله ليه قلت امبارح للظابط كده؟ قاله كنت مسطول يا مولانا
· مسطول فتح التلفزيون بدري لقي المذيع بتسوك
· مرة واحد مسطول بيعاكس ليهو في مسطولة زهجها في الموبايل زاااتو.....قامت غيرت نمرتها ولمن جابت الموبايل الجديد رسلت ليهو مسج من النمرة الجديدة كاتبة فيها:انا غيرت نمرتي وتاني ما دايرة اسمع صوتك....قام رسل ليها (نمرتك دي انا بجيبها من تحت التراب(.
· اثنين مساطيل في حفلة في نادي الضباط، شافو العروس لابسة فستان كلو نجوم، واحد سال تاني، قاليهو اسمع دي تكون رتبتها شنو؟
· مسطول عفص ليه ضفدعه عاين ليها لقى عيونا مارقات لبره قال ليها شايفك إتفاجئتي.
· مسطول اتصل علي شركه زين رده الموظف أهلا وسهلا أي خدمه؟ قال له لو سمحت عندي استفسار بسيط عندي اخوي صغير بلع شريحة فيها رصيد بي ألفين جنيه.. لو أتكلم الرصيد بنتهي؟؟
· مسطول بيسمع في أغنية (شمسك طلعت نورا بقت شمسين) قال انا ذااتي قلت دا ما حر شمس واحدة
· مسطول وكذاب .الكذاب قال: انا قاعد من زمن قوس قزح ابيض واسود .المسطول قال انا قاعد من زمن البحر الميت كان عيان
· جماعة مساطيل عايزين يصلو ليهم مشوار وماعندهم قروش ... قالو خلاص نوقف امجاد لمن نصل هناك كلنا نقوم جارين ... المهم اول ماوصلو كلهم جرو خشو جوه عمارة مضلمة ... قام واحد قال للجمبو ياربى بتاع الامجاد ده حسي يكون ... حصل ليهو شنو ? الجمبو قاليهو ياخ انا بتاع الامجاد هو فى شنو??!!
· مسطول أول مرة يشوف الكبري ..!! قال : الحمد لله رفعوا الزلط من الشفع.
· مسطول بصلي في العصر ضرب ليهو صاحبو قال ليهو وين انت ... قال ليهو في التشهد
· مسطول اول مره يمشي الجامع بعد الصلاة مافي زول بلم الفرشه الامام قال ليهو ياولدي قوم لفها قال ليهو حتي انت يا مولانا
· مسطول أمو صحتو صلاة الجمعة .. قالت ليهو : يا ولد قوم الأمام بيخطب .... قال ليها : ربنا يتمم ليهو على خير !!
· مسطول قاعد مع صحابه متضايق ، واحد بيسأله مالك ؟ قاله شكلى اتسطلت ماعارف انا عندى مواعيد مع واحدة الساعة اتنين ولا مواعيد مع اتنين الساعة واحدة.
· فى تلات فيران بيتصقعوا لمن اتصطلوا تمام قالو نشوف اقوى واحد فينا .. الاول:انا بشرب سم الفار مع الشاى ...التانى:انا باكل الجبنه جوه الشرك التالت:
قال عن ازنكم ياجماعه قالو ليهو على وين يازول قال:مجكس كديسه
· مسطول قاعد جنب البحر جاهو واحد سالو الحتة القدامك دى غريقة قال ليهو لا طوالى صاحبك تلب لقاها غريقة قال للمسطول انت ماقلتة لى ما غريقة رد المسطول هسة فى بطة مشت بى محلك دا
· في الحافلة السواق مشغل شريط لود الامين فجأة شريط المسجل وقف المسطول سأل الراكب جنبو: اسمع يا أخي وداللمين ده نزل ولاشنو؟
· مسطول بدلع في مرتو قال ليها انت حمامة .. قالت ليهو لا انا ماحمامه انا غزالة .. قال ليها المهم حيوانة
· واحد مسطول قال لي مرتو المسطولة تعالي نعيد أيام زمان قبل ما نعرس قال ليها انا بستناكي جمب الدكان وانت تعالي نتلاقي زي زمان قالت ليهو خلاص كويس . مشى انتظرها ثلاثة ساعات ماجات مشى البيت لقاها قاعده تبكي قال ليها مالك ماجيتي؟ قالت ليهو ابوي منعني امرق.
· واحده بايره وشينه حلمت انها قاعده في الكوشه قالت دايره تفسر الحلم اتصلت علي شيخ والرقم طلع غلط رد عليها واحد مسطول قالت ليهو ي شيخنا أنا حلمتا انو قاعده في الكوشه وعلي يدي اليمين قاعد كلب وعلي يدي الشمال قاعده حمامه معناها شنو قاليها يعني كان نبحتي وﻻ كان طرتي مافي عرس مافي عرس ...
· مسطول بيتامل سبحان الله___ الصرصوربيخاف من الفار والفار بيخاف من القط والقط بخاف من الكلب والكلب بخاف من الرجل والرجل بخاف من الست والست بتخاف من الصرصور قال سبحان الله الدنيا دواره
· مسطول قال لي صحبو سلفني عشره جنيه خلي معاك خمسه واديني خمسه تكون عايز مني خمسه وأكون عايز منك خمسه وبي كده نكون حبايب!!
· مسطول راكب في الحافلة جاتو واحدة بالشباك قالت ليهو : وين؟؟ قاليها والله قاعدين بس إنتو الماظاهرين!

[ودق الخريف]

ههههههههههههههههههههه حلوة كتير تسلم

[مها]

حلوووووووووووة تسلم ياراقى
[URL=http://www.up-00.com/][/url

]

[ودكمال]

عاطرتحياتي اضحكواااااااااااااااااااااا

[dream-lady]

[ودكمال]

عاطر تحياتي دريم لاند