احبابي الكرام
اسعد الله اوقاتكم بخير
في دول المهجر اكيد نحن كسودانيين سفراء بلدنا
طيب ليه بنعوج لسانه ونتكلم بلغة البلد النحن فيها
مش من المفترض نوصل ثقافتنا وكلامنا الجميل
الي الطرف الاخر وبصوره تليق بالسودانيين
عشان ما ينعوج لسانه
عاوز اراءكم ليه بنعوج السنتنا وبالذات الجنس اللطيف
احكي ليكم قصه كنت يوم في غبيرا بالمملكه العربيه السعوديه ذات مساء
اتجول في شوارع غبيرا وفي الشارع العام بالتحديد للناس البتعرف غبيرا
شاهدت وسمعت سودانيه بتتكلم بلهجه سعوديه بحته وقلت في نفسي لماذا بتتصنع في الكلام كده
انتظركم وردودكم هي الحوار
تحياتي
اميرو
الامير الحب يديك العافية
هذة اصلا صفة معروفة فى السودانيين انهم ولفين وبتأقلم بسرعة ودا نوع من الذكاء
اتكلم مع الجنسيات الغير سودانية بلغتهم عادى علشان يفهموك ورسولن الكريم عليه افضل الصلاه والتسليم وصى قال تعلمو لغة غيركم تامنو شرهم
بعيب علي السودانيين انهم لما يتكلمو مع سودانيين مثلهم يتكلمو بلهجتنا وليس لهجة غيرنا بس البكونو ولدو فى المنطقة المقيمين فيها ذى ماذكر السوداني الاصيل بكون اطبعو واتعودو على كدا وديل ما بلومو
الامير الحب يديك العافية
هذة اصلا صفة معروفة فى السودانيين انهم ولفين وبتأقلم بسرعة ودا نوع من الذكاء
اتكلم مع الجنسيات الغير سودانية بلغتهم عادى علشان يفهموك ورسولن الكريم عليه افضل الصلاه والتسليم وصى قال تعلمو لغة غيركم تامنو شرهم
بعيب علي السودانيين انهم لما يتكلمو مع سودانيين مثلهم يتكلمو بلهجتنا وليس لهجة غيرنا بس البكونو ولدو فى المنطقة المقيمين فيها ذى ماذكر السوداني الاصيل بكون اطبعو واتعودو على كدا وديل ما بلومو
يديكم العافية
طيب ما قلنا شئ يا ابنعوف نتكلم بلغة السعوديين
وكلنا بنتكلم مع السعوديين بي لغتهم ولكن لماذا لا نتكلم ونشرح مفردتنا
عسي ولعل يتجاوبو معانا...
عندك الهنود والبنقاله السعوديين بعوجو لسانهم معاهم عشان يفهموهن
وهذا شئ طبيعي
ولكن السودانيين بصفه عامه يحبون التقليد راسي الشخصي
وبالنسبه للذين تربو خارج الوطن اكيد ابائهم وامهاتهم معاهم
لو زرعو غريزة مفرداتنا وعاداتنا اكيد بفتخر بيها قدام ملايين البشر
لك كل الود ودابنعوف
ساكن فيهاا هذا شيء بديهي بمجرد انك رااح تعيش مع احد سعودي
او رااح تعمل مع سعوديين بمجرد التعايش معهم راااح تحس انك تتكلم
سعودي بحته( مرة زي السعوديين)
أني أتكلم كل اللغات يعني بمجرد اروح اي دوله
خلاص أصير منهم وفيهم
ولا اذا تكلمت لهم سعودي سعودي خير الله مافهمو علي شي
يسلمو أستاذي على الطرح
اتمنى انهم يفيدوك المغتربين
تحياتي
ملكه ذبحهم غروري
بنوته قطيفيه( سابقاً)
يا بنوته قدطيفيه قديمآ
انا بتكلم عن السودانيين الذين يكلمون بعضهم وبلغه غير لغتنا المعتاد عليها
هذا هو ما اقصده عندك انا مقيم بالسعوديه بتكلم مع السعوديين بلغتهم عشان يقدرو يفهمون مقصدي
مشكور ع المرور
ملكة الإحساس كتب:[align=center]أولا ,, مشكور على الطرح الجميل
ثانيا : أنا بشوف انو المشكله دي فينا نحن _كسودانيين _ كأننا ما بنفخر بلغتنا وسودنتنا ,, البيطلع من السودان كأنو ما
صدق ( اتفكفك ) من لغتو وعاداتو..
تشوف غير السودانيين متمسكين بعاداتهم ولغتهم لأجيال وأجيال ولو طالت فترة إقامتهم في أي بلد ..
والتمسك باللغه بيرجع لناس البيت والناس المعاك ( بالنسبه للناس الاتولدوا برة وما شافوا السودان ) لو كانو متمسكين
بلغتهم و حسسوا الناس الصغيرونيين بأنهم معتزين بيها فأكيـد مافي زول حيغير لغتو ..
وأنا شخصيا بعرف ناس كانوا في بلاد الغربه ولمن رجعوا ما حصل أي تغيير في لغتهم ولا عاداتهم بالعكس بيكونوا متمسكين
بيها اكتر مننا نحن في ( السوداااان )..
تقبل مروري[/align][/size]
ملكة الاحساس :
ارفع اكفي تصفيقآ اليك
هنا مربط الفرس كاننا لا نفتخر بلغتنا
وكلامي الي السودانيين الذين خارج ارض الوطن
عندما ينزل اجازه بعوج كلامو من ناس السودان
وناس السودان بقلو الزول افترأ علينا
دا مقصدي
طيب نعالج الامور كيف يا ملكة الاحساس
اسعدني مرورك
احبابي الكرام
اسعد الله اوقاتكم بخير
في دول المهجر اكيد نحن كسودانيين سفراء بلدنا
طيب ليه بنعوج لسانه ونتكلم بلغة البلد النحن فيها
مش من المفترض نوصل ثقافتنا وكلامنا الجميل
الي الطرف الاخر وبصوره تليق بالسودانيين
عشان ما ينعوج لسانه
عاوز اراءكم ليه بنعوج السنتنا وبالذات الجنس اللطيف
احكي ليكم قصه كنت يوم في غبيرا بالمملكه العربيه السعوديه ذات مساء
اتجول في شوارع غبيرا وفي الشارع العام بالتحديد للناس البتعرف غبيرا
شاهدت وسمعت سودانيه بتتكلم بلهجه سعوديه بحته وقلت في نفسي لماذا بتتصنع في الكلام كده
انتظركم وردودكم هي الحوار
تحياتي
اميرو
لك التحية ياغالى
والله لمن اسمع التصنع فى الكلام ذى ماقلت مصارينى تتهرد
المفروض لسانا مايتعوج بالذات اهلنا الغبش (السودانى على الكاتلوج)
اما الولدوهم هنا ومع الاختلاط فى المدارس والشغل بتكون معقولة حبة .
ويا الامير الله يسترنا علينا
وبرضو السبب الرئيسي السودانيين نفسهم ما قدرو يطلعو لغتهم وهذا برجع للهجات السودانية نفسها متعددة
والشئ الاهم اعلامنا ضعيف ما قادر يغطى واليوم الاعلام وللاسف اعلامنا يروج للاشياء غير سودانية نحن عايزين نعرف ثقافتنا اولى
الموضوع متشعب
فى طبعا سودانيين فى اى دوله اخرى بفتكروا انو الناس ما بفهمو لهجتنا عشان كده بيحاولو يقلدو لهجه البلد الهم فيها لكن البحرقنى شديد لمن يجى الوا حد منهم السودان برضو يتكلم ليك بلهجه البلد الكان فيها
وبرضو السبب الرئيسي السودانيين نفسهم ما قدرو يطلعو لغتهم وهذا برجع للهجات السودانية نفسها متعددة
والشئ الاهم اعلامنا ضعيف ما قادر يغطى واليوم الاعلام وللاسف اعلامنا يروج للاشياء غير سودانية نحن عايزين نعرف ثقافتنا اولى
الموضوع متشعب
يديك العافية
ود ابنعوف يديك العافيه :
فعلآ الموضوع متشعب ولكن برضو هنا مربط الفرس
كل العالم الموجود في السعوديه بالاخص بتكلمو بلغتهم يعني نحن لغتنا دي
لها حروف عربيه براها ولا شنو شنو دي تحتها خط احمر وزول تحتها خطين حمر كمان
عمنا صلاح :
لك التحيه والاحترام
دومآ تعطر صفحاتي بالكلام المنطقي لاعدمناك يا عمنا صلاح
اسعد الله في الدارين
طيب العمل شنو عشان نحافظ علي لغتنا خوفي تندثر مع مرور الوقت كما اندثر الغناء الجميل في السودان
اوتارالحنين كتب:مهلا يا شباب لهجتنا حلوة بس للبفهما وانا لا استغرب لو سوداني تكلم لهجة خليجية او مصرية السبب هو فينا
نحن السودانين اقول بكل صراحة لغتنا غير مفهومة!!!!!
وهذا يدل على ثقافة السودانين انهم يتكلمون بجميع اللهجات العربية ولكن لا احد يتكلم بلهجتنا
وعندنا كلمات انا كسوداني اتعجب منها وانا من الناس البتكلم لهجة غير سودانية
لا يوجد اي اشكال بان اتكلم بلهجات ولغات اخرى طالما هي توصل المعنى للزي اخاطبه
بس اغلب كلامنا مع الخليجين بالهجة المصرية خفيفة ولذيذة جدا
اوتار الحنين :
لك التحيه علي الكلام المنطقي وجميل وخفيف ذيك
المشكله في انو السودانيين المقيمين خارج السودان
بكنو نسو لغتهم في البلد المقيم فيها دي وارده ما قلنا شئ
بث المشكله انو لمن ينزل اجازه السودان برضو بعوج اللسان
انا بسال ليه تعوج لسانك وانت مع اهلك وعشيرتك وبعضهم بقلو الزول دا افترأ
ابولفته كتب:فى طبعا سودانيين فى اى دوله اخرى بفتكروا انو الناس ما بفهمو لهجتنا عشان كده بيحاولو يقلدو لهجه البلد الهم فيها لكن البحرقنى شديد لمن يجى الوا حد منهم السودان برضو يتكلم ليك بلهجه البلد الكان فيها
ابو لفته يا لفته
دا انا البسال منو ليه تعوج لسانك وانت مع اهلك وناسك
شئ يحير بالفعل
ربنا يهدي الجمميع
تفتكر ليه يا ابو لفته بعوج اللسان وهو مع احبابه وعشيرته
