العرس في السودان

[ودكمال]

العرس فى الســودان
.................................................. ................................................
كالعادة وخﻼفا لكل دول العالم التى تتم
فيها مراسم الزواج فى يوم او اثنين وبأقل
التكاليف الممكنة نجد ان الزواج السودانى
هو عبارة عن مسلسل مكسيكى يستمر
ﻻيام وايام يجتمع فيها اﻻهل واﻻحباب
والجيران وجيران الجيران واﻻقارب من
الدرجة الخمسمائة بعد اﻻلف وينفق فيه
اموال طائلة تكفى لبناء مستشفى حديث او
فندق 5نجوم او رواتب المعلمين فى احدى
المحافظات .
تبدأ الحكاية بعد ان تحس بالقلق عندما تجد
ان معظم اصدقاءك قد دخلو القفص
الذهبى طائعين مختارين_
اؤمن تماما بمسألة القفص ولكن لدى
تحفظات كثيرة على حكاية ذهبى دى
المهم تحس وتأخذك غضبة حمقاء وتناجى
نفسك وانت فى حفلة زواج بالخطر احد
اﻻصدقاء
)والله الواحد بعد دا يشوف ليه مرا. معقول
هناى اﻻهبل دا يعرس وانا لسه قاعد براى
زى تور الساقية(
عندها يستعرض خيالك قائمة طويلة من
معارفك البنات ابتداء من ناس نونة زميلتك
فى الروضة.....
مرورا بصديقات مرحلة المراهقة الكتار
وحتى زميﻼت الجامعة والشغل ..
وبنات الحلة وبنات اﻻعمام واﻻخوال وباقى
اﻻهل ثم وبسرعة تنسى كل اولئك النساء
فى حياتك عندما تسترعى انتباهك الحسناء
الجالسة فى ركن قصى فى حفل ذات
الصديق اﻻهبل
,تحبها من اول نظرة وتراقب حركاتها
وسكناتها,
تﻼحظك هى لكن تعمل ماشايفة وتتﻼهى
بمكالمة وهمية فى موبايلها وهى ترمقك
من طرف خفى كما يفعل الصياد المحترف
المهم تتعارفوا بواحدة من الطرق الكثيرة
وجلسة جلستين فى الكافتريا ثم :
)ياهناى والله انا ماممكن اطلع وانزل معاك
كدا ساى, الناس تقول علينا شنو؟؟؟
سمعتى حتبوظ(
ثم تمسح دمعة وهمية من عينيها فتأخذك
الحماسة وتقول :
)والله ياسوسو_ودا اسم دلع يقبل آﻻف
اﻻسماءمنعا للمشاكل_انا ناوى اصل بيتكم
بس انتى عارفة الظروف والعرس بيكلف
كتير وووووو(
فتقاطعك سوسو بحنية ثعلبية وبنعومة
اﻻفاعى:
)انا مادايرة منك شى, انت بس تعال اخطب
والعرس يتأجل لحد ماالظروف تتحسن(
فتصدق الكﻼم من عوارتك وتحدد يوم
الخطبة وتأخذ ثلة من اهلك وقليل من
جيرانك واصدقاءك وتقصد بيت المﻼك
المختار وتفاجأ انت واهلك بحشد كبير فى
بيت العروس وخيمة كبيره امام البيت
وصوت المايكرفون يردد :
)تست تست واحد اتنين تﻼتة تست تست..(
تأخذك الدهشة قبل ان يأخذك ابو العروس
جانبا, يعدل عمته التوتل ثم يقول :
)والله ياولدى انحنا خطوبة ومسخرة ودخلة
ومرقة ماعندنا,عشان كدا قررنا نعقد ليكم
طوالى والعرس بالراحة(
ثم بأبتسامة محذرة )وﻻ رايك شنو؟؟.. (
وقبل ان تدلى برأيك غير المعترف به اصﻼ
يكون وكيلك ووكيلها قد اتموا عقد القران
*_*
فى الخيمة وتحولت انت بقدرة قادر من
مشروع خطيب الى زوج-مع وقف التنفيذ-
بسرعة البرق ثم يغمرك المعازيم :
)مبروك ياعريس مبروك ياعريس بيت مال
وعيال(
وانت كاضم ماقادر ترد وتسمع احدى عمات
العروس وهى تقول :
)شوفوا ياخوانى من الفرحة لمن ماقادر
يتكلم..(
ثم تطلق زغرودة مدوية وهى تبتعد تجتاحك
معها رغبة فى لكمها فى فمها لتخرس الى
اﻻبد .. فرغم انها صارت شرعا حرمك
المصون اﻻ انه يجب عليك ان تقوم بطقوس
مهولة ومراسم عرس كامل ﻷستﻼمها!!!
وعندما تثور على الوضع وتحلف بالطﻼق ان
تمشى تجرها من شعرها وتجيبا بيتك بدون
حفﻼت او كﻼم فارغ وتخلص ..
تفاجأ بأن المعارضة تأتيك من الداخل أى امك
واخواتك:
)ليه مادايرنا نفرح بيك؟ انحنا اقل من الناس
البسوو اﻻعراس؟ والله لو ماعملت عرس
ماعافيين منك؟ عليك الله عاين دا, داير
الجارات ياكلن وشنا؟.(
فترضخ لﻸمر الواقع وتبيع قطعة ارض
ورثتها عن جدك الرابع عشر وترهن بيت
ابوك وتبيع الكمبيوتر والموبايل وتزوغ
ببعض الصناديق ثم تستلف من 15-10صديق
واخيرا جدا تجد نفسك حالق جديد وﻻبس
بدلة سوداء لون الحداد!!!
- متأبط شرا هي عروسك المصونة والتى
جاءتك فى هيئة فيل صغير بعد ان نجحت
وصفات التسمين التى قامت بها العمات
والخاﻻت وبعض الصديقات الخبيرات, تأتيك
متدحرجة فى فستان ابيض-لون الفرح!!!
-فتجلسا تحت بقعة ضوء مزخرفة عليها
كرسيان تعرف بالكوشة- والتى ﻻول مرة
تدرك معناها- الجميع فى الحفل فى رقص
هستيرى والفنان يصدح بسعادة غير مبررة
)شن بتقولوا فى الفرح البعذب سيده والريد
البضيع زولوا(!!
فتلمس اﻻغنية فيك اوتارا حساسة وتكاد
تطفر الدموع من عيونك,
وتجول عيناك على الحضور السعيد وتتوقف
عيونك على آخر العزاب من اصدقاءك وهو
يرنو اليك بحسد تارة وتجول عيناه بين
الحسناوات تاره اخرى وتكاد تقرأ افكاره
وهو يفكر:
)هسى فﻼن اﻻهبل دا عرس وانا قاعد براى
زى تور الساقية؟؟ (
فتكاد تصرخ فيه محذرا ولكن صوتا خبيثا فى
داخلك يهمس بمكر وحقد:
)وانا مالى, هو أنا فى زول حذرنى؟."؟(
عشان كدا لمن تمشي مناسبة حتلقى
الجكس بعاين ليك وبيبتسم ليك أعمل
حسابك ﻷنو بضحك عليك ودنقر راسك
طوالي وأعمل فيها أهبل ولو حاولت تتكلم
معاك وتشاغلك أبكي عشان تقول عندو
نفسيات ولو أصرت وعملت فيها مصلح
ودكتورة أصرخ وأقطع فيه كف وقوم جاري
أخير ليك يقولوا مجنون من يحننوك بالجد
)انتو ما سمعتو بالمثل الساير اليومين ديل
البمد صباعو بيجرو من ضراعو والبعاين
بعينينو بيجرو من اضنينو

[ملكه ذبحهم غروري]

ههههههههـ

يسلمووووو خيو ع هالشيء بالصراحة عديل كلامك كله مزبووط

[المسيرية]

ههههههههههههههههههههههههههههههههههههههههههههههههههههه وكدا انجنا مابرنا

[المونت]

لاحولا والله كلامك فى محلو

بس أوع نقع ذى تورالجر دة /color]

[بكور]

هههههههههههههههههههههه ... كان كده يا اخوان العايز يعرس ما يعزمنى

[ودكمال]

اسعدني مروركم يارائعين

[( ود البورت )]

هههههههههههههههه دي حالة العرس

[ودكمال]

اسعدني المرور عاطرتحياتي