عمرك خمسة وعشرين سنة (يمكن اكتر شوية او اقل شوية) وربنا فتحها عليك بمصدر دخل معقول الى حد ما...وعجبتك بت مناسبة (الى حد ما برضو)...وشعرت انو الوقت بقا مناسب لأنك تبقى "راجل مرا" على قول كوكب الشرق وأتخذت القرار الجرئ وكلمت ناس بيتكم..الحاجّة طبعا بتكون أتحفظت شوية في الأول لكن بتكون وافقت في النهاية على مضض..قمت أخدت منها دعوة تسهّل ليك الخطوة بتاعتك وأتحركت مشيت على أبو البت..طبعا قعدت تتململ قدامو وكملت كل المواضيع الممكن تتكلم فيها مع زول اكبر منك بي 30 سنة (شئون دولية, سياسة سودانية,الجو,قطعة الكهربا الخ) وأخيرا بعد خمسة دقايق من الصمت المزعج بديت تتكلم بأرتباك في الموضوع الجابك وطلبت يد كريمته المصونة..بعد ما الرسالة وصلتو من خلال كلماتك الغير متناسقة عمّك رجع لي ورا في مقعدو وبدا يحكي ليك عن تجربتو الزوجية ويديك درس في الأصول وحيحكي ليك كم قصة حيكون مجهزها سلفا (بأعتبارو عارفك جاي من بدري)..في النهاية حيقولليك حيشاور باقي أهل البت ويسأل عنّك ويفيدك بالرد (ما تشيل هم..ما حيجيبو خبر البلوة العملتها أيام الجامعة ديك)....
عمّك حيضرب ليك ويديك الموافقة ويديك أذن التحرّك عشان تبدأ الترتيبات بتاعة اليوم المنتظر (اللهم الا اذا كانت بلوّتك العملتها أيام الجامعة كبيرة شديد)....وبسم الله وبالتوكل على الله وبرضا الوالدين ودعاء الصالحين حتبدأ أغرب رحلة في حياتك....رحلة حنسرد ليك تفاصيلها من واقع تجربتنا ومشاهداتنا لتجارب ناس تانيين...حنحاول نركز على القواسم المشتركة للمراسم الزواج لأنو كل
عرس بيمثل حالة خاصة..ونسأل الله السترة لينا أجمعين
اولا..لازم قبل كل حاجة تستوعب الفرق بين نظرتك أنت للعرس ونظرة البت العايز تعرسها للعرس..أنت عايز "عرس" بمعنى انك انت عايز تدخل مع البت دي في بيت واحد وتأسسو أسرة..البت عايزة نفس الحاجة, لكن بالمقام الأول عايزة "زفاف" بمعنى عايزة المراسيم بتاعة العرس, ودة بينطبق على معظم البنات والبنات السودانيات بالذات..ودي من التلاتة حاجات البتجمع كل البنات السودانيات (التلاتة حاجات هي 1-كلهم بيحلمو بزفافهم من كانو صغار 2- كلهم بيشترو حاجات من سعد قشرة (وبينكروا) 3-كلهم عندهم كراهية غير مبررة للبنات الحبشيات
والهوّس بالزفاف دة مترسخ عند كل بت من ما هي صغيرة من قراية القصص بتاعة المكتبة الخضراء بتاعة سينديريلا والأميرة الحسناء والف ليلة وليلة, كل القصص الكانت بتتقري ليهم في طفولتهم بتنتهي بليلة زفاف اسطوري بتسردو القصص بالتفاصيل..وبالعادة بيختمو بسطرين صغار للحتة بتاعة (عاشو بثبات ونبات..وخلّفو صبيان وبنات), لاحظ..الزفاف بالتفاصيل..وباقي الحياة الزوجية 6 كلمات بس. ثم تانيا...معظم البنات بيحبو الأهتمام, وبيتمنو الأهتمام بتاع "العروس جات والعروس مشت والعروس عملت" والحاجات المن النوع دة ..ودة بتلقاهو في العرس بكل مراسيمو..عشان كدة ما حتلقى بت تكلفت ليك العرس..حيحاولو يمطوهو قدر الأمكان عشان الأهتمام يستمر فترة طويلة..ثم تانيا البت حتسترجع بذاكرتها كل عرس مشتو..وحتكون حريصة جدا انو حاجات عرسها تكون أشدّ (المعنى مكلفة) أكتر من حاجات اعراس اي بت عندها معاها عداوة كنوع من النكاية (عشان كدة أحرص انك تلقى ليك بت مسالمة ما يكون عندها عداوات كتيرة). فرحة البت بالزفاف فرحة حقيقية, لأنها ببساطة فرحة زولة حققت حلم طفولة...
أحاسيس الله يديك العافية ... موضوع جميل جداجداجدا .....والحمدلله القريتو ...الحبيبة ما كانت مدقساني قالت شنو ...النادي والعشاء علي ............... والله لكن كلام دايرة تلبسني الطاقية ..... لكن وين ... طال ما أحاسيس معانا مابتجينا العوجة ...... على العموم تسلمي كتير وباذن الله عما قريب سوف نتربع على منتصف القفص الابدي هي قصدي الذهبي وبندعوكم أكيد
الخياليه البتترسم في خيالنا من قصص الف ليله وليله ... ومن اعجابي الشديد بالاهتمام البتنالو
العروس ... كان بنشوفها كده زي الاميره الكل يدلع فيها ويهتم بيها ..ويمدح فيها ..ودي العروس
جات ودي العروس مشت ...وجيبو للعروس ...وده للعروس
ولما كبرنا استوعبا انو الاهتمام والتمييز ده مؤقت ...تلحقو مسؤليه كبيره ....ربنا يكون في عونا
برمه :
انا زفاف اقل من زفاف سندريلا دي ماااعايزه
جاسمينا العسل: كلامك مية المية وكلنا زمن الطفولة كنا بنحلم بالفستان الابيض والفارس المغوار البجى يخطف الاميرة ويخلصها من الشر
برمة كفستااانك عجيييييييييب ويارب نشوفك فيه فى اقرب وقت وتستاهلى كل الفرح والخير بس ماتكترى على اعريس التكاليف خلى ليه حق الحلاقة ان شالله
هههههه اى صحيح انه غالى بس العروس تستاهل
عزيزتى بنوتة كلنا بنسعى ان شاله لتقليل التكاليف دى واخذ المهم منها فقط لانو الباقى كلو مظاهر وان شالله كل الشباب يقدرو يتجاوزو الحاجةدى ويتمو نصف دينهم
طيب ايش رايك تحكى لينا عن تكاليف الزواج عندكم امكن نستفيد منها ان شالله
أحاسيس الله يديك العافية ... موضوع جميل جداجداجدا .....والحمدلله القريتو ...الحبيبة ما كانت مدقساني قالت شنو ...النادي والعشاء علي ............... والله لكن كلام دايرة تلبسني الطاقية ..... لكن وين ... طال ما أحاسيس معانا مابتجينا العوجة ...... على العموم تسلمي كتير وباذن الله عما قريب سوف نتربع على منتصف القفص الابدي هي قصدي الذهبي وبندعوكم أكيد
تحياتي وأحترامي
اخى سلطان القلوب :الف تحية والف شكر على الكلام الزوق والحمد لله القريتو زى ماقلت ماعشان الحبيبة كانت مدقساك لكن عشان تعرف انو هى عليها ضغوطات اجتماعية زى دى وصعب تقبل باقل منها وهنا حيجى دورك ان تقنعها انو دى كلها حاجات ماعندها قيمة وحتتنسى بمرور الايام وانو هى اغلى من كل التكاليف دى (طبعا انا هسى اديتك سر من اسرار البنات )
وانا فى الخدمة وتحت امركم فى اى استفسار وربنا يتم ليك على الف خير ويجمع بينكم بالمودة والرحمة ولينا عظيم الشرف بمشاركتم الليلة السعيدة دى
طبعا زى مالاحظنا انو الزواج في السودان, أو بالأحرى الزفاف ومراسيم وطقوس الزواج في السودان...بيمثل كل التناقدات الفي السودان, بمعنى أمسك التكلفة المتوسطة للعرس في السودان حتلقاهو في العشرين الأعلى في العالم في حين انو متوسط مستوى الدخل بتاعنا في العشرين الطيش في العالم..والتناقد بين الدخل وتكلفة العرس دي بتلقاها بالذات عند ال"طبقة" الوسط اللي عندها طموحات الأغنياء وعطاء الفقراء, فتلقى الأسرة عندها استعداد تعيش سنتين على الحركرك عشان يطلعو عرسهم بشكل مقبول اجتماعيا. والمسألة دي ما جات من فراغ, الجذور بتاعتها موجودة في كل بيت سوداني بسبب اللوبي البيحكم
البيوت...واللوبي البيحكم البيوت السودانية معلوم بالنسبة للجميع
كل القرارات الحساسة والمؤثرة في اي حاجة أجتماعية تتعمل في البيوت السودانية بيتخذها اللوبي المكوّن من القيادات النسوية في الأسرة الممتدة, بيكون مشكل من أم البت وخالاتها وعمّاتها واي حبوبة متبقية..اللوبي دة هو خط الدفاع الأول والأخير عن تقاليد العرس وأعراف الزواج وتحديد المقبول اجتماعيا في طقوس الزواج, وبيميلو بطريقة استراتيجية لزيادة التكلفة بتاعة الزواج ابتدائا من المعروضات العينيية الحتتسلم للعروس (دهب-شيلة-ريحة) وأنتهائا بعناصر التكلفة بتاعة المراسم (وجبات-زينة افراح-فنانين)...معظم الناس بتفترض انو اللوبي دة بيحرص على زيادة قيمة أي حاجة بتتعمل من أجل البوبار, ودة جزئيا صاح لكن السبب الأساسي هو انو معظم النسوان ديل (لمن أقول نسوان بأقصد السيدات وليس الحريم, في فرق طبعا) عندهم أتفاق غير مكتوب على تعلية تكلفة العرس بحيث انو العريس يصرف الوراو والقدامو ويتديين عشان يتمم العرس عشان تتخلق عندو ربكة أقتصادية تخليو يفكر مليون مرّة قبل ما يحاول يعرّس تاني..الموضوع ببساطة حماية للبت من الضرّة قبل ما تعرس من الأساس..وبيني وبينك معاهم حق لأنو ظاهرة تعدد الزوجات كان كبير جدا في الجيل بتاع جدودنا الكانو بيعرسّو بي فاتحة في الجامع ودعوة مرطّبات في البيت (ودعوة المرطبات دي كانت عبارة عن برميل ازرق فيو تلج وقزايز بارد بيختوها في مدخل الباب, بتجي داخل تبارك بيناولوك قزازة وأنتهى الموضوع), لكن من ما زادت التكلفة بتاعة العرس قلّت الظاهرة بتاعة تعدد الزوجات لأنو العرسة الواحدة بقت تكلفة عالية وممكن الشاب المتوسط يعملها مرّة في حياتو
وبعدين حتذهل من انو العرس في السودان بيحرّك مجموعة من الأستثمارات المربحة, في كمية من المؤسسات اللي بتربح من هوّس الناس على البعزقة في العرس وبتستفيد من شراهة البيوت على الأنفاق لمن تكون في حالة الطوارئ العرسية...أذكر ليك بعض منها :
صالات الأفراح: بدون ما نحس لقينا انو البيوت بقت ما بتستضيف الأعراس وأنو الناس بتعرس في صالات ونوادي مجهزة سلفا للمسألة دي, اي تلاتة انفار عندهم قروش وعلاقات في وزارة الأستثمار قامو عملو صالة مكيفة ومجهزة خصيصا لأستضافة الأعراس وبيتقاضو الشئ الفلاني (حسب الصالة وحسب الخدمات). أختيارك للصالة نفسو حيكون خاضع لحجم الأنطباع العايزنو الأهل...العايزين يتبوبرو حيقولو ليك لازم نيلتون او الصالة الذهبية..الأقل غلوا حيقولو ليك الحضري..بعد داك انت ونازل حسب طموحات اللوبي بتاعك (طموحات اللوبي هو المحدد في الموضوع دة, مقدراتك أنت ما بتفرق كتير
التصوير: هنا عندك التصوير على مستويين, أولا التصوير في الستوديو بتاعك انت والعروس, وكل الناس بقت عايزة تتصور في ماجستيك بالذات, في خمسمية ستوديو تاني وكلـهم كويسين وبعضهم أحسن من ماجستك (في النهاية الموضوع فوتوشوب, ومعلمين الفوتوشوب على قفا من يشيل) لكن الشغلانية خلاص ربطت في راس البنات = ماجستك يعني ماجستك..الواحدة لو صورة العرس مافيها التوقيع بتاع ماجستك تحت حتتعامل معاك كأنو ما اتصورت..وسعر الصور بتاعتهم بتبدأ من خمسمية ألف لأصغر باقة عندهم لغاية كم الله أعلم
الكوافير: طبعا ديل بالذات هيلمانة قائمة في حد ذاتها..أتجاوزو المرحلة بتاعة الكوفير البيسرحو العروس ويلبسوها هدوم الزفاف..لا ديل بقو حاجة تانية, العروس بتمشي ليهم على مدى شهر كذا زيارة عشان يجهزوها ويدربوها على المشي والأبتسام وينظمو حميتها الغذائية وينظمو ليها برنامج المستحضرات البتعملها لشعرها وبشرتها استعدادا للعرس..بعضهم بيتعاملو على أساس انهم مدرّبات عديل يعني بيلمّو مجموعة من العرايس ويعملو ليهم محاضرات أرشادية...سمعت قبل كدة بحالات بتاعة انهيار عصبي حصلت لبعض البنات من الضغط النفسي البيتعرضو ليهو في المحاضرات دي..عموما البنات بيعتبرو القسوة دي مطلوبة لأنو البرنامج دة بيجهز البنات لليلة العمر السندريلية البيحلمو بيها من الطفولة والخطأ فيها ممنوع....ولو بتلاحظ كل الكوافيرات ديل عاملات زي خط الأنتاج..مكنة بتتدخل فيها البت الخدرة والصفرة والقمحية والسمحة والشينة وكلهم بيطلعو بهناك لونهم أبيض وحواجبينهم غزيرة ومقرونة.
عارفك جميلة
وزيادة في البنوت حلة
المال عليك يا حلوة
ابداً ما غلي
لكن ظروفنا القاسية كيف ببدلها
فاضل وحاتك بس نفوسنا ندللها
اميرة الشباب يا الدارسة الكتاب
غلاء المهور حاربه ما تخليلو باب
متمني خط الحنة ولمة صحاب وارقص بنات حلتنا
اصلو العرس بالفاتحة مش حلال
حلالالالالالالالالالالالالالالالالالا
قولوا خير باركو العرس يا المهات
خائف بنات حليتنا يفوت فيهم الفوات
يأختي البتقولي فيهو ده حق ناس العمارات والمنشية
تعالي معاي النوريك عرس ناس فلان وفلانة .. ( القرى)
باختصار ..
- بت عمو / خالتو .. وكده
- من صغيره طباعا شايفها وما محتاجين لقابلتك وعاينت ليك وخااصة حبيتك دي ممنوعة باسم القانون ...
- نسوان البيوت اتلمن وخطبو ليك ودفعو المال( المهر ) كان خمسين كان مائة ..
- مشيت السوق شنطة 3في تلاتة وممكن أربعة
- أم العروس جابت الطش والتبروقه والابريق وكده ولي بنيتها حطب الهناي والشملة وكده
- سو الريحه ( دق الريحة ) وعلمو العروس الرقيص( اللول اللول اللولية بسحرك يال للو لو الحبشية وكده )
- يوم الجمعة خاااصة في صلاتها عقدو ليك وزعو الجماعة التمر .. مرقو من الصلاة على صيوان اتغداء .. بعد المغرب الحفلة والربة ( سوطي ما سوطك وعكازي ما عكازك وسروالك مغسل وعراقي نطيف ويا ويل البرقص مع بت ) أما البنات الله لا يوريك .. شبشب فلانية واسكرتي وبلوزة من جهة وزيت الكركار سايل من شعرها ( الذهب) فعل ذهب ولم يعد .. ويا ويلك لو في واحدة قالت فلان شاااغلها بقتلوووك عديل كده ..
- الحفلة دورت شوية والشكلة دووورت فرتق فرتق أتفرتقو الجماعة ..
أها عرس وتم يله بر لمة ..
ممكن اتزوج زواج تلقيدى عادى
لا حرام عند شباب الزمن ديل
عقد فى المسجد وخروف لاهل العروس
وشيلة 2/2 وانت تذبح خروف وتعزم الجيران والاهل
ولاكدا اصبح زواج ناقص فى نظركم
(اقلهن مهرا واكثرهن بركة )
انا بعرف واحد عندنا فى الدوحة اتزوج وزواجو
كلف 150مليون بس للاسف طلقها بعد 4 شهور
هو لليوم غرقان فى الديون وماقادر يطلع
لية البوبار وتعليق الاريل فى بيوت الايجار
انسترو بالقليله
عارفك جميلة
وزيادة في البنوت حلة
المال عليك يا حلوة
ابداً ما غلي
لكن ظروفنا القاسية كيف ببدلها
فاضل وحاتك بس نفوسنا ندللها
اميرة الشباب يا الدارسة الكتاب
غلاء المهور حاربه ما تخليلو باب
متمني خط الحنة ولمة صحاب وارقص بنات حلتنا
اصلو العرس بالفاتحة مش حلال
حلالالالالالالالالالالالالالالالالالا
قولوا خير باركو العرس يا المهات
خائف بنات حليتنا يفوت فيهم الفوات
عفيييييييييييييييت منك يا امالنا الحلوة غنيتك فى الصميم
واتمنى تجد صداها عند الامهات اول شى لانو ليهم دور كبير فى عملية اتمام العرس فى الحد المعقول
يأختي البتقولي فيهو ده حق ناس العمارات والمنشية
تعالي معاي النوريك عرس ناس فلان وفلانة .. ( القرى)
باختصار ..
- بت عمو / خالتو .. وكده
- من صغيره طباعا شايفها وما محتاجين لقابلتك وعاينت ليك وخااصة حبيتك دي ممنوعة باسم القانون ...
- نسوان البيوت اتلمن وخطبو ليك ودفعو المال( المهر ) كان خمسين كان مائة ..
- مشيت السوق شنطة 3في تلاتة وممكن أربعة
- أم العروس جابت الطش والتبروقه والابريق وكده ولي بنيتها حطب الهناي والشملة وكده
- سو الريحه ( دق الريحة ) وعلمو العروس الرقيص( اللول اللول اللولية بسحرك يال للو لو الحبشية وكده )
- يوم الجمعة خاااصة في صلاتها عقدو ليك وزعو الجماعة التمر .. مرقو من الصلاة على صيوان اتغداء .. بعد المغرب الحفلة والربة ( سوطي ما سوطك وعكازي ما عكازك وسروالك مغسل وعراقي نطيف ويا ويل البرقص مع بت ) أما البنات الله لا يوريك .. شبشب فلانية واسكرتي وبلوزة من جهة وزيت الكركار سايل من شعرها ( الذهب) فعل ذهب ولم يعد .. ويا ويلك لو في واحدة قالت فلان شاااغلها بقتلوووك عديل كده ..
- الحفلة دورت شوية والشكلة دووورت فرتق فرتق أتفرتقو الجماعة ..
أها عرس وتم يله بر لمة ..
هههههه واللهمية مية والغريب نو بطلع احلى من اعراس الملايين دى لانو الناس ماتكلفة فيها وكل الناس بتتعامل بطيبة خاطر والكل سعيد وفرحان بالعرس من غير مايحسو باى نقص فى تجهيز العرس والعروس
ودا العرس الفيه البركة
كدى وصف لينا حلتكم دى بى وين
ممكن اتزوج زواج تلقيدى عادى
لا حرام عند شباب الزمن ديل
عقد فى المسجد وخروف لاهل العروس
وشيلة 2/2 وانت تذبح خروف وتعزم الجيران والاهل
ولاكدا اصبح زواج ناقص فى نظركم
(اقلهن مهرا واكثرهن بركة )
انا بعرف واحد عندنا فى الدوحة اتزوج وزواجو
كلف 150مليون بس للاسف طلقها بعد 4 شهور
هو لليوم غرقان فى الديون وماقادر يطلع
لية البوبار وتعليق الاريل فى بيوت الايجار
انسترو بالقليله
صباحك ورد يافرحنا
لاحول الله والله شى مؤسف انو كلف نفسو فوق طاقتها وبعد دا خسر زواجو يعنى طلع من المولد بلا حمص ولاحب زاتو
لكن اسمحلى اقول ليك النوع الزى دا يستهاهل اكتر من كدا لانو متاكدةانو حيكون جرا ورا المظاهر وحتكون البت سمحة ومدلعة ونسى ان الزواجدا مودة ورحمة قبل مايكون واجهة تتمنظر بيها قدام خلق الله عشان كدا هو اتصدم فى النجفة المعرسة لانو لقى النور قاطع ودا غلط بيقع فيه كتير من الشباب ربنا يهديهم وفى الاخير مافى زول بخسر زيهم يعنى الواحد يحسن اختيارو من الاول ماقلنا تكون شينة لكن مقبولة على الاقل والاهم اخلاقها وتعاملها وتكون ست بيت فاهمة وانا متاكدة انو الفاهمة دى ماحتكلفو نص الكلفتو ليه النجفة
مشكووور عزيزى الفرح على المشاركة واكيد استفدنا من تجربة الزول معرفتكم دا وربنا يصلح حالو وحالنا
وليدات العمارت كملو ؛؛ وناس بنطلون ( طيحني) وتسريحة البوب وحاجات انا ذاتي ما عارف اسمها وين ماتو؟
اذكرت ناس البرمودة ؟
والله غايتو جنس غايتو ..
كان ولد كان ؟؟ ما بتعرفو من بيناتن ..
اها .. قلتي لي حلتكم دي بي وين ؟؟
اتي عاارفه لو فكرتي تمشي ليها .. أنا أكون أكبر رابح ومليونير عديل كده .. تعرفي ليه ؟
طبعا من برة الحلة بقابلك وأغطيك بي بطانية ولا شوال خيش ..
وادخلك عند أمي ..
تاني حااجة نشوف ليك تكل أو غرفة طين ونغفلها عليك ..
وتاني حاجة افك ليك الشمااارات جاتنا بت من المدينة خواجيييه عديل كده ..
الداير يشوفها يجيب سخيل عتود حمل كان بقرة كان حمار ذاتو بنقبلو ..
وتعاالي شوفي جنس لمة ومزاحماات وسخلان وسخيلات ..
ما تخافي بقسم معااك .. السخيلات ليك .. والعتان لي .. اتفقنا ؟؟؟
لو موافقه خلينا نحدد المواعيد عشان أمي تقش الصريف .. وتغسل ملايات العيد أقصد جيتك .. وابوي يغير العراقي والسروال ...ويستعدو ليك ولي لمة الداقسين
أم العروس إحنا جينا
البيت ما بشيلنا
دقي لينا خيمة
أم العروس إحنا جينا
غدانا بقرة وعشانا ناقة
هههههههههههههههه
والله ضحكتيني يا حبوبة بس الحمد لله انا خاطب من دولة تانية ما فيها حاجات زي دي
... انا برضو لما كنت صغيره
(طبعا انا هسى اديتك سر من اسرار البنات 
