عم التنقو...

[Keeptown]

عمك تنقو باع التيس...
إشترى لاب توب وخشة الفيس...
قال للعازه دى الثقافه...
ريم ورنده بعمل ليهم إضافه...
قامت العزه تسكلب ...
اووب اووب يا انا يا اللاب توب...
عمك باعو وجاب للعزه توب...
وإشترى ليو كمان مركوب ...
وشالو زهور وعاشو الدور ...
زى مهند ونور...

[Keeptown]

عمك تنقو حكيم السوق...
جاه حرامي شديد مزنوق...
قال يا تنقو يا سيد الذوق...
انا في ورطة انقذني ارجوك...
انت يا تنقو رجل مبروك...
عمّك قالة الكلام ملحوق...
خش دكاني شوية و روق...
كرفس نفسك في صندوق...
جات الشرطة وراه تفتش ...
عمك سدرب شكله مطنش...
سالو عمك حكيم السوق...
قام أشر على الصندوق...
ضربو عمّك كم دبشوق ( دبشق)...
فاكر نفسك ود تكتوك...

[Keeptown]

عمك تنقو مساء النور...
معزوم بكرة معانا فطور...
غير وجبة وخلي الفول...
وأعزم برضو جمال فرفور...
خلي العازة تحرس البيت...
وتشكو تقول انا مليت ...
كلاما كتير حتجنتر بيك ...
وحتطلع روحك وتشغلا ليك...
ضابحين تيس ومعاه خروف...
وتصبح بكرة يا ما تشوف...
كل الدعوة لناس الفيس...
الدعوة فطور لأكل التيس...
الدعوة فري يعني مجان ...
لكل محبي مجلة الصبيان...
في اي مكان واي زمان...
لأنكم انتو في الوجدان...

[Keeptown]

عمك تنقو والله زمان...
كان عدمان وكان فلسان...
دوام مديون دوام زهجان...
شوفو الليلة يا صبيان...
حالو اتصلح بقى تقيان...
ريح باله وزيادة امان...
بكل سهولة وأطمئنان...
بطاقة وشيك بنك ام درمان...
عمك تنقو حبيبنا الغالي ...
بقى مرتاح وماهو يبالي...
يسحب ويودع بالصراف الالي...
قال لي نفسه كدا يا ود...
القرش الابيض لليوم الاسود...
عمك تنقو من الفرحة...
قروشي العازة ح تشمها قدحة...

[Keeptown]

عمكم تنقو وحظو الشين...
الليلة اتعين في شركة زين...
عامل فيها جاي بخطة...
نظام استهلك وتكسب نقطة...
عمك تنقو أبو التفكير...
فاكر نفسه في الشبكة خبير...
قال الموسم للحجاج...
اتصال مخفض ما يحتاج...
وخطة جديده للنت و الشبكة...
خدمات مجان لزوم الحركة...
هدية جميلة لكل عميل...
الشارع الذكي شارع النيل...
جات الناس بالنت مبسوطة...
تشكر تنقو باعلى صوته...
اتنشرت الفكرة في كل حديقة...
ترفيه بالنت و زين صديقة...
قال يا عميل استناني...
المدينة الذكية مع سوداني...
عمك عقله مشى لبعيد...
شوف موبايلو ما فيه رصيد...
أصلاً تنقو زول عدمان...
كل القصه كان حلمان...

[Keeptown]

رسالة لتنقو ...
اليوم كان جمعـة...
والامة مجتمعة...
جاتني رسالة تحية...
من اختي فتحية...
تذكرني بخروف الضحية...
قلت ليها خروف عديل...
طنشت وعملت حميل...

[Keeptown]

عمك تنقو زوول ماااسورة...
قال ماشي الميدان يلعب كوورة...
.
.
.
.
.
.
.
.
.
.
.
.
.
.
يلا يا شباب واحد يتم البداية دي ...

اي مبدع من المنتدى...

[Keeptown]

عمك تنقو صرف الماهيه ...
وفكر فى الضحيه...
قال اتحدها الظروف...
واجيب للعزه خروف...
طلع من النهار...
والاسعار مولعه نار...
ارخص خروف بالدولار...
عمك اتكتح بالغبار ...
دا غير ناس الخضار...
جوه الاولاد الصغار ...
قال للعازه الغذافى قتلو الثوار...

[Keeptown]

شباب الحي بالليل اتلمو...
يغنو ويلعبو جنب بيت عمو...
عمك تنقو زعل بالحيل...
جوطه شديده واغاني شليل...
عمك تنقو في سريرة اتقلب...
قال لازم ادبر ليهم مقلب...
باقي اليوم بسلام عدى...
جهز ليهم كلبتو وردة...
خلى الكلبة جعانة وصايمة..
و في نهار اليوم كانت نائمة...
لما الليل والشلة اتلمت...
عمك تنقو مهمتو تمت...
قامو اصحابنا جدعو العضمة...
قامت ورده ختفتها بي نهمة...
يفتشو ليهو وما عارفين...
وينه شليل روح وين...
عمك تنقو نام مرتااااح...
كلبتو ودره اتصرفت صاح...
واصحابنا يفتشو ليل وصباح...

[Keeptown]

عمك تنقو شال الهم لي خروف العيد...
قرر يشتري باروكه ولي شبابو يعيد...
او يزرع شعرو ويبقي فريد ...
والدنقلاوي كل يوم بينزل عرض جديد...
اكيد ياعم تنقو حاتبقي شديد ...


ترقبوا جديد عم التنقو والعيد...

[Keeptown]

عمك تنقو بعد ما صلى...
شال مخلايتو وحام بالحلة...
عمك حايم من زقاق لي زقاق...
وقاعد يدعو يا رزاق...
قال يا ناس سكيني سنينة...
إن شاء الله خرفانكم تبقى سمينة...
اصلاً عمك جنو يلخبط...
في أي شغله تلقاو متسلبط...
رافع سعره يحاجج يبطبط...
قال بضبح وبسلخ يكسر ويظبط...
ما شفناه ضبحلو خروف لا بط...
وليه تنادي تعال يا عم...
عندي خروف تضبح بي كم...
قال يا والله يا ستي وست الناس...
مية الف والجلد والراس...
هي يا عم سعرك غالي...
خفض شوية واضبح طوالي...
قال ليها براعي انا لي ظروفك...
بس ورينا مكانو خروفك...
شنقل خروفا وسمى وكبر...
حرجمو ليها جمبو اتحكر...
قال يا فلانه جيبي العدة...
صينية نظيفة للقلب والكبدة....
إلا عمك ما ظبط الضبحة...
من وين ما يدري جاتو النطحة...
عمك قام مخلوع خجلان...
قال ده خروف ولا أنا غلطان...
يا جماعة دا اكيد شيطان...
ورجعة للعازة وجيبو ملان...

[Keeptown]

عمك تنقو بقى ماذون...
لانو دى شغلة دايرة فنون...
يفتش ويبحث عن عرسان...
لبنات اهلو والجيران...
قال فى هذى السنة بالذات...
يخفى كلمة البايرات...
حالا بدا تنفيذ المشروع...
بس لقاهو صعب الموضوع...
يجيب البت من واغ واغ...
يلقى الود حالا زاغ...

[Keeptown]

عمك تنقو بقي مستنكح...
لبس نظاره لبس العمه...
مره يمسي ومره يصبح...
عمك عامل بفهم كوره...
مركب كل الناس ماسوره...
قالت عازه تنقو حرام...
ما تاكلني قروش حرام...
عمك مره في نص الورطه...
للعربيه الجنبو نط...
عمك فاكر انه اتخارج...
بس طلعت دورية الشرطه...

[Keeptown]

عمك تنقو خش النت ...
فتح الابتوب وجاب كونكت...
قدم اللوتري وعمل اكسبت...
شالوهو طوالي عمك تنقو...
رجع البيت والناس اجتمعو...
يا ناس يا هو انا ماش امريكا...
لمو الشيرنق والناس اتفقو...
عمك لملم هديماتو وشتت...
خلا العازه تشيل وتلقط...
جاتو بنيه سمحه سماحه...
تقول مولوده في تفاحه...
عيونها جميله وكلها راحه...
قالت ليهوو هاااااااااااي...
عمك تنقو قال وااااااااااااي...
انتي ملاك ولا انسانه...
انا ياناس ح تجيني الحاله...
قالت ليهو هو ار يو...
قال ليها اي لوف يو...
قالت اي لف يوم تو (2)...
عمك سطح وقرب يجري...
قال ليها اي لف يو ثري (3)...

[Keeptown]

عمك تنقو في بحثه مواصل...
دخل المعمل يشوف الحاصل...
أحمـاض وقواعد يوزن ويعادل...
جاب فسفور مع اليورانيوم...
خلى المعمل كله قنابل...
قال نجحت وح اخد نوبل...
وأبيع الفكرة لي بن لادن...
ناس الطاقة صدقوا كلامو...
سجنو عمك في غوانتانامو...
قام في زنزانتو فك النووي...
ريحة قوية وصوتها مدوي...
جو المارينز فكوه صحابي...
قالوا يا تنقو خليك سياحي...

[Keeptown]

عمك تنقو بكل مهارة
اصبح كابتن يسوق طيارة
بالسيموليتر ثبات وشطارة
عبر الشاشة لفة القارة
وقت العملي ووقت الحارة
قال يالجـو جاتك كارة
جاتنا الفرصة واللحظة السارة
سلام يا أخوانا فرصة سعيدة
تنقو يحييكم والرحلة بعيدة
إرتفاعنا يكون آلاف أقدام
أربطوا حزامكم ربطة تمام
وإن شاء الله معاي تصلوا بسلام

*****
عمك تنقو قال نتأكد :
قبل الرحلة كمان إتفقّد :
مروحة مكنة معاها المقود
برضو وقودها وصندوقا الاسود
******
كدا تمام الحرص ضروري
إلا الطيارة ناقصة البوري

****
بسم الله والله معانا
قرينا الفاتحة وشلنا دعانا
بدت الرحلة في نفس زمانا
وكل الناس حاجزة مكانا
ناس فرحانة كمان طربانة
وجاري هناك يلوك في لبانة
عشان القومة وصنة اضانا
اصلو عمكم من زمنه ظريف
قام بي مهله لانه حريف
حلق في سماه وقال يا لطيف

****
عمك تنقو خش في ورطة
جاه ارهابي شايل شنطة
قال لي عمك حول طنطة
اياك تحاول تتصل بالشرطة
عمك تنقو بحكمة وحضور
قال له حاضر بكل سرور
فضل عمك يلف ويدور
هبط بالطائرة في دارفـور


عمّك تنقو للركاب اتأسف
قال يا أخوانا عايزين نستأنف
ده الارهابي هنا إتخلف
خلي الشرطة معاة تتصرف
عرفتو الحاصل يا أحبابنا
الارهابي عطلنا وحرق أعصابنا
كمان احرجنا مع ركابنا
عمك تنقو عمل حركات
يعوضو زمنو الضايع وفات
زاد السرعـة وأكل المطبات
عمك تنقو القال سواق:
في ( النافيقتر) محـدد الواق واق

[Keeptown]

بدت الجلسة للممتحنين
كل الناس بدو صانين
عمل تنقو صاري الوش
ما داير اي حالة غش
***
ولا نفس ولا نغمة كش
ولا لفيت لا طوف لا شف
***
للطلاب بدأ يفتش
وكل في القاعة بدأ يرجف
***
كان الإمتحان اظنو صعب
عرق الناس بدأ يتصبب
***
ضبط واحد بحالة قش
زمط الورقة جوة الكرش
***
خاف من تنقو واسلوب الهرش
كيف عمك وكان مدهش

[Keeptown]

عمك لاعب كوره...
شات الكوره شوته شديده...
الكوره اصطدمت بالعراضه...
ولي عمك تنقو نبلت راجعه...
ادت عمك خبطه في راسو...
وقع أتشنقل فقداحساسو...

[Keeptown]

عمك تنقو بقي شكال...
مع العازة كاشف الحال...
العازة قالت تنقو مخرف...
نصبر عشان الناس ما تعرف...
عمك بقي جاهز للشكلة...
صوتو علا في كل الحلة...
العازة شكت لجارتها السرة...
مع تنقو حليل السترة ...
عمك تنقو جكس خطير...
قرر يعرس بت الوزير...
لبس الجلابية و لف العمة...
وقال من العازة اخير نتلمى...
جري استعجل و ركب الركشة...
و قال للعازة ماشي اتعشي...
عمك عندهم لقي حفاوة...
و قدمو ليهو شاي بالبقلاوة...
عمك انبسط و قال حرررم...
من تعب العازة اخير نتجم...
عمك صحي فرحان من نومو...
لقي العازة رامية هدومو...

[Keeptown]

عمك تنقو اشتري عربيه...
اخر موديل ماركه قويه...
قال للعازه وكل الناس ...
انا الكداري ودعتو خلاص...
بنزيني معبأ ومال النتك...
قروشي كتيره فوق البنك...
ولع بخره وجاب لو بخور ...
نحر الناقه وضبح التور...
عمك عامل سواق ماهر...
يمثل اكشن كلو مخاطر...
قام بعربيتو باخر سرعه...
وقعت العازه من الخلعه...
عمك يلفلف بمزاج رايق ...
وقال في نفسو انا احسن سايق...
بس لكن في اخر الشارع ...
عمك فرمل ودقش الشافع...
اتلمو الناس وجات الشرطه...
وعمك دخل في اكبر ورطه...
عمك خلاص ح يروح في حديده...
لو ما اعدام يمكن تابيده...
تنقو نام في التخشيبه ...
هدومو مشرطه وحالتو عجيبه...
فجاءه العم قام من نومو ...
عاين ليدو وشاف لهدومو...
جاتو العازه تقدل ساي ...
وبره الناس ضربو الروراي...
قالت لعمك جاتك هديه ...
عربيه ملك ماركه قويه...
عمك قال ما ينفعش ...
الكداري دا اجمل شئ...