كلمات الأغاني السودانية

[الهايم]

[waya]

عيونى وعيونك
الشاعر / احمد ابراهيم فلاح____

عــــيوني وعـــــيونك أســباب لـــــوعتي
أسباب تشوقي نظرتك وأســباب نفورك نظـرتي
هواي يعــجز فكرتك وجمالك يعجز فكـرتي
في الصد تزيد في جبرتك…في الحب أزيد في خـبرتي
دائما اردد ذكرتك …………هل مره فــــهت بذكرتى
***
أنت الذي اتعبتنى………. وأنت الذي بك راحتي
لو آن هلاكي….ولى دنيت أحــيا وتحل بى فرحتي
كم استغثت وكــم شكيت من سقمي وإتلاف صحتي
كم رددت آهــاتي كم دوى في الأفق صدى صيحتي
***
سندس وعسجد حلتك……. ولما أنا الهوى حلتي
ماذا جنيت يا معبدي……..ماذا جــنيت يا قبلتي؟
ما ضر يا محبوبى…… لو تنظــر لحالتي بالــتي
هي أحـسن النظرات…….ثم تريني فــــيك اهلتى
***
هلا تركت تصددك……….هلا حــببت مــودتي
هلا رضــيت تمازج …….الــحب بيننا لافادتى؟
رفقا بمن يهواك …..يا من أنت صفـوة سادتي
رحماك بى ضــاق الفضا رحمـاك طالت وحدتي
***
جــيوش اشتياقي هزمــتني……… زادت انّتى
لو كـــنت قربى لأسرها…. اجعل لحـاظك سنّتي
ياروحى ياراحى…. ويا نورى يا ناري يا جنّتي
بهوي الهلاك في هواك.. ليتخذ العــوازل سنّتي

[waya]

صلاح بن الباديه
____

أنا والعيون ضمانا كون
أحلى الكلام لغة العيون
***
أقــواس قٌــزح تمـــطر فرح
تسكر شعور تطفي الشجون
هــمسات دلال فــيها ابتهاج
تهدي الخــيال أروع فــنون
مهـــما الــخيال يبدع جـمال
يرسم ظلال حــول الــجفون
أنا ارجع أقول يا أحلى زول
أحلى الكــلام لــغة الــعيون
***
من غير خجل قول الحصل
كيفين جــرير ناجى المـقل
قال الـــحور حــاضـن قمر
وكلام لذيذ ممــزوج غزل
فيه الخدود فــوق للحدود
فــيه الحــنان يبرق أمـــل
ومهما الخيال يبدع جمال
يرسم صــور من كل لون
أنا ارجع أقول يا أعز زول
ألطف كــلام لـغة العــيون
***
سرحن بعيد عزفــن نشيد
خلن عقول ترقــص تدور
خفقات كمان يرشق حنان
رنة رباب بــين الـــزهـور
ونفحات حروف ياسمين تطوف
ورحلة عبير في ليل عطور
ومهما الخيال يبدع جــمال
يرسم صــور من كل لـون
انا ارجع اقول يا أحن زول
ألطف كــلام لــغة الــعيون

[waya]

كلمات الشاعر- ابراهيم ابنعوف
غناء المرحوم النعام ادم
______

عينيك دنيتن تشقينى .. وفيهــــا ألقى السعــــادة ارتاح
مرة تجود على تشفينى .. ومـــرة تزيـد قليبــــى جراح
فيها تمر تعدى سنينى .. بـــــى آهـــــاتـا والأفـــــــراح
ويومن فيهو تنعـم عينى .. ويومن كلو أقضـــــى نواح
حالفة على دار تفنينى .. وبرضى أبسم وأقولها صــاح
ما دام العلي راضينى .. كيف فى أحكاما أدورلى سماح
يعدى شتاها صيفا يجينى .. بى حــــــراً شــــــديد لفّاح
ويبقى شرابى دمعة عينى .. أطمّــــــن فى القليب النّاح
أقول داك السـحاب غاشــينى شــوف يداك بريقو اللاح
أقول يبقى الخريف طارينى .. يتفرق عصــــــار ورياح
وبى دة أنا كلو ما هامينى .. لا ..لا ولا شبـــابى الـراح
أدواى جراحى كاتمو أنينى .. عارفـو عذابى ليها مـباح
تبسم لى كتيــــــر تغرينى .. وأحــكى البلبــل الصـــداح
وترجع بالسهــــر تورينى .. ليلـــن ما لقيتلـــو صـباح
لا لا وحاتا وحيات دينى .. لو فى موتى ليهــــــا صلاح
ماب أقبل كمان يفنينى .. بالموت غير ســــلاحا سـلاح
أبقى إن مت سديت دينى .. وأبقى من العــــذاب مرتاح
وبعدين ذكرتك تكفينى .. وشعــــــــرى اليبقى لى مناح

[الهايم]

أحكي وأشكي لمين .
أشكي وأبكي لمين
انا قلبي ديمة حنين
يا الناعسة عينيكي
يا النايرة خديكي
دمي العزيز ليكي
بحياتي أفديكي
فارقني بي ليلو
خلّاني أشكي البين
حبيبي يا حليلو
انا ليّ منّو سنين
في قلبي ليل وصباح
أنا ما هويت إلاّه
كلما القليب إنساه
هاجت علي ذكراه
يا نار كفاكي لهيب
دا جمرو حرّقني
طال الفراق يا حبيب
وانا برضي مستنّي
يا عاشقين الغيد
الحب دا جرّبتو
كيفن بتنسوهو
أو مرّة فارقت.

[waya]

زول بريدك زي مافي
كمال ترباس

لو تخاصم أو تجافي تبقي لطبعك منافي
يا زمن ريدي الخرافي و زول بريدك زيي مافي

شيلت ريدك في الحناية وشفت فيك أحلام صباية
أنت يا ريدي ويا مناية وحبي ليكـ والله صافي

زول بريدك زي مافي وزول بريدك زي مافي

أنت لو عارف الحقيقة دنيا غيرك ما بطيقة
أصلي سارح في جمالك وبهوي في عينيك بريقة

الله يحفظ ليك جمالك ديمة رافل في دلالك
يا البديع معدوم مثالك وبيكـ تزداد القوافي
لو تخاصم أو تجافي تبقي لطبعك منافي

يا زمن ريدي الخرافي و زول بريدك زيي مافي

[waya]

أنا في هواك ضحيت
كلمات الشـاعر / محمد بشير عتيق
غناء الرائع / حمد الريح


أنا في هواك ضحيت يا حبيبي لو تعلم
وعزولنا نام مرتاااح وانا قلبي بينزف دم
***
بكره الرحيل يا ملاك وتااني ما بنتلم
حافظ على الذكرى الدنيا ماا بترحم
صابر على الايام وانا عمري ماا بندم
لو ضاع شبابي فداك تعيش ولي تسلم
***
كل ما يعاود الليل افكاري تتقسم
تسيل دموع الشوق اطراك اتبسم
اشكي لمييين في الناس في الدنيا مين يرحم
بعدك فقدت هنائي يا ناسي والبلسم
***
دائما امني الروح يمكن انوم واحلم
اتهنى بشوفتك انسى الدموع والهم
اتملى بحسنك ما حسنك فريد وعدم
البدر لو شافك وحياتك يتبسم

[الماسة الخماسية]

*·~-.¸¸,.-~*فى رمشة عين *·~-.¸¸,.-~*

هناي وسعدك

أحلام وليالي

راحت من بعدك

وطواها خيالي

بتعذب دايماً

وأيامي وخوالي

في رمشة عين

بعدوك يا حنين

باقات وأزاهر

تحكي لي عنك

وشعاع من نور

من روحك منك

مشتاق وبقول

يمكن أضنك

في رمشة عين

بتعود يا حنين


جنة أحلامنا

أهديته ورودي

وسقيت عواطفي

ورعيته بإيدي

والذكرى الغاليه

حبي وعهودي

في رمشة عين

ضاعت يا حنين


ضيعت شبابي

بحلم بي قربك

ونورت شموعي

كم مرة لي حبك

يا ريت يتهنا

قلبي وقلبي

في رمشة عين

يا ريت يا حنين

[ريانه إمام]

هل لي بــ حروف إسمك ..؟
حتي أتعافي من هذا النحيب ..؟

[waya]

عندك ضحكة .. يا ساتر
كلمات / د. شادول

عِنْدَك ضحكة .. يا ساتر
مَحَتْ وَجَعْ السنين الفات
كَسَتْ توب الفرح غُنيات
بصابح بيها يوم باكر

عِشِمْتَ
وما أظِنَّكْ يوم
بِتَكْسِر للعشم خاطر
أضوق
طعم الحياة و ألقاك
سَمَاك سايْق الفرح ماطر

زمن مسْتَنِّي طلاتك..
تعال في الحلوة لَيْ شاطِر
رنين الضحكة
و الكلمات
بشايِرْ جايلة في الخاطر

أباري
صدى الرنين بِشْوِيش
عساهُ يَوَدِّي لي آخر
و ينقطع
الأتر مِنِّي
و شريط الذكرى بيك ذاخر

أفَتِّشْ
و الأمَلْ قنديل..
غَمِيْد العين مُنَى الساهِر
عوايْدَكْ و ديمة ليك تَبْرِير
و في نَسْج العُذُر ماهِر

[ريانه إمام]

عيونك كانو في عيوني\عبد المنعم حسيب


عيونك كانوا في عيوني
يصدوني
وينادوني
أخاف لو قلت حبوني
واقول إمكن يحبوني
ويعزوني
ويصافوني
عيونك كانوا في عيوني
*****
أصبِّر بي هواك البال
وأزرع قلبي بالآمال
عشقتك وكنت عندي خيال
مجرد حبي ليكا محال
أداريهو
وأخليهو
واخاف من قلبي يحكيهو
عيونك كانوا في عيوني
*****
ظروفنا تحرِّم اللقيا
تعادي الحب ولو طاهر
يعيش في خوف من الدنيا
ويكون مكتوم وما ظاهر
فكيف إحساس تحسو الناس
نضيق بيهو
ونعاديهو
وكل الكون يشك فيهو
عيونك كانوا في عيوني
*****
يا حبيبي
لأنك إنت عفيف
رقيق بتخاف من الأشواك
تعال نتحدى حد الخوف
تبوح بهواي واقول أهواك
ونكون ظاهرين وما خايفين
نعيش ليهو
ونذوب فيهو
ونجاهر للأنام بيهو
عيونك كانوا في عيوني
*****
نحاول نبرز الإخلاص
وزادنا البهجة والنشوة
نفتِّح في قلوب الناس
مشاتل من حنان حلوة
نقول ليهم
ونوريهم
معانيهو
وأمانيهو
ونفخر للجميع بيهو
عيونك كانوا في عيوني

[waya]

عينيا
كلمات والحان واداء / صالح الضي

انت باكر مسافر
ياتو البحن علي
ياعينيا
عشان خاطري وحياتك تتأخر شوية
وماتعذب معاي الما برضوا ليا
وما تبلل ضلوعي كفاية دموع عينيا
يا عينيا
كل ماتبقي قاسي حبك يحلا ليا
بصدك وبعدك شايلك في عينيا
يا المالك عواطفي وماسائل عليا
يا عينيا
في حبك مخير عارفو كتير عليا
يكفيني احبك وبس مهلك شويه
ومهما طال غيابك نار الفرقة حية
يا عينيا
يوم سافر قطارك جاني الخبر عشية
عزوني العوازل ومانامت عينيا
ايه ذنبي الجنيتو هل في الحب جنيه
ياعينيا

[waya]

الميعاد
كلمات والحان وغناء / صالح الضي


اوعك تطول البعاد
وانت عارف شوقي كم
اوعك تخلف الميعاد
وتسيب لي الالم
بستناك وقلبي خافق
في لحظات العشم
***
مال قلبي يا حبيبي
لقلبك يهمس عتاب
ويوصيك اوع تنسى
وكل يوم رسل جواب
وانا كل لحظة تمر علي
بقول حبيبي الليلة غاب
***
حبك نار بين ضلوعي
نار الشوق والحنان
انا ياريت لوعرفتك
وحبيتك من زمان
كان غنيت لليالي
وكان صفاني الزمان

[محمد سليمان]

اخونا وايه والله مشتاقين امورك واخبارك وين ما ظاهر
بوست رائع

[waya]

ود عمنا سليمان
الحمد لله بخير وفي نعمة " بره البلد "
وحشتنا طلاتك يا ملك ,,

[waya]

زينة وعاجباني
غناء / الكابلي

تعجب كل شاعر يلعب بالمشاعر
عليها يهنيني و يقول زينة و عاجباني
أنا بي ريدا ناذر إني أكون مغامر
بكل غالي عندي أضحي ولا أحاذر
بقلبي و الأحاسيس بأدق المشاعر
بالأيام وعمري وكل عزيز و نادر
لأنها لو عرفتو عفافا عليّ قادر
لما يزيد حنيني أقول زينة وعاجباني
كم قلبي المعنّا بأشوقي غنّى
ليك يا عاجباني
كم في السر تمنى يشوف في إديك حنى
حريرة يا عاجباني
كان في دهرو فنا يضوق لحياتو معنى
معاكي يامالكاني
هو الفاقد المحنة و دايما ليك أحنّ
منو لأحزاني
ما قادر أجاهر ريدا عليّ ظاهر
لما يزيد حنيني أقول زينة و عاجباني

[الماسة الخماسية]

~*¤ô§ô¤*~شوق ونغم~*¤ô§ô¤*~

بــنور و زهور واستلم المجـال

صوت مساب بالنور وشبه ناس قـلال

و خفة روح عصفور واشراقات خيال

خلة قلوبنا طيور حال ارواحنا حــــال

ومشينا بعيــد شايلين العيد

في قلــــوبنا وفي دروبــــنا وراءالبسمه الرنانه

يا شـوق يا نــغم ياقلوب فرحانه

يـــا زوق يا فـهم يا عيـــون سرحانه

كلميني يا مــــرايا شايفك طـربـانا

حكو ليك حكايــــه والا كـنت معايا

والا انت بتقـري يا ساحرة فنوني

والا شيلتي الصوره الشايلاها عيوني

والا يبقي اكـــيد عـاداكي غنايــا

يا شـــــــوق يا نـغم ياقلوب فرحانه

يـــا زوق يا فـهـــــــم يا عيـــون سرحانه

[الماسة الخماسية]

~*¤ô§ô¤*~ الشمعة ~*¤ô§ô¤*~


كم دمعة سالت فوق خدود الشمعة

ضوت للعيون القلوب الفي السهر مجتمعة

تسكب من حياتنا النور

وترقص للامل وتدور

وما عارفة الامل مسحور

وما قايلة المسافة دهور

وتكمل الف شمعة وشمعة

تسكب روحا مليون دمعة



ترقص شمعتي الضواية

ترقص وفي رقيصا حكاية

ومن فصلين لاحلى رواية

فيها من النهاية بداية



مشوار وانكتب لخيالا

يرقص ويحكي حالو حالا

دموعو وسر حقيقتو الشالا

عارف في رقيصا زوالا

[الماسة الخماسية]

*·~-.¸¸,.-~*بعادك طال*·~-.¸¸,.-~*

يا أغلى من عينيّ وأحلى من إبتسامي

و أحن من المحنة الفي رقّة سلامي

بعادك طال

مكتوب في جبيني غرامك وإنت عارفو

باين في كلامي في عينيّ شايفو

قلبي دعاهو حبك كيف يقدر يخالفو

لكن بعادك طال

يا أصدق مودة عاشت في الضمير

تقاسمني المسرة تملأ فؤادي نور

و أنسى معاك صعابي يهون أمري العسير

و أقول ليك يا حبيبي غيرك ما في تاني

ليك تذرت عمري و ليك رقيق حناني

ومن جنة هوانا نهدي الناس أغاني

[الماسة الخماسية]

~*¤ô§ô¤*~دقّتْ الدَلّوُكَهْ~*¤ô§ô¤*~

قُلنا الدنيا ما زالت بخير

أهو ناس تعرِّس وتنْبَسِط

تكْكَّتَ سروالي الطويل

سويتْلُو رقعات فى الوسط

فى خشْمِ عضّيت القميص

أجرى وازيّد شوق وانُط

لا مَن وصلتَ الحفلَهْ زاحمتَ الخلق


وركزْتَ

شان البِتْ سُعاد

أصلى عارف جِنَّها فى زول بيرْكِز وينْسَتِر

لكنِّى عارِف إنَّها

لو كلو زول فى الحلة بالسُتْرَهْ إنجَلَد

يانى الآزاها وجِنَّها

برْضِى عارِف أظنَّهَا

دِيمهْ فى صَرَّ ة وشيهَا

يلفحْنى شوق نافِر لَبَد

وركزْتَ للحُرقَهْ المَشَت فوق الضلوع

تِحت الجِلد

ضمّيت قزازتى مرقتَ عِن طَرَف البلد

وسِكرْت جَدْ

وأنا جايىّ راجعِ مُنْتَهى لاقتْنى هِى

قالت "تعال"

كِبْرَتْ كُراعى من الفرح

نُص فى الأرِض نُص فى النِّعال

اتْلخْبَط الشوق بالزَّعل

اتْحَاوروا الخوف والكلام

"ه-يْى يا سُعاد

على ودْ سكينَهْ وكِلْتِي في خشمو الرماد

علي ود سكينَه ومَات أسى

وأنا بِت بلاك ملْعُون أبوى لو كنتَ أرْضَى أعرِّسهْا

وأنا يا سُعاد

وكتين تصُبى سحابَهْ تَنْزِلي زي دُعاش

بفْرِش على روحى واجيكْ

زولاً هِلِك تعبان وطاش

وأنا يا سعاد وكتين أشوفِك ببقى زول

فَرَشولوا فَرْش الموت وعاش

قالت سُعاد

بطِّل كلام الجِرْسَهْ انجض يا ولد



مزّقْت روحى نِتَف

مرّقْتَ من جيب القميص

عرقى وأسق

طبّيت قزازتى وصلتَ لى طَرَف البلد

وسكْرتَ جَد

اذّنت فى الشوك والسَلَم

وسرحْتَ بالناس والغَنَم

وركعتَ للعرقى البِكِر

وقدتَ فى الألم الحِكِر

وحلمتَ زى شالنى ومشَى

فوف زحمة نْبيْ الله الخِضِر

صحَّانى صوت العُمدهْ قال

مسئول كبير زاير البلد

قال لينا

وكَتْ الزول يجِى ، لازِم تقيفوا صفوف صفوف

وتهيّجُوا الخَلا بالكفوف

وتقولوا عاش .. يحيا البطل

صلّحْتَ طاقيتي الحرير

واتنَحْنَح الحشا بالكلام

ورميتُو من حلقى الوصَل

قُتْ ليهو يا عُمدهْ اختشى

مسئول كبير في الدنيا غير الله اِنْعَدَم

ما شُفْنا زول رضّع صغار

ما شفنا زول نجّح بَهَم

ما شفنا زول لمْلَم رِمَم

لا صِحِينَا عاجِبنا الصباح

لا نُمْنَا غطّانا العَشَم

والحِلَهْ من كلَّ الجِهات محروسَهْ

بالخوف والوهم

ومضينا من زمناً قديم-يا عُمدهْ-مرْسوم انتحار


الموت مُباح

والحب نِطاح

والصِدقِ من جِنس الزِّنا

العافيهْ مولودَة سِفاح

والرغبَهْ مكسورةَ جناح

الحلم والوعد النبيل

الطِفلهْ والأم ، النخيل

الرّنَهْ فى الوتر الاصيل

تلقاهَا فى قاموس نكاح

يا يُمَّه واح..يا حِلَّهْ واح

***

يا سعاد تعالى ولمِّى من كل البيوت

عِدَّة السَفَر الطويل

زَخْرِفى الفجر النهار

شخْبِطى الضُحى والأًيل

المَغْرِب

الفجر

النجوم.

فى صُرَّهْ وارمِيها البحر

خلِّينَا فوق الشك نَعُوم

والعُمدَهْ فاض

العُمدَهْ صار مليون عُمَد

العُمده فيل

جبلاً تقيل

لبْوَهْ وأسد

حَسَنَهْ وغَصِب

جُمْعَهْ وأحَد

بقّيتْ قزازتى

مرقْتَ عِن طرف البلد

وسكْرتَ جَد

وأنا جايى راجِع أجهجهو

لاقانى هو

سايق العساكر والكلاب

رامى بين عيني وعينو

كلب وتَكْشيرهْ وحُراب

ضاقت نِعالى من الزّعل

من تحتهَا اتْمَلمل تُراب

الغيم سكب ضُلو ومشَى

والدنيا غيما سراب سراب

والحِلهْ زى بلداً بعيد

زوَّد بُعاد وقُرُب سُعاد

اتجمَعَت كلَّ البيوت فى راحتَا

زى بِت لِعاب

مجنونَهْ تصرخ فى الزوال

ممزوجَهْ فى الدم واللُعاب

عينيَّ ضاقت نظْرَتهْا

والجوف يطقْطِق بالكلام

قُبَّال يقولوا لي سلام

اتلمُوا حولى بلا نِظام

شال وعِمَّهْ

توب وغُمَّهْ

فاس وطوريَّه وحزام

شالونى بى كُل إحترام

ورمونى فى قَعَر السجن

حصلّنى قبل اليوم يِتم

جارنا المدرِّس ودْ خدوم

قال ليَّ

لا زول قام هتَف

لا كف مشَت بتلاقِى كَف

والعُمدَهْ زى هَمْبول وقف

يا صمت أُف

يا دنيا تُف

وأنا يا سُعاد للشوق نغَم

للهَم عَلَف