...انا متأكد ! بتكوني متجرسه من هذا اللقاء المفتوح
جنس جرسة
ولكن ! بجمال حروفك ....وتألق المرور بالاسئلة هنا بدد ذاك الهلع
الله يخليك
جاء دور ى .. الان ..
الله يستر
داير الرد يكون مقطع شعري أو من أغنية لو أمكن
تامر امر
ماذا يعني لك الفرح ؟
إنت الفرح إنت الأمل وإنت الأماني المطلقه
وإنت الهدف في كون صِبح أهدافو ماها محققه
دونك ثواني الليل طوال ومعاك تمُر متلاحقه
وليلاَ يضمنا مابنحس بي وقتو لما نشرَّقه
نشرب سلاف الريد كئوس بيناتنا دايره مطبقه
نسكر نغبي من الهيام خَمرة غرامنا مُعتقة
الحزن ...؟
واحشني شاهيك باللبن
برادك اللونو السواد
وأنا سود أيامي الزمن
قنانتك العطر البفتق من يباس عمري الحزن
وأنا يمه مليت العذاب
كوسيلي في عينيك سكن
واحشني شاهيك باللبن
وأنا هسي بتقريف دموع
ما فضلت دمعة عيون
مربوط لسان حال الكلام
غيرك ولا قادر أكون
عينيك مرفا الإنتظار
راحة المسافر في الظنون
زمنا مكلفت بالوجع
مفتوح علي شارع الجنون
واحشني شاهيك باللبن
وأنا دايره أقول ليك جملتين
حطب العواسه حذاري منو
عماكي ما خلا لي عين
قدد مسام روح تعب
ملا دفتري المن لاكي دين
منعول أبو الما بفقدك ويعرف زمانو بلاكي شين
واحشني شاهيك باللبن
وأنا دايره أقول لك يا الحنينه
زي التكنو هواك معاي
يا يمه هداني التعب
فتق حبال صبري وقواي
يا يمه زي ما قلت ليكي
لقيت قمر ليلي و سماي
نوري ووهج ضلمة حروفي
مصب كلامي و منتهاي
زي التقول ما كان في شي
فكاني في أول طريق
والريد عذاب ما بتمشي
سال الدمع يا يمه رقراق قشقشي
وبعد المتاهات الودار
خليني جنبك أنتشي
وأنا يمه ما خليتلو شي
والله سكنتو الوريد
والله ما طل الصباح
قبال يضخ لي جسمي ريد
والله كل ما يكون حداي
أنا قاعد أحس الدنيا عيد
حزن المسام الشابي في جوف الحكاوي بكون سعيد
أديني شاهيك باللبن
هسع أقبل أمشي وين
أرجع أقول للناس شنو
وهي الناس كلاما مسيخ وشين
وينو الكتبتو علي دماي
سميتو ضو ليلي الحزين
ولا اللهيب الفي حشاي
اتناسا ويبرد لامتين
ناوليني شاييك باللبن
أهل الحارة ناس الريف ؟
ولا تهتم يا يابا
ولا يهمك كتير يابا
بناكلا كسره بي مويه
وبنحمد ربنا الجابا
وهي زاتا كتيره اصلا جات
قبيلك ما حلمنا با
مدام العيش في ما بِنْجُوع
ودي المقسومه نرضابا
وسُعًاد والله في جنبك
جُرُعْة المويه نهنابا
دحين لا تزعل آيابا
بتتذكّر زمان يابا
بنتقلْقل من البندر
عشان في الحله نَقْضي العيد
ونفرح يا با حد الفرحه
ما تلحق دروبا تصيد
ونتوكل علي الحله
ونسافر في طريقا بعيد
وناصَلْ مهرجان اعياد
أحس الفرحه صوتا يزيد
ونلقى الحله راجيه نجي
سرامْس الشاي
قعاد الضل
فرح حبوبه بالجيه
وبِدْخُلو ناس وبِمْرُقو ناس
كتار بالحيل و ماشويه
وترَضّي منو وتخلي منو
هو دا يقول ليك تعال لا جاي
ودا يقول ليك تعال لا جاي
هدا الويكاب
ودي امْ تَكَشُو
وهدي الكِسره
وهدي الشيه
وهنا الحروم
ونَسْة البن
رمي الودعات
بنية الصرّه والويحيد
واجِبْدي عليكي دي الطيه
وتحتار انت تاكل كيف
قبيل جوك سبعه نفس الحال
وقدّامك كتار آيابا
مُرْضاتُن دروبا طوال
ويبقى الحال هو ياهو الحال
شِجَرة الضل
وريحة الفل
ويبقى الكل أهل طيبين
بِسُتْرو الحاله
كان بقّ الزمن نيران
وتقابة الفكي امْحُمد
ضيوف الخلوه والحيران
وصوتك يابا لامن تقرا
لما ترتل القرآن
وكضاب البقول بحبس دموعو حداك
ملان شيطان
صباح العيد يجو الشفّع
ونحن الدهشه ما خالانا نفهم حاجه حتى الآن
بسوقونا الصلاه ونمرق
نبارك العيد علي الجيران
تصحح انت معلوماتنا
ديلا أهلنا ما جيران
هناك حبوبه أسكت ساي
دي فرحانابنا يايابا ومسويه فوقنا كم دوباي
بجيبو عليها عيديه
وتشيل وتلم
وبستغرب
دا كلو دحين بياكلو منو
أتاري بلمو في صندوق
بجو الحِبّان يخشو الدار
وكل زول خشّ لازم يضوق
وامي الولَّعت صاجا
ومع المعراكه والطايوق
وأولاد عمي من يوم داكا
شالو قروش وفاتو السوق
دا كلو تمام
ولكن ما هو الصندوق
وجاطت فيني حبوبه
ها دي السحّاره
واتعجّبْ كتير يا يابا
فجأه سمعت صوت طمباره
فرحة عيد مبادي بشاره
بالعرس القريب بالحيل
وكل الناس تقوم تتجاري
أو تتبارى
ترقص في غنا الطبماره
يا حبوبه
مالك لابسه ليك سلسل طويل وجِلِدْ
دي يا المبروكه مُفْحَضْتِي
وهناك الجو ولا هو سخانه لا هو برد
تقول حبوبه جدك يا السميحه وِلِدْ
وِلِدْ راجلا بخود الحارّه ساعة الحارّه نارا تلد
أبوك يا بنيّه
واسكت ساي
واهبّش مفحضة حبّوبه
كان ألقالي فيها قروش
أشيل ميتين
واجِر بره
والاقي البيت غزوهو جيوش
يفضُّو الحوش
ويملو الحوش
كأنو تقولو لمو الدنيا
ناس نبته وحضارة كوش
سعف حبوبه كان منكوش
قطن حبوبه كان منفوش
وأقول أفزع مع البنوت
وتحلف أمي بي أيمانا
بتها ما ها زي غيرا
أحنّس أبويا دايره أرد
أرد بالسرقه من أمي
وأسك عربية السيره
وتشيل حبوبه جركانتي السغْيره
تديرا فوق زيرا
وتقول أنا اكتشفت الذره
يبقى وُرودي هو السيره
وأبويا يقول حصاد العيش
ونقعد لي حصاد العيش
ونركب كارّو للحواشه
لازم نمشي من مافيش
ونمشي نشوف حصاد العيش
وكان يوم امتحن في زرعو
واثقه تمام بكون الطيش
وناكل لقمه بي ملحايه
طاااااااااااااااااعمه
وما بِتَطْعَمْ ليييييييش ؟
إذا كانت سواة حبوبه
وكتين ولّعت حطباته
عاستا بره في الراكوبه
كوجنت العجين في الصاج
وقَضّت بي سراع الحوبه
وَدّتا عاشه بت الخير
ولِي منبوذه لِي معيوبه
نفس الحاله ها يابا
باكر يجي الدرت يا بوي
وتملا هدومنا بُتّابه
ومقسم بي يمين الدنيا
كان غرتنا كضابه
قّدُرْ ما ادّتنا أدتنا
ولا في يوم سرحنا با
وباكر يجي الدرت يا بوي
ولا هامّينا عسر الحال
ومهما طال ضلام الليل
صباحو بجيهو مهما طال
ولا خاب العشم يا يابا
لا خيّب إلهنا سؤال
ولا فارق هواك الروح
ولا كسر احتمالي محال
وحاجه ام سلمه لا كلت
ولا صاب اصطبارا زوال
ولا ملّينا عسر الحاله
لسه عشمنا فاتح فال
ولا تهتم يا يابا
الغربة ؟؟
ريدك بدايات الفرح لُقياكِ حد عُمر الشقا
حُبك امل لاح في الأفق كان للتفاؤل بارقه
بالله كيفن زي هناى في لحظة اقسى وافارقا
كيفن اضوق طعم الحياة وهو بي هناك مأرقا
وصل الجواب شايل الفرح رايع حروفو منمقه
حلق بي في جو من هُيام رجعني لي يوم اللقا
بعد السلام أسرِع تعال الغربة سيبه وفارقا
خليتني وحدي بلا رفيق باكية وحزينة مقلقه
قالت لي ساو كيفن هناك والعيش بلاى كيفن بقه
والدنيا من غيرك جحيم لكن تراها مدردقه
سافرت خليت الدموع من عيني ديمة مدفقه
وخليتني لاموت لا حياة بينن صِبحت معلقه
ساعة الوداع شلتك حُضن وفضلت فيك متعلقه
ما خُفت من كل العيون الكان علي مبحلقه
ايديَّ كانت في ايديك ماكنت رضيانه امرقه
بي لهفة أطوّل في الوداع مذهولة ماني مُصدقه
وساعة خلاص حان الفراق ولمحت دمعة مرقرقه
فجأة إنفجر بركان بكاى رَجَّ البوادي وغرَّقه
بهواك عشق من نوع فريد هتك القوانين خرَّقه
لو قسَّموه علي الخلوق براحه اكيد بيحوقه
إنت الفرح إنت الأمل وإنت الأماني المطلقه
وإنت الهدف في كون صِبح أهدافو ماها محققه
دونك ثواني الليل طوال ومعاك تمُر متلاحقه
وليلاَ يضمنا مابنحس بي وقتو لما نشرَّقه
نشرب سلاف الريد كئوس بيناتنا دايره مطبقه
نسكر نغبي من الهيام خَمرة غرامنا مُعتقة
مليت رصيف الإنتظار في أفقو ديمة مُحدِقه
وراجاك تراني علي جمر بي نار فراقنا مُحرقه
ملعون ابو الغربة إن بقت تسبي السعادة وتسرقه
الامير الحب كرهتنا الاسئلة زاتو كل زول داخل جايب اسئلتك المبشتنة دي وناطي
ان شاء الله تجرب كان ما جربتا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شوشو ........... كيف حالك يا بت ابوي بس
تمام نحمدو ونشكر فضلو
عندي سوعالين بس
1- ما هو مفهومك للعولمة هل هي اختيارية ام واقع اجباري ؟؟؟
واقع مجبور تختارو
2- هل انتي عنصر محايد لحرية المرأة أم ضد ولماذا ؟؟
انا لا مع ده ولا مع ده
تسالني كيفين ؟ اقولك
مع الحريه ,, بناتنا ينفلتن ما بنقدر نمسكن تاني
اقولك
ضدها ,, بناتنا بتعولقن زي ناس فلانة
بس بميل للحريه بس بحدود
الغالية شوشو وبس كل سنة وانت طيبة ودى عيدية بسيطة من اختك احاسيس
بسم الله نبدا
1- بتقولى شنو للناس العايزين يتواصلو معاك لكن عندهم احساس انك متعالية؟؟وتفتكرى من وين جاهم الاحساس دا؟
2-ليه نحتفل بانقضاء عام من حياتنا هل هو التشاؤم أم عدم جرد حسابات العام المنصرم بمنطق الربح والخسارة في الأعمال ؟
0
3-ممكن تزكرى لينا بعض السلبيات في حياتك ؟
4- ما هي اكتر مرحله صعبه مرت بك؟
5- شنو الماعاجبك فى انا سودانى بصفة عامة ؟؟
6-عاوزين نعرف عنك اكتر ..اشرح فيما لايقل عن 6 اسطر ..شخصيه شوشو وبس...
7-ايه طموحاتك واحلامك؟ وهل انت انسان بتحب التغيير فى كل شئ ؟
8-: نصيحة للمشرفين فيما لا يذيد عن ثلاثة اسطر ؟؟\
9- نصيحة لكل أعضاء المنتدى فى ما لا يذيد عن ثلاثة اسطر ؟؟
كفاك كدى ولك منى اجمل التحايا والامنيات بالرد على اسئلتى واسئلة الحضور واتمنى مااكون تقلت عليك بس الجبنة معاك لذيييذة
ولو فى العمر بقية تانى بجيك راجعة
جااااااااااااااااااااااااااو الله والرسول
الغالية شوشو وبس كل سنة وانت طيبة ودى عيدية بسيطة من اختك احاسيس
بسم الله نبدا
وانتي طيبة يارب والقابله على امانيك
1- بتقولى شنو للناس العايزين يتواصلو معاك لكن عندهم احساس انك متعالية؟؟وتفتكرى من وين جاهم الاحساس دا؟
كل زول بشوف التاني بعين طبعو
2-ليه نحتفل بانقضاء عام من حياتنا هل هو التشاؤم أم عدم جرد حسابات العام المنصرم بمنطق الربح والخسارة في الأعمال ؟
الاحتفال ما بانقضاء العام الانتهى الاحتفال باستقبال عام جديد وصفحة جديده
3-ممكن تزكرى لينا بعض السلبيات في حياتك ؟
الغربة
4- ما هي اكتر مرحله صعبه مرت بك؟
الشيخوخة دي ربنا يتولانا بالعافيه بس
5- شنو الماعاجبك فى انا سودانى بصفة عامة ؟؟
كتار طلعو من المنتدى
6-عاوزين نعرف عنك اكتر ..اشرح فيما لايقل عن 6 اسطر ..شخصيه شوشو وبس...
ما عجبني السؤال ده
7-ايه طموحاتك واحلامك؟ وهل انت انسان بتحب التغيير فى كل شئ ؟
والله يا بتي بنحب التغير لكن مافي طريقة
8-: نصيحة للمشرفين فيما لا يزيد عن ثلاثة اسطر ؟؟
تمو كدي thumbup.gif
9- نصيحة لكل أعضاء المنتدى فى ما لا يزيد عن ثلاثة اسطر ؟؟
بتمنى من الاعضاء يتمو تواصلهم في المنتدى وخارج المنتدى
ومافي زول يشيل في قلبو من التاني العمر ما معروف
كفاك كدى ولك منى اجمل التحايا والامنيات بالرد على اسئلتى واسئلة الحضور واتمنى مااكون تقلت عليك بس الجبنة معاك لذيييذة
ولو فى العمر بقية تانى بجيك راجعة
جااااااااااااااااااااااااااو الله والرسول
اسي في زمتك جاو بتاعتك دي في
داعي تختيها مع لله والرسول غيتو
شتار في الدنيا دي
