مســـــــــــــــــــدار + مســــــــــــــدار

[امال الناس]

امولة يا بت كاااااابة الحنان دة كدة لى منووووووو

ليك انتي مش برضو بتستاهلي

[waya]

من ســيرة الــعيون ماكان أخير تختانى
ليش تفتح على بابا كم منّو كنته بعانى
كم لحظاً هرد قلبى ؤتوّر على مصرانى
ؤكم طرفا كحيل لى نوم عيونى حمانى

[لبيب]

من ســيرة الــعيون ماكان أخير تختانى
ليش تفتح على بابا كم منّو كنته بعانى
كم لحظاً هرد قلبى ؤتوّر على مصرانى
ؤكم طرفا كحيل لى نوم عيونى حمانى

نسم الهجعة جاب تذكارو قام اعياني
الجدي الكحيل بى شوقو هز كياني
طريت القالو لي في حرفو حالي معاني
هل لازال وفيّا ولّا سابني سلاني

[الطاهر التاي]

سلام يا أهل السدار.. سداركم والله كم هزاني
وكلام العيون السـود ......... ياما كتير آزاني
والفيني والله خـطير كتــير كــتير أشـجانـي
خلاني زي مجنون ..... براي أصيح وأعاني

[امال الناس]

أَحببتُ من أَجلهِ من كان يشبههُ
وكلُ شيءٍ من المعشوقِ معشوقُ
حتى حكَيتُ بجسمي ما بمقلتهِ
وكأن سقمي من جفني مسروقٌ

[العمرابى]

العســــــل المصـــفّي البيهـو تحلي حياتنا
مــــعدوم البــطول نيلـــنا ومنابع ابواتـنا
عازمكم معـاي خسّمــــتكم بي ابو فـاطنة
نثــري المنتــدي وننـــمي لي ملكـــاتـــنا

[امال الناس]

يُفنى الزمانَ ولا أَخونَ عهدكِ
أَبدا ولو قاسيتُ كُلَ الهوانِ
أَصبو إليكِ كُلما بَرقٌ سَرى
أَو ناحَ طيُر الأيكِ في الأغصانِ .

[لبيب]

سلام يا أهل السدار.. سداركم والله كم هزاني
وكلام العيون السـود ......... ياما كتير آزاني
والفيني والله خـطير كتــير كــتير أشـجانـي
خلاني زي مجنون ..... براي أصيح وأعاني

ود التاي حباب قولك متون ومعاني
ياالغالي العزيز القلت فيك اوزاني
لحظ الريل أسر كل البعيد والداني
حتى كلامنا فيهو احتار معاهو لساني !

[لبيب]

أَحببتُ من أَجلهِ من كان يشبههُ
وكلُ شيءٍ من المعشوقِ معشوقُ
حتى حكَيتُ بجسمي ما بمقلتهِ
وكأن سقمي من جفني مسروقٌ

[align=center]
والله إبداع[/align][/size]

[لبيب]

العســــــل المصـــفّي البيهـو تحلي حياتنا
مــــعدوم البــطول نيلـــنا ومنابع ابواتـنا
عازمكم معـاي خسّمــــتكم بي ابو فـاطنة
نثــري المنتــدي وننـــمي لي ملكـــاتـــنا

[align=center]
ياالعمرابي أبشر تب حروفك جاتنا
ياك الفارس المقدام عليك راياتنا
مرحبتين حبابك في المقيل وبياتنا
فوق المنتدى بنبدع نصل غاياتنا[/align][/size]

[امال الناس]

مهما بعدتم فلي من وصلُكم أَملُ
وحق الهوى أَحلى من الوسنِ
الروح لما رحلتم ما مني رحلتْ
ومتى رجعتم تعود الروح إِلى البدنِ

[العمرابى]

والله العظيم يا (رايقة) ريدك جاري
ما بين الضلوع فتحلو الف مجــاري
الخلاني فوق حسنك نظمت اشعاري
عينيك والقوام والوجنه فيها وداري

[وعد الاميره]

الــزول الجــرح خاطـري وحماني الغمده

نـــــارو اللــيلـــه لا بتـْـــــوج ولا مــنهمده

ياشـيخي التداوي الفاتو ليك بي الرمده

حــكــمــو في حــكم الانجــــليز والعمده

[امال الناس]

وصلَ الكِتابُ كتابك فأخذتهُ
ولَصقتهُ من الحرقةِ بِفؤادي
فكأنكمْ عندي نهاري كلهُ
وإذا رقدتُ يكونُ تحتَ وسادي .

[الطاهر التاي]

أخونا ( اللبيب )
كلامــك والله جمـيل ..بيـان .. وضوح .. ومعاني
وانـت قـايل ايه يا حـبيب .... الجـابني ليكم تـاني
القـول البديع القـريـتو هنا...... والله هـز كـياني
وخلاني اداوم على النم البديع بعد ما رحل جافاني

[لبيب]

أخونا ( اللبيب )
كلامــك والله جمـيل ..بيـان .. وضوح .. ومعاني
وانـت قـايل ايه يا حـبيب .... الجـابني ليكم تـاني
القـول البديع القـريـتو هنا...... والله هـز كـياني
وخلاني اداوم على النم البديع بعد ما رحل جافاني

ود التاي اخوي قولك يمين سراني
ياك سيد الكلام ونظمت فيك اوزاني
مرحب بيك حبابك في المسادير تاني
ياك اولنا نحن جميعنا نبقى التاني

[امال الناس]

أمـّاتـك أصـم مـن الـشّـجـيع في نـزالـــو


خـالاتـك صنـفهـن معدوم مافـي مثــــالو


أخواتك ملكات جـمال الوادي المخدِّر نــــالو


أنا بتمنى للمهــر الأصـيـل خـيّــــــا لـو

[لبيب]

[align=center]روحو جميلة ساي بالفطرة من غير كلفة
وكونو يكون رصين يا اخوانا ما بالصدففة
هادي رزين ودايما لى عهودو استوفى
محياهو الوسيم منو البدور مستلفة[/align][/size]

[waya]

حندكت الــزمـن بي بــسمتك اغريتو
شان ما كل يوم لي احزاني يفتح بيتو
كــوركت ومشيت جواك غناي دسيتو
هـــزيت الفروع صفق الاسف حتيتو

[لبيب]

حندكت الــزمـن بي بــسمتك اغريتو
شان ما كل يوم لي احزاني يفتح بيتو
كــوركت ومشيت جواك غناي دسيتو
هـــزيت الفروع صفق الاسف حتيتو

[align=center]باريت الفرح شان امشي أسكن بيتو
والهم العنيد فارقتو ماواليتو
مشتل شوقي بالحب والمحنّة رويتو
إتناسيت شقايا و قلبي ليك خليتو
[/align][/size]