مشتاقة لي ؟
واللهِ بالأكتر أنا
واللهِ من شوقي العَلَي
أنا ماني عارف مين أنا !!
أنا هسّه ميت ولاَّ حي !!!؟
الانتظار قاسي ومرير
الثانية تتمدد سنة
مشتاق ومشتاق بالكتير
في الاحتمالات والمنى
إتلاشى كالحلم القصير
إتعبَّا واتوجّع ، غُنا
لو بي إيدَيْ كان المصير
أخفيكي جوة الذات هنا
من غير ظنون وبلا
شروط نسكن بيوت العنكبوت احلامنا نديها البحر
تختفه الموجه وتفوت ضاري الهموم بي طرحتك
لاتفضحي السر الدفين
لو تجدي دمعات العيون كان بقت فتحا مبين
لي ناس بتستلف الصبر من بكره كان تحيابو دين
تستني لي زمنا يجي راجياه اجيال بالسنين.....
مقطع من قصيدة ( مطر الشوق) وديوان حبيبتي الوطن للشاعر الدكتور أحمد فرح شادول
الشوق مطر..
عاتي وخطر..
... غلبنا للفاقدنها..
يا شوق تعال..
يلاك نسال عنها..
واحشاني موت..
بي نار جنونها وفنها..
وبي ريدها..
مسكون للنخاع..
وعشمنا كتير في حنها..
يا شوق تعال .. يلاك نسأل عنها..
وليه البعاد..
وعدم الوصال..
لا إتصال
لا قوم تعال
لا حجة ليك عارفنها..
وكيف يستبيح غدر الزمان
فرقة وهوان
ويحرم عيون عاشقنها..
وكيفن يجوز يعد المكان
وعدم الأمان
وإحساسنا بالحاسنها..
وكيفن أروق
ومن الشروق
أنا كلي شوق
راميني كيفها وبنها..
وما بستحي
الزمن السخيف
يتفشي
في القلب الرهيف
ويبعدني عمدا" عنها..
يا شوق تعال
بعد المسافات للزوال
بعد الاحاسيس إنفصال
أنا روحي ليها ومنها..
قلبين
وضماهم مدار
روحين
وعاشوا الإنصهار
وريدهم شتول غارسنها...................
ناس بالفرحـــة مليانة
و ناس ملـــتها أحــزانا
ناس بالعبرة خنقـــانة
و ناس بالضحكة فجــرانة
ناس في الريدة خســـرانة
و ناس خسرت و ربحــانة
؟؟؟
ناس الآهـــا ساجـــناها
و ناس كايسالا دايرهـــا
ناس البسمــة ناسياهـــا
و ناس أثغـــارا مالــياها
ناس الــــدنيا خـــاذلاها
و ناس ضاحكالا رايداها
؟؟؟
ناس بالراحـــة مغمـــورة
و ناس في الآها محصورة
ناس مبسوطة مســـرورة
و ناس بالدمعة ممطــورة
ناس مكـــتولة منحــــورة
و ناس بالقسـوة مشهورة
ناس بالسهـــوة محسورة
و ناس ما ظاهرة في الصور شئ عجيب
ناس مرتاحـــة مبتسمـــة
و ناس في جراحة منقسمة
ناس شاكراك علي النسمة
و ناس ما راضية بالقسمة
ناس حايمين بدون حشمة
و ناس ساكت خيال رسمة
ربنا يستر بس
؟؟؟
لية يا دنيا بتفـــرزي
و بي خلــق اللـــه تستهزي
ناس كارهــاك وليك تخزي
و ناس كــاتلاها وما تعزي
تزوج رجل بامرأتين إحداهما اسمها حانة والثانية اسمها مانة وكانت حانة صغيرة في السن عمرها لا يتجاوز العشرين بخلاف مانة التي كان يزيد عمرها على الخمسين والشيب لعب برأسها فكان كلما دخل الى حجرة حانة تنظر الى لحيته وتنزع منها كل شعرة بيضاء وتقول يصعب علي عندما أرى الشعر الشائب يلعب بهذه اللحية الجميلة وأنت مازلت شابا
فيذهب الرجل الى حجرة مانة فتمسك لحيته هي الأخرى وتنزع منها الشعر الأسود وهي تقول له يكدرني أن أرى شعرا اسود بلحيتك وأنت رجل كبير السن جليل القدر ودام حال الرجل على هذا المنوال الى ان نظر في المرآة يوما فرأى بها نقصا عظيما فمسك لحيته بعنف وقال