اكيد الزمن تغير الحبوبات اليوم غير اقل حبوبة قارية أبتدائى والكثير متخرجات من الجامعات
وكمان لسا فى حبوبات زمان ربنا يديهن الصحة والعافية وزى ما قالوا مافى جديد من غير قديم
ونحنا زاتنا جدود والحمدلله بس جدود اليوم والحمدلله من ابواتنا فى موجودين الكثيرين ياريت
نحافظ على القديم النافع ونترك البالى منه كنت هنا مع الابناء
تحيتي
اكيد الزمن تغير الحبوبات اليوم غير اقل حبوبة قارية أبتدائى والكثير متخرجات من الجامعات
وكمان لسا فى حبوبات زمان ربنا يديهن الصحة والعافية وزى ما قالوا مافى جديد من غير قديم
ونحنا زاتنا جدود والحمدلله بس جدود اليوم والحمدلله من ابواتنا فى موجودين الكثيرين ياريت
نحافظ على القديم النافع ونترك البالى منه كنت هنا مع الابناء
تحيتي
مرحب يا ابو الملكات
فعلاً اختلف الزمن اختلف كل شيء معه حتي عاداتنا وتقاليدنا
وحبوباتنا زمان يحجونا ويونسونا حتي ننوم ولكن حبوبات اليوم
حبوبات العولمة والانترنت لصغر سنهم وتعليمهم وما بتقدر
تفريق بين الحبوبة والبت كل ذلك سببه جري الزمن الزمن ماشي
بسرعة والناس واقفة في محلها زمان عمر الاربعين خلاص انتهوا
ولكن اليوم عمر الاربعين بنات في رعيان شبابهم كان وردي يغني
لعمر التسعتاشر سنة اليوم بقت الاربعين سنة الزمن يجري وكله
محسوب من اعمارنا ربنا يحسن اعمالناويدينا حسن الخاتمة
سعدت بمرورك ومشاركتك يا ملك يا ابو الملكات
اجمل قصيدة نظمتها شقيقة الشهيد ود حبوبة قائد ثورة الحلاوين الرفاعة الاشراف في وجه العدو البريطاني وعندما طلع كالاسد في حبل المشنقة
الموسف كتير من الاجيال الصاعدة لا تعرف عنه شيئا ومرت ذكراه المئوية مرور الكرام وناس اقل من شانا اشتهروا ..
يا بشاعة التاريخ السوداني المزور .. حتى العبدلاب حكموا البلاد اكثر من 3 قرون ونالوا من التعتيم ما نالوا
بتريد اللطام اسد الكداد الزام
يا حبوبة قلتى كلام حقيقة
لكن خلاص ياها الطريقة
العالم أصبح قرية أو إمكن فريقة
وأنا خايف تكون هى الاخرة قرّب يوم حريقة
أدينا من خبرات زمان إمكن تكون نجدة غريقة
يا حبوبة قلتى كلام حقيقة
لكن خلاص ياها الطريقة
العالم أصبح قرية أو إمكن فريقة
وأنا خايف تكون هى الاخرة قرّب يوم حريقة
أدينا من خبرات زمان إمكن تكون نجدة غريقة
مبارك
دع الأيام تفعل ما تشاء
وطب نفساً إِذا حكم القضاء
ولا تجزع لحادثة الليالي
فما لحوادث الدنيا بقاءْ
وكن جلياً عن البلوى صبوراً
وسمتكَ السماحة والوفاءْ
الواعي ما بوصو
كلمات بت مسيمس
رواية الفنان / بادي محمد الطيب
الواعي ما بوصو
من أمس الضحى
تورى أب زنود ساقو
يا مقنع ولياتو
********
تور بقر الجواميس العليك الرك
يا عقد الحديد للحلبي ما بتنفك
تورك يا أم رشوم في الحلق عشرق
دقيت الجسر وحاجر مشارع الحق
*********
غنيت وجبت مسدار
المكنه بتكاكى وجنن مدافع النار
لفوك يا رحل الكحل دلوك ما بتندار
أمانة يا صقر ما تفرشت ليك برجال
********
غنيت وجبت نمك
بجر القول عليك يا مقنع الكاشفات
أسد الخلا الحجر اليويات
ساقوك لي الشنق
يا أبو أمنه حوبتك جات
*******
غنى وشكري يا خضرة الجٌم
طلع لي عشارى الليله مسكو يفوح
ما خطف البدينقه وما جفل مجروح
سيفو بياخد الخوده ومعاها الروح
********
أمك ولدتك ما ولدتم أتنين
تسلم لي يا تلبى البكيل العين
حالف يمين ما بكون بين البين
دقيت الجسر لي متعة الحيين
*********
غنيلو يا بنيه
من قومة الجهل ما قاملو بى نيه
وكت الشوف أشوف وقفولو سلطيه
تعدى وركز قال اخوكى يا رقيه
الواعي ما بوصوه
مناحة شاعرتها بت مسيمس
رواية ثانية لكلمات الأغنية
الواعي ما بوصوه من أمس الضحى
تورى أب قرون ساقوه يا مقنع ولياتو
الواعي ما بوصوه الفتح الدرب خلى العريب يمشوه
************
غنيت بجيب مسدار
المكنه بتكاكى جنك مدافع النار
يا قصر الرجال اللي الفقر عصار
يا قصر الفراسه اللي الضلع كسار
يا نار الزبل الما بندركلك حال
يا رحل الكحل لا بتنزاح ولا بتندار
عوج الطنضبه الما بتعدلو النار
درعولو أم خريز العسكر الزنهار
مأمن بالقماحه اتقدلت ليك برجال
***********
الليله عليك غنيت
بلع الألف كلو قال ولا استكفيت
يوم جوك للحرب لا سخيت ولا ضليت
صامت بالقماحه أتفرشت واتغطيت
دا تور الجواميس العليهو الرك
دا عقد الحديد لى الحلبى ما بنفك
دا سم الغدور الفى الحلق عشرق
منو غيرك دق فى الحراجه مدافع الحق
***********
الليله عليك غنيت يا مطرق الجراح
قلت ليهم عشارى مسكو يفوح
ما ختف البدينقا وما جفل مجروح
بلع الألف كلو درب الجبين مطروح
جابوك بى أم خريز الزدخانه تفوح
سيفك بشيل الفقر ومعاها ملاح المخ
***********
من كوجه وكجيج لي عند بلاد العين
جابونا الضحى في مركز الكامنين
الأهبل يقول أدوه عشره سنين
والعاقل يقول حكموا عليهو بسنتين
وكتا جانا الجنا الطبق الجنيه في أتنين
كملت العمد والمشايخه وحلانين
********
ابشر يا صقر ما تكتر الحلقان
تأكل ليك مطايبا ما لحم سخلان
تأكل في المطايب ما لحم عيران
تأكل في المطايب فوق ضهر سلطان
تتغدى وتفوت كبده وكلا ومصران
شن منك نقول لامات عقيد مرجان
********
تكلم يا لساني تكلم المنطوق
عن مدافع الحق الفى مشيها بروق
قال قاسم اليمين كان اليمين مطلوق
زى كاسر الأسود ما بشنقوه في السوق
اليلة عايزة احكي ليكم قصة يا ولاداتي حصلت بدري
كان في امراة متزوجة من تاجر وكانت غنية شديد ولم تنجب ابداً وخافت عدم الانجاب يتسبب في هدم سعادتها وتتسبب في فراقها مع زوجها التي كانت تحبه ويحبها فقررت تسافر هي وخادمها الي العلاج وفي طريقهم وجدت بنت في الخلاء ومعها اختها وكانت حامل بابن غير شرعي وجاءت هي واختها لكي يتخلصوا من الطفل .
تابعونا في الحلقة القادمة
فوقفت الزوجة وخادمها وسالو البنتين عن ما جاء بهم هنا فحكوا لهن القصة وساعدوها علي ولادة الجنين وطلبت الزوجة من البنت ان تعطيها الطفل فوافقت وحملت الزوجة والخادم الطفل وذهبوا به الي زوجها الذي كان يسافر علي طول ولا يدري بما يحصل في داره فقالت له ربنا منحنا طفل فافتكر ان زوجته حملت ووضعت له هذا الطفل الجميل ففرح وذبح الذبايح ووزعها علي اهل الحلة .
