مجرد سؤال

[الخال 580]

رحم الله الشعب السوداني
لي يا اخوانا اي زول سوداني تسألو تقول ليهو وين ما ظاهر يقوليك والله جري شديد
حتى العاطل يقول ليك والله ما قادر احك راسي من الجري
اموت واعرف السبب شنو؟؟؟؟؟

[عمار ود الشرفه]

السبب جاريين بس

والله حقيقه وانا زاتي بعد مرات بقولها تلقاني قااااااااعد وفاتح المكيف لي اخر درجه
يتصل علي صاحبي يقول لي وين ما ظاهر ,, اقول ليهو : جري شديد غاااااااااااغ

الزمان اتغير يا اخوي والناس بقت ما شغاله بي بعضها وبقو يتعاملوا مع الغريب اكتر من ود الاهل
غايتو نسال الله السلامه وسؤالك ده في محلو والله
شكلك كنت جاري

[الخال 580]

والله يا عمار لا جاري لا حاجة واي زول يسألني يقول لي وين انت ما ظاهر بقول ليهو والله قاعد قعاد لمن هويتكيف زاتو

[kaydoo]

يا خال دا عصر السرعة والانترنت

[عمار ود الشرفه]

يا خال دا عصر السرعة والانترنت

عشان كدا الناس دي جاريه

[kaydoo]

عشان كدا الناس دي جاريه

جارية جري والوحوش وغير رزقها ما تحوش

[دمي ولا دمعة امي]

...جيت جارية لقيت بوستكم ده


الايام دي غايتو جري شديد

[ود الخير]

المقصود من العباره دى الجرى وراء الرزق
والله اعلم
وكان جريت جرى الوحوش غير رزقك ما بتحوش

[الخال 580]

نتفق يا اخوانا نحن شعب بنحب الفارغة والبوبار مع احترامي الخالص لباقي الصفات الجميلة عندنا

[!unknOwn!]

حتى السؤال متحير من الاجابه الجاريه منو

[Keeptown]

الخال الجري زاتو خشم بيوت...

مرات بكون حركات عشان تتخارج من الزول المقصر معاو دا...

[الأميرالحب]

والله جارين جنس جري كدرلي ساي
والله الزمن دا لو قاعد في البيت يقولو ليك وين
تقول جاري
وانت اخر ترطيبه
الخال سعالك في نص الجرح

[ابولفته]

جارين جنس جرى والمشكله ما بنصل

[omar babikir]

واقع حياتنا البائس مخلينا جارين وما لاحقين
وحتى نحن قاعدين برضو جارين
المخ دا براهو جاري السنة كلها

[الخال 580]

مشكورين على المرور يا شباب ونورتونا كتير بس ما في اجابة مقنعة لحدي هسه؟؟؟؟؟