بصراحة الموضوع دا بيرفع لي ضغطي جدا جدا وانا ملاحظ انو في ظلم في عملية تنقيص النسبة
يعني الزول يبدا من بداية السنة الى نهايتا وهو شغال يقراء كل يوم وعايش في غربة وكلو يوم طالع نازل في النهاية يسحبوا تعبوا ويحطموا معنوياتو عشان شنو عشان شهادة عربية يشككو الزول في العلوم القراها والتعب فيها لكن انا بصراحة شايف انو الشهادة العربية اقوى من الشهادة السودانية بكتير والفرق واضح جدا
انا كنت متخيل العكس وانا في الاجازة الصيفية الفاتت قضيتا قراية في السودان عشان كنت داير امتحن الشهادة السودانية ولكن لقيت انو نحن في الشهادة العربية موادنا الدينية مقسمة الى عدة مواد لكن في السودان مادة وحدة بس في السودان انت بتختار تشيل شنو ( حاسوب ـ هندسية - أحياء ) وفي الشهادة العربية الحاجات دي بتقراها غصبا عنك وفي السودان الرياضيات اضعف من رياضيات الشهادة العربية وعندي استاذ سوداني بدرس في السودان اعترف لي بالكلام دا والفيزياء في السودان بتتكلم عن حاجات مفيدة لكن مامهمة جدا لكن الشهادة العربية الفيزياء بتاعتا فيها حاجت عملية ومهمة جدا جدا والكيماء دراسة قوية جدا ومفصلة بالنسبة للشهادة العربية عكس الشفتو في الشهادة السودانية والأحياء والله أحياء الشهادة العربية دي ماأظن في احسن منها لانو الأحياء في الشهادة السودانية ماقوية للدرجة دي وبتتكلم عن حاجات محدودة و الحاسوب استناداً الى انه اصبح لغة العصر بتاع السودان كله بتكلم عن برلوق ولسب ومفاتيح كهربة وعشرية ودوائر وصممات ودا مامهم جدا كلام نظري لكن الحاسوب في الشهادة العربية فيه اهم الحاجات المعاصرة زي الفيجوال بيسك والانترنت وتصميم المواقع وحاجات مهمة ومفيدة جدا وعمل تطبيقي بالكومبيوتر ...
وهلم جر .. يعني فوق دا كله في النهاية بكل برودة يجوا ينقصوا من معدل الطالب !! حركة بايخة جدا جدا
من زمان طلاب الشهادات العربية عندهم المشاكل دي الواحد يعمل شنو
طفيش عديل من قراية الجامعة هنا
والنقيص ده كان المفروض يخلوه
عادي كان زمان بيفط الزول سنة دراسية لو جيت تدخل اولى يقولوا المستوى بتاعك عالي تدخل سنة ثانية وهسي الكلام ده خلوه
والحلول موجودة لكن البحل منو والناس ساكته على شنو ما تعرف؟؟؟!!!!!!!
العائدون من الخارج أصبحت النظرة إليهم نظرة لأصحاب الملايين ..
المترفين ذوي العقارات والسيارات الذين لم يعانوا من مرض أو انقطاع كهرباء..........الخ
من النظريات المسموعة أو المقروءة في أعين أقرب الناس إليهم !
ويجيئ الطالب وقد أحرز معدلا فيتدخل الكبير والصغير!
وهنا تسمع إلى آراء عديدة لإختيار نمط الدراسة والجامعات الخاصة بهم !
بحجة ما دمت تملك المال فحل المشكلة بالدولار !
وسبحان الله كأنهم لا يعلمون صعوبة التحصل على المال في الخارج ..ام يدعون جهلهم بذلك !!
وتبدأ سلسلة مقارنات الطالب بأقرانه هنا في السودان ..
الذين أقل أو أفضل وكلهم (بقدرة الله واحد) !
لكنهم في السودان أصبحوا في تعب وسهر حتى أنجزوا وحققوا النجاح !!
وهو ( طالب الشهادة العربية ) كأن لم يفعل سوى كتابة اسمه على ورقة الامتحان ..
وربما لم يكتبها بل نجح من فراااااغ !
أيوه كتير عانيت من حكايه تنقيص الدرجات ..
لما مشيت السودان ..
بالذات لما عرفو اني مقيمه في أوروبا
ودوني للأرض !
بس الحمد انتقلت للقاهره ,,
وما كتير نقصو ..
يعني درجه ونص ..
الحمد لله ..
ثانكس حليم
شكرا أخى حليم على هذا الموضوع المهم جدا جدا
أنا عانيت من الموضوع ده وانا طالب فى الامارات وأعانى منه الآن لانه بفكر فى انه اذا ادخلتا اولادى مدارس سعودية حايعاملو معاملة شهادة عربية وحتى اذا فكرتا فى ادخالهم مدارس سودانية كمان دى مشكلة تانية لانه غير مستقرين وكل يوم المدرسة منقولة مكان تانى ,وكما ذكرت انه الشهادة العربية اقوى فعلا دى حقيقة انا لمن رجعتا من الامارات كنتا فى الصف الاول الثانوى ودخلتا تانية ثانوى فى السودان وجدت الذى ذكرته سابقا كله صحيح وفعلا المناهج قوية على العموم مشاكل التعليم كتيرة ومافى زول بفكر فى حل ليها وعاوزة تخطيط والله المستعان
«®°·.¸.•°°·.¸¸.•°°·.¸.•°®»بصراحه يا جماعة انا اتكلمت في الموضوع ده كتييييييييييييييييييييييييير لمن فلبي اتنفخ و مافي زول بيعبرنا اكيد في حاجة غلط هل بيعتبرونا اغبيا او بيعتبرو انو احنا لازم ندفع تمن انو اتولدنا و لقينا المكيفات اللي انا افضل نفس واحد من هوا بلدي على مليون مكيف ما عارف غايتو احنا بنتعاقب بس ليه؟؟؟؟؟؟؟؟؟؟؟؟؟ما معروف غايتو بنقوي بعض و شكرااا......«®°·.¸.•°°·.¸¸.•°°·.¸.•°®»
اخي حليم مشكور علي طرحك الرائع و حقيقي اثناء تجوال في بعض المواقع السودانية
و جدة هذه الكلمات وانا انقلها لكم للفائدة العامة ...
طالب الشهادة العربية قد يكون مظلوم بأن نسميه بهذا الإسم لأنه قد يعتبر نوع من ( العنصرية ) و لكن هذا واقع الحال ..
عندما يأتي طالب الشهادة العربية ليواصل دراسته في السودان فإنه يخرج من غرفة ( غربة ) كبيرة قد يكون متطبعا بطبائع أثاثها و أركانها و حائرا بين سكانها .. إلى بيته الأصلى .. حيث هناك أركان أخرى .. و أثاث آخر .. و سكان آخرون فماذا يجد ؟؟
بعد أن يتم كشط ما لا يقل عن 9% مما درس طيلة عام دراسي ( و أي عام دراسي ) العام الذي يحدد مستقبله الدراسي و مجاله العلمي العملي ، و بعد أن يدخل الشباب معسكر الخدمة الوطنية ( و دا موضوع براهو :d ) و يقدم أوراقه للقبول في الجامعات يكون محظوظا إذا كان القبول ضمن الرغبات الأولى في استمارة التقديم .. و من ثم يصدم بالمصاريف الدراسية ( دولارات سااااااي ) و السبب أن الأب يعمل كذا أو كذا ( و الله يعينك يا الأب .. حتى في أولادك معاقب ) لا عدل .. و لا إنصاف .. و أصبح القبول العام قريبا من القبول الخاص .. و يرضى بالهم ..
و يدخل الجامعة و يا سلام على الجامعة ... مجتمع .. فيه مختلف الشخصيات .. البعض يعتبره كالمريض و يجب الإبتعاد منه و كأنه مصاب بمرض معدي و بالتالي يتم حصره في غرفة ضيقة مظلمة .. و البعض الآخر يرى فيه أنه المدلل الذي نال نصيبا من النعمة و يجب أن يعاقب عليها في السودان و عليه أن يذوق الأمرين لييصبح منتميا رسميا لهذا البيت .. و البعض يراه المسكين القاصر الذي يمكن استغلاله و الإستفادة به.. و آخرون يجدونه فكاهة و موضعا للنوادر و النكت ( ساخرا بالطبع ) .. و قليل جدا يجد أنه نال تجربة في مقتبل حياته يمكن الاستفادة منها و يستحق عليها الثناء ..
أنا لا أدافع هنا عن طالب الشهادة العربية ، صحيح أنه من الصعب أن يغير الإنسان أسلوب حياة معينة إلى أسلوب آخر .. و خاصة إذا كان الأخير يحوي الكثير من الصعوبات ، و لكنه ليس مستحيلا ، أغلب طلبة الشهادة العربية ممن يحاولون أن يعيشوا صورة خارجية في السودان ، عفوا ولكن السودان قد لا تتوافر فيه نفس تلك الطرق الممهدة و لا تلك الظروف الرحبة و لكن بعضهم يوهم نفسه أنه يمكنه إيجادها بطريقة أو بأخرى ..
فهل فعلا يجب التعامل مع طالب الشهادة العربية على أنه مذنب أو ناقص أو منغلق ؟ ، هل يجب أن تظل كلمة ( شهادة عربية ) كأنها وصمة عار ؟ ، هل يجب أن نكون نحن و الظروف عليه ؟ هل يجب أن يظل مغتربا في بلده ( يلقاها من منو ولا من منو ) ؟
هل يجب أن أكون أنا و أخي على إبن عمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحقيقة انو نظرة الناس لطلاب الشهادة العربية مختلفة وبالطبع الواحد بيحس بي حسسهم ناس كانوا عايشين في غربة وفي جو دائم من الأجتهاد والكد والعمل .لكين الواحد كمان ما يظلم طلاب الشهادة السودانية فبرغم قلة المدارس التي يعني يمكن يعتمد عليها والكوادر التعليمية التي يمكن أن تخرج أجيال جيدة من الطلاب الناجحين نجد انو هؤلاء الطلاب يزلوا ما هو فوق استطاعتهم حتى يستطيعوا أن يحجزوا لهم مكان في الجامعات السودانية لأنه ما في طريق قدامن غير كده طلاب الشهادة العربية زي ماعارفين بينعموا بالأستقرار والتحصيل العلمي الدائم الكلام ده في السودان قليل وعلي الطالب أنو يعتمد علي نفسه في التحصيل العلمي لذلك تخيلوا مشقة ذلك .
وبالطبع الجانبين عندهم حق وهم مظلومين كل حسب وجهة نظره من حق طلاب الشهادة العربية يساووهم بطلاب الشهادة السودانية ومن حق طلاب الشهادة السودانية انو يلقوا الفرصة في تعليم افضل .
ولكم تحياتي ،،،،،،،،،،،،،
يا جماعة دي مشكلة ضيعت مستقبل ناس وحلمهم
مع انو صح في فرق في تنقيص الدرجات
يعني ناس الامارات تنقيصم ما زي ناس السعودية
ولا قطر وعمان ولا غيره
لكن في النهاية سواء كان التنقيص مختلف او متشابه
الحكاية كلها في ظلم
ناس مصر بطلعوا منهم الدين وبخليهم يمتحناو امتحان تاني
عشان كده تلقاهم ما بجيبوا نسبة ولا يمشوا بلد بيرتفعوا ويخشوا
مجالات مهمة كالطب والهندسه وغير
مع انوا نسب السودانييين بتكون اعلى منهم
لالا القال منو ما في كلام زي ده
مظلومين كيف ما قاعدين يدرسوهم
ولا بطرودهم من المحاضرات ولا
عشان القروش كتيره طيب في طلبه
في السودان بيقروا بقروش اها تاني شنو
مستهبلين ساي ديل يا ساده شنو هو زاتو
شهاده عربيه عشان يكون مظلوم ىهم البقلوا
في ادبهم وبعدين يقل ليك احنا مظلومين
جميل طرحك ياخوي وانا معاك تماما
ياخي مناهج السودان ما اتطورت ولا اتنقحت
من مية سنة !! وبالنهاية يجوا يضحكوا علينا
نحنا .. وطلاب الشهادة العربية
افضل واذكى من طلاب الشهادة السودانيه
بمئاااااااات المرااااات..عندي
اختي بتقرا صيدلة وفي مواضيع هي بتشرح
لزملائها لانها درستها في كيمياء منهج
دراسي من دول الخليج !!
ويجوا يظلمونا بالدرجات!!
بس انا بقول انو منهج السعوديه سهل جدا
واصعب مناهج الخليج هو منهج عمان..
سلمت يدااااااااك
يا جماعة الموضوع مش الدرجات وبس ولكن حتى مابعد الالتحاق بالجامعات فى السودان ,, مصيبة يعنى تلقى ليك دكتور او مشروع استاذ فى مادة معينة ماعندو شغله غير استفزاز اولاد المغتربين والشهادة العربية ,,, الموضوع ده حاصل مع بنتى منذ 3 سنوات فى الحامعة وفى النهاية القرار حيكون تخلى ليهم الجامعة وتشوف مكان تانى وتكون ضيعت سنوات دراسة فى طب الاسنان عشان خاطر ادراة وناس مابتراعى بس المهم تدفع واذا ماتشترى مذكرات الاستاذ يا وليك ,,, القصة فى السودان منتهية والاسوء لو تطالب بمراجعة التصحيح تبقى القصة قصة ( شرف البورد ) وبعدها تكون معاكس طول حياتتك الدراسية ,,,,
شكرا ليك يا اخ علي فتح الموضوع دا وصحي زي ما قلت انو المناهج العربيه اقوي من منهج السودان انا شفت منهج ولد خالي امتحن الشهادةالسودانيه والمنهج اللي قراو انا قريت ضعفو مريتين لمن امتحنتا هنا في السودان بيقسموا المواد اما هنا بنمتحنا كلها انا الحمدلله ما اظطريت اقرا هناك يعني دخلت الجامعه هنا والحمد لله قبلوني لاكن صحباتي رجعوا للوطن قايلين حيلقو ترحيب بهدلوهم ورجعوهم سنه يمتحنو عشان يدخلو الجامعه وتعال شوف الرسوم الدراسيه السبب اللي خلاوحدة منهم تسيب الدراسه واللي نقصوا درجاتها ودخلوها كليه اي كلام بحيث درجتا كان تدخلا كليه كويسه لاكن برضو نقول شنو ما نحنا المغتربين دايما مبهدلين فئه كدا لا لاحقه سودانين لا البلد الجينا منها الله غالب علينا
.................... صوتنا اتبحا من كتر ما بنتكلم في موضوع تنقيص النسبه دا...................
والتقول بناذن في مالطه.............بعملو العكس.....كل سنه بنقصو اكتر..
يعني السنه الفاتت نقصو 11....."الامارات"
وانا ممتحنه السنه دي ..يعني ما استبعد المفتريين ديل.ينقصوني 12
الزول ما يقرى جامعه يقعد فالبيت احسن ولا شنو...وبالذات انا بنت مستحيل اقرى برا بلدي وبعيد عن اهلي .....الولد ممكن عادي.وضعو مختلف............ "المغسه قاتلاني منهم انا"
حاجه نفسي اعرفا من زمان......شنو الفكره من التنقيص دا
يعني عشان مستوى التعليم عندكم عالي..............بالعكس لانو اوائل الدفعه اغلبهم شهادات عربيه
يا اما عقاب لينا عشان اغتربنا.............. انا اول مره اشوف بلد بتخد قرارات مافيها اي مصلحه لمواطنيها..................الله يهديهم غايتو
حركة بايخة جدا جدا
