قصائد من " دفتر خاص "

[waya]

وايا ياأخويا قالوا

واخسارتو من سوى النسوان تجارتو

طيب .. في الحالة دي نقول :

لا توادد النساء فإن ودادهن مقسم
اليوم لك ودها وحديثها ..
وغدا لغيرك كفها والمعصم


أهااا .. كده كيف !!؟


Batta
تشكراتي لطلتك ,,

[ود الزوحي]

ما حندم على العرفة ..
ولا حندم على الأشواق ..
لأنو الشوق جرفني عليك
وغرقني في بحرك ..
حسيبك إنت ترسى براك
على شاطيء الغرام وحدك
وتختار الحيبقى معاك
وأريتك تبقى بس وافي
مع الزول الحتختارو
دا أصلو الشوق وقت يغلب
محل ما يودي ما بتعرف ..

[dream-lady]

...مابال احاسيسي البريئة تنالها طرقات الاحداث المرار.....

مابالي اصفي نفسي واجد من ينثر بين جنباتها اكوام من التراب لا لشئ سوى اني.....صدقت وصادقت

واخلصت وحسن النيه وجميل الظن قد ارتديت واكتسيت.....

سأكهرب اسواري فلا مجال للاقتراب ........

[ابن عوف]

بعــيد يا أخــونا بتذكـــــر
شــوارع الحلة والدكان .. ولون الشاعر الأســمر
و(حاجة) تبيع تسالي وفول.. تحت نيما ظليل أخضر
ونختـف نحن..ونجري هناك..وهي المسكينة ما بتقدر
وما عارفين جـــــــزانا يكــون وقــت نكبر
ونلقى الدنيا.. مرة الدنيا.. ولما تضـــيق وتتعكـــر
وأصــلو الما عتر مــرة .. مصــيره يعيش ويتعتر

وياليتنا لم نكبر ونظل اطفال


وايا خليك دايما مبدع

حضور ومتابعة

[waya]

ود الزوحي .. دريم .. ودابنعوف

أنسام مروركم تشرح القلب المحزون
تشكراتي بقاماتكم السامقة ,,

أحلى مافي الكون عيونك واحلى ما في الكون سروحها
يوم تغيب تسلب رويحتي ويوم تعيد لي روحي روحها
فيهن اتغـرب وأسافـر نفسـي تقبـل بـي نزوحهـا
ألقى جنة شوقي فيهن الحنان مشتـول فـي سوحهـا
داير اعيش فيهن وأفارق دنيـا كـان شاقينـي نوحهـا
وأنسـى ايامـي العصيبـة كـل آهاتهـا وجروحهـا
في عيونك كون بحالـو فيهـو أسـرار مـا بلوحهـا
كل ما اتمعنـت فيهـا فيهـا اشـواق بابـل بروحهـا
وأفضـل اتضـرع أمامـك رافـع اليـد اللحـوحـة
أملي يرقص فوق سوادن زي بريق ياخدلـو لوحـه
فيها كم شاهـدت واحـة الرمـوش ضالاهـا دوحـة
وفيها كل الدنيـا ترقـص بالطـرب ناسياهـا روحـة
صورة ماأحلاها صـورة مـن جنـان الخلـد لوحـة
ياهو دا الخلاني أحلف مافـي زي عينيـك صبوحـة
بالفـرح أيامـي لمـن بالفـرح كـانـت شحـوحـة
كيف يقولو اخير تسيبن الله خلقـو دي مـا نصوحـة
هن سعادتي وهن شقاي هن أمان روحـي الطموحـة
كان غلطت استغفر الله باقي عقلي اخـدلـو روحة

[waya]

ست العيون

هل تـــــدرى يــاســـت الـعــيــون ال الله هـــــدّلا بـالـنـعــاس ؟؟
بــى لطـفـو لــو كــان ماسـتـر يــا مــا هـــى كـــان تـــاذالا نـــاس

عيـنـيـك .. فـتـنــة فـاتـنــه .. واتـخـلـقـت عــلــى هــــذا الاســــاس
دخـلــت دواخـــل العالـمـيـن .. وكــانــت بـعـيــده عــــن الـمـســاس
الـشــى المحـيّـرنـى انـهــن , لا هـــن لآلـــى ولا هـــى مــــاس !!
يتبالجـن . مويـة صفاهـن ترشـح الضـو فــوق مسـاحـات التـمـاس
اتــوســط الـلـيــل الـصـبــاح فـيـهــن , ومــــع الـغـرويــده جـــــاس
ورمــت الـرمـوش فـوقـن ظــلال , يــا روعــة الـرمـش الـمــواس
حـيــن يـنــزل الــفــوق لـلـتـحـت .. وتــبــدا المـطـابـقـه والـجـنــاس
وتتـكـامـل الـلـوحـه الخيـالـيـه , الـخـرافـيـه , الـمـحــدده بـالـمـقـاس
تملانـى حــن .. اغـبـا واجــن .. ومــا ألـقـى مــن قـيـدن خــلاص
***
كـانـت عيـونـك طلسـمـات الرهـبـه فــى العـهـد السليـمـانـى القديم
طـافــت شـمــوس الـحـسـن فــــى أرجــاهــا , والـسـحــر الـعـظـيـم
جلـسـت عـلـى عـــرش الـجـمـال .. وســـادت عـلــى كـــل الأديـــم
أمرت جنون العشق ان يأتوها بالقلب البيعصى الريده فيها ولايهيم
مــــا ارتــــدّ طـرفـهــا الاّ كـــــان .. الـقــلــب والــجـــرح الألــيـــم
بـيــن سـطــوة الـمـلــك الـرهـيـبـه .. وخـيـفــة أصــحــاب الـرقـيــم
يــا ويـلـو , مــن لحـظـاّ يطوفـبـو .. مــن الجحـيـم , الــى الجحـيـم
وتـفـتـكـبـو نــظـــرات النواعس , فــتــكــة الـــنـــار بـالـهـشـيــم


مع انهن لليعرفن اضعف خلايقو واشد باس
***
عيـنـيـك عـوالــم مـدهـشـات , عـيـنـيـك ولا كــــل الـعـيــون
عــلــويـــه , أو سـفــلــيــه , أو كـــــــان داك دون الـــدونــــو دون
أخـــدت مـــن أســــرار الـفـلــك .. مــــا لا تــعــج بــيــه الـمـتــون
كــــل الـشــواهــد , والـظــواهــر , وحـكــمــة الــطـــب والـفــنــون
كـانــت فـــرح زمـنــاّ صـعــب .. مــــا عــرّجــت بــيــه الــقــرون
ودعــــوات تـبـاشـيـر الـصـبــاح .. فــــى خـشــعــة الأم الـحــنــون
وحـصـد الـرجـا المـمـدود عـلــى طـــول السـنـيـن خـلــف الـظـنـون
أو قـولـى زى خـاتـم المـنـى .. الغمـسـوهـو فـــى بـحــر الـسـكـون
عيـنـيـك .. صـحـايـف أرتـــلا .. واقـراهــا بـــى كـــل الــحــواس

[بحر الاشواق]

ومضة عشت على اشراقها
وانقضت عجلى وما اصغت الى
امة خباءتها بخافقى
وترفقت بها برا حفيا
من دمى غذيتها
غذيتها حتى غدت
ذات جرس يأثر الاذن شجيا
وافترقنا وبعينى المنى
قالها الدمع فما ابصرت شيئا
ان تكن انت جميلا
فانا شاعر يستنطق الصخر العصيا

مرسي علي البوست الرائع
سلمت يداك

[Batta]

حاول افهم يا حبيبنا
واصْحَا من خَدَر العَشَم.
انتظرنا ولاّ الصبر جاب الفَرَح
لى عيونَّا..لا الليل انهزم.
اليقين ما الإنتظار
بين دموعنا وفى الندم
اليقين فى الاختيار
إمّا نِتفَهّم وجودنا
وامّا ياخدنا العدم.
حاول افهم يا حبيبنا
مافى غير شوك الطريق.
مافى غير نمشى ونعاند
فى الحواجز والحريق
أشرف الخطوه الشجاعه
واكرَم الصَحْوَ العميق
عزة الزول البموت
فى يوم نضالو
مجدُو فى شتلو وترابو
وبذره فى طين الفريق
ما الجروح مهر الاحبة
والالم نجم الطريق.
واليقين صحو المدينه.
والنهار لهب الحريق.
والبِخُون قش البوادى
يا زمان نَشِّفلُو ريق.
خَلِّى حبك يا حبيبنا وعي أُمه
ودَحرِ غُمه
وريح تَهِز جَبَل السواد.
ما نحنا برضو عيون بلدنا
وسارعو لى يوم لى يوم الحصاد.
ولو زمان ضُقْنَا الندم
ولو زمان عشنا العَدم
برضو لِسّع يا حبيب
وهج الجَمُر تحت الرماد.
وما فى معنى لانتظارنا
والف مضمون فى اختيارنا
واليقين عِزَّة أرِضْنَا
ورايةالصَحوه الجهاد.
حاول افهم يا حبيبنا
لاهو صبرَك ولا هو صبرى
فى جحيم الانتظار
أكبر أكتر يا حبيبنا
معنى اسم الإختيار
هو مضمون اليقين
فى النضال والانتصار
للحقيقه ولى وجودنا
ولى قيمنا ولى جذورنا
وللنهار
وحتى لو صعبت طُرُقنا
وعادى صحوتنا الجدار
برضو أشرف يا حبيبنا
إنُّه نتحدى ونموت.
ويبقى معنى الإختيار
فى يقين إسمو الكرامه
وفى هزيمة الإحتقار.

[Batta]

يا ضنين الوعد, أهديتك حبي من فؤاد يبعث الحب نديا

إن يكن حسنك مجهول المدى فخيال الشعر يرتاد الثريّا

... كلما اخفيته فى القلب تنبىء عنه عيناك ولا يخفى عليّا

أنا إن شئت فمن أعماق قلبى أرسل الألحان شلالا رويّا

وأبث الليل أسرار الهوى وأصوغ الصبح ذوقا بابليّا

لا تقل إنى بعيد فى الثرى فخيال الشعر يرتاد الثريّا

كان بالأمس لقانا عابرا كان وهما.. كان رمزا عبقريا

كان لولا أننى أبصرته وتبينت إرتعاشا فى يديّا

بعض أحلامى التى أنسجها فى خيالى وأناجيها مليّا

ومضة عشت على إشراقها فانقضت عجلى وما أصغت إليّ

كلمة خبأتها فى خافقى وترفقت بها برا حفيا

من دمى غذيتها حتى غدت ذات جرس يأسر الأذن شجيا

وافترقنا وبعينىّ المنى قالها الدمع فما أبصرت شيئا

إن تكن أنت جميلا فأنا شاعرً يستنطق الصخر العصيا

أو تكن انت بعيدا عن يدى فخيالى يدرك النائ القصيا

[بت السرف]

[align=center]براي أخترت ريدك ساس ...

ولبستك عشم غنواتي سويتك جواي نبراس

وكان ضاقت عليك العين بشيلك يا حبيب الراس

براي طرزت ليك جواي قميص الريد بلا مقياس[/align][/u][/i][/b][/size]

[align=center]نضال الحاج[/align][/size]

[waya]

بحر الأشواق .. Batta .. بت السرف

[grade="00008B FF6347 008000 4B0082"]يباهيني المكان " بوجودكم " هنا
واحساس الفرحة يشع من عيوني
وأنا أقرأ حروفكم المذهلة

تشكراتي[/grade]

[waya]

عيونك

السماح الفى عيونك
يحكى عن وصفك حقيقه
والبسيمه الفى شفاهك
تطفى فى جوفى الحريقه
فى سلامك وفى كلامك
نغمه أحلى من الموسيقه
فيك خدود بالفطره رائعه
يجذب الألباب بريقه
السماح عزك وثقافتك
يا مهندمه يا أنيقه
جالسه فوق عرش الوسامه
الفراش حاضن رحيقه
ياعسل مصبوب مصفى
حكمة الخلاق رشيقه
ما قدرت أوصف جماله
يبقى صاحب الحظ رفيقه
القوام لادن متبر
فى الدلال زهرة فريقه
واليعاين فى عيونه
يصبح الأفراح صديقه
من حواري الجنه
تفتن بالورود مفروش طريقه
وطيفه وين ما أمشى يظهر
ما برح عيني دقيقه
ليلي دون الناس مهود
والنجوم ظليت عشيقه
فى بحور أحزانى هايم
روحى فى الموجات غريقه

[waya]

أنا زول
بتودد الأيام
لو يوم تفتح باب هواك
ويدخلك
أنا زول
بساسك بين دواخلك وعقلك
ويندهك
أنا زول بعزك
زول ملامحو بتشبهك
زول حاسس
إنك زول مختلف
ولو تسألني
في أيه مختلف؟
ممكن أتوه
ويغلبني الوصف
بس الأكيد إنك
زول مختلف..
في وقفتك
مختلف
في سمرة لونك
مختلف
في ضحكة عيونك
مختلف
في طيبة دواخلك ورقتك
مختلف
حتى الشمس في حضرتك
تعترف إنو توهجك
مختلف
والقمرة تحسدك عشان نورك
مختلف
ولو تديني الأمان
ممكن أقيف قدام عيونك
وأعترف
بي حاجة جواي بتحسسني
نحوك بالإلف
حاجة
لما أشوفك بتخليني
أرتعش
حاجة
ودرت عقلي وخلتني
أتهبش
حاجة
تخلي قلبي ينفر
وينكمش
حاجة
هي الرسخت جواي
فهم إنك زول مختلف
ولو تسألني في أيه مختلف..
ممكن أتوه ويغلبني الوصف
بس الأكيد إنك زول
مختلف
وأنا زول بعزك
زول ملامحو بتشبهك
زول راجيك
تطلع من خواطر الكلمة
قصيدة
راجيك
تطلع فوق حاجب العشق
ريدة
راجيك
تدخل قلب معذب
بي هواك
وتعوذو بي تعويذة
عشق فريدة
تعويذة عشق من زول
مختلف
لي زول بعزك
زول ملامحو بتشبهك
زول حاسس إنك زول
مختلف
ولا بهم...
إذا طال مشوار خطاي
ولا هواي لي قلبك
وصل
ولا بهم...
إذا لوحة هواي
عشان بعادك رسمها
ما أكتمل
ولا بهم إذا غناي بي
عيونك
ما حفل
بصبر مادام إنك زول
مختلف
بصبر لابد خطاي في يوم
توصل
بصبر لابد لوحة هواك
في يوم
تكمل
بصبر لابد غناي في يوم
بي عيونك
يحفل
وأنا زول بعزك
زول ملامحو بتشبهك
زول حاسس
إنك زول مختلف
ولو تسألني في أيه
مختلف؟؟؟
ممكن أتوه ويغلبني الوصف
بس الأكيد
إنك زول مختلف

[waya]

أنا لست ابدا مثلهم
لا أعرف الكذب الصفيق
ولا فنون الاحتيال
لا أجعل الحب النبيل مطية
أو أرسم البسمات فوق
الزيف كذب او خيال
لا أدعي ما ليس بي
أنا لست معصوم ولست
منزه أنا مثل كل الناس
أبعد ما أكون عن الكمال
***
أنا مثل كل الناس
أضعف ما أكون
أبأس ما أكون
مهما تعالت أحرفي
فجر المقال
أنا جاهل متزمت
أخفي حقيقة خاطري
في ذلك التمثال
***
لا تحسبوا أني ملاك
أو أنني من ذلك الشيطان
قد نلت الخصال
أنا بعض هذا وبعض ذاك
أنا ابن أدم كل ما فيه
نفاق وابتهال
***
اليوم أنزع كل اقنعتي
وأزيل الوان التنكر والخلال
وأسير عاري الروح
مسلوب الكرامة
نحو شط الارتحال
في ذلك الصندوق أودعت
الحكاية كلها قبل الزوال
جوعي وشبقي
حزني ووجعي
كل أثامي علي
هذي الرمــال
***
أسلمت نفسي للحقيقة
مرغم . وسكبت دمع
الذل في وادي المحال
أنا ابن أنثي مثلهم
اخفي بأثوابي
عيوبا لا تزال
أحلام ليلي مثل
ما أحلامهم
قلب يشارك أهتي
وقصيدة حلوي
وأثواب ومال
***
لا أرجوا من دنياي
مجد زائل
لا أبتغي نيل المحال
هذي حكاية خاطري
ولقد رويت حكايتي في
كل حال
أنا مثلهم في كل شيء
بشرا ضعيف يلتجئ
للحلم والأمال

[waya]

سرسار الشوق

بعد تمشى الحبيبه تفوت..
بتطلع فى القلب آهه
وتنزل زى فحيح النار..
... وتفتح تانى مجراها
تدفق فينى سرسار شوق
وتطلع منى كم آهه
حبيبتى كما الشمس تطلع
محل تشرق تكون ياها
وعادله كما الوطن وأكتر..
بتجرى دموعا جواها
هى فاتت ولسه فينى معاى..
نفس مندسّى فى الشريان
تفاصيل لى بلد تانى..
عوالم لسه ما إنزاحت..
مدفقه فينى شوق وحنان
لقيتا بعد تعب طول..
لقيتا بعد سنين أحزان
هى فاتت ولسه فينى حضور..
موقعه فى محله زمان
فتحتها شان تكون ليها..
وخشت فيها بالأحضان
دفق صوتا الحنين قال لى
بحبك ولسه فينى كمان
شعارات لسه ما انكشفت
وكانت فى الحقيقه إنسان
ملك فينى الدواخل شوق
سكن فينى وسكنت زمان
محل كل الصدق ساكن
محل كنا وطوانى زمان
هى فاتت ولسه فينى تحوم.
محل تنزل بتشلع ضو
وتتمايل فرع نديان
وكل الناس معاها تسو
وتبقى المشيه سيره عديل
زغاريد من قلب مشتاق
وكم دلوكه ضاربه الجو
أبشر زيى زى الناس
وأجيها بعد سفر ممكون
أشيل من السبيب شبال
واسافر فى أعزّ عيون
سفر دون سكه لا مشوار
وأصل بى نظره للمضمون
ونصبح فى جسد واحد
ولو جاز فى الحقيقه نكون
أنا إياها روح واحده
موحّده فى الشعور واللون
هى فاتت ولسه فينى الشوق..
على الزمن القضينا زمان
على كل التواصل داك
على الفرح الصبح أحزان
وفاتت ولسه ما فته
ولا جرحى القديم جفه
ولا لاقيتا شان أرتاح
ولا كان المعاد صدفه
هى كانت لى كتاب مفتوح..
وكانت ريده بى عرفه
وفاتت ولسه راجيها
ولا وجعى الزمان خفه
هى كانت غيمه ما بتنساق..
وفاتت وفضلت اللهفه
حليلو زمن جميل عدّا
زمن بلقاها مشتاقه
زمن لامن بغيب تسرح
وتنزل دمعه حراقه
تهدهد خاطرا الزعلان
تبلل حبه أشواقه
دى ريده ولسه ما كملت
بتضحك من زمن عاقه
فتر حتى الطريق والشوق
واخيراً ها الزمن ساقا
فضلت كما القتيل مذبوح
وكايس برضو نتلاقى

[waya]

[grade="008080 808080 008080 808080"]بعشق حضورك في غيابك
وحبك الفي صوت عتابك
وانحناءات ابتسامك
والمحنة الدافقة من بينات سلامك
وكوني بفهم حتى في صمتك كلامك ..
حن حروفك
وجور طيوفك ..
حين تصافي
ويوم تجافي وكل ظروفك ,,
بعشقن بعشق شعور النشوة في غمرة رحابك ..

زولي يا غيم من محنة ...
فيني يوم مططر سحابك ,
فرهدت جواي قصيدة
وشجرة من بن
نخلة كبايتين وجنة ...
إنت يا راويني من لون الفرح
ماحي العذابات أنة أنة ...
ويا يقين نففض غبارات المظنة[/grade]

[waya]

[grade="008080 808080 008080 808080"]قول لي مين الكلمك
قال ليك بصبر بي وراك
قال ليك مابتفرق معاي
لامن تفوت تسكن هناك
قال ليك بمسح ذكرتك
كذب عليك وضللك
خلاك تعذب زول هواك
والله ما اتمنيتو شئ غير احرسك
وافضل معاك
ماقصدي اقعد في رجاك
كان هدفي امسح دمعتك
ابقي سعدك وبسمتك
ابقى نجمات في سماك
لو لسه بعد القلتو ليك انت جد ناوي الرحيل
ارحل
ولا اسفا عليك
ارحل بدون تبكيك عيني
صدقني مابندم عليك
ولحظه لاقيتن عينيك
لوفي الخيال طيفك طرق ابواب هواي انا بقفلن مابفتحن
مادايره ارجع اذكرك مادايره ارجع ليك احن
كل الدروب الفتهن في يوم معاك انا بحرقن
ضوق الالم طعم الدموع وانسج اوهامك مدن
ضايعات علي شط الغرام لافيها ساكنين
لاطيور لاحتي بتجيهن سفن
ذي مانويت انت الرحيل
انا بوعدك
اني ارحل من دناك واصبح عدم
وانك حتبكي فراق عينيا الليله دم
وتموت جوارحك في رجاي سالك طريق اسمو العشم
لاكا ..........ميت ..لاكا....... حي
قاعد تصارع في الالم
تستنه جيتي باهتمام
تغرق براك في بحور وهم
تدندن غناونينا الزمان وتموت براك حسره وندم
كلما طيفي لي عندك يجي يلقاك
تبكي
انا كت بجسد دنيتك
ناسك واهلك واي شئ
وانا عمري ماغلطته فيك
كان انت مافيش وله في
الا معليش حكم القدر القاك غلط
واهواك في الزمن الغلط
واعشق ملامحك بالغلط
مشكور خلاص ممكن تفوت بعد ماقلت ليك الكان
جواي
ارحل
ولا بندم عليك
ارحل
ولااسفا عليك
ارحل
ولابتبكيك عيني

[/grade]

[waya]

[font=times new roman (arabic)][font=times new roman (arabic)]اليك أُزجُ[/font][/font]

[font=times new roman (arabic)][font=times new roman (arabic)]بحزني وفيني بقاياك بالعين تطفو[/font][/font]

[font=times new roman (arabic)][font=times new roman (arabic)]وأشكو إلى الله قلبي أتاك[/font][/font]

[font=times new roman (arabic)][font=times new roman (arabic)]ورغم عزوفي عن الحب يهفو[/font][/font]

[font=times new roman (arabic)][font=times new roman (arabic)]وأعلم اني إذا ما ظللت أراقب قلبي[/font][/font]

[font=times new roman (arabic)][font=times new roman (arabic)]فيوماً سأغفو[/font][/font]

[font=times new roman (arabic)][font=times new roman (arabic)]فيهربَ مني عشوقاً بذنبٍ[/font][/font]

[font=times new roman (arabic)][font=times new roman (arabic)]ويدري بأني إذا ما رأيت عيونك أعفو[/font][/font]

[font=times new roman (arabic)][font=times new roman (arabic)]اليك أُزجُ[/font][/font]

[font=times new roman (arabic)][font=times new roman (arabic)]وأنت امير[/font][/font]

[font=times new roman (arabic)][font=times new roman (arabic)]تعيش وحيداً[/font][/font]

[font=times new roman (arabic)][font=times new roman (arabic)]غزالاً شريداً[/font][/font]

[font=times new roman (arabic)][font=times new roman (arabic)]ودنياك تصفو[/font][/font]

[font=times new roman (arabic)][font=times new roman (arabic)]اليك أُزجُ[/font][/font]

[font=times new roman (arabic)][font=times new roman (arabic)]وفيني بحبك نارٌ تأجُ[/font][/font]

[font=times new roman (arabic)][font=times new roman (arabic)]وأنت تضجُ[/font][/font]

[font=times new roman (arabic)][font=times new roman (arabic)]وحاجب عين تبعثر لهواً[/font][/font]

[font=times new roman (arabic)][font=times new roman (arabic)]وأنت أزَجُ[/font][/font]

[font=times new roman (arabic)][font=times new roman (arabic)]اليك أُزجُ[/font][/font]

[font=times new roman (arabic)][font=times new roman (arabic)]فهل في صميم فؤادك أُسجن[/font][/font]

[font=times new roman (arabic)][font=times new roman (arabic)]وأحيا وحيداً..فريداً لأسمو[/font][/font]

[font=times new roman (arabic)][font=times new roman (arabic)]وبين عيونك في النوم أُدفن؟[/font][/font]

[font=times new roman (arabic)][font=times new roman (arabic)]ضمانٌ لسعدي رؤياك طيفاً[/font][/font]

[font=times new roman (arabic)][font=times new roman (arabic)]وإن كان مرآك حقاً فأضمن[/font][/font]

[font=times new roman (arabic)][font=times new roman (arabic)]اليك أُزجُ[/font][/font]

[font=times new roman (arabic)][font=times new roman (arabic)]ويعبث عقلي بطفلة فكره[/font][/font]

[font=times new roman (arabic)][font=times new roman (arabic)]مجرَدُ طفلة[/font][/font]

[font=times new roman (arabic)][font=times new roman (arabic)]قبيحة مظهر[/font][/font]

[font=times new roman (arabic)][font=times new roman (arabic)]وفيها روائح فقرٍ وقهرٍ شديدٍ[/font][/font]

[font=times new roman (arabic)][font=times new roman (arabic)]ومسحوق بشره[/font][/font]

[font=times new roman (arabic)][font=times new roman (arabic)]تقول: بأني سأبعدُ عنك بعيداً وأُحرق[/font][/font]

[font=times new roman (arabic)][font=times new roman (arabic)]وحبي اليك ستحكم فيه الظروف ويشنق[/font][/font]

[font=times new roman (arabic)][font=times new roman (arabic)]ويبقى من العشق ذكرى[/font][/font]

[font=times new roman (arabic)][font=times new roman (arabic)]أعوذ بربي[/font][/font]

[font=times new roman (arabic)][font=times new roman (arabic)]فإني بعون الإله قريباً سأنجح[/font][/font]

[font=times new roman (arabic)][font=times new roman (arabic)]وكل قلاع الظروف العقيمة[/font][/font]

[font=times new roman (arabic)][font=times new roman (arabic)]بمفتاح شوقي إليك ستفتح[/font][/font]

[font=times new roman (arabic)][font=times new roman (arabic)]وعنك أغني..وفيك سأصدح[/font][/font]

[font=times new roman (arabic)][font=times new roman (arabic)]ونحيا سويَاً[/font][/font]

[font=times new roman (arabic)][font=times new roman (arabic)]فذلك صبح السعادة أصبح[/font][/font]

[waya]

　
بالله شوف
الروعة كيف..!
لما الحبيب يتجلى طيف
عنوان موشح بالزهور
أقواس قزح
نغمات تطوف
لمن عليك يسأل يقول
بالله كيف..؟
كيفها الظروف..؟
وتحس كمان نبع الحنان
شارب الخجل كاسي الحروف
سحر الجنان ضامي المكان
عطر الدعاش ..وندى الجروف
وتموت ظنون
عاشت سنين في غربة زادك فيها خوف
***
بالله شوف
السكة كيفن نورت..؟
لبست خريف حاضن زهور
شوف
حتى حيطان البيوت اتخضرت..
حتى الضجيج الفي المدن
إتجلى نور
ممزوج غنا
كلماتو بهجة اتصورت..
والليل يزغرد
والنسيم شبال حرير
شوف
حتى حزن الناس
ملامحو اتغيرت..
بقت العيون فيها الأمل
سايق المصير
ما البدء كانت كلمة
بيها الدنيا جنة اتصورت
والليلة بي كلمة حنان شالت زهور
حتى الجداول
من صخور اتفجرت
بالله شوف
سحرك بيكون كيفن خطير
　

[waya]

　
[font=times new roman (arabic)]مدثرة الغيم الرزاز [/font]
[font=times new roman (arabic)]كل العيون متزاحمة[/font]
[font=times new roman (arabic)]عاد فى جيتك متلفحة[/font]
[font=times new roman (arabic)]الهم فى الحراز [/font]
[font=times new roman (arabic)]مالك مشحتفة رسمتك[/font]
[font=times new roman (arabic)]مديت خطاى على البحر [/font]
[font=times new roman (arabic)]حفيان اردد غنوتك[/font]
[font=times new roman (arabic)]واحترت فيك[/font]
[font=times new roman (arabic)]ارميك بس من ياتو قوس[/font]
[font=times new roman (arabic)]كل السهام الجاية ليك[/font]
[font=times new roman (arabic)]ملت تفاصيل الوصول[/font]
[font=times new roman (arabic)]رغم انى زول نياش شديد[/font]
[font=times new roman (arabic)]لكن معاك صابنى الذهول[/font]
[font=times new roman (arabic)]كسرت اقواسى ومشيت [/font]
[font=times new roman (arabic)]غيرت افكارى ورايت[/font]
[font=times new roman (arabic)]اهواك شوف[/font]
[font=times new roman (arabic)]تاهت خلايا الانفعال في حضرتك [/font]
[font=times new roman (arabic)]اترجم احساسى لحراك عانق رموشك فى وقار[/font]
[font=times new roman (arabic)]يابت محكرة بين مخارج الروح[/font]
[font=times new roman (arabic)]ونبضات القلب الما ارتعش غير يوم لقاك [/font]

[font=times new roman (arabic)]اهواك كلام حلق الحروف مبحوح معاك [/font]
[font=times new roman (arabic)]من دون مروق[/font]
[font=times new roman (arabic)]يا بت مشكلة فينى كل اسباب عناى [/font]
[font=times new roman (arabic)]خايف عليك انا من غناى[/font]
[font=times new roman (arabic)]اشعارى من لحظة بكاى[/font]
[font=times new roman (arabic)]حتى الحروف خافت عليك[/font]
[font=times new roman (arabic)]قالت مخاضى وقت فناى [/font]
[font=times new roman (arabic)]سديت مخارجا [/font]
[font=times new roman (arabic)]وابتديت ارسم معالمك فى صمت[/font]
[font=times new roman (arabic)]واهواك سكات[/font]
[font=times new roman (arabic)]سكوت حسى وصوت الناى[/font]
[font=times new roman (arabic)]وسكة تودى لسكنك[/font]
[font=times new roman (arabic)]سكنتك كل سنينى [/font]
[font=times new roman (arabic)]سكات سكات ساكت بدون اشعار [/font]
[font=times new roman (arabic)]وغنيتك معاى براى [/font]
[font=times new roman (arabic)]بريق عينيك كما العطر البخش فى الناس بلا استئذان[/font]
[font=times new roman (arabic)]توزعى فى الفرح والجوف ملان احزان[/font]
[font=times new roman (arabic)]تتكلى فى الامل والخوف موهط فيكى ليه زمان[/font]
[font=times new roman (arabic)]تلملمى صرختك والنوح تفتشى للصبر اعذار [/font]
[font=times new roman (arabic)]واحساس الحزن عندك [/font]
[font=times new roman (arabic)]مراكب للفرح بتجيب اذا صبح الزمن تيار[/font]
[font=times new roman (arabic)]وكان حلم الوصول مرسى[/font]
[font=times new roman (arabic)]وناديتك وشهق صوت الحنين جواك[/font]
[font=times new roman (arabic)]لمن كنت فى خدرك ترتبى فى رموش عينيك [/font]
[font=times new roman (arabic)]وردد صوتى فيكى صداء [/font]
[font=times new roman (arabic)]وصابت ايدك الرعشة [/font]
[font=times new roman (arabic)]ورميتى كحل مراويدك بعد كحلتى عين واحدة [/font]
[font=times new roman (arabic)]ومرقتى على فى لهفة وفجيتى الغمام والريح[/font]
[font=times new roman (arabic)]ولمن جيت انافى عينيك [/font]
[font=times new roman (arabic)]دفق دمعك وعربد فى ضفاف خديك [/font]
[font=times new roman (arabic)]رسم جريانو بالالوان [/font]
[font=times new roman (arabic)]لون ازرق خليط كحلك ولون الدم[/font]
[font=times new roman (arabic)]ولون ابيض امانينا وغناك والنم [/font]
[font=times new roman (arabic)]بسم ثغرك مزج دمع الفرح والخوف[/font]
[font=times new roman (arabic)]طلع صوتك موشح بسمارو نغم [/font]
[font=times new roman (arabic)]بيتمايل مع المردوم رقيص جنياتنا فى الدارة[/font]
[font=times new roman (arabic)]ريحة البن مع الوازا ونقارة [/font]
[font=times new roman (arabic)]وصوت الناى مع الدوباى وطمبارة [/font]
[font=times new roman (arabic)]وجريد نخلا موكر بين حجار شلال[/font]
[font=times new roman (arabic)]يبشر بالعديل والزين وكل الدنيا طربانة[/font]
[font=times new roman (arabic)]فهل كان اختلاف دمعك مشكل فيك وضوح الصورة[/font]
[font=times new roman (arabic)]لمن تنعكس ابعادنا منك فوق مراية النيل[/font]
[font=times new roman (arabic)]وخوفك انت من باكر اذا ادرك نهارك ليل[/font]
[font=times new roman (arabic)]قبل تمتد ايادينا وتلامس فى دجاك شليل[/font]