أرائكم في قناة السودان ؟ خاص للمغتربين

[عسولة وبس]

شكرا على ردوردكم
بس قناة السودان قناة غير متحضرة على عكس القنوات التانية طيب شوفو قناة النيل الازرق او قناة هرموني ما كلها قنوات سودانية بس متحضرة ولائقة والاستديوهات اخر صيحة رائعة وجميلة ورغم ذلك مشفرينها
وخالين للعالم القناة السودانية ووهي قناة نهائي ما بتعكس السودان بصورة جيدة بس بتجيب الفقر والمزبلة الحاصلة في السودان لدرجة انو صحباتي العمانيات بسألوني انت عنكم مدارس ؟ وهل عندكم منازل ؟ فاكرننا عايشين في خيم وبيوت من قش ودا كله بسبب قناة السودان لانها لا تحضر السودان بصورتها الحالية وتظهر للعالم اننا نحن اطورنا وعلى الاقل يجوبو المنازل الحلوة وشكر على ردووووووودكم ومروركم

[شارب جوافه ولابس قيافه]

ما له ياشباب
حلوة ورزينة
محتشمة ومهذبة
خجولة وعسولة

[mr.zoool]

السلام عليكم
والله قناة السودان من أبيخ القنوات لكن نعمل مجبورين نشوفا
اول شي الاخبار ساعة كامله ده لو ما زادت
ثانيا البس بتاع المذيعين معروف الليله المذيع الفلاني لبس البدله دي يعني بكره حيلبس البدله ديك كأنو خاتي جدول
السبت/سوداء الاحد/ كحليه الاثنين / بيضاء وهلم جرا.............

ثالثا النشره الجويه خاتين شاشه 29 بوصه وقالو شنو (أحوال الطقس)
رابعا لمن قالو يعملو نظام سهرات وكدا زي ليالي النغم (الفكره حلوه) لكن شنو
الزول تلقاو صاري وشو وبصفق تقول غاصبنو وحابسنهم بالطرابيظ(لاحظو ليها الخميس دا)
خامسا برنامج شوارد ما عارف محلو شنو من الاعراب
سادسا برنامح صحه وعافيه بقدمو بروفيسور معروف وليو وزنر مأمون حميده لكن ما عارفنو قادي تعبير ولا شنو كلام زي الناس ما بعرف يتكلم
سابعا برنامج الخط الساخن شوفو الساعة اللابسا المقدم



مع حبي......................................................





mr.zoool@hotmail.com

[بنت دار النيل]

والله يا جماعة برغم من عيوب القناة بس هى الوحيدة الممكن تشوفها مع كل اهل بيتك من غير حرج وانا فى السودان ما كنت بفتح القنا ة ولا دقيقة الكلام ده ممكن يكون لشهور او اذا فى خبر وما بيجبو فى القنوات العالمية بس فى الغربة بشغلة ومن غير شغلة بفتح القناة بس عشان اسمع كلام سودانى حقنا برانا

[دلوعة الدوحه]

مرحباا ياعسوله وبس

قناة السودان والله احراااااااااااااااااااااااااااااج

ما خليتو لي شي لاكن الله يكون في العون

ويبطلوا يحرقو في دمنى

ونتمنى يدش عليهم التطور

والله البدو اتطورو وهم لسى

تحياتي

[عسولة وبس]

شكرا على ردودكم الحلوة وشكورييييييييييين جدا وشكرا على المرور

[spanisheyes]

والله بصراحه وبدون مجامله صحي زي ما قلت هي القناة رقم واحد في جهازنا لاكن قناة السودان بتفتقر لجميع المقايس ياخ تلقي واحد قاعد التقول قاعد في بيتم ولا مرة ابوي بيتفرج في برنامج الراجل خاتي اصبعوا في نخرتوا يعععع والله بصراحه شئ بيقرف مافي نظام مافي استديوهات زي ناس مافي برامج تشد الناس وخاصه المغتربين مافي برامج تعرف عن السودان كلو البيجيبو حتات فقيرة يعني لو الواحد شافا يقول ما راجع للسودان والله انا ما كنت عارفه انو في مناطق حلوة في السودان الابعدما اخوي مشا قبل شهر وجاب لينا صور من هناك والله بجد يعني ما بتعكس اي نوع من انواع الحضارة السودانيه للخارج صحباتي غير السودانيات لمن يفتحو القناة اخدو فكرة انو السودان بلد متخلف معماريا وتعليميا وكلوا يعني كان قناة النيل لمن طلعت عملت ضجه كبيرة هنا حتي غير السودانين بقوا يتابعوها لانها بصراحه فيها حجات حلوة لاكن للاسف شفروها وخلو لينا القناة دي نبتلي بيها السبب اللي بيخلينا ندور علي قنوات تانيه نتفرج فيها لانو قناتنا بتعرض نفس المرض والقرف يوميا ومافي جديد ولينا رجعه مالم تتطور

[هايم بعيد ومشتاق]

فاقد الشئ لا يعطيه

[جنتل مان]

سلام عليكم انا جديد في منتداكم الموضوع زي مابقولو جاء في جرح
يتجماعه انحنا ماعندنا اي فكره عن الاعلام والمذيعات والمذيعين الفي كلهم جاين بالواسطه ودا حال السودان حتي لمن يحاولو يتظارفو بكون واضح انهم بمثلو والبرامج والله ياجماعه بحس انو بقصدو تكون بايخه وترفع الضغط بس بالجد العاوز امراض الشيخوخه تجيو يفتح تلفزيون السودان 10 دقايق بالجد ممكن يجيو قلب او ضغط بس الله يكون في العون وبالمستوي داا الله اعلم تتقدم القناه مع الشكر على الموضوع اللذيذ !!!

[فنونة]

عنديييييييييييييي كويز بكرة بس موضوعك تحفة يا عسل يا عسووووولة قعدني ولا مشيت زاكرتا
المهم

بصراحة وما في اجمل من الصراااااااااااااحة..........أفشل تلفزيون عربي تلفزيون السودان
معقدنا مع الجماعة التانيين..........مابيدي اي صورة حضارية وا حتى بيعكس شي جميل عننا
تلفزيون السودان فاضحنا قدام العالم.


تصوري :
حكاية سمعتها من عمو.........قال جارتهم لمن تكون عايزة من ولدا الصغير يسمع كلاما ويمشي ينوم بدري .؟؟؟؟؟؟؟؟؟! بتخوفو بي انها حتفتح ليهو قناة السودان.
طبعا الولد الصغير لمن يسمع التهديد ده طوااااااااالي بيمشي لي سريو
للدرجة دي تلفزيون السودان والمذيعين فيهو مرعبين؟؟؟؟؟؟

[دلع]

يا شباب اسالوا اي واحد مغترب وقولو ليه القناة السودانية فى جهاذك رقم كم اكيد ومن غير شك رقم واحد (1)

كلامك في مية مية

[batota]

صح انو مراات كتيرة بنشوف حااجاات ما بتعجبناا في قنااة السوداان لاااكين والله ع الاقل في حااجة بتزكرناا بالسوداان وبتربطنا بيهو حتى لو ماا كاانت بالمستوى المطلوب..

والله يا بت الشيخ كفيتي و وفيتي يا عسل..

[eisi]

يا شباب اسالوا اي واحد مغترب وقولو ليه القناة السودانية فى جهاذك رقم كم اكيد ومن غير شك رقم واحد

(


لا أنا عندي رقم صفر دليل على مكانهة الحقيقة عندنا

عمومًا أنا برأي إنها قناه تجيب العصبي والضغط والسكري

الفرحان تعكر فرحتوا
والزعلان تخليو ينتحر من الزهج والسخف



موووووجع لكن الحقيقة ما تزعلش

الصراحة راحة يا سيدي:D :D :D

[عسولة وبس]

مشكورييييييييييييييين على ردودكم الحلوة
وبصراحة السودان في التلفزون تبعنا في رقم 400

[ahmed1994]

قناة محرجة مخيبة للآمال تجيب طمام البطن

ألوان تجيب العصبي برامج تقتل من الملل وعدم الموضوعية

حتى الموسيقى التصويرية دي بتكون بايخة

المحطات التانية عندها زهاء في الألوان لكن في السودانية ده ما موجود بمعنى الكلمة

حتى الدعايات دي بتكون متخلفة يا عن عصير تانغ يا عن مسرحية أبيخ منها مافي

والله بي صراحة لو قعدنا نعد في عيوب القناة السودانية المنتدى ده حيتملي !!!

مقدمين بايخين البرنامج يجيبو في أكتر وقت غير مناسب أفلام أجنبية من العصر الحجري

ما لها أي معنى...إلخ



لكن رغم كل هذا فهي قناة وطننا الحبيب ولا تخلو مرات أحينا بالصدفة العجيبة من

بعض البرامج المثمرة (مسلسل عثمان دقنة مثلا)

والله نتمنى ليها النجاح والتقدم

[منوفلي دوت كوم]

والله مانظلم القناة في بعض البرامج الجميله زي
كل الجمال بنامج جميل جدا
اسماء في حياتنا روعه
ونبع المعارف
والبنامج الجديد البيت السعيد يتناول مواضيع عديده ومفيده
تلفزيون السودان في البرامج ماعندو اي مشكله لكن المشكله في الاعمال السنمائيه
يعني بدل ما يجيبو فلم اجنبي يجيبو المسرحيات العفنت في السنما يعرضوها في التلفزيون
زي الكسكتهوعنبر المجانبن نشوف دعايتها بس لو عاوزين الافلام الاجنبيه كان مشينا الmbc2
بس نقول ربنا يهديهم

[Sudani_w]

والله صراحه انا في التلفزيون حقي قناة السودان قم 166 نادر ما افتحا

لاكين ناس البيت خاتينها رقم واحد



وهم زي ماقلتو عندهم عيوب بالكوم والردوم لاكين فعلا فيها حاجات بتزكر بالسودان
لاكين مشكلتم انهم عندهم حاجات بايخه بمنعى الكلمه

الناس وصلو لتقنية HDMI اللي هي High Difinition Multimeadia Interface يعني قناة السودان جمب التقنية دي ابيض واسود
وهسي اغلب القنوات العربيه حولت للتقنيه الجديده دي ناس السودان محلك سر من زمن حفرو البحر وبعد فتره تلفزيون السودان حيرجع ابيض واسود



فنونه قصة عمك الحكاها ليك انا سمعتها برضو ...قالو حصلت في جده (مره مصريه شفعا بخافو من قناة السودان ..........انت سمعت انها حصلت وين ؟

[عسولة وبس]

اولا احب اشكركم على ردودكم الحلوة وعلى تواصلكم وبعتذر على عدم ردي لاني كنت مشغولة كان عندي امتحانات واحب اشكر المشرف العام لانه ثبت لي موضوعي ومشكورييييييييييييييييين مرة ثانية واحب اشوف ردودكم الحلوة على موضوعي

[SNGAM]

انا اختلف كثيرا مما طرحة الاخوة من تباين الاراء ولكن انا بوجة نظرى ارى انها تلعب دور فى ابراز الهوية السودانية وهى من القنوات الاوائل بالمنطقة وكوادر مؤهلة وان هناك قصور وهى نتاج الوضع العام للسودان رغم ذلك فى قناة محافظة اخلاقيا وتعرض البرامج التى تفيد اما الذين لم يعجبهم القناة لا ادرى ماذا يريدون اكيد يردون تقليد الاخرون الذين لاهوية لهم وان كان يردون الهوية السودانية فهى كذلك وشكرا لطرحكم

SNGAM

[SNGAM]

للاخت سودانية صريحة اكيد ليس لك انتماء واذا كان هذا رايك فى قناة بلدك اكيد هناك خلل فى التركيبة الاجتماعية ارجو اعادة النظر فى امور قد تفيدك ومن ينكر على وطنة ليس لة كرامة ونسأل الله الهداية وشكرا على رائيك واكيد فى كتير من امثالك


SNGAM